تغطيتي لأوروبا الساحره 2013 (النمسا وسويسرا) منذ النداء الأخير لإقلاع الطائرة حتى welcome back 2 Dubai ( تصويري )

حلوه الصور ماشاءالله

شجعتني انا بعد انزل تقرير عن رحلتنا...

السنه الجو حر...ما شفت المطر غير يومين...ما سرت هايدي لانه عيالنا ما يعرفونها وبس بنتعب عمارنا بالمشي

استانست انا ع انترلاكن....يلسنا نحن بعد خمس ليالي فيها.....عيبتني صور مونترو...والقريه اللي تميتوا ليله فيها

الحالم...ترى ميونخ اقرب ع زيلامسي وربعها....

مشكور ع التقرير

اقتباس:

---

المشاركة الأصلية كتبت بواسطة وادي الخليج

تغطية رائعة وصور جميلة جداااااا

---

اقتباس:

---

المشاركة الأصلية كتبت بواسطة وادي الخليج

تسلم بوعبد الله وماقصرت

---

تواجدك أروع عزيزي .. شكرا ع المتابعة

اقتباس:

---

المشاركة الأصلية كتبت بواسطة نبض انسان

شكرا بوعبدالله على التغطيه الحلوه للمطقه وين اغراضنا ماذكرتنا بشي اشوف لا جبن ولا كاكاوات

---

العفو اختي .. اشكرج على متابعتج للتقرير ..

بخصوص الاغراض :sm288: >> بشو نعتذر الحين هههه
والله ي اختي انا ضد اللي يسافر سياحه واييب هدايا ههههههههه >> لا ماتنفع ..

بصراحه وجهة نظري انه اوروبا مافيها غير ملابس وعطور والككاوات في بلجيكا
هني ماعندهم غير كندررر ونوتلا :sm115:

اقتباس:

---

المشاركة الأصلية كتبت بواسطة الحالم

يعطيك العافية يا بـوعبــــداللّـــــــه على هالتغطية ,,

---

اقتباس:

---

المشاركة الأصلية كتبت بواسطة الحالم

الله يعافيك يا سيدي ..
فعلاً قرى ريفية وايد حلوة وحياة القرى بسيطة وكل واحد مرتب بيته الخشبي بالورود والأقزام السبعة,
في هناك قرى حلوة مثل راندا على طريق بلدة زيرمات في الجنوب و قرية انجلبيرج تحت جبل تيتلس طبعاً في سويسرا,,
مخطط رحلتي كان بعيد عن زيمارت وحبيت استبدلها بقرى وبلدات أجمل منها في نظري وغير مشهوره عند العرب
وبعدين خذتها قاعده كل بلدات وقرى النمسا نفس الشي :sm136:
وإللي مايحب مسلسل هايدي مايغامر ويسير هايدي لاند لأن يحتاج إلى مشي وخاصة عندك أطفال وإذا الزوجة مب مال مشي
طبعععععععا وبعدين اطفال اليوم مايعرفون هايدي فاتحس ما راح يستانسون عليها .. وحنا قلنا بما انها في طريجنا بنمر عليها
وكان الجو جدا حار ومشمس على حظنا .. تجربة لن تتكرر ولا انصح أحد بها بتاتا
وشمس أوروبا فعلاً حارقة ولكن زين أن جوّهم مغيّم في معظم الأحيان ومثل ماقلت أن تلفريك غالي ,,
الجماعه يتفركون بواقي الشمس وحنا اونه عادي لين تصلخنا واحترقنا :sm161:
لولا طبيعتهم الخلابة وجوّهم الرائع ماكان حد يسافر أوروبا لأنها غالية نوعاً ما ,,
خلنا نقول اوروبا بشكل عام يمكن تكون غاليه ولكن مقارنة بالنمسا وألمانيا فهما افضل دولتين في اوروبا صالحه للسياحه من حيث المعيشه والأكل وحتى الاماكن السياحه اسعارها معقولة وكذلك تأجير السيارة
الأجانب يصورون عندنا سوق الجمعة بمسافي و سوق المركزي بالشارقة ونحن نسير نصوّر البيوت
والوجبات و كابينة تلفون الحمراء في لندن ونصوّر القوارب لأني يوم سرت صوّرت البجع والأكواخ
مع أن عندنا حدائق فيها بجع ولقلق ولكن صور أوروبا تبقى ذكريات للأولاد والأحفاد ولكن خوفي يوم يطالعون هالصور
يحسون أنهم ردوا إلى عصر جالكسي وأيفون لأن مستقبلاً مايحتاج حد يطالع صور ورقية لأنك بتطالع صور بالليزر على الجدار,,
فعلا:sm136:
على الأقل في أوروبا ماحد يستغلك وماينظرون لك أنك كنز متنّقل نفس الدول العربية يستغلون الخليجي أبشع إستغلال من المطعم والمحلات والأماكن السياحية و حتى سائق تاكسي يستغلك لين ماتكره حياتك وتكره بلدهم بمن فيها ,,
طبعا الاسعار موحده للسائح ولأهل البلد وبعدين ترى الغالب ماخذ فكرة انه اوروبا غاليه .. وهي تقريبا تعادل دبي
لكن مادري ليش كلهم يسافرون عن طريق ميونخ هل إيجار سيارة أرخص أو لأن تأشيرة ألمانيا أسهل ؟؟
ربي يسلمك تعتبر ميونخ أو خلنا نقول ألمانيا في منتصف اوروبا ولها حدود مع النمسا وسويسرا وفرنسا والجيك وتقدر تخلي ميونخ أو ألمانيا نقطة تنقلك من مكان لأخر كونها في المنتصف وتجاورها اغلب دول اوروبا .. والشي الثاني اللي حاي يأجر سيارة في ألمانيا أرخص دولة اوروبيه للتأجير

---

ختاما أشكرك على مداخلتك ولمتابعتك عزيزي ..

اقتباس:

---

المشاركة الأصلية كتبت بواسطة اماراتي وافتخر 40

حلوه الصور ماشاءالله

---

اقتباس:

---

المشاركة الأصلية كتبت بواسطة اماراتي وافتخر 40

شجعتني انا بعد انزل تقرير عن رحلتنا...

السنه الجو حر...ما شفت المطر غير يومين...ما سرت هايدي لانه عيالنا ما يعرفونها وبس بنتعب عمارنا بالمشي

استانست انا ع انترلاكن....يلسنا نحن بعد خمس ليالي فيها.....عيبتني صور مونترو...والقريه اللي تميتوا ليله فيها

الحالم...ترى ميونخ اقرب ع زيلامسي وربعها....

مشكور ع التقرير

---

شكرا لك على متابعتك اخويه ..
يالله نتريا منك تقريرك اللي راح يغطي على تقريري ..
نعم السنه ما شاء الله الجو كان في أغلب الاحيانا مشمس ولكن فليل يكون بارد ..
زين ريحتوا عماركم ماسرتو هايدي لأنها لاتستحق نهائيا

انترلاكن جميله وهادئه ولكن ... ابدا لاتستحق الجلوس فيها اكثر من ليلتين .. أولا مافيها شي في نظري يستحق الجلوس أكثر غير البحريه وكم بلدة قريبه منها وبعض الشلالات والبحيرات خصوصا انه نهارهم طويل
والشي الثاني انترلاكن جدا غاليه من حيث الفنادق والاكل


يعطيك العافيه :sm136:

ماشاء الله
والحمد الله على سلامة وصولكم
بصراحه وااااايد حلوه المناظر فيها جميله جدا والاجانب حياتهم كلها مشي وهذا الشيء رائع جدا وكله فالاجواء يتمشون ..
وان شاء الله عن جريب انا بروح المانيا ويا الاهل للعلاج ...
ونغير جو تذكرت سفرتنا لتركيا السنه الماضيه استمتعنا فيها رغم انه السفره كانت قصيره 7 ايام
بس انت ماشاء الله عليك كل ما تسافر اتمتعنا بسفرك اتصور لنا هالمناظر الحلوه ....
شكرا لك نت القلب على هذه الصور الاكثر من رائعه ...

مشكور

مشكووووووووووووووووورررررررررررررررررررر

سانك يو

لك الشكر