بصراحة بيتنا على الشارع وكل يوم ازعااااااااااااااج عيالنا مايقدرونا يرقدون حتى في الليل يظهرون فجئة يخرعونا شوي بيهدون اليدار
عرض للطباعة
بصراحة بيتنا على الشارع وكل يوم ازعااااااااااااااج عيالنا مايقدرونا يرقدون حتى في الليل يظهرون فجئة يخرعونا شوي بيهدون اليدار
الصراحة وبدون زعل كلامـــــــــــــــــــــــــــــــــــــــي ورائي يفرق عنكم..
هاي صارت هوايه عند الشباب..مثل ما للواحد صار يهوى كرة القدم ولا السباحة ولا الرسم...وغيرها من الهوايات..
يعني هذا الي بيشخط مستحيل ماتكون له متعة وهو يمارس هوايه هو حابنها..
وليش سموه غلط دام أن هالشي ترعاه بلادنا بحلبات وسباقات..وغير بلادنا وبيب لكم أكبر مثال لدولة (اليابان) حياتهم متعلقة بشي
أسمة (سيارة) ويمارسون السباقات والتفحيط وابراز بعض المهارات في القيادة..
بتقولون لي خطر.. اصلا اي انسان معرض للخطر حتى لو كان يمشي سيدة..وما اظن هاي الظهارة او الهواية الي بس معرضة للخطر..
عندكم (السباحة أي شخص معرض للغرق)
(كرة القدم أي شخص معرض للكسر)
(تسلق الجبال أي شخص معرض للسقوط والموت)
وغير هالاشياء..
الانسان معرض للخطأ ولو كانت لدية الخبرة الكافية في الهواية..
وبالنسبة لهاي الهواية المفرض ان يكون في مكان مخصص لها لتجنبها في الشوارع..
وسبق وتكلمنا لو كانت في حلبة أو مساحة بالساحل مكان بعيد عن المناطق السكنية..
صح عوافي موجودة..بس يعني مثلا الحين واحد حط براسة بيشخط يصك درب لعوافي..أكيد بيروح لاقرب مكان يقدر يمارس فيه هالشي..
ولا تلمون الشباب لو لجأو لها الاشياء من الملل والبطالة الي صايرة في واقعنا..
وهذا الي عندي والسموحة منكم..
لي رجعة أن شاء الله
أخوكمــــ : عالي الشان
مرحبا اخوياقتباس:
المشاركة الأصلية كتبت بواسطة عالي الشان
اخوي الدوله ما قالت خمسو جدام المدار و المعيد و الاماكن المسكونه
واذا انت ما تعتبره غلط
خلاص و لا يهمك انا كل يوم بيي جدام بيتكم و بخمس و بوسخ شارعكم بالدخان و غيره
ما اعتقد انك بتزعل مني صح لأنها هوايه
اخوي فكر قبل عن ترد لأن صدقني اذا اي احد خمس جدام بيتكم انت بنفسك ما بترضاها
والسموحه
أخوي أظن أني قلت
وبالنسبة لهاي الهواية المفرض ان يكون في مكان مخصص لها لتجنبها في الشوارع..
وسبق وتكلمنا لو كانت في حلبة أو مساحة بالساحل مكان بعيد عن المناطق السكنية..
وأنا مفكر وعارف كلامي قبل لا أرمس..واذا الا عن سالفة التفحيط صار مزعج بشوراع الرمس من قبل الشباب..
ليش الناس اهتمت لها الظاهرة ليش ماحاسبوا أنهم هادين الحيوانات السائبة بالرمس هاي مب مزعجة بالشوارع وبين المناطق السكنية..
ولا بس جيل الشباب كل شي يسوية غلط..وهذا الي عندي..
والسموحة
وين ردك أخوي رسولــ المحبهــ ..!!
ولا ماعندك كلام تقولة..
؟؟؟؟
http://www4.0zz0.com/2007/11/14/15/91564252.gif
هيه والله هالموضوع واآيد مهم ..
كم وكم خسرناآ أرواح بسبة التفحيط ..
وين عقووولهم هالشباآب .. !
يعني والله أهلهم مالهم ذنب عسب يلعبون بأعصاآبهم جي..
شو بنقوووول غير الله يهديهم ..
وبحطون عقلهم برآسهم ..
يسلمـــــــــــو ..
http://www4.0zz0.com/2007/11/14/15/45777982.gif
المصيبه إن أصحاب القرار (الشرطه) وهم مدنيين يشوفون هذي المصخره لكنهم ساكتين وما يبغون يتعبوا نفسهم في التنصت على هؤلاء وتسجيل أرقامهم ............................................................ ..
لكن أتمنى من القياده العامه للشرطه من زيادة دورياتها في هلمنطقه حتى ولو بالسيارات المدنيه حتى يعرف الشباب أن هناك فعلا يوجد قانون يراقبهم في كل لحظه ...
وتسلمون على هذا الموضوع
الله يهديهم هاذين الشباب .....
سو ارشادات او قولو الي بشخط غرامة او مخالفة .....
والله مصختونها حشرة بتخبل ...
اعلان ........ اقدر ادخل عدد 2 اثنان من الشباب العاطلين فى مدرسة الشرطه لدورة المستجدين القادمه اللي تبدا 5/3/2008 تقريبا فاللي حاب او عنده احد يبغي يدخله مدرسة الشرطة بالشارقه يراسلني على ايميلي ويكتب اسمه ونوع الشهادة اللي عنده وطوله بس هذا اللي ابغيه ورجاءا اتمني يكون اخر موعد يوم الثلاثاء الياي يعني بعد يومين وشكرا
ايميلي alhagag2002@yahoo.com
ولا ينسي رقم تلفونه رجاءا لو امكن
شكرا