عرض للطباعة
اختي تبين الشور خذي سوني الفا احسن لج قولي ليش عسب فيها اللغة العربية وتروني تفهمين اشياء وايد فيها والكانون معقدة من وجهة نظري يمكن هي افضل من سوني بس يعني اجوف السوني اسهل بوايد
وهذيج اللي خبرتج عنها فنانة
وكله بتحصلينه بكارفور والسوني بجامبو وكارفور
وشكرا
اولا السلام عليكم
بالنسبه لكاميرا كانون 450D شبه احترافيه وقديمه قليلا صار لها سنه ونص او سنتين على نزولها
لكن نتايجها ممتازه وإلى الآن يوضع لها مقارنه مع الكاميرات الاحترافيه العملاقه
ان كنتي مبتدئه توكلي على
كانون 450D
ولو تبين نيكون
D90
ملاحظه الكاميرات الشبه احترافيه والاحترافيه تحتاج لعدسات مختلفه لكل منظر معين
النيكون عدساته غاليه مقارنة بالكانون وتعتبر كاميرات النيكون للاستخدام الرياضي اكثر عن الطبيعي
خاصة في كاميرات الكروب ويوجد انواع منها يسمى الفل فريم لتصوير الطبيعه .. انا كاميرتي نيكون
ابتديت في نيكون D40X سعرها بحدود ال 3700 درهم مع عدستين ( عدسة 18+55 وعدسة 70+300 الزوم)
والحين عندي نيكون D300x سعرها بحدود الـ 10 الاف درهم عند الوكيل وعندي مجموعة عدسات وفلاش وامور اخرها يصل
سعرها لـ 25 الف درهم يعني المجموع الكلي 35 الف ويوجد عدسات لوحدها يصل سعرها لـ 52 الف اغلى عن مجموع عدتي بالكامل
الميزانيه مهمه .. حددي ميزانيتج وننصحج في الكاميرا والعدسات المناسبه لاستخدامات متعدده
بالتوفيق