ما الذي يقصده محمد سعيد حارب من حلقة (هيه يا بلادي) في مسلسل فريج؟؟؟!!!!

ع سالفة رآس الخيمة ، الموضوع خذ أكبر من حجمه ،


و زيـن منه سمع كلآمكم و عطآكم ويه ،

و سالفة البطآريق تفس الشي جداً عآديه و مآ فيهآ أي تعدي ع الدينْ ، !!

كآنت مجرد دعآبه ع السريع ،

ليش زعلآنين و تبون اتسوون من الحبه قبه و طآيحين انتقآد بالريـآل ؟ :/

السلام وعليكم ورحمة الله وبركاته
يا جمااااعه .. الاخت ام محمد ما طرت امارة راس الخيمة خير شر ... اللي تكلمت عنه انتقاد الاخ محمد سعيد حارب للبس المراه بصفه عامه ، وانتوا و رايكم .. المسأله مب مسأله تهجم ،، طرح آراء ونقاش لا غير..
ودمتم سالميـــن

بسم الله الرحمن الرحيم

اول شي احب اشكر الاخت ام محمد ع طرحها للموضوع ها ولو اني هب من المتابعين للسخافه وضياع الوقت مثل مسلسل فريج او شي غير هادف .

واللي يمس المرأه المسلمه لو بمزح هذا اسمحولي يخسي يكون واحد من أمه محمد عليه الف الصلاه والسلام .. وانا احب اوجه كلام للي مسوي هالمسلسل اللي ماله معنى ومااتشرف اذكر اسمه على ايدي ..

واذا هو قوي على الاسلام والمسلمين ولو بقصد المزح يراوينا قوته على اعداء الله جان فيه خير هب بس يستقوى على شي الله شرفه وحفظ فيه المراه المسلمه ..

ولو انا واعوذ بالله من كلمه انا ماخليته جي بقاضيه اكبر قضيه بس عقابه عند الله سبحانه وتعالى وحسبي الله ونعم الوكيل عليه .. ولو هب عايبنه ستر الحرمه بالعباءه وبيلس يطنز عليهن من ورا هالمسلسل التافه اللي مسونه ..

> > يطلع برررررررع الدوله وخله يسيير عند اهل العري اللي هب محتشمات <<

وهذا حكم الله سبحانه ع اللي بس يغلط ع شريعته

من يستهزئ بالمسلم أو المسلمة من أجل تمسكه بالشريعة الإسلامية فهو كافر سواء كان ذلك في احتجاب المسلمة احتجاباً شرعياً أم غيره لما رواه عبد الله بن عمر رضي الله عنهما قال رجل في غزوة تبوك في مجلس ما رأيت مثل قرائنا هؤلاء أرغب بطوناً ولا أكذب ألسناً ولا أجبن عند اللقاء ، فقال رجل : كذبت ولكنك منافق لأخبرن رسول الله صلى الله عليه وسلم ، فبلغ رسول الله صلى الله عليه وسلم ، ونزل القرآن فقال عبد الله بن عمر : وأنا رأيته متعلقاً بحقب ناقة رسول الله صلى الله عليه وسلم ، تنكبه الحجارة وهو يقول : ( أبالله وآياته ورسوله كنتم تستهزءون ، لا تعتذروا قد كفرتم بعد إيمانكم إن نعف عن طائفة منكم نعذب طائفة بأنهم كانوا مجرمين ) التوبة/65،66

فجعل استهزاءه بالمؤمنين استهزاء بالله وآياته ورسوله وبالله التوفيق .

وانا من نفسي اقوووووووووووول ... جهنــــــــــــــــــم ترع ــــــــــــــــــآه ...

السلام عليكم ورحمت الله
صح السانك بو راشد هالناس اللي تفهم

بسم الله الرحمن الرحيم

في البداية احب ان اشكر صاحبة الموضوع على هذا الطرح

ونفس ما يقولون الحشره مع الناس عيد

من وجهة نظري ان المسلسل لم يتعدى لا لإمارة راس الخيمه ولا لديننا الاسلامي

مسلسل كوميدي

شو تبونه يطلع معاناتنا مع شوارع الاماره او مع سوء تخطيط المدن او .....او ......او .....زالخ

يقولون مسلسل كوميدي مب دراما حزينه

اي شي في الامارة جميل ويستحق الذكر كمعلم من معالم الاماره شوفي حوله معاناة شعب راس الخيمه


شوفي الاغاني الوطنيه اللي فى دولتنا كل الامارات يبرزون الشي اللي فيها الا راس الخيمه يطلعون هالجسر اللي من سنة سكتو مبناي

لا حول ولا قوة الا بالله العلي العظيم

حتى الجزيره الحمرا نحن كمواطنين نشوفها ولكن مب لنا للاجانب

تسلمين الغلا ع الطرح

اقتباس:

---

المشاركة الأصلية كتبت بواسطة looonely_girl

بسم الله الرحمن الرحيم

اول شي احب اشكر الاخت ام محمد ع طرحها للموضوع ها ولو اني هب من المتابعين للسخافه وضياع الوقت مثل مسلسل فريج او شي غير هادف .

واللي يمس المرأه المسلمه لو بمزح هذا اسمحولي يخسي يكون واحد من أمه محمد عليه الف الصلاه والسلام .. وانا احب اوجه كلام للي مسوي هالمسلسل اللي ماله معنى ومااتشرف اذكر اسمه على ايدي ..

واذا هو قوي على الاسلام والمسلمين ولو بقصد المزح يراوينا قوته على اعداء الله جان فيه خير هب بس يستقوى على شي الله شرفه وحفظ فيه المراه المسلمه ..

ولو انا واعوذ بالله من كلمه انا ماخليته جي بقاضيه اكبر قضيه بس عقابه عند الله سبحانه وتعالى وحسبي الله ونعم الوكيل عليه .. ولو هب عايبنه ستر الحرمه بالعباءه وبيلس يطنز عليهن من ورا هالمسلسل التافه اللي مسونه ..

> > يطلع برررررررع الدوله وخله يسيير عند اهل العري اللي هب محتشمات <<

وهذا حكم الله سبحانه ع اللي بس يغلط ع شريعته

من يستهزئ بالمسلم أو المسلمة من أجل تمسكه بالشريعة الإسلامية فهو كافر سواء كان ذلك في احتجاب المسلمة احتجاباً شرعياً أم غيره لما رواه عبد الله بن عمر رضي الله عنهما قال رجل في غزوة تبوك في مجلس ما رأيت مثل قرائنا هؤلاء أرغب بطوناً ولا أكذب ألسناً ولا أجبن عند اللقاء ، فقال رجل : كذبت ولكنك منافق لأخبرن رسول الله صلى الله عليه وسلم ، فبلغ رسول الله صلى الله عليه وسلم ، ونزل القرآن فقال عبد الله بن عمر : وأنا رأيته متعلقاً بحقب ناقة رسول الله صلى الله عليه وسلم ، تنكبه الحجارة وهو يقول : ( أبالله وآياته ورسوله كنتم تستهزءون ، لا تعتذروا قد كفرتم بعد إيمانكم إن نعف عن طائفة منكم نعذب طائفة بأنهم كانوا مجرمين ) التوبة/65،66

فجعل استهزاءه بالمؤمنين استهزاء بالله وآياته ورسوله وبالله التوفيق .

وانا من نفسي اقوووووووووووول ... جهنــــــــــــــــــم ترع ــــــــــــــــــآه ...

---

ام محمد ســؤال واحد بسألج ايــاه ,,

الحينه انتي معصبه ومضايجه عشان كلمه بطريــق ,, من حق اي شخص يضايج ,, بيغار ع دينه طبعا ..

لكني بسألج سؤال ,,

انتي و الجماعه هذا مسلسل كرتوني ,, جذي اتفلسفتو و اشوي بتقتلون الريال ,,

ابي اعرف وين هالفلسفه عن المسلسلات الخليجيه ,, ؟؟!!!

زعلانه ع كلمه بطريق ,, اشكره المسلسـات الخليجه لا حيا و مستحى الحينه ,,
الممثل و يالممثله ايد بأيــد و احضان و اشوي تبويس .... الخ
ومب لازم اشــرح بـعد

زعلانه ع الحجــاب ,, اشكره بالمسلسات الخليجيه لا حجاب و لا هم يحزنون ,, بالعكس كل وحده فاجه شعرها


زعلانه ع اللبـــس ,, اشكره بالمسلسات الخليجه اشوي بيتفصخون ,, استغفر الله ,,


ابي اعرف هالكلام ليش ما ظهر على المسلسات الخليجيه لو صدق كانت عندكم غيره بالدين و العادات و التقاليد
ولا لان محمد حارب امارتي و تقدرون توصلونه بالسهوله

ع الاقل محمد احسـن عن غيره بوايد ,, غلط و اعتذر و ما كرر خطئه وماقصر ,,

بس غيره و غلط و تم يكرر الغلط ولين اليوم اتابعون مسلسلاتهم ,,


والله حاله

[align=center]السلام عليكم
حلو الواحد يكون طموح وينجح وينشهر بس لو كان هذا على حساب الدين والله انه عمل فاشل بمعنى الكلمه ..
toy stoyr والله اضحكتني التعليقات ... تقبلوا ودي واحترامي[/align]

اقتباس:

---

المشاركة الأصلية كتبت بواسطة بو راشد الطنيجي

السلام وعليكم ورحمة الله وبركاته
يا جمااااعه .. الاخت ام محمد ما طرت امارة راس الخيمة خير شر ... اللي تكلمت عنه انتقاد الاخ محمد سعيد حارب للبس المراه بصفه عامه ، وانتوا و رايكم .. المسأله مب مسأله تهجم ،، طرح آراء ونقاش لا غير..
ودمتم سالميـــن

---

الظاهر أخوى ماشفت الحلقة (هيه يابلادى)
اللى أحتجت أهالى رأس الخيمه وقدم أعتذاره
ورجع غير الصوره
ماشفت اليبل اللى فوقه عنزتين
يعنى متعمد القصد هذا حد الأمارة ومعالمها

اقتباس:

---

المشاركة الأصلية كتبت بواسطة غصن الورد

الظاهر أخوى ماشفت الحلقة (هيه يابلادى)
اللى أحتجت أهالى رأس الخيمه وقدم أعتذاره
ورجع غير الصوره
ماشفت اليبل اللى فوقه عنزتين
يعنى متعمد القصد هذا حد الأمارة ومعالمها

---

اختي الكريمه: اختي الكريمه .. كلامج صحيح ، انا ما شفت اي حلقه من حلقات هذا المسلسل بالأساس ،، الموضوع اصبح خارج المسلسل وخارج عن ذكر اي اماره ، الموضوع اصبح ( انتقاد الكاتب للبس المرأه الاماراتيه او الخليجيه بشكل عام )
يعني كأن الاخت ام محمد تقول : شو رايكم بكلام محمد سعيد حارب يوم شبه عباة المراه فوق الراس بالبطريق !!
بغض النظر عن المكان ، سواء براس الخيمه او غيرها ..
( سبحان الله وبحمده ، اشهد ان لا اله الا انت ، استغفرك واتوب اليك )

في اعتقادي جميع العضوات اللي دافعو عن الحلقه وطريقة تشبيه سعيد حارب لعباية المرأه بالبطريق

هم بالاساس لا يرتدون العباءه

اقتباس:

---

المشاركة الأصلية كتبت بواسطة .the special one

في اعتقادي جميع العضوات اللي دافعو عن الحلقه وطريقة تشبيه سعيد حارب لعباية المرأه بالبطريق

هم بالاساس لا يرتدون العباءه

---

أخوي حتى ولو ان الذي اراه حقدأ على هذا الرجل اخذ منحنى كبير من التشهير في المنتديات وهذا نحن ما نرضاه على ولد البلاد محمد واخير ما اقول الله يسامح صاحبة الموضوع اللي خلت مواضيع اكثر اهم من موضوع حلقة كرتون بغرض التشهير بالرجل

اي تشهير وما تشهير؟؟!!!

واي مسلسلات خليجية ترمسون عنها

هي نعم لأنه مواطن رمسنا

لأنه مسلسل فريج يمثل الامارات ويمثل عقلية شعب الامارات

وهالعقليات الداثرة نحن ما نباها فبلادنا

اذا بعض الدول الخليجية منها والعربية طرحت مثل هاي المواضيع تراها تمثل دولتها ما تمثلنا نحن

هي نعم بننقد على محمد

لأنه عيّب علباس امهاتنا وخواتنا الملتزمات

ومافيها شي اذا قلنا كلمة الحق ولو على اكبر راااس

يوم محمد نجح بلي قدمه ترانا مدحناه وشكرنافيه وفشغله ووايد ناس ارمسوا وقدموا الشكر والعرفان ورفعوا الرااس فيه ونال الجوايز الي يستحقها

بس يوم بيغلط لازم الواحد يوقفه عند حده

سواء محمد ولا غيره من الي يمثلوون دولتنا العزيزة

اقتباس:

---

المشاركة الأصلية كتبت بواسطة حمود الجسمي

ام محمد ســؤال واحد بسألج ايــاه ,,

الحينه انتي معصبه ومضايجه عشان كلمه بطريــق ,, من حق اي شخص يضايج ,, بيغار ع دينه طبعا ..

لكني بسألج سؤال ,,

انتي و الجماعه هذا مسلسل كرتوني ,, جذي اتفلسفتو و اشوي بتقتلون الريال ,,

ابي اعرف وين هالفلسفه عن المسلسلات الخليجيه ,, ؟؟!!!

زعلانه ع كلمه بطريق ,, اشكره المسلسـات الخليجه لا حيا و مستحى الحينه ,,
الممثل و يالممثله ايد بأيــد و احضان و اشوي تبويس .... الخ
ومب لازم اشــرح بـعد

زعلانه ع الحجــاب ,, اشكره بالمسلسات الخليجيه لا حجاب و لا هم يحزنون ,, بالعكس كل وحده فاجه شعرها


زعلانه ع اللبـــس ,, اشكره بالمسلسات الخليجه اشوي بيتفصخون ,, استغفر الله ,,


ابي اعرف هالكلام ليش ما ظهر على المسلسات الخليجيه لو صدق كانت عندكم غيره بالدين و العادات و التقاليد
ولا لان محمد حارب امارتي و تقدرون توصلونه بالسهوله

ع الاقل محمد احسـن عن غيره بوايد ,, غلط و اعتذر و ما كرر خطئه وماقصر ,,

بس غيره و غلط و تم يكرر الغلط ولين اليوم اتابعون مسلسلاتهم ,,


والله حاله

---

لو ما عطيتنا رايك وايد احسن واكتفيت بالسكوت نحن ما ايخصنا شو مثلو دول الخليج علينا ببلادنا وما نتمنى ايمسها اي تعليق او ضرر والحمدلله بلادنا غنيه عن هالاشكال وكلمة بطاريق ما اظن بترضاها عاى حد من اهلك وشرف النا يوم امهاتنا يلبسون هالعبي حشيمات مب اي هو وايعلق وايشبهنا بالبطاريق بس انا اقول قلة وازع ديني ابصراحه ولا تنسى انه لو مب كان غلطان في هالحلقه جان ما اعتذر وغيرها وياريت مره ثانية ينتبه يوم بيعرض مثل هالمسلسلات التافهه حتى اليهال والله الحين ملو ايشوفونه واللي على قولتك مب محتشمات نحن ما ايخصنا فيهم كل وحده وتربيتها بس هو هني علق على طريقة لبس العبي وما اظن هاييلا اصلا من دول الخليج اصل وفصل والكل عارف هالشي (وام محمد تسلم يمناج على هالكتابات اللي كفيتي ووفيتي فيها ما شاء الله ربي ايحفظج وعقبال ما تتفتح عقول بعض الناس في مثل هالمواضيع)

المشكله انكم تستنكرون و تطالبون و مدري ويش ولحد مسوي لكم سالفه ههههههههههه قلت سابقا اذا عندكم شي ابواب المحاكم مفتوحه وما له داعي هالهذربان اللي ما يحرك شعره من الاخ محمد سعيد روحو اكلو عيش ابرك لكم وجابلو حياتكم واموركم الشخصيه والذي اراه في محالة الهجوم هذه هي قفزة القط الميت :sm167: ويا اخوان اكرر ناقشو امور اخرى افضل لكم لانكم لن تستطيعون فعل شي :sm122:

اقتباس:

---

المشاركة الأصلية كتبت بواسطة .the special one

في اعتقادي جميع العضوات اللي دافعو عن الحلقه وطريقة تشبيه سعيد حارب لعباية المرأه بالبطريق

هم بالاساس لا يرتدون العباءه

---

والله بس احلف انت ... ع كيفك

اتمنى انكم تسكروا الموضوع احسن لانه بدينا نغلط ...

والله مدري بانه الدفاع عن غلظه المخرج الغير مقصوده خلتنا مانلبس العباءة ... الله يهدي ...

شورايكم نناقش عن المظاهرات التي تستوي في البعض الدول ؟؟؟ والناس تموت من اجل تعديل نظام الدوله ...

شورايكم نناقش عن المجاعه الي في الصومال والقرن الافريقي الناس ما تطلب غير الاكل والشرب والعلاج مب احسن ...؟؟؟

شورايكم نناقش عن الظلم والمآسي الي تستوي في بعض البلدان المسلمه مب احسن ...؟؟؟؟

شو رايكم نناقش عن الظلم بعض الدول الاجنبيه تطلب من النساء المسلمات بخلع الحجاب ...

في حد بيناقش؟؟ ... بس كلمه بطريق في رسوم كرتوني ... كبرتو السالفه لحد التغليط ...

اقتباس:

---

المشاركة الأصلية كتبت بواسطة arab1

المشكله انكم تستنكرون و تطالبون و مدري ويش ولحد مسوي لكم سالفه ههههههههههه قلت سابقا اذا عندكم شي ابواب المحاكم مفتوحه وما له داعي هالهذربان اللي ما يحرك شعره من الاخ محمد سعيد روحو اكلو عيش ابرك لكم وجابلو حياتكم واموركم الشخصيه والذي اراه في محالة الهجوم هذه هي قفزة القط الميت :sm167: ويا اخوان اكرر ناقشو امور اخرى افضل لكم لانكم لن تستطيعون فعل شي :sm122:

---

الله يهديك اي محاكم واي خرابيط انا اتمنى من اللي ما ايعرف ايرد وما عنده رد ولا اسلوب بالكتابه لا يكتب ولو هو ما اتهزه شعره جان ما اعتذر وغير الحلقه واذا فيه موضوع غيره يستاهل النقاش بناقشه ليش لأ وموضوع ام محمد وااايد مهم بالنسبه النا نحن وعاى فكره كل سنه هالمسلسل الكرتوني اتفه عن السنه اللي قبلها ولو ايوقف انتاجه وايد احسن له

هالمسلسل سخيف بمعنى الكلمة , ولوعوا بجبدنا وياه , وتقييمي له صفر عالشمال
وحلقة السنه الماضيه ام خماس اتقول ان الحج اربع مرات في السنه , وتقدرون تتاكدون
ومن يومها وانا ما اطالع هالمسلسل السخيف , اللي يخرب عقول عيالنا ويبعدهم عن تعاليم الشرع والدين
وانت يامحمد سعيد حارب يوم ما اتعرف شي عن الدين والشرع انطب واسكت , لا اتحلل واتحرم على كيفك
واذا تبغي الشهرة , سير دورها بعيد عن استهزاءك بالدين
وراس الخيمة تاج راسك غصبا عنك , واتمنى هالمسلسل مايعرضونه السنه اليايه
لانه في قمة السخافة

السلام عليكم......!
اختي ام محمد الله يوفقج ويقويج
ومشكوووووووووره عالطرح لو انتي رامسه
عن الماركات وعن اخر الصيحات والموديلات
وعن المكياج وعن الصالونات ومأيده الموضه وهالخرابيط
جان انتي الحينه فوق الراس والكل يشكرج ويأيدج
بس للاسف الناس ما تحب الحق وهاي من علامات الساعة
يا اختي الكريمه والسمووووووووحه...!
ـــــــــــــــــــــــــــــــــــــــــــــــــــــــــ
راح ذاك الزمــــــــــــــــان بناسه
وجانا هذا الزمــــــــــــــان بفاسه
وكل من تكلم بالحق كسروا رأسه

السلام عليكم......!
اشكرج اختي ام محمد علي طرح الموضوع والله يوفقج ويقويج
بس لو اختي الفاضله انتي رامسه عن الموضه وعن الماركات وعن
اخر الصيحات وهالخرابيط جان الكل شكرج وأيدج بس الناس ما
تحب تسمع الانتقاد ولا تحب تسمع كلمة الحق
وهاي من علامات الساعة ياختي الكريمة والي الامام
والله يحفظج ويحفظ اخواتنا وامهاتنا!!!!
العبايةهوية امهاتنا وما نرضا حد
يغلط ولا يعلق علي هوية امهاتنا
والسمووووحه ع الاطاله...!
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
راح ذاك الزمــــــــــــــــــان بناسه
وجانا هذا لزمــــــــــــــــان بفاسه
وكل من تكلم بالحق كسروا رأسه