هذا ما خلفته المسيرة ليلة البارحه على كورنيش القواسم

اقتباس:

---

المشاركة الأصلية كتبت بواسطة العتيبي

أعتقد الامر عادي

لانه في اي احتفال .. من زفاف و غيره من الاحتفالات و حتى لو كان في البيت

بعد الحفل تعم الفوضى و لا اعتقد ان هنالك حفل بدون مخلفات و بقايا الاحتفال

و اعتقد ان الامر ليس بالصعب ان يتم ازالة هذه المخلفات بعد يوم او يومين .

و السموحه

العتيبي

---

أما أنا فأخالفك الرأي

أترك المكان أفضل مما كان
أعتقد قمة التناقض أني أخرج في مسرة وطنية بإسم الدولة وررح الاتحاد
ثم أترك المكان والشارع العام والتي هي ممتلكات خاصة للدولة بهذه الصورة

ارحموا عمال البلدية المساكين
كونوا على الأقل وطنيين بكل ما تعنيه الكلمة من معنى


أما الدق والرقص مثل النساء ورمي الفضلات في الشوارع فهذه أبدًا لم تكن لا من شيم الرجال ولا من الوطنية



مع احترامي

الصراحه ، اللي سااير مسيرة يسيرون وينظفون الشــآرع ..
اوكي إذا عمال النظافة بينظفون بس حليلهم كم ينظفون من الشوارع ( ارحموا من في الأرض يرحمكم من في السماء ) ..

ممم او قبببل مسسيرة يسوونه ع الأقل يكتبون ارجو الحفاظ ع نظافة الشوارع او اي شي . بس ما يوصخون شواارع إمارتنا

تخيلوا إذا حد مر ف شوارع رأس الخيمة ( بلاد ثانية ) شو بيكون سمعتنا ف إمارة رآآك .. مب نظيفين ............وألخ من هالكلام الصراحه مب حلوه


:)

منظر تعودنا على رؤيته في كل عام

الحمدلله اني لا اشارك في مثل هذا الخربطان او اللوية

العقل زينة عند البعض!!!!!

الحمدلله والشكر..

اقتباس:

---

المشاركة الأصلية كتبت بواسطة قطرة من الأمل

أما أنا فأخالفك الرأي

أترك المكان أفضل مما كان
أعتقد قمة التناقض أني أخرج في مسرة وطنية بإسم الدولة وررح الاتحاد
ثم أترك المكان والشارع العام والتي هي ممتلكات خاصة للدولة بهذه الصورة

ارحموا عمال البلدية المساكين
كونوا على الأقل وطنيين بكل ما تعنيه الكلمة من معنى

أما الدق والرقص مثل النساء ورمي الفضلات في الشوارع فهذه أبدًا لم تكن لا من شيم الرجال ولا من الوطنية

مع احترامي

---

سلامي عليج ..

عيشي بلادي

يستآنسوا يحتفلوا يسووا اللي يسوونه بالإحتفاال بس مو يوصخووووووووون


المواطنين يوصخون والعمآال من ورآهم ينظفوون ..... يحليلهم والله =(

يزآهم الله ألف خير ........

عاااااااااااادي الي يقول عااادي هذا لانه ما عنده حس المسؤوليه ولا انه بيوم اعتمد على نفسه امبين من كلامك قالك حتى بالبيت لانه الخدامه من عقبكم بتنظف اقول للي قاعد يقول عاااادي جرب مره وحده احتفل ووسخ وبعدين انت الي تنظف شوف وحس بالتعب يا ام العادي

والله ناس غريبه

الله المستعان

شو هالوصــــــــــآخه .. ؟

إذا كل واحد مرتاح من هالمنظر ليش مايخلي بيته بهالمنظر للزوار اللي بيوونه للبيت .. اذا كااااااان هالشي عادي عنده .؟

بصراحه انا ارفض اني أشــــــوف هالمنظر البشــع بإمارتنا نحن نباها تتعدل هب تتوصخ ونرجع للورا

الشرهه هب عليكم على اللي مخلنكم تسوون احتفالات وتوصخون على كيف ماتبوون

انا ضد المسيرات اللي تخلي المكان يعم بالفوضى والاوصاخ المنتشره

والسموحه

بصراحة منظر ما يسر الخاطر

و يدل على عدم حضاارتنا اسموووووووووووووحة

احين انا اوسخ بييدي و ما انظف لا و اعتمد على غيري

البعض بيقول عيل شو فايدة عمال النظافة ؟
نحن مب بكل شي بنعتمد على عمال النظافة على الاقل بنساعدهم شوي لان شغلتهم هب شوية و روحة الراتب الله يعينهم.

الي ابا اقوله بس لو يمنعون ها الرش و هاي الاوراق الي توسخ شوارعناا و الاماكن العامة ...

و اي شي انسويه لازم انكون مسؤولين عته .

و السمووووووووووووووووووووووحة يا الربـــــع

ليس اتساخ الشوارع مبررا لانتقاد الشباب والتلميح بانه ضد حب الوطن

خلني أسوي جو ,,أو أسوي زحمة والشارع فاضي,, نبدأ ,,

إللي يقول :حرام والله العمال يشتغلون ,أقول
ليش يوم تطلبون غرشة بيبسي من البقالة
في الصيف يعني ماعندكم رحمة ,مسكين
,الهندي يضرب خط عسب درهم ونص,,
ويوم تيون عند مطعم وراعي المطعم مشغول وأنتوا ماتشلون إيديكم عن الهرن
وإللي يقول أنا ماأحب أوسخ المكان,,عيل منوه يترك الأوساخ
في البر أو حواليّ شارع الإمارات والحين مازالوا يالسين لأن باجر إجازة ,,
يعني معقولة تشل كل ورقة وكل قوطي وكل فحم,,أضعف الإيمان تدفن لك كم قوطي
ولا بس كلام المنتديات نفس كلام الجرايد,,وخاصةً المدخنين إذا جلسوا مكان
عكروا الجو ووسخوا المكان ورمدوا وراحوا
(الله يعيني من الإنتقادات)
وإللي يقول أو تقول بيتي نظيف وماأعتمد على الخدم (علينا )
مسيرة وعدّت وخلاص ,,وإللي إستمتع,,إستمتع ,,
وإللي إنضرب,,إنضرب,,وإللي إنرش ,,إنرش
وإللي كان له مآرب أُخرى ,مادري حصّل أو لا
وإللي تلفت الأنظار ويوم يرشونها ,,تصيح وتقول رشوني,,
مع أنّ في تطور إسمه إقفال البيبان والجامات,إذا الوضع غير مطمئن,,والسموحة,
نلتقي 2 ديسمبر 2012 ,,ودمتم سالمين ,,

الله المستعان عالحال لكن عيال زايد فيهم الخير لانهم نزلوا نظفوا الشوارع يزاهم الله الف خير

الله المستعان

على الرغم من أننا أكملنا 40 عاما من التطور والازدهار
ألا أن هناك عقليات مازالت تعيش في عالم غريب

للأسف عند البعض 40 عاما تعني تطور مادي فقط بلا وعي وثقافة