عرض للطباعة
شباب سمعت انه يبونا نمتحن يوم السبت لا ترضون فيه نحن نطالب بالراحة مب زيادة التعب اما امتحان باليوم او انه ما ندخل قاعة الامتحان لمواد التخصص لو كانو اهتموا بالجدول فقط دون النظر في الامور الثانيه فنحن ما راح نسكت لين ينظبط كل شيء طبعا مما يلبي راحة الطلاب
السبب الرئيسي لتدهور مستوى فرع رأس الخيمه هو (( الأداره )) .
1- عدم الأستماع الى شكاوي واقتراحات الطلاب ! وهذا الكلام مب من راسي .. واليوم استجابوا لنا لأول مره لان الطلاب فضحوهم .
2- مجلس الطلاب الفاشل ! قبل سنتين كان المجلس ينظم اجتماعات ويا الاداره وينتقلون لهم اقتراحات الطلاب وايضا ينظمون الرحلات والنشاطات وبعدين طلاب المجلس اتخرجوا والأداره عينوا طلاب غيرهم وللأسف ما كانوا قد المسؤوليه واستوى المجلس وجوده وعدمه واحد ! والأداره مستانسه .
3- الاداره نسوا الأولويات وركزوا على موبايلات الطلاب ونظافه طاولات الكانتين والحب واللبان ! ونسوا : شكاوي الطلاب من بعض المدرسين الفاشلين ، حاجه مرافق المعهد للصيانه ، ضعف النت في مبنى b & e ، عدم توفر ملابس للطلاب ( البشر ) لكن وفروا مقاسات للديناصورات مثل xxl و xxxl و xxxxl .
4- الخدعه الكبيره يوم الشيخ محمد بن زايد زار المعهد ، فتحوا الكانتين اليديد ليوم الزياره ،ووزعوا اوراق ماخوذه من مناهج غير اللي ندرسها في الواقع ،و خلونا نشتغل بايدنا في مواد التخصص ، والمدرسين اصبحوا اصدقائنا ، والاداره عاملونا بلطف شديد ،وانقلب الحال 360 درجه في ذلك اليوم !
5 - عدم توفير كتب للمواد الهندسيه للصف الثاني عشر ! والأكتفاء بالدفتر واللابتوب في حين ان طلاب الصف الحادي عشر استلموا الكتب ؟!
ولا تنسون مهزله جدول الأمتحان اللي اتكلموا عنها في الردود . وفي النهايه احب اشكر اخوي عمر الحبسي على شجاعته وجراته ، وان شاء ينفضح المعهد وادارته في كل وسائل الأعلام .
وعلى فكره الأداره شافوا الموضوع ، وقالوا لا تنشرونه لانه يشوه سمعتنا . لكن ان شاء الله الموضوع بيكبر وينتشر اكثر !
اقتباس:
- الاداره نسوا الأولويات وركزوا على موبايلات الطلاب ونظافه طاولات الكانتين والحب واللبان ! ونسوا : شكاوي الطلاب من بعض المدرسين الفاشلين ، حاجه مرافق المعهد للصيانه ، ضعف النت في مبنى b & e ، عدم توفر ملابس للطلاب ( البشر ) لكن وفروا مقاسات للديناصورات مثل xxl و xxxl و xxxxl .
كلام صحيح :) حتى الخياط ما يقدر يعدلهم!!
و إذا قلنالهم ليش ما تيبون مقاسات مناسبة قالوا خلصت المدرسة!
مع العلم إنهم ماخذين قياساتنا السنة اللي طافت
النت ضعيف جداً في المباني المذكورة، حتى بعض المدرسين
يجبرونا على عدم إستخدام اللاب توب في الحصة ع أساس نحن مخلين النت بطيئ
كتاب الكيمياء للصف الحادي عشر - العلوم الهندسيةاقتباس:
- عدم توفير كتب للمواد الهندسيه للصف الثاني عشر ! والأكتفاء بالدفتر واللابتوب في حين ان طلاب الصف الحادي عشر استلموا الكتب ؟!
لحد الحين غير متوفر في المعهد :)
الثاني عشر لا كتاب الكيمياء ولا كتاب الفيزياء . :sm102:اقتباس:
المشاركة الأصلية كتبت بواسطة BrokenHeart
والله كلل الكلام اللي قالوه صحح
و احب اضيف نقطه نسوها بعد
٨ حصص ف اليوم يعني تقريبا ٧ واد ولا ٦ مواد ف اليوم الواحد و الكتب حدث ولا حرج
كتااب فيزياا ٩٠٠ و شي صفحه؟؟!!
و ندرس من الكتاب آخر شي اقل من الربع
انزين ليش عاطينا كتاب هالكبر يعني؟؟ حق العاهات المستديمه؟؟ تقوس الظهر ولا خلع ف الكتف؟؟
اذا شلينا ف شنطه ع الكتف ..كتفنا بينخلع و اذا شلينا ع الظهر
ظهورنا تتقوس
ف الكتاب اللي يوصفون فيه المعهد كاتبين ٦ مواد بسسسسس
و يوم دخلنا المعهد اكثر من ١٠ مواد
و في مواد ما ذكروها ف الكتاب و انصدمنا فيها
مثل الكهربه و الهايدروليك و الروبوتكس و الانجينيرنج ماتيريال
و في مره واحد من الامارات سكلز
يانا المعهد و عطانا محاضره و هو بلسانه قال
اللي نحنا ناخذه ف الفيزياا هوو درسه يوم كان ف الجامعه و كان يدرس ف استراليا
انزيين ف الجامعه كم كان عمره؟؟ مب اقل عن ٢٢ سنه
نحنا كم اعمارنا؟؟ ١٦ سنه ١٧ سنه يعني ٥ سنوات او ٦ سنوات فرق
عقولنا عقول بشر مب كمبيوترات
مشاريع ننضغط فيها و نتعب عليها و آخر شي الاستاذ يفره عليك و يقولك المشروع مب عايبني
يعني هالشي ما يحطم الطالب؟؟
و اذا تكلمنا و اشتكينا يقولون اللي مب عايبنه يطلع
و يوم بنيي نطلع تسوولنا قضية فلسطين
رجع الراتب اللي استلمته و الراتب اعتقد انا تعبان عليه و آخذه ب مذله بعد هههه
و ساعات اذا الطالب بيطلع بعد ما تخلونه ^^
اي مشكله ويا اي استاذ تقولون الاستاذ ما بيغلط و الاستاط على حق
يعني ب اختصار تقولولنا كلو تبن ^^
اداري يكلمك جنك هندي تشتغل عنده و من طرف خشمه بعد
ما جني ولد بلاده
الاداره عدنا ناس و ناس بعد
يعرفونك؟؟ يقربولك؟؟ سو اللي تباه و لا تخاف ..طول شعرك خالف ثيابك خالف الجوتي عزكم الله هات تلفونك
ما عندك حد ف الاداره..شعرك طويل ٥ نقاط..جوتي مخالف ٥ نقاط .. و على اي شي ٥ نقاط ولا ١٠
تغيب ب عذر ولا بدون عذر كله واحد عندهم نسبة الغياب بتزيد بتزيد حتى لو كنت ف غيبوبه و تقوم منها و تيبلهم ورقه يقولولك مشكلتك
و في وايد اشياء ما ذكرتها و بذكرهاا بس اليوم الخميس و وراي طلعه احسلي من انيي اعور راسي اكثر
هييه بعد نسيت شي
الاجازات
الفصل الاول المدارس خذت ثلاث اسابيع و المعهد اسبوعين
الفصل الثاني المدارس اسبوعين و نحنا اسبوع واحد بسس؟؟
يعني ما يقدروون؟؟ ما يحسوون؟؟
عدنا اهل
نبا نطلع وياهم نبا نسافر وياهم نبا نييلس وياهم
والله انا من دخلت المعهد اهلي ما قمت ايلس وياهم ساعتين ولا ساعه ونص ع بعضها
و والله انه حتى ما عدنا وقت ناكل
بناكل ولا بنرتاح ولا بنذاكر ولا بنحل الواجبات ولا بنخلص مشاريع
اوزانا نقصت بشكل مب طبيعي
و كم مره طحت و يوم افحص قسم بالله يقولولي ارهاق و تعب
و انا قسم بالله عمره ما ياني ارهاق و تعب اللا يوم دخلت المعهد
اريد التعليق بخصوص ما تم نشره اعلاة واريد القول ان سياسة معهد التكنولوجيا التطبيقية هي سياسة الباب المغلق وكل المحاولات والاقتراحات التى يتم ارسالها عن طريق الطلاب أو اولياء الأمور تصل الى ابواب موصدة و أذنا صماء لاتمسع أبدا وعقولا مغلقة
اذا تجرأ فرد سواء كان طالب أو مدرس ارسال شكوى " الرد لن يكون سنبذل قصارى جهدنا لحل هذه المشكله والاستماع والحرص الشديد لحل المشكلة , بل يالبتهديد أوبالطرد او كما قال الادراي(( الي ما يبا يتم في المعهد يطلع )) وهذا حتما من علامات الاداري الفاشل وعدم الاستماع للاخرين .
البريد الالكتروني وهو "فيد باك" لاستلام الاقتراحات والشكاوي هذا ايميل وهمي لا يصل لاي نتيجة
ما يهم الادراة هو الظهور بافضل حله أمام وسائل الإعلام لكن وماوراء ذلك عذاب الطلاب من الفجر الى المساء كما يرجى النظر بساعات الدراسة المرهقه وأرجو ان لا نسمع " الي ما يبا يتم في المعهد يطلع " المعنى اننا لا نقبل التغيير او التحديث او حتى الاستماع
على الادارة ان تقبل بالنقد وان تطمح للتحول نحو الأفضل وتسمح بالتغيير
نعم بالترغيب
نعم للتغيير
لا بالترهيب حتي يتم تحقيق أفضل النتائج المرغوبة لطلاب المستقبل
وأشكر ادارة الرمس لاتاحة لنا هذا الفرصة بالتنفيس عما في جوفنا
شكرا جزيلاً
اصلا مبين ان محد يقدر يقترح على الادارة العليا نص كلمه لان نهايته معروفه يستقيل او الطرد يعني ما حد يقدر ييب حقنا غير ان نوصل قضيتنا للشيخ محمد بن زايد الله يحفظه
الله يعينكم
بس احسه آخر شيء فمصلحتكم .. لو قارناكم بشباب المدارس الحكومية نجدكم اكثر ثقافة وتعلما لأنه بيساعدكم كيف تضبطون بالوقت .
اصبر واتحمل سنة وبتتخرج ..
بصرآآحة كلنا نتعب وباجر بتفيدكم بالجامعة وضغوط المواد والتخصصات ..
وفي النهاية ما اقدر اقول غير أنت تريد و أنا أريد و الله يفعل ما يريد .
طالبنا إن في كل يوم يكون إمتحان واحد بس ، قاموا حطوا لنا إمتحان يوم السبت!!!
شي مب منطقي أبد أبد :/
احين ماعندي وقت اكتب شي
ترقبوني الفليل راح اكتب المعاناه والظلم الي نعيشه
وحاله النفسيه الي نعيشها
وحقائق المدرسين و الادارين خلف الكواليس
واشكرك عمر الحبسي ع طرحك للموضوع
والاداري الي يقول اذا مب عايبنك المعهد اظهر .
انا حبيت اوصلك معلومه اذا تبه عمر يغلق الموضوع ولا يظهر من المعهد تراك غلطان
لانه مستحيل انسكر الموضوع ومابنسكت عن حقنا والظلم الي نعيشه و اذا تبه عمر الحبسي يظهر من المعهد انا راح اقولك مب عمر الوحيد الي بيظهر طلاب الهندسه كلهم راح يظهرون
اما تغيرون نظامكم الفاشل اما نرفع المووضوع لبو خالد الله يحفظه
واتمني الكل مايدخل قاعات الامتحان التخصص
يا امتحان ف يوم واحد او محد راح يدخل القاعات
ومثل ماقتلكم احين انا مشغول الفليل بحدر وراح اكتب عن المعاناه الي نعيشها
والسموحه منكم ع الاطاله
مع السلامه *
وصلني قبل شوي الجدول ما تغير غير شيء واحد
(الدين والعربي بنفس اليوم ) »» ما كدينا خير
السبت الي كنا فاضيين فيه علينا امتحان رياضيات ادفانس »»» الكيميا اصعب من الرياضيات ادفانس بس ما حطوه بيوم واحد !!!
الفيزيا ادفانس خلوه بيوم واحد بعد
ومادة الانسترمنتيشن مع العربي في يوم واحد
الصراحه مبين التغيير العجيب في الجدول !!!
ما زلنا مستمرين بالموضوع حتى وجود حل وسط و يكون منصف لنا
*
السلام عليكم مرة ثانية ..
بخصوص كلام الاخ dewdrop
لما سال : بَس سؤال / كيف نطلع و نحن أساس المعهد؟
كلامك منطقي 100% يعني لو كل طالب اشتكى او رمس بكم كلمه او متضايق من الوضع خلاااص لازم يطلع؟؟
يعني لاااااااااااازم يطلع ؟؟؟؟؟؟؟
قووووووولووووووووووووووووووووووو لاااااااااااااااااااااااااااااززززم يطلععععععععععععععع؟؟؟؟
:sm86::sm86::sm86::sm86::sm86::sm86::sm86::sm86::sm86::sm86: :sm86:
بيموووتوون اذا رمسنا يبونا ندرس ونحن ساكتين .. ترا سلبياتهم اكثر من ايجابياتهم لا ينسون هذاا الشي
انا ربعي بالمدارس الثانية كل خميس يطلعون منار والكورنيش ونحن تامين جدام اللاب توب نلحس الشاشه :mad:
هاذم ها الوزراء والسفراء والمهندسين من وين متخرجين ؟؟؟ ولا واحد منهم طالع من تكنلوجيا ما تكنلوجيا كلهم طالعين من ثانويات عادية ووصلو لمراتب لاااا يعلى عليها
ويقولون لا انتو شغلكم بيكون احسن وارقى .. كيف يعني ارقى .. ليكون بتخلوني مدير شركه ماك وانا مادري!! قالو ارقى قال :sm166:
يبون يسكتونا باي طريقة اونه اغلقو الموضوع ... السالفة وصلت للاعلام وأي تعرض من ادارة المعهد لأي طالب من المعهد بنرفع عليهم شكوى
الموضوع 6000 واحد شافاه بيومين وان شاالله يشوفونه اكثر واكثر
اللي قارهني ان ربيعي كل يوم يطلع ويلعب ويسوي كل شي يباه واخر شي نسبته قريب التسعين
وانا اتفل على عمري واكفخ عمري وحتى قيام الليل قمت اقومه من كثر الضيق .. لا وما ارقد بعده .. اسير اكمل المشاريع :sm145: عشان ((ما ارسب)) وربعي بالمدارس الثانية بارده امربده نسبهم عااالية تعور القلب .. وحتى انهم يقولولي محمد اذا تميت على ها الحال اسمحلنا بنحذف رقمك >> هاا اكبر دليل على ان طالب معهد التكنولوجيا ( كائن ) منعزل عن العالم من اجل ((نص درجه))
و اذا تكلمنا و اشتكينا يقولون اللي مب عايبنه يطلع
و يوم بنيي نطلع تسوولنا قضية فلسطين
ياخي انا مراااهق ابا اسير السينمات ابا اعرف كيف شكل الكورنيش اللي كل حد يتكلم عنه ابا اسافر ويا اهلي بالاجازات ما اباهم ينطروني ببيت يدتي عشان دراستي :sm145:
حرام عليكم والله حرام :aa_Sanson: افهموووني :aa_Sanson:
مالنا غير البث المباشر
السلاآم عليگم
گلاامك آخوي صحيح ٪100
انا طالب من المعهد و عارف هآي الاشياء
و صوتي معاگ
بخبركم عن المعاناه والظلم والقهر والا مبالاه من الاداره و قوانينهم ونظامهم الفاشل والكراف وحالتنا النفسيه والارهاق الشديد .
اول شي قبل عن ندخل المعهد اغرونا
١- الدراسه سهله جدا والكل راح ينجح و راح تحصل ع درجات عاليه وبتحصل ع نسبه عاليه بسهوله و سوف تحصل ع خمس شهادات.
٢- المواد اقل بكثير و والكميه الي راح تاخذها جدا بسيطه ولا سوف تنضغط .
٣- الدراسه ممتعه جدا حيث اغلبها ع اللاب و الدراسه ليس فقط كتب واوراق سوف يكون نظري وعملي !!!!
٤- وسائل الترفيه سوف يكون هناك صاله كبيره للبولنغ و ملعب كره القدم و ملعب الطائره و ملعب اليد و ملعب للتنس وملعب للسله و حوض سباحه و صاله لرفع الاثقال + الراتب .
٥ - واهم شي مابعد التخرج الوظيفه مضمونه ١٠٠٪ او تكمله الدراسه بارقى الجامعات داخل اول خارج الدوله .
اوكيه
دخلنا المعهد و تفاجئنا انه كل كلامهم عباره عن كلام لا اكثر ولا اقل
الآجازه :
الثانويات الاخري بعد الفصل الاول ٣ اسابيع اجازه اما نحن اسبوعين وبعد الفصل الثاني هم اسبوعين ونحن اسبوع واخر السنه هم ياجزون قبلنا باسبوع
سكتنا وقلنا معليش بنصبر شو بنسوي
االفصل الواحد :
يتكون من ١٢ اسبوع تقريبا
لازم نمتحن اقل شي ٤٤ امتحان
و غير ال ١٠ مشاريع الي لازم نخلصها ف شهر
وغير الواجبات الي ماتخلص .
وغير اللاب ريبورت الي لازم نحضره ف البيت والي ياخذ منا ساعه
وغير ايام السبت الي لازم نداوم السبت اذا كان عدنا رفجن ولا تكمله الدرس ولا نسوي المشروع
مع كل ها الارهاق سكتنا وقلنا بعد معليش بنصبر
الغياب :
يعقل طالب ف فصل كامل الحد الاقصى للغياب يكون يومين و اربع حصص !!!!!!
يومين و اربع حصص و ثم يعطونك انذار و عشر نقاط
اذا بتحسبها ع ثلاث فصول يعني ٣٠ نقطه
والفصل النهائي من المعهد ٤٠ نقطه
يعني بتبقالك ١٠ نقاط والمعهد مشددين كثيرا يعني ف اي لحظه بتستلم ١٠ نقاط وراح تنفصل.
وسكتنا وقلنا بعد معليش
حياه الطالب :
الواحد لازم ينش من الساعه ٦ عشان يتجهز وجي ولين مايوصل المعهد المهم نظهر من المعهد ٣ والمعهد وايد بعيد ف نوصل البيت ٤ ولا ٤ ونص
نوصل البيت نريح نسبح نتعبد نتغدى الساعه وصلت ٦ !!
انزين شي اكيد اليوم الي بعده عندك امتحان يعني يباله ساعتين مذاكره و امتحانين ٤ ساعات يعني مرات لين ٨ فليل بنخصل ومرات لين ١٠ فقط لمذاكره االامتحان
غير اذا عندك واجبات وتحضير لدروس وغير تحضر اللاب ريبورت والي ياتخذ منك ساعه وصلت الساعه ١٢ !!!
بعد ككل ها الارهاق والتعب اكيد بترقد
يعني لين متى جي بنتعب لين متى جي بنكرف المهم سكتنا وقلنا بعد معليش
الويكند :
الواحد يوم الخميس فرحان بفتك شويه من الدراسه ومن عوار الراس والمعهد
ونتفاجئ انه يوم السبت لازم نحضر + امتحان يوم الاحد + تسليم واجبات يوم الاحد <
يعني مابنريح غير الخميس
والجمعه مذاكره والسبت دوام
الشهر يتكون من ٤ اسابيع ٦ ايام ونص دراسه وكراف والراحه فقط نصف يوم هذا ف الاسبوع !!!!
يعني ٢٦ يوم دراسه وراحه يومين من اصل ٢٨ يوم اي عدل هذا اي انصاف
والله يتنا حاله نفسيه وارهاق شديد وتعب وكرهنا المعهد والدراسه وتعبنا بكل غير طبيعي
وبعد كل ها سكتنا وقلنا معليش <
الدرجات :
والله وثم والله
النص درجه تظهر من عينك لين مانحصلها
المشاريع الاساتذه ماتعيبهم كذا مره لازم تعدل
الامتحانات نصها اخطاء في اخطاء تخلينا نرتبك غير ايبولك سوال ولا سوالين وكل واحد عليه ٣ ولا ٤ درجات يكون صعب جدا فقط الي يحله واحد او اثنين من كل شعبه
الواحد طول السنه يكرف ويذبح عمره واخر شي نسبته ٨٥٪
والمدارس الاخري ربع جهد الي انسويه ويحصلون ع نسبه فوق ٩٠٪ براد
ع كل هاي الضغوطات سكتنا وقلنا بعد ملعيش <
المدرسين :
اول ماتدخل الكلاس ع طول يتم يشرح بسرعه بسرعه عشان يخلص الي عليه واذا واحد مافهم مستحيل يقعد يعيد ويفهمه يقوله تعال ف البريك <
المناهج :
صعبه جدا و وكميه هائله وحفظ كثير ومضغوطين اقوى شي .
الاداره :
حدث ولا حرج مستحيل مستحيل يسمعون لطلاب الي يبونه يسونه وبكيفهم مايهمهم راحه الطالب <
وسائل الترفيه :
كل الي خبرونا عنه خرط ف خرط ولا شي جفنا <
الراتب :
خصمو النص عشان يرضون ناس وناس <
الملبس :
ماشي قياسات الي فالحين فيه اكس اكس اكس اكس اكس اكس لارج ولا شخص يحصل قياسه
وكنا شهرين كل يوم نلبس نفس البنطلون والقميص
كذا ماده ماشي كتاب اسمع الدرس واكتب نوتس
ع كل ها الضغوطات والارهاق والتعب الشديد وحالتنا النفسيه والجسديه سكتنا وقلنا ٣ سنوات وتعدي وبنفتك
بس الي ماينسكت عليه
انه امتحانين ف يوم واحد ياخي انا ابي اعرف الي حاط الجدول عاقل ولا شو سالفته ولا كارفينه ف حياه و مقهور ويبانا ننكرف
يعقل انه ولا يوم يعطونك اجازه للمذاكره ولا قبل الامتحانين يكون عندك دوام لين ٣
وغصبن عنك تخلص المادتين
اذا الماده الوحده جدا صعبه وكميتها كبيره ويبالها تركيز كبير و ساعات طويله للمذاكره ويمكن مايكفينا نخلص
يقومون ويحطولنا ماده اخري معها لا والمشكله اصعب المواد حاطينها ف يوم واسهلها ف يوم
كيف بنركز بذاكر هاي الماده ولا هاي
وكيف بنحصد درجات عاليه قول اصلا كيف بننجح
اذا الطلاب المتفوقين لا يستطيعون التركيز ويحلون عدل فمابالك بطالب ضعيف او قدراته اقل و استيعابه بطى
اكيد راح يرسب واذا رسب !!!
بيضيع سنه كامله من حياته بسسب شو ١!! نظام وقرار فاشل
نطالب بمتحان فقط بكل يوم
وذا ماغيرو الجدول لن ندخل قاعات الامتحانات
واتمنى رسالتي توصل ل بو خالد
شباب هذا توتر الشيخ محمد بن زايد @mohbinzayed
يارييت حد يسوييله فولو و يعطيه رابط الموضوع
لأنه صدق نبا الموضوع يوصل للشيخ محمد بن زايد الله يحفطه
لأنه طويل العمر معتبرنا امانه عند المعهد و يبا يطلع ريايل للمستقبل و ما قصر
و عندي تعليق ثاني بعد:-
بخصوص انهم يقولون اللي مب عايبنه المعهد يطلع
اووك تقريبا ٩٥٪ من اللي ف المعهد مب عايبنهم نظام المعهد
اووك ال ٩٥٪ بيطلعون
يا الاساتذه بدرسون ٥٪؟؟!!
الاخصائي بيحطونك اخصائي على نسبة طلاب ٥٪ بسس؟؟
المدير و غيره بعد نفس الشي؟؟
يعني المعهد بيفضى
نحنا مب مجبورين نتم ف المعهد
كنا نقدر نتم ف المدارس الحكوميه او الخاصه و نكمل ف الثنويه و نتم على درجاتنا العاليه و نسبنا العاليه
بس للأسف انغشينا ف المعهد لأنهم قالو الدراسه اسهل و جييه يعني بتقدرون تيبوون نسب اعلى من اللي كنتو تيبونها قبل
والله خليتونا نكره الدراسه
ننتظر الاجابه من سموه
و نحنا واثقين انه ما بيرضى ب اللي يستويي فينا
و بيشوفلنا حل
((املنا فيكم كبير يا شيوخنا و انا بتكلم ب لسان كل الاماراتيين)):-
قسم بالله انه كل فرد ف هاي البلاد يعتز و يفتخر انه عدنا شيوخ نفس شيوخنا
((تحرق الشعوب نفسها ل عزل حكامها و نحن نحرق انفسنا لجل يبقون حكامنا))
الله يحفظ حكامنا
رسالتكم وصلت للمسؤولين مثل مابغيتوا
لكن بنجووف شو التغيير اللي راح يصير
والدكتور عبداللطيف بيكون في اجتماع يوم السبت بخصوص النظر في الشكاوي
ونحن نتمنى يتم التغيير من الوضع ولو شي بسيط يخدم الطالب مع ان المعهد يرفض تغيير الخطة اللي حاط الاهداف عليها لانهم على ثقة تامة من نجاحها
واهم الشي الطلاب طلعوا اللي فخاطرهم ووصلوا رسالتهم ولكن ،،،
مثل ما ابديتوا شكاويكم نبا اقتراحاتكم لعل يتم دراستها وتطبيقها
اقتباس:
الامتحانات نصها اخطاء في اخطاء تخلينا نرتبك غير ايبولك سوال ولا سوالين وكل
واحد عليه 3 ولا 4 درجات يكون صعب جدا فقط الي يحله واحد او اثنين من كل شعبه
أمّا هذي صدقت فيها! و الله أحس إنّا مظلومين بَ هاي النقطة
يعني تخيلوا سؤال الإختياري كل سؤال عليه 3 أو 4 درجات؟ و أذا قلنالهم ليش
هالتوزيع في الدرجات قالوا عاطينا فورم للإمتحان و نحن نسوي نفسه!!
يعني مستحيل يخلونك تييب درجة كاملة في أي الإمتحان ،
تخيل أنك حال كل شي صح و عندك غلط في الإختياري يعني ناقص 3 درجات
> تماماً مثل ما حصل معاي في أحد الإمتحانات "27/30"
بخصوص إمتحان السبت
" مُعارِض"
____________________________________________________________ _____________________________اقتباس:
المشاركة الأصلية كتبت بواسطة HAMAD-ALZAABI
السموحة شباب بس المعلومة عن الرواتب مب صحيحة ١٠٠٪ ،، (الي في رقم٢)
حاولت اعدلها بس ما يطلع لي تعديل :aa_Doh:
بخصوص إمتحان السبت
هذا دليل انه حتى الاجازة ما بنرتاح فيها عشان نحظر للامتحانات الثانية ،، لان احيانا بعض الطلاب يذاكرون الجمعه لأي امتحان صعب ،، ويذاكر السبت استعداد لامتحان يوم الاحد خصوصا ان مافي اسبوع اجازة قبل الامتحان
(( فما بالكم لو الامتحان يوم السبت / بنرجع من امتحان يوم الخميس ونرتاح شوي ،، ويوم الجمعة نستعد حق امتحان يوم السبت!!!)
وشباب الي عنده أراء يطرشها على ايميل نائب مدير المعهد او لأي جهة مسؤولة ،، لان سوف يتم الرد على اقتراحات وشكاوي الطلاب لكن لازم مع الشكوى يكون عندك حل احسن من ما انهم يشوفون حلول اتعبنا اكثر (مثل امتحان يوم السبت)
أول إقتراح و أهمّ إقتراح /
" إن كل مادة يكون إمتحانها في يوم خاص ، ما نبا إمتحانين في يوم "
و الحل: ما نبا إمتحانات يوم السّبت لن أعتقد السبت عطلة رسمية و من حقنا! :sm145:
ليش ما تخلون الإمتحانات تبدأ من الأحد بدل ما تبدأ من الأربعاء بحيث كل مادة لها يوم
طبعاً مب الأحد هذا ورا باجر ، لا أقصد اللي عقبه 18/3/2012
كفاية درجاتنا نزلت بشكل مب طبيعي من هالمشكلة :sm102:
> أنا أشوف هذا أفضل حل لهالمشكلة ، نحن طلاب و نعرف شو المواد اللي تحتاج يوم خاص.
حسبي الله عليهم
واونه يمدحونهم
الامتحانات نباها تبدا يوم الاحد تاريخ ١٨-٣-٢٠١٢
وكل ماده لها يومها الخاص
وبنخلص ٢٩-٣-٢٠١٢
شو بستويلهم لو جدمو الامتحانات ٣ تيام قبل
مع العلم انه ٣ تيام الي تسبق الامتحانات فقط للمراجعه بنكون مخلصين كل المواد
ف ليش مانمتحن هي هاي الثلاث تيام وجي مابنكون مضغوطين وبكون كل يوم فقط امتحان
واخر شي السبت مستحيل مستحيل مستحيل نمتحن تراكم مصختوها
عطيناكم حل الاصح والانسب و مب عايبنكم شو تبون اكثر عن جي
اما كل امتحان له يومه الخاص و السبت راحه
ولا لن ندخل القاعات
بخصوص اللي يقولون إذا الإمتحان كان يوم السبت ما بيمتحنون خلوكم عند كلمتكم
و لا تمتحنون ، مب يوم يزقرون لكم المدير تخافون و تحلون نفس ما سويتوا في إمتحان الكيمياء! :sm140:
:sm100:
في البداية اشكر منتديات الرمس انها فتحت لنا المجال وهذا المنبر لإعطاء آرائنا ونوصل صوتننا
ثانيا : كل واحد طلع الي فخاطره وقلتو اشياء كثيرة يشيب منها الراس وطلعتوا المعهد وعيوبه الي غطت على ايحابياته {للأسف}
المقترحات
أ- المقترحات المستعجله :
١- تغيير الجدول هذا الاسبوع بشكل سريع و متوافق مع مطالبنا اي البدء يوم الأحد 18/3 و بهذه الطريقة نكون على السلم الصحيح امتحان في اليوم الواحد و الرجاء عدم تضييق الخناق علينا بعملية تصعيب الامتحان بهدف الانتقام او التأديب لان مثل ما ذكرت ماراح نسكت اتكلم عن كل الضفوف من 9 -12
٢-الامتحانات الي تيي من دبي مليئة بالاخطاء الجسيمه والغير محتمله هذا ان دل دل على عدم الاهتمام من الادارة العليا تناقشت مع استاذ بريطاني بخصوص امتحان الصف العاشر الثاني الآتي من دبي قال هذا الامتحان لو كنت في بريطانيا في مستوى طلاب الصف 13 !!! باي حق تخلونا نمتحن امتحانات فوق مستوانا العقلي
٣- اذا كنتم تقولون صعب انكم تغييرون كل هاي الاشياء او تغيير الجدول هل كان صعب عليكم تعذيب الطلاب وتضييق الخناق عليهم والتعليقات تتكلم عن نفسها
٤ـ المناهج للحين ما خلصنا اي منهج اطالب وبشكل عاجل حذف من كل مادة سواء كانت اساسية او مادة تخصص هذه الدروس اذا قلتو مسوين الامتحانات ومخلصينها مثل ما نحن نتعب في تحضير الواجبات والمشاريع والامتحانات حاولوا التعب لتحقيق مصلحة الطالب واعادة طباعة الامتحانات
٥- الاستماع لآراء الاساتذة ف هم يعرفون اكثر ويقدون اكثر من الي يسوون الامتحانات الشبه فاشلة
٦- منذ بداية العام الدراسي حتى الآن لم نحل امتحانات من مثل حاسوب + امتحان كيميا وغيرها دون وجود اخطاء جسيمة وهذا ان دل يدل على عدم مراجعه الامتحانات قبل طباعتها كيف تبونا نكون دققين في كل شيء وانتم تمثلون العكس البحت
٧- من المواد الي محاتجين حذف دروس فيها الرياضيات الكوور + الكيميا اذا في الدرس الواحد بين 60-80 كيف بنذاكر اكثر من عشر دروس في يوم واحد
٨- المطالبة باجازة للاستعداد للامتحانات !!!
٩- الاجازة قصيرة جدا اسبوع واحد هل راعيتم ان الطالب يمكن يسافر مع اهله وانتو خربتوا عليه او هل راعيتوا ان الاستاذ الي كرف طول الفصل محتاج راحة بعد كل هذا التعب و محتاج انه يسافر يشوف اهله يطمن عليهم !!!
ب- المقترحات للفصل القادم
١- الدوام طويل يرجى اخذ بالاعتبار ذلك اذ تكفي 40 دقيقه للحصه الواحدة عدا عن ذلك الاستاذ الواحد عنده 6 حصص من اصل 8 في اليوم اي انه هلكان طول اليوم !!! اقترح تقليص وقت الدوام
٢-اللبس : هل يعقل انه نلبس لبسين سنه كاملة !!! والى زاد الطين بلة انه اللبس حجمه مثل حجم الدينصورات مثل ما تفضلوا الاخوة قبلي
٣- الامتحانات: يكفي امتحانين بالفصل الواحد للمادة الواحدة !! لا فائدة من كثرة الامتحانات
٤- تاسيس مجلس للطلاب يكون له راي في الادارة العليا ويكون في كل المعاهد مب في المعهد الواحد فقط
٥- الاهتمام بآراء الاساتذة وتلبيه طلباتهم فما بالكم انه الاساتذة يطالبون من اكثر من شهر بان المنهج طويل ولكن لا حياه لمن تنادي !!
٦- المطالبة بان تكون المشاريع للمواد الاساسية {فقط } فلا داعي انه تكون عندك مادة تخصص ويكون فيها مشروع المادة بالاساس مشروع !
٧- توحيد الاجازات : لا داعي من التفاخر بان المعهد فيه 205 يوم دراسي والطلاب في عذاب وحدوا الاجازات ونحن بالف خير !
هذا الي عندي اتمنى من البقيه ابداء اقتراحاتكم وشكرا
^^^
صح كلامك اخوي ١٠٠٪
يوم سالفه امتحان الكيميا
كلهم خافو وحلو
[align=center]اقتراحات سليمة وما عليها اي ملاحظات بالنسبة لي [/align]
بس احب ازيد ان يتم وضع المشاريع ((بين الامتحانات القصيرة السيستم وايد كويز الاول و السيستم وايد كويز الثاني)) ويكون موعد التسليم طويل نظرا لكثرة المواد.
[align=center]واتمنى ان يتم تطبيق هذه الاقتراحات الي طرحها عمر[/align]
بالفعل ، لازم يلغون مشاريع مواد التخصص الا مشروع التخرج لأن يلخص كل اللي درسناه في مشروع واحد . وايضا مواد التخصص تختلف في صعوبتها ، طلاب الهندسه يتعذبون من صعوبه مشاريعهم في حين ان طلاب الأتوميشن يخلصون مشاريعهم في الحصه لأنها سهله !اقتباس:
٦- المطالبة بان تكون المشاريع للمواد الاساسية {فقط } فلا داعي انه تكون عندك مادة تخصص ويكون فيها مشروع المادة بالاساس مشروع !
انا اؤيد كثره الأمتحانات لأنها تعطي فرص اخرى للطالب لتعديل درجته ، صحيح ان كثره المذاكره متعبه لكن اذا كثرت الأمتحانات الكميه بتقل في كل امتحان .اقتباس:
٣- الامتحانات: يكفي امتحانين بالفصل الواحد للمادة الواحدة !! لا فائدة من كثرة الامتحانات
[quote=ahmed 0000;1059480567]
رسالتكم وصلت للمسؤولين مثل مابغيتوا
لكن بنجووف شو التغيير اللي راح يصير
والدكتور عبداللطيف بيكون في اجتماع يوم السبت بخصوص النظر في الشكاوي
ونحن نتمنى يتم التغيير من الوضع ولو شي بسيط يخدم الطالب مع ان المعهد يرفض تغيير الخطة اللي حاط الاهداف عليها لانهم على ثقة تامة من نجاحها
واهم الشي الطلاب طلعوا اللي فخاطرهم ووصلوا رسالتهم ولكن ،،،
مثل ما ابديتوا شكاويكم نبا اقتراحاتكم لعل يتم دراستها وتطبيقها
[/quote]
سؤال للاخ أحمد ... كيف عرفت ان في اجتماع يوم السبت وان الرساله وصلت للمسؤولين
كانك سكرتير عبداللطيف .....؟
الموضوع صار لــــه ثلاث ايام و ٨٠٠٠ مشاهدات
وماشفنــا شئ اليـــن الحين ....!!!
[align=center]صبر جميل والله المستعان
بانتظار يوم الأحد بفارغ الصبر ...[/align]
سؤال للاخ أحمد ... كيف عرفت ان في اجتماع يوم السبت وان الرساله وصلت للمسؤوليناقتباس:
المشاركة الأصلية كتبت بواسطة uaeproud
كانك سكرتير عبداللطيف .....؟[/QUOTE]
حبيبي انا مب سكرتير عبداللطيف ولا اتمنى اكون كذلك >
طرشله ايميل وتاكد iatdirector@iat.ac.ae
[align=center]مشكور اخ احمد على الزلة واعطانا ايميل الدكتور عبداللطيف ! بس تاكدنا انك واحد من الإدارة [/align]
[align=center]مشكور اخ احمد على الزلة واعطانا ايميل الدكتور عبداللطيف ! بس تاكدنا انك واحد من الإدارة
[/align]
هههههههههه
معهد التكتولوجيا
ذكرتوني بأيام المعهد
إناأ كنت مــ?????????????????ـن أول دفعة بالمعهد
وأقولكم ... لا تتعبون إعماركم تكتبون ،، مافي فايده
رمسنا ورمسنا ،، ولاحد حرك شعره
كنت المفروض اتخرج بأول دفعة للمعهد ... قالو لي عندك دور ثاني
قلت مب مشكله ... بشد حيلي
راجعت وحاولت
دخلت الامتحان ... اللي أذكره امتحان الدور الثاني يكون آسهل
بس صراحة صار العكسسس .... حتى المدرسين كانوا يقولولنا غشو
و قدر الله ورسبت ... رحت المعهد قالو لي محد ناجح مــ?????????????????ـن الدور الثاني
بعدها بفترة شفت 2. كانو ويائ بالدور الثاني ..
قالو لي نحن نجحنا !! إناأ ماصدفت
بعدين سألت ربعهم قالو هي .. نجحوو
و داوموو
يعني مول ما مبين أنه في تلاعب بالموضووع ...
عدت السنة و. يبت شيء وثمانين بنفس المادة اللي كنت راسب فيها
كرهت الدراسه وقلت أول ماحصل الشهادة بروح اشتغل
قالو لي الدراسه سهله ف الكليه .. قلت بأخذ دبلوم ،، على الأقل أحسن عن الثانويه
وصار نفس الكلام ف التقنيه .. تلاعب و واااااو لناس ونااس
أكبر مثال
إناأ و ربيعي دخلنا ويابعض الكلاس
السير حطاني late وربيعي حاظر
يعني شـٍْ?ـٍْو ؟!؟
و هذا إناأ .. يالس بطالي ف البيت
هذا مستقبل ألمععد و التقنيه
و يالله .. قلت بدور لي دوام
هه هه
تنميه رأك مسجل فيها .. مجلس التوطين ف بوظبي سجلت
معرض الوظائف ف بوظبي وبعدين صار ف الشارجة .. والأسبوع اللي طاف ف دبـ????????????ـي
و بعدي يالس بطالي
ههههه
شر البليه ما يضحك
شدو. حيلكم بسس
ماعليكم مــ?????????????????ـن كلامهم
اجتماع و نبأ كم واحد منكم يرمس عن مشاكلكم وهالسوالف
حافظينها كنا
كل فتره نسمعها
آخر شيء ولا تغير شيء
الصراحة موضوعكم استفزني وخلاني أسجل وأرد عليه..
بغيت أوصل كلمة للمسؤولين أو بالأحرى أسئلة:
هل يا ترى بترضون إن ولدكم ينظلم من نواحي كثيرة وتسكتون (طبعا ما قصروا الطلاب طلعو كل الهموم اللي بخاطرهم)؟؟؟
بترضون اتشوفونه يذاكر ويتعب ويرقد وهو ايحاتي كم بييب عقب هالتعب؟؟
شو احساسكم وولدكم ينظلم؟؟
الإدارة موجودة لمساعدة الطلاب وإلا عسب يرهبونهم ويعاقبونهم على أبسط حقوقهم؟؟
وين أسلوب الإحترام والرقي؟؟
أعتقد إذا كان في إحترام وتفاهم لمشاعر الطلاب ومراعاة لإمكانياتهم بنخلق جيل واعد محترم لذاته و لغيره و قبل كل هذا جيل يخدم وطنه بكل ما يملك بعيد عن الضغوطات والعنصرية في أي مكان ينوجد فيه سواء كان في معهد ..تقنية أو جامعة..
أتمنى كل إقتراحات الطلاب تُأخذ بعين الإعتبار و خلو الطلاب نفس أولادكم اللي ما ترضونه لأولادكم لا ترضونه لهم فهكذا ربانا أبونا زايد الله يرحمه كلنا روح وحده وقلب واحد..
إن شاء الله بتكون هناك حلول لمشاكلكم ونحن بإنتظارها..
ههه اونك انت الشاطر اللي تكشف الزلات >>> ايميله موجود على صفحته بالفيس بوكاقتباس:
المشاركة الأصلية كتبت بواسطة brave heart