هبوط اضطراري لطائرة تابعة لطيران رأس الخيمة تقل 141 راكباً في مطار رأس الخيمة بسبب عطل فني بإحدى المحركات وطالب القاسمي يتابع الحادثة (صور حصرية)

الحين شو السالفه الطياره بتوصلنا بانكوك ولا بتوقف عالخط ؟

اقتباس:

---

المشاركة الأصلية كتبت بواسطة عبدالرحمن الطنيجي

أنا سافرت من راك وسرت الكويت الطيران وأيد زين
الممثلين الكويتين طارق العلي وداوود حسين سافروا على طيران راك وأيد ارتاحو. أخوي إحنا عندنا شيء في حياتنا هو عدم الثقه طيران الإمارات كنت مسافر ماليزيا صار هبوط أطراري عادي. يعني في كل طيران يحصل.

---

اخوي عبدالرحمن .. كلامك صحيح انه افضل شركات الطيران في العالم تتعرض لاعطال فنية ولكوارث مرات .. بس هني الموضوع مختلف .. يعني اسمح لي على هالكلمة الطيارات اللي عند راك طيارات مستعملة (( حراج )) ومثل ما تفضل اخوي العتيبي امكانيات الطيران التشغيلية ضعيفة ومحتاجة مب بس طيارات جديدة .. محتاجين تكون صيانة الطائرات من افضل ما يكون وتعيين طواقم طيارين على اعلى المستويات من ناحية الخبرة والكفاءة .. واسمح لي .. ما اعتقد انه هالنوع من الكفاءات راح يلاقون بيئة جاذبة في طيران راك .

حمد الله على سلامتهم ونتوجه بالشكر لقائد عام شرطة راس الخيمه الشيخ طالب بن صقر القاسمي على حرصه واهتمامه بسلامة الركاب يعطيكم العافية

المصدر : 68...#ixzz1ow8ZML23
الرمس نت

حمد الله على سلامتهم ونتوجه بالشكر لقائد عام شرطة راس الخيمه الشيخ طالب بن صقر القاسمي على حرصه واهتمامه بسلامة الركاب يعطيكم العافية

فالبداية جزيل الشكر لسمو الشيخ سعود بن صقر القاسمي المفدى على التطور اللي صار في امارة راس الخيمه في كل النواحي الاقتصادية والعمرانية والصناعية وكذلك استفادة كل من اجتهد وجد في برنامج الشيخ سعود

اما الاخ اللي يتكلم عن شوارع راس الخيمه وطيران راس الخيمه فليش ما يشوف الا الاشياء الخطأ في بلاده ، وبعدين دامك شفت شي خطا اذا عندك اي توجه او اي فكرة سير قدم شكواك للشيخ سعود نفسه ميلسه مفتوح في اي وقت ومابيقصر وياك مب انك تذم وتستهزئ خلك عضو فعال فالمجتمع بلادنا لو شو مافيها تظل غالية وعزيزة علينا مثل مايقول الشاعر بلادي وان جارت علي عزيزة ** واهلي وان شحوا علي كرام

اما بالنسبة لامارة راس الخيمه الحمد لله على النعمه اللي عايشين فيها فظل القيادة الرشيدة لصاحب السمو الشيخ سعود بن صقر القاسمي والشيخ طالب بن صقر القاسمي قبل ماكان فيه لا طيران ولا كان فيه شي وراس الخيمه من تطور لتطور نقول الحمد لله الواحد يشوف الشي الايجابي فبلاده ويحاول يطوره مب يذم ويستهزئ

ـالحمد ـالله علـ'ى سلامتهم'ـم ،..

ليش مـآآ نقوــول ـالحمد ـاللـ'ه علــ'ى
هالتطوؤر ،..

لاهنت علــ'ى ـالطرح ،..

الحمدلله على سلامة الركاب جميعا
والله يعطيك العافية والصحة يا بوعلي
هذا من شيمك الأصيلة دايما متواجد في المواقف الصعبة

الحمد لله على سلامتهم

يعطيك العافية الراصد