قيود بعدني ما حصلت لك سوال صعب
بس قلت اسأل اي شي
ولي عوده
وانا فانتظارك عزيزي
بس خف علينــا ^^
عرض للطباعة
قيود بعدني ما حصلت لك سوال صعب
بس قلت اسأل اي شي
ولي عوده
وانا فانتظارك عزيزي
بس خف علينــا ^^
هلا اخوي..
كيف الحال..؟؟
بسألك بس سؤالين؟؟
- شو رايك بجمهور الوصل..؟؟
- شو توقعاتك للوصل في الاسيويه..؟
والسموووووحه..
السلام عليكم
هلا اخوي قايد الغزلان
منور والله ها الاسبوووع وان شاء الله مرتاااح على الكرسي
سؤال هو
1- شوه روتينك اليومي
2- اذكر موقف يضحك صار لك مثلا انته مع ربعك او اهلك .......... اي شيء
وشكــــــــــــــــــــــــرا
بعض أسئلتي..::
1/ ماهو رايك بالمنتدى بصراحه تامه ومطلقه..؟؟
2/ ماهي اوجه القصور والسلبيات..؟؟
3/ماهي اقتراحاتك للمنتدى..؟؟
4/ ما هى الاقلام التى لفتت نظرك فى المنتدى ولهاا قلام مميزه فى كتاباتها...؟؟
5/قلم وورقة بين يديك ماذا سوف تكتب من مداد حبره على سطور تلك الورقة ولمن..؟؟
6/من تتوقع أن يكون من خلفك في كرسي الإعتراف..؟؟
وبس..^^
هلا و غلا ...
على طول ببدأ...
1- شو النك نيم مالك في المسن؟
2-ضاابف بنات عندك؟....بتطلع الفضاايح ههه
3-شو موبايلك؟
4-موقف مضحك استواالك بالمدرسة؟..لازم تجااوب
اكتفي بها الاسئلة...
مرحباالساع اخوي قايد الغزلان
ماشاء الله منور بعفويتك وروك الصريحه وطيبة قلبك ..
1- كم من عشرهـ تعطي لتطابق شخصيتك التي بالمنتدى مع شخصيتك بالواقع؟ومالفرق بينهما ان كان هناك فرق ؟
2- سبب اختيارك الاشراف على قسم مجلس نبض الوطن ؟
3- أحياناً نقـوم بأعمال نفخر فيها بأنفسنا .. ما هو العمل الذي قمت به وجعلك تشعر بالفخر امام نفسك ؟
4 اذا كنت صاحب المنتدي من الاعضاء سترشح للاشراف وعلى اي الاقسام ؟ ولماذا ؟
5- كلمة ترسلهاالى ..
ادارة الموقع
المشرف العام
المشرفيين
الاعضاء
الزوار
والسموحه منك ,,,
رديييينا لك بدفعة يديدة من الأسئله :sm142:
1- شنو اكلتك المفضلة؟
2- احلى اسم (بنت \ ولد) عندك ؟
3- شنو هواياتك ؟؟؟
4- عضو بدونه المنتدى ماله طعم؟
5- منو الشخص اللي ماتتمنى تشوف دمعتــه؟؟
6- افضل شاعر وشاعره؟؟
7- من الشخص الي تحب تشكي له همومك؟
8- عنوان كتاب قريته واعجبك؟ ولمن ؟؟
9- نكك ..قايد الغزلان..لو بغيت تغيره..شراح تخلييه ؟
10- اجمل 3 صفات تحبها فيك ؟
11- 3 صفات تكرها في نفسك ؟
12- شنو تعنيلك هالكـلمات في قاامووسك ؟
الحب ::
الحياة ::
المووت ::
الدمووع ::
الصداقه ::
13- موقف غير مجرى حياتك؟
14- منو من الاعضاء ؟ http://www.q8castle.com/vb/smiles/words/003.gif
غامض؟
دمه خفيف؟
مرح؟
دمه ثقيل؟
دلوع؟
حساس؟
عصبي؟
طيب؟
مميز؟
15- شنو الشي اللي:
يجرحك
يغضبك
يبكيك
يأسرك
16- أحلى قناة عندك ؟؟
17- اي نوع تحب تشوف من الافلام ( كوميدي - اكشن - رعـب - رومانسيه ) ؟
18- أحلى مكان رحت له ؟؟؟
19- أحلى نك نيم عاجبنك بالمنتدى ؟؟
ولي عودة
هلا اخوي..
اهلين وسهلين
كيف الحال..؟؟
الحمدلله بخير
بسألك بس سؤالين؟؟
اتفظل
- شو رايك بجمهور الوصل..؟؟
بصراحه جمهور الوصل ما اعتقد مثله فالامارات ( جمهور اوروبي والواحد يرتاح نفسيا لما يحضر مبارياتهم )
لكن اللي ما يعجبني فيهم هناك اقليه منهم يخربون عليهم بالسب والشتم
- شو توقعاتك للوصل في الاسيويه..؟
ان شاء الله اتوقع يوصولون للدور الثاني
والسموووووحه..
مسموح اخوي
السلام عليكم
وعليكم السلام والرحمه
هلا اخوي قايد الغزلان
اهلين نواري
منور والله ها الاسبوووع وان شاء الله مرتاااح على الكرسي
منور بوجودكم ,,^^
سؤال هو
1- شوه روتينك اليومي
على حسب يعني اقوم من النوم الساعه 2 ولا 3 بعدها اذا شي وقت اقعد ع الكمبيوتر ولا اطلع
بس اكثر قعداتي فالبيت يعني ع الكمبيوتر
2- اذكر موقف يضحك صار لك مثلا انته مع ربعك او اهلك .......... اي شيء
ممممم ههه لاتذكريني عاد انتي بالصف ويا ربعي اذكر استاذ عربي ضرب عالي الشان
وانا كنت قاعد اقرا الابيات حزتها قعدت اضحك من الخاطر ماقدرت اكمل ..
الله يذكرك بالخير عالي الشان
وشكــــــــــــــــــــــــرا
العفووو اختي
1/ ماهو رايك بالمنتدى بصراحه تامه ومطلقه..؟؟
المنتدى اعتبره بيتي الثاني ولازم يوميا ادخله واكثر قعداتي عالنت فالمنتدى
لأنه بصراحه فيه اعضاء نشيطين يخلونك اتابع مواضيعهم وممشاركاتهم
2/ ماهي اوجه القصور والسلبيات..؟؟
مممم يمكن من بعض الاعضاء اللي مايبدون رايهم بصوره وجهة نظر بل يدخل وكأنه يضارب وهذا اللي انا اخاف عليه
يمكن يسبب حساسيه بين الاعضاء
3/ماهي اقتراحاتك للمنتدى..؟؟
اي اقتراحات للمنتدى انزلها فقسم الاقتراحات ولو كانت سلبيه ايضا
لأنه كل هذا لمصلحة المنتدى
4/ ما هى الاقلام التى لفتت نظرك فى المنتدى ولهاا قلام مميزه فى كتاباتها...؟؟
مكرر
5/قلم وورقة بين يديك ماذا سوف تكتب من مداد حبره على سطور تلك الورقة ولمن..؟؟
مال اول ورقه وقلم الحين كله مسجات ههههه
6/من تتوقع أن يكون من خلفك في كرسي الإعتراف..؟؟
ما اقدر اتوقع لكن اتمنى اتمنى اتمنى يكون لـ الطنيجيه
وبس..^^
هلا و غلا ...
هلا فيج
على طول ببدأ...
اتفظلي
1- شو النك نيم مالك في المسن؟
هههه عاد انا كل يومين لي نك يديد بس اليوم (مني نسيتك واتحداك يا شوق ,, واوعدك ما اذكرك لحضه واعاني)
2-ضاايف بنات عندك؟....بتطلع الفضاايح ههه
هههه هي نعم عندي بنات بس من اهلي ===> لقط ويهك ياولد لول
3-شو موبايلك؟
قبل اسبوع ماخذ يديد (نوكيا رقمه6500) + (وهذا قديم شوي ماعرف رقمه بس نوكيا)
4-موقف مضحك استواالك بالمدرسة؟..لازم تجااوب
اجباري هاا .. موقف استوالي انا...!! (والله ما ذكر الحين)
اكتفي بها الاسئلة...
مشكوره ع الطله
مرحباالساع اخوي قايد الغزلان
مرحبتين اختي
ماشاء الله منور بعفويتك وردودك الصريحه وطيبة قلبك ..
افا عليج عيل ليش مسماي كرسي الاعتراف >> اتجهزي انتي عقبالج ..لول
كم من عشرهـ تعطي لتطابق شخصيتك التي بالمنتدى مع شخصيتك بالواقع؟ومالفرق بينهما ان كان هناك فرق ؟
لايوجد فرق شخصيتي فالواقع تنعكس فالمنتدى يعني اقدر عمري 9 من 10 اوكى ولا ^^
سبب اختيارك الاشراف على قسم مجلس نبض الوطن ؟
انا كان فخاطري قسم السفر والسياحه لكن موجود فيه قسم وماعتقد قسم فاضي غير نبض الوطن >> احسن لأنه مافيه عوار راس ^_^
اذا كنت صاحب المنتدي من الاعضاء سترشح للاشراف وعلى اي الاقسام ؟ ولماذا ؟
بصراحه بكون مب عارف الاعضاء شخصيا لكن فالبدايه اعرفهم وعلى حسب مشاركاتهم واهتمامهم لأي قسم ما شاء الله مشرفينا ماعليهم كلام
كلمة ترسلها الى ..
اقوووولج مشكوره عالاسأله الخفيفه مثلج والله يوفقج فحياتج ولاتنسينا عاد ^^
ادارة الموقع (الله يقويهم ان شاء الله واشكرهم من قلبي على اهتمامهم فالمنتدى ويعطيهم العافيه)
المشرف العام (العتيبي فيه الخير والبركه مسكين وده يتواصل معانا 24 ساعه لكن ضروف العمل تمنعه)
المشرفيين (بعد ما ننسى فضل المشرفين مساكين كل واحد ماسك قسمه وله مسؤوليته والله يعطيهم العافيه)
الاعضاء (اتمنى انهم يستمرون فقراءة المواضيع المفيده ومشاركاتهم الطيبه وحنا عطشانين من مشاركاتهم الصراحه وعقبال الاشراف لكل متميز)
الزوار (الزوار دايما اتي فبالي فكره اللي هي اني انزل موضوع خاص للزوار بانهم يشاركونا فالمنتدى) .
وافرح لما ادخل المتواجدين حاليا الزوار اكثر من الاعضاء وان شاء الله يسجلون معانا ونستفيد منهم ويستفيدون منا)
والسموحه منك ,,,
مسموحه بالحل اختي
رديييينا لك بدفعة يديدة من الأسئله
ان شاء الله تكون الاسأله اخف من قبل ^^
1- شنو اكلتك المفضلة؟
الهريس وخاصة هريس قوم ..... بدون ذكر اسامي لول
2- احلى اسم (بنت \ ولد) عندك ؟
مها - بالذات هالاسم مابقوله ^^
3- شنو هواياتك ؟؟؟
مكرر
4- عضو بدونه المنتدى ماله طعم؟
ملك بدون مملكة
5- منو الشخص اللي ماتتمنى تشوف دمعتــه؟؟
الوالده
6- افضل شاعر وشاعره؟؟
ما احب الشعر
7- من الشخص الي تحب تشكي له همومك؟
A
8- عنوان كتاب قريته واعجبك؟ ولمن ؟؟
انا من النوع اللي ما يحرصون على قراءة الكتب لكن كنت احب كتاب الجيولوجيا للصف الاول ثانوي
(اذكر قريت لدروس كلها قبل مانخلص المنهج)
9- نكك ..قايد الغزلان..لو بغيت تغيره..شراح تخلييه ؟
بو.........
10- اجمل 3 صفات تحبها فيك ؟
التسامح
بسرعه انسى
ارضى بسرعه >>> مال مقصه هه
11- 3 صفات تكرها في نفسك ؟
العصبيه بس
12- شنو تعنيلك هالكـلمات في قاامووسك ؟
الحب :: أسمى عاطفه تسكن الروح
الحياة :: الحزن والفرح
المووت :: كأس يشرب منه الجميع
الدمووع :: راحة الانسان ليخفف عنه
الصداقه :: احلى شي فالحياه
13- موقف غير مجرى حياتك؟
لايوجد
14- منو من الاعضاء ؟
غامض؟ الطرف الاغر
دمه خفيف؟ بن جراح
مرح؟ فرح مرح ==> اسم على مسمى
عصبي؟ ملك بدون مملكه
طيب؟ الكل بلا استثناء
مميز؟ كل الاعضاء
15- شنو الشي اللي:
يجرحك الخيانه
يغضبك اللي ما يفهمني او اللي يستهبل
يبكيك الفراق
يأسرك الحب
16- أحلى قناة عندك ؟؟
فنون وسما دبي وحواس ^^
17- اي نوع تحب تشوف من الافلام ( كوميدي - اكشن - رعـب - رومانسيه ) ؟
رعب >> بنص الفلم ارقد
18- أحلى مكان رحت له ؟؟؟
مصـــر ام الدنيـــا
19- أحلى نك نيم عاجبنك بالمنتدى ؟؟
صح الاسم غريب شوي بس عايبني ( الاغين)
ولي عودة
عقب هذا كله ولج عوده ..!! الله يعيني ^_^
اترياج انا
مرحبا الساع بقايد الغزلان
إن شا الله مرتاح ع الكرسي ؟؟؟
ما بكثر بالأسئله ونبتدي بأول سؤال :)
1) من خلال اسئلة الأعضاء عرفت انك هب ناوي اتكمل دراسة وسؤالي هو هل تتوقع انك
بتحصل على وظيفه تقدر من خلالها اتعيل عمرك ؟؟؟؟ خاصة إنه الشهاااده الجامعيه وااايد مهمه .
2) سؤال ع الطاير>>>>حالياً شو البرامج أو المسلسلات إلي اتابعها على الشاشة ؟؟؟
3) مثل ما نشوف إن المنتديات في ازدياد وتنوع دائم شو إلي يميز منتديات الرمس الحوارية عن غيرها من المنتديات؟؟؟؟
4) ( فما أكثر الإخوان حين تعدهم .....ولكنهم في النائبات قليل ) >>> هذا بيت ما خذينه اعتقد في 3 اعدادي >>> فقط للعلم
سؤالي هو هل انته مع هالبيت يعني توافق على مضمونه ؟؟؟؟
5) تعلمت ان الابتسامة لا تكلّف شيئا ...ولكنها تعني الكثير >> هذا إلي أنا تعلمته
السؤال هو هل انت شخص بسوم ولا حسب المزاج ؟؟؟؟
انتهت اسألي
إن شا الله ما أكون ثقلت عليك
فداعة الرحمن
تحياتي 3sabya
مرحبا الساع بقايد الغزلان
مرحبا بك اخوي
إن شا الله مرتاح ع الكرسي ؟؟؟
دام هالويوه الطيبه وياي أكيد مرتاح ^^
ما بكثر بالأسئله ونبتدي بأول سؤال :)
يالله بسم الله
1) من خلال اسئلة الأعضاء عرفت انك هب ناوي اتكمل دراسة وسؤالي هو هل تتوقع انك
بتحصل على وظيفه تقدر من خلالها اتعيل عمرك ؟؟؟؟ خاصة إنه الشهاااده الجامعيه وااايد مهمه .
صحيح انه الشهاده الجامعيه بها الزمن مهمه جدا ولكن انا كنت ناوي ادرس فالكليه لكن ما نقبلت واترييت الكورس الثاني وبعد ما انقبلت
والحين قاعد اتريا الوظيفه وان شاء الله اذا توظفت راح ادرس على حسابي الخاص
2) سؤال ع الطاير>>>>حالياً شو البرامج أو المسلسلات إلي اتابعها على الشاشة ؟؟؟
يعيني عالطاير .. حاليا ما اتابع مسلسلات لكن اذا كنت قاعد فالبيت الساعه 10 احط على سما دبي اطالع(عندما تغني الزهور) ==> جديم شوي
3) مثل ما نشوف إن المنتديات في ازدياد وتنوع دائم شو إلي يميز منتديات الرمس الحوارية عن غيرها من المنتديات؟؟؟؟
فمنتديات الرمس تلقى الجديه وتحس كل الاعضاء على ايد وحده ودايما اذا فيه شي يكون فيه تحاول ونقاش
يعني عن جد ما لقيت منتدى مثل منتدى الرمس من حيث حرصهم واهتمامهم ( تشوف الاعضاء الجدد مشاركاتهم فالاقسام المهمه مثل نبض الوطن وراس الخيمه والرمس) تلجأ المشاركه للأداره للموافقه عليها لـ تلاشي المشاكل فالمواضيع المهمه وهذا اللي عاجبني فيه انه مب اي عضو يكتب اللي يباه
4) ( فما أكثر الإخوان حين تعدهم ولكنهم في النائبات قليل ) >>> هذا بيت ما خذينه اعتقد في 3 اعدادي >>> فقط للعلم
سؤالي هو هل انته مع هالبيت يعني توافق على مضمونه ؟؟؟؟
اعتقد بصف اول اعدادي هالبيت للشافعي ولا انا غلطان
( نعم انا مع المضمون لأن الذي يقف معك بجانبك وقت الشده هو الصديق الصدوق والباقيين يتخلون عنك)
5) تعلمت ان الابتسامة لا تكلّف شيئا ...ولكنها تعني الكثير >> هذا إلي أنا تعلمته
السؤال هو هل انت شخص بسوم ولا حسب المزاج ؟؟؟؟
الحمدلله دايما ابتسم
ياعمي(اضحك للدنيا الدنيا تضحك لك)
انتهت اسألي
إن شا الله ما أكون ثقلت عليك
افا عليك خذ راحتك بالاسأله
فداعة الرحمن
الله يحفظك
احمـ احمـ
بااااااااااااااااااااكـ .. خخـ
هلا واللهـ بـ قايد الغزلان
شحاااالكـ .. عساااكـ طيبـ اليومـ ؟؟
هعـ ماشاء اللهـ شااد حييلكـ
انزيييييييييييييييييينـ
ياللهـ ببدء ... ولا ما تبا .!؟
شو شعورك اول ما شفت انك محطاي في كرسي الإعتراف ؟؟
شو تعنيلك ذكريات المدرسة، ^^؟!!
أذكر لنا موقف ،،،لو تمر عليك كل السنين ماتنساه،،،^^
شوو الاسمااء المفضــلهـ عندكـ فالمنتــدى ؟؟ وتحسهــمـ قريبيــنـ منكـ ؟؟
امممم بس ماا عندي اسأله هع
ببـــــــاي ^.^
احمـ احمـ
بااااااااااااااااااااكـ .. خخـ
ولكم
هلا واللهـ بـ قايد الغزلان
هلا فيج يـ الريمـ
شحاااالكـ .. عساااكـ طيبـ اليومـ ؟؟
الحمدلله بخير دامكم بخير
هعـ ماشاء اللهـ شااد حييلكـ
شو نسوي غصبن علينا
ياللهـ ببدء ... ولا ما تبا .!؟
على راحتج ,, ^^
شو شعورك اول ما شفت انك محطاي في كرسي الإعتراف ؟؟
كنت محد انا وصلني مسج قالوا لي (مسكين حطوك ع الكرسي .. الله يعينك )
رديت البيت تفاجأت الصراحه
شو تعنيلك ذكريات المدرسة، ^^؟!!
احلى ذكريات عمري خاصة(ذكريات 1 ثانوي)
أذكر لنا موقف ،،،لو تمر عليك كل السنين ماتنساه،،،^^
عدة مواقف خلوها مستوره^^
شوو الاسمااء المفضــلهـ عندكـ فالمنتــدى ؟؟ وتحسهــمـ قريبيــنـ منكـ ؟؟
الاسماء القريبه مني
قلم رصاص
عالي الشان
قناص الرمس
ملك بدون مملكة
والكثير الكثير الكثير .. ^_^
مم بس ماا عندي اسأله هع
ببـــــــاي ^.^
فمان الله
هلا والله اخوي ها انا رديت مرة ثانية بس ما عندي سؤال..
عندي اسئلة ...هههههه
1)شو تبغي تشتغل...؟؟؟
2)شو نوع موبايلك؟؟؟؟
3)كم منتدى انت مشارك فيها؟؟؟
4)ترتيبك بين الأخوة؟؟؟
5)هل كنت دلوع ؟؟؟ منو يدلعك اكثر ماما ولا بابا؟؟هه
6) شو كان اكره مادة؟؟؟وشو كان احلى مادة؟؟؟
7)وين تبغي اتسافر في الإجازة؟؟؟
وانتهت اسألتي وما بكون لي رجعة بعدين ...هههههه اسولف بطالع يمكن احصل اسئلة ثانية اسألك اياها...
اختك في الله soso
السلام علييكم
انا بس أقرا ما بسألك عشاان ما أنحط ع كرسي الاعتراف بعدين هع هع هع
هلا والله اخوي ها انا رديت مرة ثانية بس ما عندي سؤال..
اهلين ياكثر ماتروحين وتردين انتي ^^
عندي اسئلة ...هههههه
وانا عندي اجوبه بعد
1)شو تبغي تشتغل...؟؟؟
اذا لي نصيب فاي مكان ان شاء الله
2)شو نوع موبايلك؟؟؟؟
مكرر
3)كم منتدى انت مشارك فيه؟؟؟
لو احسب يمكن ممليون منتدى بس النشاط في 3 منتديات
4)ترتيبك بين الأخوة؟؟؟
الثامن ==> قبل الاخير
5)هل كنت دلوع ؟؟؟ منو يدلعك اكثر ماما ولا بابا؟؟هه
ياحسره اي دلع ,, لول محد كان يدلعني لا ماما ولا بابا ^^
6) شو كان اكره مادة؟؟؟وشو كان احلى مادة؟؟؟
اكره ماده التاريخ .. يدرسونا اشياء ماتخصنا لا فالدين ولا فالحياه ليش ندرسها مادري
كله عن هتلر وربعه وشو نبابهم هذيلا
وبالنسبه لأحلى ماده التربيه الاسلاميه .. بس يبت فيها دور ثاني مادري ليش هههه
يمكن عسب الحصه كانت ازقرت والله يذكرك بالخير استاذ عمر ثاني
7)وين تبغي اتسافر في الإجازة؟؟؟
مــصـــــــــر
وانتهت اسألتي وما بكون لي رجعة بعدين ...هههههه
الحمدلله
اسولف بطالع يمكن احصل اسئلة ثانية اسألك اياها...
لاحول ولاقوة
السلام علييكم
وعليكم السلام والرحمه ياهلا
انا بس أقرا ما بسألك عشاان ما أنحط ع كرسي الاعتراف بعدين هع هع هع
عيل ابشــر ان شاء الله تكون عقبي ^^
اقتباس:
المشاركة الأصلية كتبت بواسطة قايد الغزلان
مشكور على الإجابات المتألقه بس حبيت اخبرك إني بنت
تحياتي 3SABYA
اسف اختي 3SABYA عبالي واحد
حقج عليه ,,
مسموح بالحل بس حبيت اوضح :)
ههههههههههههههههه
ضحكني الموقف يا قايد الغزلان
ممكن موقف ثاني
ههههه
قايد الغزلان
لو خيروك بين هالثلاث وضايف وبين بتروح
1) ادنوك >معاشك فووق بس دوامك تعب
2) الجيش > معاشك فووق بس ما تعرف وين يعقونك
3) الشرطه >معاشك زين بس مرتاح
يله اختار
ههههههههههههههههه
ضحكني الموقف يا قايد الغزلان
ممكن موقف ثاني
ههههه
والله ماتذكر الحين من كثر المواقف لول
قايد الغزلان
عيونـــه
لو خيروك بين هالثلاث وضايف وبين بتروح
1) ادنوك >معاشك فووق بس دوامك تعب
2) الجيش > معاشك فووق بس ما تعرف وين يعقونك
3) الشرطه >معاشك زين بس مرتاح
يله اختار
يوم انه الدوام راحه والمعاش زين
ولا شو تقول ...!!
قيود للحين مب محصل لك اسأله محرجه
بس اسليك فالبدايه بكم سوال >>تسخين يعني
قيود للحين مب محصل لك اسأله محرجه
بعد كل ها الاسأله منكم تمت اسأله محرجه..!!
بس اسليك فالبدايه بكم سوال >>تسخين يعني
ساخت طال عمرك وجاهز باي وقت
بس لو تسمحون يالاداره غيروا لي الكرسي هالكرسي يذكرني بأيام المدرسه بغرفة المصادر هع هع
شو كرسي غرفه المصادر
شكلك تبي كرسي المدير
قيود كم مره انطردت من الصف ايام المدرسه
وكيف كنت تخبل فالمدرسين
شو كرسي غرفه المصادر
شكلك تبي كرسي المدير
ليش لا عادي ههه
قيود كم مره انطردت من الصف ايام المدرسه
هههه يينا للفضايح عاد بصراحه مادري كم مره بس الغياب من الحصه اكثر من الحضور تقريبا ==> فرحان
وكيف كنت تخبل فالمدرسين
لاحول ولاقوة انت على شو ناوي مافينا المدير يدخل ويقرا بيقول هذا كان يلعب من وراي ههه
بصراحه وايد اشياء تخليني انطرد على حسب كل حصه والمدرس شو نوع طردته مثل:-
أكل لبان بحصة الانجليزي ولا اتكلم ويا اللي وراي ==> go out
انسى الكتاب بحصة العربي>>> متعمد لأنه حصته ترقد و ملل وابا اطلع
حصة التربيه الاسلاميه بعد اذا اكل لبان يطلعني بس اخذ لفتين وارد الصف يدخلني ههه
والرقاد فحصة الانجليزي والعربي بعد يقولي غسل ويهك وتعال .. فرصه نتمشى شوي
واغلب الشردات اطلع حجه للمدرس اقوله بروح فوق عند المدرس الفلاني ولا ارد
وووو ما انسى التأخير بين الحصص هو السبب الرئيسي للطرده
يقعد المدرس يذلك يقولك بروحك ياي متأخر وتسوي حشره تراني بطلعك برع >> وهذا المطلوب
وبعد كل يوم ضرابه ويا عالي الشان ووو الجربه اللي وراي عارفنه منو انته (والميو وحليله ساكت)
وبعض المدرسين لو ان شاء الله تقوله بموت بالصف ما بيطلعك حزتها انا ارقد عنه ولا اسوي حشره ==> ادري ماشي فايده
ودفتر السلوك مايقصر
بس بس عبوود خلاص احس كفايه هههه ذكرتنا بايام المدرسه ياريال
خلاص لاتسألني اسألتك انت محرجه الصراحه:sm87:
شو بتكون رد فعلك أذا يت لك بنت فمكان عام وقالت لك أحبك وطلبت رقمك .....؟؟؟؟
ها رديت المرة الثالثة ..بس بكون هاي آخر مرة لا تخاف خلصت تاريخ صلاحية عقلي يبغي عقلي شوية تعديل...
اوكي سؤالي يقول ممممم هي شو رايك في كل عضو :-
عاشق الرمس ...؟؟؟
ماجد...؟؟؟
نور البدر..؟؟؟
ساحر القلوب؟؟؟
فراشة الرمس...؟؟؟
بنوتة الرمس..؟؟؟
العتيبي..؟؟
وبوناصر..؟؟
وآخر شيء انا ..؟؟ههههه
اوكي مع السلامة في امان الله ..اختك في الله soso
شو بتكون رد فعلك أذا يت لك بنت فمكان عام وقالت لك أحبك وطلبت رقمك .....؟؟؟؟
سؤال جريئ الصراحه بس بجاوبج
اولا وين عايشين حنا فتايلاند خخ
اصلا ما بعطيها مجال تتكلم
والمفروض هي تحترم المكان العام بعد
ماقدر اقولج اكثر من جيه ^^
ها رديت المرة الثالثة ..بس بكون هاي آخر مرة لا تخاف خلصت تاريخ صلاحية عقلي يبغي عقلي شوية تعديل...
يعني خلاص مالج عوده مره ثانيه ... ههه
اوكي سؤالي يقول ممممم هي شو رايك في كل عضو :-
عاشق الرمس ...؟؟؟ انسان حبوب وتلقين نشاطه دايمــا الصبح يكون مزاجه رايق ^^
ماجد...؟؟؟ هذا الانسان ذو خبره والواحد مايفرط فيه ابدا ما شاء الله عليه عنده افكار اكبر من عقله ما شاء الله عليك ماجد عن احسدك
نور البدر..؟؟؟ ردودها تعجبني وتلقينها فكل موضوع مطله يعطيها العافيه
ساحر القلوب؟؟؟ ماعرف عنه شي بس يبقى اخونا فالمنتدى
فراشة الرمس...؟؟؟ غنيه عن التعريف ولكن عسى المانع خير صار لها كمن يوم مالها مشاركات وهي المحرك الرئيسي للمنتدى من حيث المسابقات والجوايز
بنوتة الرمس..؟؟؟ ماعرف عنها شي
العتيبي..؟؟ مكرر
وبوناصر..؟؟ هذا الانسان لو نتكلم عنه من اليوم لباجر مانوفي حقه ابدا لو لاه ما اجتمعنا فها المنتدى وعنده طموح ما شاء الله عليه وامنيته شهرة المنتدى على مستوى الامارات والله يوفقه
وآخر شيء انا ..؟؟ههههه
انتي بسميج مشاكسة المنتدى
طلعتي حرتج كلها عليه
كل يوم ناطه لي بمجموعة اسأله بس خفاف مثلج
اوكي مع السلامة في امان الله ..اختك في الله soso
فمان الكريم وحياج الله ونلتقي معاج فكرسي الاعتراف يوم بيكون لج >> ناوي لج
||ثلاث أشياء تقدر تتوقعهاا فيني...؟؟؟||.... بما أنك ما تعرفني ....
||ثلاث أشياء تقدر تتوقعهاا فيني...؟؟؟||.... بما أنك ما تعرفني ....
ماحددتي لي من اي ناحيه يعني ...!!!؟
راح ابدأ بالاسئله
ماهي تجربتك بالحياة وستفدت منها ؟
ماهي هواياتك المفضله ؟
سنه من أجمل الأعمار التي يمر بها الإنسان ؟
ما المميز في هذا العمر من وجهة نظرك ؟!
هل تتمنى شيئا في عالم النت وتريد تحقيقه ؟
أجمل بلده سافرت لها ؟
أجمل كتاب قرأته ؟
ما هو برنامجك Me3ady اليومي ؟
والسموحــــــــــــــــهـ .... مياسين
راح ابدأ بالاسئله
نوافي نورت المكان الغالي خف علينا عاد ولا تراني بقفل مبايلك .. ههههه
ماهي تجربتك بالحياة وستفدت منها ؟
سفر الاهل واتم فالبيت .. الصبر
ماهي هواياتك المفضله ؟
النت النت النت
سنه من أجمل الأعمار التي يمر بها الإنسان ؟
الطفوله ايام الدلع اذا كان فيه دلع لول
ما المميز في هذا العمر من وجهة نظرك ؟!
بداية مشوار حياتك بعد الثانويه
هل تتمنى شيئا في عالم النت وتريد تحقيقه ؟
نعم كنت اتمنى يكون عندي منتدى يحمل اسم الرمس والحمدلله تحقق
أجمل بلده سافرت لها ؟
مكرر مصـــر
أجمل كتاب قرأته ؟
مكرر
ما هو برنامجك Me3ady اليومي ؟
مكرر
والسموحــــــــــــــــهـ .... مياسين
مسموووح بس عندي كلمة ابي اقولها لك وانا ما يخصني وانت عارف منو اللي يبي يقولها لك
( المــ .... ) عرفت ولا بعدك .. ^^
مايخصني ترى* شسالفة مياسين بعد ^^:sm117: