ما اظني الخبر اكيد شو شهر لعبان هو اغيب يوم واحد ينخصم عني راتب شهر كامل لاااااا لااااا مش معقول ما دش العقل
عرض للطباعة
ما اظني الخبر اكيد شو شهر لعبان هو اغيب يوم واحد ينخصم عني راتب شهر كامل لاااااا لااااا مش معقول ما دش العقل
اكيد لا
شو ها المصخرة ليش راتب شهر كامل !! من زين الراتب الحين ؟؟!!
اخوي متأكد من ها الخبر ؟؟
يستاهلون
يستاهلون والله معقوله 30 يوم واحد شو اكيد متفقين
شكرا على الخصم يستاهلون
الاداره يسلموا بارك الله لهم وربي يسعدهم
:sm141:يسلموا بصراحه انا معاه الخصم يحمدون ربهم انه مافنشوهم
السلام عليكم ورحمة الله وبركاته
موضوع غياب 30 موظف في جلفار في يوم واحد مااعتقد معقوله ولا صدفه
اول شي اللي غابوا 30 موظف بصراحه ما يدخل العقل ولا حد يصدقه ومحد ييب كلام من عنده
ولا يقول كلام ماصار ولا استوى هذي شركه خاص
ثاني شي هذي شركه خاصه يعني كل ماغاب الموظفون قل الانتاج يعني من وين ييبون رواتب الموظفين
وثالت شي اللي عنده شي ما يتكلم بالهوي او شي يسير الاداره ويتكلم ويقول اللي بخاطره
وما يسب الناس
ورابع شي التلفون ممنوع لازم لانه شركه خاصه يبون انتاج مايبون لعب وسوالف لانه يبون انتاج اول شي رواتب الموظفون وهم انتمالموظفون تبون راتب وثاني شي سمعه الشركه وللشركه
وبعد شركه فيها بنات وشباب لازم كل انسان يلتزم لانه هذا عمل وربي العالمين يحاسبكم
واما عن الظلم والخ اخر
فكل انسان مقتنع رب العالمين يوفقه لو انشالله راتبه 1000 هذا مكتوب من رب العالمين
من فلان ولا اي حد بالعكس هذا نصيبك من الدنيا ممكن رب العالمين يختبرك ويشوفك
فالانسان يقول الحمدلله
وكل انسان يسير دربه ما يخصه في حد رب العالمين بيوفقه وبيفتح له ابواب الخير
واللي عنده شي يبا يقوله يتكلم بصراحه ويسير الاداره
لانه هذا سمعه وانتوا تشتغلون فيه فكل انسان فينى الله يراقبه
واتمنا القى ردودكم بصراحه
هلا اخوي المدير طبعا قريت الرد
وابصراحة ردك مب معقول..شكلك مب صاحي ع هالرمسة الي اتقولهااا
اخوي المدير انا مابزيد بالرمسة وياك بس اتمنى انك اداوم بجلفار واتجوف
ألي جفناه..واذا كنت تشتغل ويانا بجلفار اكيد مابتكون عند التعبئة..
والسمووووووحة اخوي بس هاذا ردي لك...
صح ألسانج أختي جريحة الصمت لو كان الأخ المدير يشتغل في جلفار أو ع الأقل في قسم التعبئه كان حس بالمعاناه والظلم والمذله في جلفار
وإللي أيده بالماي مب مثل إللي أيده بالنار
بس ما أقول غير حسبي الله ونعم الوكيل
وإللي عنده أعتراض على كلامي أتريا الردود.
والسموووووووووووووووووووووووووووووحه
والله اذا الخبر مؤكد .. ترا هذا ظلم بشري والله بيحاسبهم عليه .. نتمنى حد من البشر يحاسب بعد
وفعلا مثل ما قال أحد الاخوان .. مب من زين راتبهم .. وعلى قولة ربعي هناك صاروا الهنود والجنسيات الثانية من الآسيويين هم الملوك ..
كان ممكن تكون العقوبة بشكل ثاني .. تكون على الاقل حقانية في حقهم .. تكون خصم راتب يوم واحد مثل ما يقول القانون والمنطق ..
الله يستر ويجير هالفقارى .. يعني ياله الواحد يحصل شغل في راك
مراحب
بصراحه اخوي مدير انا اعترض على كلامك لانه ظلم وانا بصراحه ما اشتغلت بجلفار لكني سمعت عن المعاناه والظلم فيها
وانا اوافقج اختي جريحة الصمت
أنا ضد هذا القرار
انا الصراحه بدون زعل ضد هالشي
اولا رواتب جلفار اخرطي مب شي
وثانيا القرار فيه ظلم يالله لانهم غابوا قامواا وخصموا عنهم راتب شهر حشى شو هالقرار
مدير انت على ما اعتقد ما جربت الشغل هناك لا تقعد تقول شي انت ما تعرفه مووول
انا اشتغل هناك وشي ظلم
والظلم هناك بشكل ما تتوقعه
الرجاء من بعض الأعضاء الكرام استخدام الاسلوب الانسب في النقاش
وإلا سيتم غلق الموضوع
مراقب عام
الغياب ما كان متفق عليه .. كل وااحد وظرووفه ..
و ع سالفه الفون .. صح كلااامك اخوووي المدير .. الموظف ياااي يشتغل ماييااي يسوولف بالفووون .. بس للاسف ما يخلون اي موظف يرمس بتلفون الشركه .. واذا الاهل اتصلووا بالموظف يصكرون التلفون فويهم ..
و نحن ما انشووه سمعه الشركه .. و لو رحنا للاداره محد بسويلنا ساالفه .. ع فكره اذا رحنا قلنا لللاداره ع طوول بيقولون لنا هااتوا البطاااقه و اطلعوا من الشركه ..
بس لو خلووا كل الاقساام تشتغل نفس بعض يعني ما يكوون لقسم من الاقساام وقت بريك اكثر من القسم الثااني .. و ع فكره هالسووالف ما استووت فكل الاقساام فقسم وااحد بس .. لان فبااقي الاقساام ما في لا حقد و كره و لا فتن ..
و سالفه الانتااج المووظف الواحد يطلع انتااج اكثر ما تتوقعه الشركه .. و غياب الـ 30 شخص ما رااح ياثر ع الانتااج وااايد .. المووظف الوااحد يشتغل عن 2 موظف ..
و صح كلامك اخووي قااايد الغزلان في نااس ما تعرف كيف تتنااقش .. و اذا الرد ما كاان فمكاانه لا اتحطوونه فالمووضووع .. و السموحه ..
[align=center]
السموحة منك اخوي قايد الغزلان
[/align]
حبيت أقولك أخوي مدير أن أحنا موضوعنا كان عن الغياب والخصم..يعني مافيه داعي أدخل حركات البنات ويا الشباب في موضوعنا .. لأن هذا موضوع ثاني .. وبعدين هذي سمعه وإنت ما يحق لك ولا لغيرك تتكلم فيها.. لأن رب العالمين يسمعك .. وبيحاسبك على كل كلمه تتلفظ فيها ..( ما يلفظ من قول إلا لديه رقيب عتيد )
وبعدين أصابع أيدك مب سوى .. يعني مايصير تجمع ..
ثانيا ممكن أعرف شوو سؤالك؟؟؟؟؟؟
اخوي المدير اسأل بس بليز لو سمحت لا تقعد تغعلط ع بنات وشباب جلفار
اوكيشن
وانت شكله راتبك اوكي لو يخصمونه جان زين عشان تحس^^
أخوي المدير نترياااااااااااا السؤال ..
تم اغلاق الموضوع لان الموضوع اخدا حقه في النقاش
والسموحه