الخيماوي في أسوأ حالاته يفوز على الرمس .. ولاعزاء للتخلف الجماهيري

ليش تحط اللوم على جمهور الرمس وانت ما كنت موجود

اقتباس:

---

المشاركة الأصلية كتبت بواسطة بو جسوم

ليش تحط اللوم على جمهور الرمس وانت ما كنت موجود

---

أنا كنت موجود بين الجمهورين الحبيبين وجالس في المنتصف وأشاهد كل صغيره وكبيرة

جاسم لا تحسسني انك فاهم ف التحكيم

انت شو ما زعق الجمهور صفرت هههههههههه

ومعلووم بتايد الحكم لانه على قوله المثل (( اختكي مثلكي )) ههههههه

تكرمنا يسكاتك

هردلك يالرمساويه هذه كبوة حصان مثل مايقول المثل ولا تتكلم عن جمهور الرمس جيه لانك انته من الرمس والكلام إلي قلته ينطبق عليك وبعدين الحكم هو إلي خرب المباراه ولا تقول جماهير الرمس جماهير رأس الخيمه الي بدوا برمي الزجاجات على جماهير الرمس تتدرون ليش الحكم هو الى خرب المبارا لأنه مو قد هّذي المباراه ومبروك للخيماويه...

حبك للخيماوي خلاك عمي وما تدري شو تكتب

وعن خبرتك مال عشر سنين .. تراها ما تشفع لك ..

يا جاسم .. والله نادي الرمس وجمهوره أكبر عن مواضيعكم اللي مالها اي معني .. ومب محتاجين لمثل هاي المواضيع ...

يعني العالم كله غلط وانته صح ..

والله التحكيم الاماراتي فااااااااااااااااااااااااااااااااااااااشل بوجود امثال حكم مباراة اليوم وغيره من اللي مب عارفين شو يقولون ..

لا لا لا لا
الحكم زيييين هههههههههههههههه وشهد اخوي جاسم رئيس لجنه الحكام ههههههههههههههه

الجماهير:: حكاااااااااااااااااااااااااام فاااااااااااااااااااول فااااااااااااوووووووووول

صييييييييييييييييييييييييييييييييييييييييييييت

الجماهير :. انذااااااار طررررررررررررررررررررررررررررد اطرده يا حكم

صييييييييييييييييييييييييييييييييييييييييييييييت

طرد .... ههههههههههههههه وقمنا نقيم الحكام

يا جاسم .. انت آخر واحد يتكلم عن التحكيم
انت ما أخليك تحكم حق ال 12 سنة ,,, ياي تتلكم الحين و تدافع عن الحكم الفاشل و تقول قراراته صحيحة
و بعدين انت تقول جمهور الرمس متخلف ,,, جمهور الرمس أكبر من إنك انت تتكلم عنه بهذا الاسلوب

خل كلامك و نصايحك لنفسك أحسن لك
للأسف انك تنتمي للرمس

اقتباس:

---

ومنو هم يكونون بشهادة الجميع علشان يحكمون للحكم بالفشل ؟؟؟

بالأساس هم ما يفقهون أبجديات التحكيم وأنت أكيد واحد منهم

---

نقطه وسننهي الموضوع بـ أكمله ...

أنت تعلم أبجديات التحيكم صح !!

أين أوصلتك هذه المعرفه ..!!
منذ 10 سنوات وأنت تدير مباريات للمراحل السنيه :sm167:

اقتباس:

---

المشاركة الأصلية كتبت بواسطة القلم الساخر

[align=center]خسارة الفريق الرمساوي لا تعني نهاية العالم , ونهاية الدوري و الدربي[/align]

[align=center]

نسينا عندما خسرنا من الفريق الخيماوي بـ 8 ؟

في هذه المباراة أثبتوا قلة من الجماهير الرمساويه بالتخلف الحاصل في عقولهم و برغم كل النداءات و التوعيه التي تمر بها دوري المحترفين و دوري الدرجة الاولى

نرى بعض المشجعين يرشقون العلب و كل ما تطالهم أياديهم في الملعب و نحو دكة أحتياط الفريق الرمساوي !! و بعد الهدف الثاني للفريق الخيماوي زادوا في الرشق و كأنهم في حرب ضد الإسرائليين ..

و بعد نهاية المباراه تحرش بهم لاعب الفريق الخيماوي فهبوا و أمطروه بالسب و الحركات اللا أخلاقية و بعدها تحولوا الى رماة العلب في الملعب و المدرجات و نحو جمهور المضيف . و تم تبادل الرشق بين الجماهير

و في الخارج حدثت معارك أخرى بين الجماهير و من هذه المعارك 3 او 4 ضد 1 في معركه غير متكافئة

هذا هو مستوى جماهيرنا .!!

و بالنهاية أدفع يا نادي هذه التجاوزات و كأن النادي لديه خزينه تدر بالأموال ؟

على الجماهير تقبل الخساره قبل تقبلهم للهزيمة

و لا عزاء للمدرب و اللاعبين في جماهيرهم الوفيه

و شكرا

[/align]

---

اهلا القلم الساخر ...

نعم نسينا هزيمة الفريق بال 8 ... ولو كنت تتذكر الرمس كان يلعب بفريق ال18 سنه وبدون اجانب عندما هزمنا ..ف هذه النتيجه وارده في ظل وجود فريق اول براس الخيمه متمرس وموجود بالفريق الاول من 5 او 6 سنوات وباجانب ف ماعتقد فريق 18 بيفوز على الفريق الاول ..؟ الكفه غير متعادله ونحن مانلوم حد لانه ظروفنا كانت تعبانه والكل عارف ..ما يحتاي اشرح وانته تعرف كل شئ

لن اتحدث عن رمي العلب ..تحدثت بهالشئ للاخ جاسم محمد

و سأتحدث عن المشاجره الي صارت .. اولا انا كنت موجود عندما قامو برمي الحجاره وزجاجات البيبسي وغيرها على السيارات من فوق المدرج وكانو جماهير الرمس تحت كل حد مكفي الشر وساير وانا بعيني شفت واحد من الرمس كان ينرمي بالحجاره لولا رحمة رب العالمين كان بينصاب .. وبعدها كل حد هرب الي قفز من فوق سور الملعب ودخل الملعب والي نزل من فوق المدرج للملعب ..عندها اتى شاب يتكلم بصوره متعجرفه كانه هوه البطل امام كل جمهور الرمس .. وقال جمله ( انتو اهل الرمس هذا مستواكم يهال ) بعدها شو تنتظر من الجماهير تصفق وتحيه مثلا .. قال اهل الرمس يعني الرمس كلها لو انته ترضى ..الجماهير بهاكي الوقت وهي فايره غصب ما بترضى ولو بعد بدون الغضب محد يرضى للرمس شئ .. ولا تقول الكفه مب متعادله هوه الي ياب لعمره هذا الشئ ..

هذا مب مستوى جمهورنا .. انته غلطان

اندوكم منو يتكلم عن التحكيم
دامك حكم أكيد ما بترضى لاي حكم لو غلط . ومب انت اللي تقيم جمهور الرمس . روح ادب جمهورك قبل وانت قبل لاتكون خيماوي تأكد انه دمك رمساوي ولكن اليوم انا اقول جماهير الرمس تستغنى عن اي واحد من امثالك . ما بكثر حجي لانه لو بتكلم بخلي صفحه كامله بس ردي وافضل انك تتأسف وتمسح موضوعك وتفكنا من الحشره والحساسيات اللي مالها معنى . ولا تخل تتكرر سالفة منتدى الجوارح هنيه . وخلك انت وجمهورك الخيماوي المنوع . وتقول قاعد بالوسط ها . عزيزي جاسم روح اشرب لك شاي زعتر وارقد ابرك لك وراك صلاة الجمعه ولاتقعد تقيم حكم شراتك بكيفك
الحكم نحن من نقيمه كجمهور . وماعليه ان شالله نلتقي في مدرجات الرمس واتمنى انك ماتقعد مع جماهير الرمس خلك ويا احبابك الخيماويه . يا بو جمهور مثقف

همسه .. محد يمسح اي رد في هالموضوع خلو الحكم جاسم محمد يقرا اي تجريح له لانه هو من قام بقذف الكلمات للجماهير الرمساويه