الأطباء المواطنين يجتمعون بوزير الصحة لمدة 5 ساعات ويرفضون التلاعب بزيادة الرواتب

ليش ما يسمعونا .. هذي بلادنا واذا تكلمنا فهذا من حبنا لها .. يعني نسكت واحنا نشوف هالمهزله في وزارة الصحة والمالية .. اصلا وزارة الصحة تمر باسوء مراحل الفساد الاداري منذ عدة سنوات ..كل مسئول اسوء من اللي قبله والنتيجة ضياع حقوق الموظفين المواطنين سواء اطباء وفنيين او اداريين( مساكين الاداريين صاروا صبابيين قهوه في الوزاره ) لا ترقيات ولا تسويات اوضاع الا بالواسطات وحق معارفهم واقاربهم .. بؤر الفساد في كل الوزاره وزير ورى وزير وبدون نتيجة .. وآ خرتها رواتب الوافدين اكثر من المواطنين .. في اي دوله من العالم صارت ؟
ليش بلادنا ولا بلادهم .. وين خصوصية المواطن والله نبغي حد يغهمنا .. واللي عاد يسمع الاطباء الوافدين في وزارة الصحة يطيح وهو واقف .. والله مايسوون فلس واخطاءهم الطبية من ريلهم لين راسهم .. وهمهم الاول والاخير مصلحتهم مب المريض .. لوفيهم خير جن تمسكت فيهم بلدانهم والطبيب الشاطر ما يطلع من بلاده .. كيف الطبيب المواطن يحس بقيمته اذا شاف الوافد امتيازاته اكثر منه ؟
هل من المعقول ان تصرف ميزانية بهذا الحجم للوافدين ؟؟ هذى اموال دوله تهدر ويجب ان يحاسبون على ذلك ..وخاصة اذا عرفنا ان نسبة الاطباء الاستشاريين المواطنين في وزارة الصحه 8 % والاخصائيين 13% والممارسين 24% ونفس النسبة تقرييا للفنيين والتمريض !! علامه تعجب كبيره يجب ان يقف عندها وزير الصحة والمالية .. هذا قليل من كثييييير
حسبنا الله ونعم الوكيل

الله يكوون في العوون