مواطنات يُطالبن بضوابط تحدّ مــن زواج المواطنين بأجنبيات

اقتباس:

---

المشاركة الأصلية كتبت بواسطة ريووووووف

بارك الله فيج حرم علي والله يكثر من أمثالج. .... عجبني كلامج والله يبارك لج ببيتج وعيالج

---

المشكلة محد فاهمني يا أختي ,, دووم يطلعوني غلطانة
:aa_Sanson::aa_Sanson::aa_Sanson::aa_Sanson::aa_Sanson:

والله غامضيني هالشباب , نصهم صك الثلاثين وهو مب قادر يكمل نص دينة
والسبب بطرة هالبنات

<<<<حلاة الثوب رقعته منه وفيه>>>>
ياشباب
بنت أهلك وبلادك مثل التمره ماتردى بالساهل .
بنت غير أهلك و بلادك مثل الخوخ سريع التلف
يابنات البلاد
خفوا على أعماركم ورياييل
أهلكم وبلادكم من الكماليات
والركيض وراء مزاهد الدنيا .


*حرم علي
بيض الله وجهك
وكثر الله من امثالك .

كل حد له وجه نظر

واختلاف الراي لا يفسد للود قضيه

فيه بيوت جي وفيه بيوت جي

والدنيا بها الوقت غاليه

وهاي فرحتهم

اللي يقدر لا يبخل

واللي ما عنده الله بيحط له بدربه الناس اللي تقدر

بس لا تقنعوني بواحد مطلع رنج وكاله ويقول مصاريف العرس وايد....

واحد يسافر بالشهر مره ويقول ما عندي

واحد ساعاته كلها ماركات ونعلته بالالاف وقال يتطلبن ويتشرطن

فعلا كل واحد ايشوف اامور من وجهة نظره .. أو من خلال تجربته .. او من خلال مواقف ايشوفها ..


بس انا اشوف ان ايام غلاء المهور ولت عرفت بنات اتزوجوا بمهور قليله .. بالعكس اوقفوا ويارياييلهم في ظروف يمكن لو وحده اجنبيه ماتتحملها .. بنات الامارات غرسهن طيب .. والحمدلله منو هالشاب الي ماعنده فلوس . عندهم لأفخم السيارات ، والساعات، والسفرات، والسهرات ، وطول اليوم تلفليف فالاسواق ورى البنات .. ومن يطرون موضوع الزواج قالوا البيت .. وهذا حال اغلب الشباب الا من رحم ربي..

البنت ماتبغي الا الستر.. واذا شي وحده تبا مهرها مليووون في المقابل الف وحده تبا الستر .. والبنات الحين ماشالله عليهن كل وحده احلى من الثانيه وككلهن يهتمن بعمارهن ...

المفروض انا مانحكم دايما عالطرف الضعيف في اي قضيه..الشاب لو فكر في الزواج من اول مايشتغل ووفر مبلغ من راتبه كل شهر وواالله ايروم ياخذ الي يبالها وباي مهر .. بس الواحد ايقزر حياته في لعب ويوم يبا ايعرس ايكون صارف الاولي والتالي وايقول ماعندي .. بس عنده يشتري موتر ب 400,000

منطق غريب الصراحه..

وياجماعه خلوا النقاش راقي ولاتحتدون على اشياء ماتسوى .. الي له نصيب بياخذه .. والبنت الي ماتتزوج وتستر نفسها الله ايجازيها في اخرتها خير اكثر من طافها فالدنيا ..

هذا رايي .. والله يهدي الجميع

اؤيد لا اؤيد هذا كلامكم يالحريم رااعوا الواحد في المهر ومحد بيتزوج من الاجنبية والوااافدة
وثااني شيء الوحده قبل الزوااج يا زينها وبعد الزواااج تخووف الزووج سواا ارياااضه حاافظوووا على رشااقتكن
وان شاء الله محد بيفكر بغيركن
وبتقولوون الحمل والحمل بعد الحمل سوااا اريااضه وحاافظوواا على اشكالكن الله يزيكم كل خير

فعلا كل واحد ايشوف الامور من وجهة نظره.. أو من مواقف شايفنها ..أو تجربه شخصيه..

بس أبا اسال الشباب الي يتاففون ويتشكون من المهور .. ماتشتكون يوم اطلعون مواتر ب 400,000 ، الواحد من يشتغل ايطيح في سلفيات سيايير كل سنتين سياره .. والسفرات الي الها اول ومالها اخر.. والساعات ................والخ .. اشمعنا من يفتحون موضوع الزواج اتحججوا عالمهر..

البنت شو تبا غير الستر .. ايااام المهور المرتفعه ولت .. هذا كلام جدا قديم واذا شي وحده تبا مهرها مليم فمقابلها الف وحده تبا الستر ... لانظلم الطرف الضعيف في كل قضيه .. بعدين منو الحين ماعنده فلوس ولله الحمد .. من زادوا الرواتب انترست راس الخيمه من الرينجات .. استون اكثر عن التكاسي ..

الي يبا الصلاة ماتفوته .. الغريبه مهما تمت وياك مردها لاهلها وبتحن لبلادها ..مالنا حق انذم فيهن في منهن ربن رياييل ماشالله عليهن بس مهما كان بتحن لبلادها .. بس بنت البلاد مهما طلبت واتغلت وقت الشده ماتلقى غيرها سندلك وعون ..

الله يهدي الجمييع .. والي له نصيب بيلقاه .. والبنت الي مالقت نصيبها فالدنيا .. ربي بيعوضها بالخير كله فالاخره ..


تقبلوا رايي ومروري

الله يرزق الجميع

اقتباس:

---

المشاركة الأصلية كتبت بواسطة حرم علي

المشكلة محد فاهمني يا أختي ,, دووم يطلعوني غلطانة
:aa_sanson::aa_sanson::aa_sanson::aa_sanson::aa_sanson:

والله غامضيني هالشباب , نصهم صك الثلاثين وهو مب قادر يكمل نص دينة
والسبب بطرة هالبنات

---

بصراحه يكسرون الخاطر ........ في مره واحد مواطن حب بنت من بنات العين ويبا يتزوجها لانه انسان عنده ضمير يبيها ....فتقدم لها .... تخيلي كم طلبوا 500 الف بس مهر غير الزهبه والذهب وغير الصاله ... وأهله ماا قدرو على التكاليف غير طالبين حق الابوه و الأمومه ... الولد انقهررر بعدين سافر دورة ضمن دوامه لدوله خليجيه وشاف بنت هناك والله بس عقدو بالمحكمة بدون عرس وخذاها معاه يكمل دورته ببلاد اجنبيه




شو استفادو اهل البنت .... ؟؟؟؟ بنتكم كانت تكلم ريال .. والريال كان يبيها كزوجه ... الولد مؤب غلطان .. البنت وأهلها الغلطانطين ....

مؤ حرام عليهم فكروا بنات ... حتى لو شفتي أبوج ظلم اللـي يتقدم لج كلميه شوفيها لو قلتي أبا هالريال ......كثير صبرو على رياييلهم لين الله فتحها عليهم

خليهن يولن اختي , كل وحدة عقلها في راسها
و لو رمسنا في هالموضوع من اليوم لين باجر محد بيفهم
والبنت العاقلة الذكية اللي تبغي الستر
ما بتقارن نفسها بقيمة سيارة والا ساعة

خل الشباب ياخذون مغربيات ولبنانيات بالعافية عليهم

أدب للبطرانات

بارك الله فيك يا
حرم علي
بكل كلمه قلتيها [align=center][/align]