خبر عاجل: حريق في مستشفى صقر (صور حصرية على الرمس نت )

السلام عليكم
تستاهلون السلامه يا اهل البلاد
أنا البارحه كنت هناك وشفت اللي استوي وما قصروا رجال الدفاع المدني والشرطة الله يحفظهم وذخر حق الوطن ما قصروا ويعطيهم ألف العافيه المهم كنت هناك كان كل شي اوكي بس شي واحد الصراحه أنا والشباب اللي عندي تضايقنا من شغله صج والله المرضى وأهلهم مظهرينهم برع وتعرفون انتوا تستوي دربكه وربشبه وبعض الشباب ياليسن يصورون فيديوا ويصورون البنات والحريم طيب يا شباب هالناس هم اهلكم عيال ديرتكم جيرانك كيف ترض أنت حد يصور أهلك ولا عيال ديرتك ...؟ بس الصراحه أنا وايد تضايقت من هالشغله ومت قهر والله وسوري طولت عليكم الرمسه شوي

الحمد الله ع السلامهـ .. وزين اللي عدت السالفه ع خير ...

شكرااا على التغطيهـ .. وربي يحفظ الجميع ان شاء الله ....

الله يعينهم والله

اخوي قلب رهيف
اشكرك على التواضل

ولكن انا بعد اقولك محد صور هناك
واللي صور رجال الامن حذفو كل الصور
ومنعو التصوير
ولكن هالصور الموجوده فالموضوع وصلتنا عن طريق صحفي ..
والصحافه عندهم تصريح في تصوير التغطيات

والسموحه منك اخوي ,,

لا حول ولا قوة الا بالله

اللهم لا اسالك رد القضاء ولكن اسالك اللطف فيه

الحمد الله على كل شى



و أهم شى ماشى أصابات

الحمد لله.. يوم عدت على خير...
و قبل الحريجة بكم من يوم.. كانوا مطلعين اخوي من الشيشة بالدور الخامس...

الحمدلله على سلامة اليهال..و كل الي كانوا بالدور الخامس..

الحمد لله على كل حال...

ان شآء الله محد تأذى
والحمدالله رجآل الامن سووآ اللي عليهم

بس الاهم ان الكل بخير

وان شالله الخسآير قليلة
شكرا على الخبر بس روعنآ وشكرا على الحصري