أشكـر حضورك وأنت كن أول عضو استفسر عن المسلسل وطالب بعودته..
متابعة شيقة للجميع،
عرض للطباعة
أشكـر حضورك وأنت كن أول عضو استفسر عن المسلسل وطالب بعودته..
متابعة شيقة للجميع،
الحمدالله ع رجوعك ...مااطالع مسلسلات في التلفزيون ... بس مسلسلك يا اخوي بو مشاري :aa_kaaak:...
الله يوفقك دوووووم ... ومشكوره يا رذاذ عبدالله على مجهودك ... تسلمين ...
يعني ... اكمل عد الحلقات امممممممممم وصلنا الحلقه السابعه ...صح ؟؟
الحمدلله رجع ,, صراحة حلوة الحلقات
بانتظار الحلقة الياية بفارغ الصبر ^^
معقوله التغطيه بخمسميه يعني احسه مبلغ حرام !!
بسيط وايد !! ولا يعني بس فالحلقه
سوف تندمون..!
العضو: سري للغاية
* مع الاعتذار للمشرف المتألق: سري للغاية
[align=center]66...645d28a81c.gif
[/align]
نبدأ موضوعنا معكم بعنوان: سوف تندمون!
وتستمر قافلة الإبداع..
إلى الأمام.. إلى الأمام لا رجوع !
إلى الأمام..
دقت ساعة العمل!
أيها الخونة!
من أنتم؟
سوف تندمون يوم لا ينفع الندم!
لأنكم ضعاف النفوس!
فأي رسالة تملكونها أنتم يا ضعاف النفوس؟
وأي حماقة هي تدور في أنفسكم؟
أنتم أساتذة الخيانة
أنتم يا حمقى أنظروا إلى أنفسكم بالمرآة
أنتم يا بشر يا عالم
من أنتم؟
موضوعنا يدور حول الخيانة والحماقة
فالبعض تطوقه هذه المفردات للأسف الشديد
نستقبل نقاشكم وردودكم دون اللكمات والبعد عن الشتائم
فنحن ليس بصدد تصوير برنامج الاتجاه المعاكس
لأننا نحن التيار والموج معا
لأننا نملك حق الكلمة التي تقع كالسيف على رقابكم
هل تعلمون؟
نحن لسنا في ساحة حرب او قتال
لأن سيفنا الكلمة التي تقطع الرؤوس والرقاب
بل لأننا سيل جارف يجرف كل صخر وحجر
هل تعلمون أيها الحمقى
أيها المغفلون
لكل داء دواء يستطب به..إلا الحماقة أعيت من يداويها
في انتظار تعقيبكم الذي يجب أن يكون حار كالطبخة التي أعددتها
الآن ما هو تقييمك لمشرفي قسم الحوار؟
5 ستار أو No ستار؟؟
اقتباس:
المشاركة الأصلية كتبت بواسطة مزنووه
تغطية العرس بالصالة 500
وفي البيت 1000
الله يعين البخيتي
صح نسيت أخبركم..
اليوم مفروض إجازة..
بس حطيت حلقة بدال يوم الخميس بكون مشغول
السموحة منكم ومن الأعضاء
وإن شاء الله محد يزعل
ماشاء الله عليكـ .. مبدع كعادتكـ ..
تسلم ع الحلقة الحلوه ..
ربي يعطيك الصحة و العافية ..
بإنتظار الحلقات القادمة ..
تحياتي ..
=)
منور يا بو مشاري
والحلقه حلوه وننتظر الجايات
تحياتي
شي حلو ... تسلم اخوي بو مشاري... الاخ سري للغايه انسان مبدع دائما حواره اكثر من روعه ...
الحلقه 8
شي جمـــيل عاودت عرض الحلقات!
كما تمنى جميع الأعضاء..
الأخ الكريم :
بومشــاري
..حلقة جميلة..
كما عودتنا دائماً..
المشــرف المتـــألق.. دائمــاً..
..ســـري للغاية..
كل التقديــــر لشخصه الكريم..
وتحــية معطــرة ملؤها الإحترام
لقلمة المزخرف المبدع المميز..
ودمتم بسعادة وزيادة
منتهى الكمال
يااااااااا سلااااااااااااااام رد المسلسل وان شاء الله ما ينقطع ( فيس يصيح) ,, !!
ههههههههههههههههههههههههههههههههههههههههههههههههههههههه
بداااااااايه المسلسل اتضحك حسيت عمري اسمع خطاب القدافي خخخخ
وتحيه لاخوناا سري للغايه دايماا متألق بكتاابته ... !!
وتسلم اخويه بومشااري عسااك ع القووه دوووم !!
آيوآاااااآه والله احسه شوي><اقتباس:
المشاركة الأصلية كتبت بواسطة بو مشاري
مشكور بو مشاااري ع التوضيييييح
صراحه حلقه ممتعه اليوم خخخ
تحيه لاخونا سري للغاايه
ولك ياا اخونا المبدع بومشاري
ليلام تايم..!
العضوة: أم محمد من راك ( عضوية تاجرة )
66...910a9012d1.jpg
صباح الخير ماية..
زقري ميري خلينا نصور الدخون ونحطه بالمنتدى..عسب الناس تجوف وتشتري..!!
الأم: ما يستوي يا بنتي..المفروض الناس تشم ما تجوف..
شو دراج ماية ..ألحين الانترنت يمشي الحال..
الناس الفقارى استوت كبارية..!!
ماري..ماري..
جيب هذا كرتون مال دخون داخل كبت..
شوي شوي ما في كسر..لاكسر راسج..!!
وقعدت أم محمد تصور الدخون..
هذا دخون مزنة..وهذا دخون الشيخة،،وهذا عود معطر..وهذا دخون الغاوية..والثاني بعد دخون ملون..!!
والجديد: دخون الكابتشينو العجيب..!
ألحين بتجوفين أميه الطلبات والموبايل بينحرق عالهدخون..!!
وقعدت تحمل الصور وتحطها في المنتدى..!!
شو أكتب في بداية الموضوع..!؟؟؟
والعنوان لازم يكون حلو ومغري بعد..!!
أممممممممممم
أقربوا دخون أم محمد من راك
حياكم اجود أنواع العود المعطر..
وأرقى أنواع الدخون الفرنسي ..
ريحته ما تخوز مووووووون من البيت...!!
ريحته خنينة..اتم في الثياب لو انغسلت بعد بالتايد ..!
حق العيد وحق رمضان وحق الأعراس ..
واااااايد روعة ويفوح...!!
إلي بتشتري ما بتندم...!!
ألحين عاد بقى العنوان: أمممممممممممممم
الدخون السحري لريحة غاوية مع أم محمد من راك
هيه هذا هو العنوان..
للطلب: الرجاء إرسال رسالة خاصة مع رقم الدخون وإسمه..
مع إرسال بيانات المشتري..
الاسم الثلاثي..رقم الهاتف..والمنطقة..
عسب أطرج لكم الطلبية ويه الدريول ويعرف مكان بيتكم..!!
ودعواتكم لي بالتوفيق في تجارتي..!
هههههههههههههه تسلم ياخوي بو مشاري...
ام محمد راك لها فتره طويله مختفيه مااشوف مشاركتها مثل قبل ... الله يوفقها بتجارتها ....
ح 9
هههههههههههه
حلوه حلوه حلوه الحلقه
وتسلم بومشاري
تحياتي
هع هع هع هع بس احلاهم دخوني
تسلم ع الحلقه الغاويه فنتظار اليديد
متاابعه
يمه قرصتني عقربة..!
العضو: متسلق الجبال..!
http://im9.gulfup.com/2011-08-17/1313587662721.jpg
اليوم ببدأ برحلتي لجبال الرحبة وضاية ووادي غليلة..الوالدة ما عليج قصور سويلنا أكل علشان نتغذا أنا وربيعي هناك فوق الجبل.
الساعة 3 نص تحرك متسلق الجبال ويه ربيعه..
الله جوف هالمناظر شو رايك تصور حق المنتدى؟؟
بو سلطان صور أنت أنا عقب بصور فوق بعد،،
وقفوا السيارة وانطلقوا مشي ..
الله على بيوت أول يا خوك كيف عايشين الناس قبل؟ سبحان الله! مثل ألحين؟
تعال نجوف داخل البيوت ونصور ، متسلق يقول حق ربيعه بو سعيد
وساروا يصورون..
الله هالزولية أيام العصر العباسي ههههههه
بقعد أريح عليها يا بو سلطان تعبان شوي من المشي
وفجأة..
وااااااااااااااااااااي شي قرصني بو سعيد ألحق علي . بو سلطان وينك
أميه عقربة أعوذ بالله من إبليس شو يلسني إهني ع الهزولية.!
بو سلطان ألحقني يا بوك أخوك قرصته عقربة.!
وياه بو سعيد وطلع السكين وشخط مكان القرصة وقعد يمص الدم ويتفل..يمص الدم ويتفل..وحزم ريول متسلق الجبال حليله من فوق بغترة حمرا..
وسار يدور العقربة وضربها بحجر كبير فتتها مرة وحدة.
وشرب مسكين ماي..
متسلق الجبال: عن تخبر حد..تفضحني.يوم بننزل بسير العيادة أشيك على ريولي ولا باخذ إبرة..
بو سلطان: لا يا خوي..ما برمس عنك.أفا والله.
وقعدوا تغذوا فوق بالجبل ويه المناظر الحلوة وصوروا من فوق جبل الرحبة وضاية وتوجهوا لوادي غليلة..
http://im9.gulfup.com/2011-08-17/1313587662912.jpg
مناظر تريح الواحد والله
طبيعة حلوة وين كانت منخشة..كله قاعدين في بيوتنا وما نطالع من فوق..
جوف الخروص مال أول بصورها عجبني المنظر..المغرب توه بنتريا الغروب علشان أصوره..
الله ع الشمس وهي تسبح بالبحر خوش منظر يا بو سلطان والله لقطات حلوة ما تتفوت اليوم ، بس خربت علينا هالعقربة..قطع الله إبليسها..
زين سويت أخوي بو سلطان يوم ضربتها بالحجر..سويت لي معروف ما بنساه والله
يالله نسير حق سيارتنا..الدنيا بتصير ليل..
شب البوقلي يا ريال وتوكلنا على الله ولا حول ولا قوة إلا بالله!
ههههههههههههههههه
هع هع هع هع
وينك وينك يا متسلق الجبال تعال الحق شوف بو مشاري شو كاتب عنك
تحياااااتي
هههههههههههههههههههههههههههههههههههههههههههههههههههههههه
ههههه يحليلج يا متسلق وجاااااان يصيدوونك .. !!
سلااامات ما اتشووف شر ان شاء الله >> طبعا انت بالمسلسل مقروص وميهود خخخخخ
تسلم يااخووويه ع الحلقه الجميييله .. :)
سفير برتبة وزير والأميرة الناعسة ما شاء الله عليكم مداومين على متابعة الحلقات
وين الباقي يا جماعة؟
ثعابين ضخمة في الحليلة..!
العضو: قايد الغزلان.!
http://im9.gulfup.com/2011-08-18/1313666128341.jpg
الأخ فهد يالس ومريح مع التلفزيون..ياه اتصال من ربيعه..واحد رمساوي..
آلو أخ فهد ما سمعت..!
يقولون ثعابين كبار في منطقة الحليلة يمكن ظهرت من الميناء..تعال صور وغطي حق منتدى الرمس..!
قايد الغزلان: أنا سيارتي بالكراج أنت وينك.؟ تعال صوبي بلبس ثيابي وبترياك!
وحضر ربيع فهد الساعة 3 ونص الصبح وتوجهوا لمنطقة الحليلة صوب خور خوير قرب ميناء صقر
ما شاء الله الناس متجمعة والشباب يصورون من بعيد
سار فهد وصور كم من صورة وسأل الشباب من متى هالثعابين هنيه؟ كيف جفتونهم؟
واحد من الشباب: ما نعرف بس ع الساعة 2 ونص واحد خبرنا وحضرنا نتشوف..ودقوا تلفون للأخ جاسم الأزور مال حديقة عوافي بيي من بوظبي علشان يروضهم وإلا يشوف شو سالفتهم هو يعرف عليهم
والناس تتريا على أعصابها.
واحد يقول: أكيد هذي من البواخر إلي في المينا بس وايد ضخمة وتجتاف مخططة .
فهد يتصل لبو ناصر: آلو بو ناصر كيف حالك، تغطية حصرية اليوم ، ثعابين كبار في منطقة الحليلة أنا والشباب كلنا هناك.
بس ما شفت أحمد البخيتي؟
بو ناصر: البخيتي دوام ولا بتجوفه سابقنك يصور.
فهد: زين أحنا نتريا جاسم الأزور مال حديقة عوافي يعرف لهالسوالف.
وفجأة حضر الأزور..
مرحبا أخوي تحمل تجتاف كباااااار وااايد
لا تقرب سيروا وياه يا شباب.
وتوجه جاسم الأزور وياه واحد من الشباب وكل ما يقترب إنكشف له المنظر الحقيقي..شو هالمصخرة..!؟؟
يايبيني من بوظبي عسبة هالشراشف؟؟؟
أي ثعابين منو متفيق نص الليل لهالخرابيط؟
وزقر الجماعة وساروا صوب الثعابين..
وصورها قايد الغزلان..وقال مقصتكم أنا بعد ياي الساعة 3 ونص
بس ما عليه بنزل التغطية شكلها بتجذب وااااااااايد قراء بنجوف التعليقات عاد على الموضوع..
حليلك يا جاسم يايبينك من بوظبي...أنا ياي من الرمس ومنقهر أنت من بوظبي!!
ههههههههههههههههههههه
خخخخخخخخخخخخخخخخخخخخخخخخخخخخخخخخخخخخخخ مشكور اخوي بو مشاري
ههههههههههههههههههههههه
ما شاء الله كل حلقه أحلى عن الثانيه
بانتظار باقي الحلقات
ههه
دخيلك بو مشاري شو السالفه
البارحه عقارب واليوم ثعابين ذخيلك اذكر الله وبتعد عن هالامور
هههههههههههه
تسلم بو مشاري
هههههههههههههههههههههههههههههههههه الله يسامح صاحب الشراشف ,,,
تسلم
ههههههههههههههههههههع
شكـرا لحلقتي الأخ متسلق الجبال وقايد الغزلان،،
حادثة قايد الغزلان حقيقية ولكن متسلق الجبال من محض خيالك..!!
الله يحفظ الجميع إن شاء الله،
في انتظار الحلقة القادمة،
كـن بخير،
هههههههههههههههههههههههههههههههههههههههههههههههههههههههههههه هه
يحليلك يا قاايد الغزلاااان خخخخخخخخخ
تسلم اخويه ع الحلقه الجميييييييله .. ربي يعافيك ان شاء الله !!
لوووووووووووووووووولز
اسميكم يعني عنبو محد قدر يجرب شويه ولا يفل لهم الليت علشان يبين
شكراا اخوي بو مشاري على الحلقه
ونتريا الحلقه اليايه
وربي يحفظ الجميع ان شاء الله
في أمان الله
بحر الذكرى
الصراحه موضوع خطييييييير
بس تراني ما فهمت هذا صدقـ ولا تأليف من بو مشاري ..!
والله تقدري تقولي 80 بالميه تاليفاقتباس:
المشاركة الأصلية كتبت بواسطة ✖ۈهمـ✖
و20 بالميه امور حاصله وبومشاري ما شاء الله ما يقصر يحيك الموضوع ويلعب بالسالفه لعب وبعدين يطرحه
الصراحه وااااايد حلو ه الحلقه بو مشاري
ماشاء الله تمثيل من الصميم ...
المهم انكم استمتعتوا بكل حلقات بومشاري
والسوالف .. المطروحه جدامكم
بو مشاري ..
ماشاء الله عليك فكاهي ممتاز ..
تشكر اخويه على هذا ربي يعطيك الصحه والعافيه ...
ههههههههههههههههـ ..
حلللللللللللللللللللللللللوه ..
و الله ما شاء الله عليكـ أكثر من مبدع ..
تسلم ع الحلقات الأكثر من رائعة ..
و بإنتظار باقي الحلفات ..
تحياتي ..
=)
يا التاكســي..!
العضو: سفير برتبة وزير
http://im9.gulfup.com/2011-08-21/1313933841481.jpg
آخ والله تعبان من الخاطر..راد من الخيمة في الليل الساعة 11 بسير أتصفح المنتدى من الموبايل شوي..
رسالة منو مطرج لي رسالة..!
المرسل: رذاذ عبدالله..الموضوع: صائم في ورطة..!!
والله متفيقيين هايله مال المنتدى..
يعني هاي ما حصلت وقت غير ألحين اللاب توب خربان..أنا داش من الموبايل..وابوكم صدق ورطة..
وكيف أصور الفوالة باجر والكاميرا ما ادري وين فارنها..هي هاااا..
شكلها خاربة خاربة..شو أسوي ألحين منو فاتح من محلات الكمبيوتر..بسير المعيريض أقرب..
وسار أخونا سعيد والطامة الكبرى السيارة ما تشتغل..وابوكم بسم الله..! شو مستوي توها تشتغل ..
توني راد من الخيمة..هذي يابوكم عين وما صلت على النبي..هاي مو ورطة هاي مصيبة..!!
كيف أصلح اللاب توب وأنا سيارتي خربانة..كل شي خربان..!! لا حول..
وسار أخونا سعيد يا حليلة مشي من بداية الشعبية لين الشارع الرئيسي..
ما شي غير أوقف تاكسي..
واقف فشلة في الشارع أنا واللاب توب..لو دقيت حق ربيعي محمد.!
تاكسي..تاكسي..!! يا التاكسي..!!
خذني لراعي الكمبيوتر جلدي كروووووووووو...
وقف التاكسي وحليله سعيد ركب هو واللاب توب ..!!
بابا: هذا لاب كربان سير محل مال كمبيوتر في معيريض..جلدي بابا...بعدين بند..
سار المعيريض ودش أخونا سعيد.
مرحبا بابا كيف حال مال أنت..
هذا لاب في مشكل..الهندي يسأل سعيد..
سعيد: هذا لاب كربااااااان.يبغي خلاص بكرة عصر..أنا يجي بعد صلاة..يجوف هذا لاب تمام..يشتغل..سوي فورمات بعد..وحط صور حلو سيم أول أنت حطي قبل..
أنا سير..زين يوم أنت فاتح ألحين..!! لحقت عليك..
وسار سعيد البيت وقعد ينبش كبت كبت..خزانة خزانة..رف رف..وين ألتقعت هالكاميرا..ناقص أسير أشتري كاميرا جديدة..المصائب لا تأتي فرادى..!!
صح تذكرت.ذاك اليوم مودي الكاميرا مصور فيها الغنم في وادي شحة..وابوكم ليكون تمت داخل السيارة..ولا في وادي شحة..
بسير أشيك بالسيارة..وين ذلف هالسويك..!!
وبطل سعيد السيارة ويلس ينبش..!!
آهااااا منخشة تحت الاوراق..
وهاي الكاميرا حصلناها..بقى اللاب توب..!
بسير أوصي أم العيال تسوي أكل منوع علشان أصوره وأحطه بالمنتدى..!
والله فقير ياي البيت أرتاح أختربت سيارتي وسرت أصلح اللاب..
رقاااااااااد تااااااااااااايم..
خ خ خ خ خ خ خ خ خ..
العصر الساعة 4 ونص سار سعيد لراعي الكمبيوتر..
ها بابا خلاص هذا لاب مال أنا,,أمس جيب في الليل..
هذا اليوم صبح خلاص..سوي فورمات سوي صورة,,كل شي تمام يشتغل..
سعيد زين..كم الحساب..
هذا 150
آهاا..هاك 200 ورد 50 .!
وسار سعيد البيت يصور..!!
هذا عيش ولحم العيش مستوي هريس وايد منطبخ..يعني ما بغوا إلا اليوم يهرسون العيش..شو هالطباخ..أكيد هالشغالة اليديدة.. خلصنا صورناه..وين سارت هالشغالة..بابا شو سوي بطل هذا صحن..يبغي سوي صورة..
بلاها الشغالة تطالعني بتقول شو يبغي يصور الفطور بعد..!
وهذا بطيخ بلاه ما مفرم عدل ,وهذا خبز تنور شكله محترق.. وافضيحتي اليوم ع المنتدى بصوره من صوب واحد..هع..ويه عسل.. حلاته والله..وهذا فريد لحم وجبة رئيسية. هريسية..فطيرة زعتر باللبنة..فطيرة جبن وطماط..فتوش..خلني أطلع الحلويات من الثلاجة..
ماري..ماري ..بابا طلع هذا حلويات مال رمضان..
الله دوناات..أم علي.رطب وفواكة ومشروبات..لبن وعصائر وقهوة وشاي..
والله فتكيت من الصدعة..!
وبسير أنزل الصور وأكتب وآخر شي بسير أصلح هالسيارة..!
وألحين بختار المتورط التالي::
هههههههههه
( الدلع من شراتي )
شكـرا للحلقة المميزة،
أبدعت في سردكـ،
إن شاء الله العضو ما يزعل،
كـن بخير،
هههههههههههههههه
حسبي الله عليك انت من وين ياييب هاللعلوم كله صدقني انا خاطري والله اعرف انت منوووو
ترااا بقووولك بو مشاري اغلب الكلام عن الموضوع صحيح
انا وديت الاب توب اصلحه بالمعيريض والكاميرااا حصلته بالساره ورا الكرسي الخلفي وحداله اوراق وكنت اخر مره مصور فيها بواادي شحه
هههههههههههه
لا لا لا
صراحه حلقه جدااا حلوه
وصدقت يوم قلت المصائب لا تاتي فرادئ
بس انشاااء الله اعيد لك
تحياااااااااااااااتي
افاااااااااا يا اخت رذاذاقتباس:
المشاركة الأصلية كتبت بواسطة رذاذ عبدالله
انا اكبر من هذا الشي
هذي سوالف وضحك لا اكثر ولا اقل والمقصود منه بس جووو فكاهي بين الاعضاء
تحيااااااااتي