العبدولي مات مخلّفاً حلماً بالوظيفة وأثاث منزل بالفجيرة (صورة)

صباح الخير .. اخوي الناقد كل الخيارات صحيحه وكلام الجرايد مش دايما صحيح وبتذكر كلامي


فعلا الريال هذي كانت ظروفه لكن ماكان ريال (( سيء)) ولاتقول اني كنت اتهمه يا أخ الناقد


اتمنى تفهم الكلام بتسلسه ... وكل شي بيبين باذن الله




تناهيـــد

الظاهر ماشفتي الرد هذا

مع احترامي :

يا اخت تناهيد انتي قلتي (( عموما سبق وقلت اني ما أدافع عن الطرفين )) نحن هنا لندافع عن اي حد ولا نصدر احكام على حد ولكن الظاهر انه انتي من الناس اللي يصدرون الاحكام علشان جذي انتي مندفعه اكثر من الازم اذا انتي شايفه انه نحن قاعدين نحكم على الوزيره هذا تفكيرك ونحن ما يبنا شي من عدنا كل اللي قلناه كان مكتوب فالجرايد والصحف وانتي ليش متحمسه ودافعين عن الوزيره والوزارة هل لكي مصلحه ام هل انتي من الاخوه العاملين فالوزاره لو كنتي منهم فاهلا ومرحبا بك في فالحوار الذي فيه الارتقاع وتحليل ما بين السطور وذلك لجعل الناس تعرف الواقع الذي يعيشه المجتمع .

اختي الفاضله انتي قلتي((( هذي قصة الريال بالأوراق الثبوتية ))) ولم تاتي بشي صح من هذي المعلومات بس قمتي باهانة الرجل والغلط على زوجته ومعايرته وانا اقسم لكي لا اعرف لماذا قلتي الكلام هذا هل هو مجر كلام للتفاعل مع الموضوع وان كان عكس ذلك لو كنت عارف انك بتقولي الكلام هذا كان ما تكلمت ولا قلت شي لانه صدق حزنت على ما قلتي واذا انتي شايفه انه الاخوان غلطو على الوزيره اعتقد ومن وجهة نظري انه مافي حد غلط عليها ولا تكلم عليها بشي لانه اللي بيغلط عليها يكون غلط على احد من اهله لانها بنت الامارات ونحن هني نتكلم عن المشكله اللي حاصله فقط لا غير ولا نستطيع ان نصدر قرارات على حد ولا نامر على حد مثل ما قلتي (( تبغين الموضوع يتسكر )) وفوق هذا كله تغلطين علينا وتقولين((( عمركم ما بتذكرون محاسن الناس والموضوع انتهى ))) ما شاءالله عليج تعطين اوامر وكانج صاحبة القرار هنا الظاهر اوامرج مطاعه يا اخت تناهيد بس هب فالمنتدى هذا المنتدى للحوار الهادف والنقاش المميز ومافي حد هني يعطي اوامر لانه نحن هن كلنا اخوان وعيال اسره وحده و مدام الموجودين يدهم زايد لا تخافين عليهم تراهم ما يغلطون على حد تحكمهم الاخلاق والمعامله الحسنه اللي تربوا عليها ومدام انتي شايفه انه الوزاره ما قصرت مع المرحوم عطينا الدليل اللي عندج بس اتمنى ما يكون منقول من منتدى ثاني نبغي شي واضح واذا تقولين الوزاره صرفت للمرحوم الشؤون ترى كل الناس تعرف الموضوع هذا بس حرمته من الشؤون قبل شهر رمضان شهر الخير وخلت الريال يروح الجمعيات الخيريه وهو ولد لبلاد ولد الامارات ولد زايد الخير زايد العطاء زايد المحبه والسلام واذا انتي شايفه انه كلامنا لا بيجدم ولا بياخر ليش تعتذرين مدام نحن ما نذكر محاسن الناس والقصه اللي تقولين فسرناها غلط انا ما قلت غير كلامج اللي انتي تكلمتي فيه والناس تشهد
1- قلتي هارب من الخدمه.
2- الوزارة صرفة عليه طول فترة سجنه مع العلم انه ما كان مسجون.
3- عنده سكر وضغط وما تنظبق عليه المساعده و ماوافق مدقق الماليه (( لا تعليق ))
4- متزوج من روسيه و مدخل عياله مدارس خاصه
5- هذا كلامك للأسف تم استغلال قضية العبدولي وهي حالة واحدة (( بس تراها غير كل الحالات ))
6- الرجل كان عليه قضايا يطلع من وحده ويدخل في وحده ثانيه (( وكانك انتي من منع عنه الشؤون ))


الطامه الكبرى فالموضوع :

تتهمينا انه نحن نبحث عن الاخطاء وهذا مشكوره عليه كل الشكر يا محامي الدفاع ونحن لا نتثبت على راي احد نحن هنا فقط للنقاش والحوار الهادف واعتقد اللجنه اللي راحت هي اللجنه المكلفه من سموالشيخ محمد بن راشد ال مكتوم الله يطول في عمره هب من الوزاره والاخوات اللي راحو عند الزوجه ورحبت فيهم اكيد انتي وحده منهم مدام تقولي بالحرف الواحد انااشكر الشؤون اللي وقفت معانا واذا انتي شايفه انه الموضوع وصل للاعلام بتكونين انتي اول من وصل الموضوع وان شاءالله يتحقق حلمج ويكتبونه مثل ما تبغينه بامرج واذا ما انكتب الموضوع تراه ما عنهم ضمير والحسنات نحن ما انوزعها يوزعها رب العباد ومثل ما قلتي

اذكروا قول الرسول عليه الصلاة والسلام

" كفى بالمرء كذبا أن يحدث بكل ما سمع "

شكرا اخوي الناقد .... لكن الرد بيكون نفس الرد نعيد ونزيد .. مافي شي يديد فالموضوع

وبالنسبه للي يقول اني نفس الاخت المطر فأنا مب نفس الشخص .. للعلم فقط



وبكل سهوله تقدرون تعرفون اذا انا نفس الشخص أو لأ والا تبغون كل شي عالجاهز :)

تناهيــد