عرض للطباعة
مسك الريم و غلا بو حمدان و أبو عبادي
أحييكم على تفهمكم للموضوح بوضوح
بًـِـْسًِ في بعض الناس في القروب مااااااا يخصهم بالفهم والله يعينهم على ما ابتلاهم
ولا تحاولوا تفهموهم لأنهم ما راح يفهمووووووون
و طبعاََ من تعليقاتهم عرفتوهم ما يحتاي أذكر أساميهم ^_*
و اللـٍْْـٍْْھٌ المستعان
بصراحة عيبني تعلقيق الاخ سماري راااكـ ماشاء الله والله انك كفؤ بأسلوبك وبتفكيرك :sm288:
وعيبني تعليق للشموخ عنوان وانا اوافق هالرأيين
وأستغرب من كلام وتفكير راعي ..... (شقايل ) :sm140: بعدك تريا الردود ها ... زين .... وايد حلو
شو صاير فيكم..!
كل واحد محتشر من صوب ههههههههههههه
حصل خير
واتمنيت من بعض الأعضاء تكون ردودهم ارقى من جي
يعني مب حلوه كل واحد يغلط على الثاني
وتسلم اخوي على نقل الخبر..
كلام الشيخ صح 100% ومثل ما قال هذا مب من العادات والتقاليد والمعتقدات الاسلاميه و عدم الذكر او الاستحياء هذه من امور الجاهليه والرسول صلى الله عليه وسلم عندما سئل من احب الناس اليك قال زوجتي عائشة ما قال زوجتي بنت ابو بكر وبعدين صراحة هذا فيه انتقاص للمراة و مكانتها في المجتمع .اقتباس:
المشاركة الأصلية كتبت بواسطة حرم علي
انا اعمل في احد مراكز الاتصال في الدولة والعجيب اني يوم اسال حد عن اسم امه يرد و يقولي عيب و ما برد عليك بهذا السؤال مع اني اسأله عسبت اتاكد انه هو نفس الشخص وانا اوردي عندي اسم امه و اعرفه زين ليش انت لا قلتلي الاسم بدون سبب ولا انه الاسم عيب و منقود و حتى لو اسم الام يدل على انها مب مواطنة هذه امك !!! شو المشكله حتى لو كان اسمها زليخة .
الله المستعان
الله يعين عقول بعض الناس
وانا ماشوف فيها اي عيب من ذكر االأسم
ادريبج تقصديني انا , لكن انا عقلي اكبر من عقلج , وما برد عليج , يا أم الذكاء الخارق , يالفيلسوفةاقتباس:
المشاركة الأصلية كتبت بواسطة سماري راااااك
والانتقادات هذي تراها ما بتي الا من الحريم
السلام عليكم ورحمة الله وبركاته ,,
للمعارضين و المؤيدين لذكر إسم الأم ,,
الملك عبدالعزيز مؤسس السعودية كان دائماً يقول (أنا أخو نورة)
وأمير آخر دائماً كان يقول (أنا أخو سارة )
والآن أشهر إسمين في السعودية نورة وسارة (نورة أخت الملك عبدالعزيز وسارة أم عبدالعزيز)
في السابق كانوا يقولون حمد ولد كلثم أو سيف ولد فطيم حتى لوكبر
وتزوج,,لكن إذا إنسان عادي لو في كل سالفة يقول أنا ولد سارة ,,
بيضحكون عليه ويقولون ولد أمه (واابوي)يعني هي إللي تحركه ,,
ولكن إذا (هامور عود عود)قال :أنا أخو ميرة ,,فيصبح مثل والكل يتغنى فيه
يعني لكل مقام مقال,,
أما سالفة واحد يخجل يذكر إسم أمه لأن إسم أمه شادية أو روبينا,
لأن بعض الناس يغيرون أسماءهم من هاني إلى هزاع ومن رامي إلى راشد
لو مايخجل من إسمه ماكان غيّره
هذا مايعتبر عقوق أو إنه يتنكر لأمه ولكن إسم أمه (مش ولابد)
إذا كنت في المجلس مع أصدقائك وكلهم
يعرفون إسم أمك فلا بأس
تذكر إسمها أما في كل مجلس تقول أختي ميرة سافرت قطر وأختي شمسة نجحت في الجامعة (مب حلوة),,
وأكبر دليل بطاقات العرس ,,يكتبون كريمة حمد حمدان حميد يعني مايكتبون إسمها,,
أما في الجوازات والمستشفيات والمطارات والإسكان وغيرها (عادي مافيها شئ)
(في بعض الحريم يشتغلن خلط ويا الرجال وسوالف وضحك ويوم تطلع مع ريلها في السوق تتغشى والزوج يستحي يذكر إسمها عند حد لأنه خط أحمر ,هههه,لاتعليق )
وسامحوني على الإطالة,,ويمكن خرجت عن الموضوع عدة مرات ودمتم سالمين ,,
كما عقبت اخوي الواضح .. ردك فيه من الشرح الوافي لكل الردود في الموضوع
والله انك يبتها على العــــوق صح ..اقتباس:
(في بعض الحريم يشتغلن خلط ويا الرجال وسوالف وضحك ويوم تطلع مع ريلها في السوق
تتغشى والزوج يستحي يذكر إسمها عند حد لأنه خط أحمر ,هههه,لاتعليق )
صح لسانك الواضح
وهالنوعية من الحريم والرياييل .. كبير على الريال كلمة ريال .. لأنه مايستاهلها
والحرمة شرات هالنوعية .. حرام عليها تكون مربية أجيال وصانعة أمم ..
هم أقنعة مزيفة .. وسرعان ماراح تندثر ولا حد راح يذكرها .. لأنهم بالأساس ما احترموا أنفسهم وقيمهم ودينهم
الله يحفظه ويطول عمره كلامه كله صحيح والريال اللى فيه خير ما يتبرى من اسم امه