عرض للطباعة
السلام عليكم و رحمة الله و بركاته
تسلم أخوي عمر على الكلام اللي يثلج الصدر صراحه ذكرت مأساتنا و همومنا و كيف نحن عايشين في هالضغط النفسي و الجسدي بس في شي نسيت تذكره ألا وهو يوم السبت اللي المفروض يكون يوم إجازه و راحه من الدراسه و المشاريع .صار يوم السبت يوم إجباري على الطالب و يتحاسب إذا ما حظر يعني حتى في يوم الاجازه بعد في إلتزامات معناتها ما عندك غير يوم الجمعه بس حق الراحه لا و بعد يتوقعون منا نحظر الواجبات و الامتحانات و المشاريع.
و السموحه
السلام عليكم
بخصوص معهد التكنولوجيا .. نظامه يحتاج للتطوير من كل نواحي الحياه
اعرف وايد طلاب ظهرو هاي السنه من المعهد ولما اسالهم ليش يطلعولي البلاوي
وانا درست فيه فترة وظهرت لان النظام فاشل (( خصيصا الجدول )) والوعود كلها ماشفناها تنفذت
ومرة رحت عند الاخصائي عسب كان عندي ملاحظه على استاذ وكنت مضايق من ها الشي ولما تكلمت كلوني بقشوري مع اني ماقلت شي يستحق ردت فعله الهايجه .. كانت مجرد ملاحظه اتمنى انه يكلم الاستاذ فيها لا اكثر .. بس والله ما خلى فيني عظم
(( وها اكبر دليل على ان الادارة ما تتقبل اراء الطلاب بصدر رحب او انها تاخذ فيها بعين الاعتبار (على الاقل) ))
وبالنسبه للادارة انا وكل الطلاب متضررين من المعامله السيئه من بعض الاداريين (( بدون ذكر اسامي ))
والصراحه بعد ردت فعل هذا الاداري لما قال (( الي ما يبا يتم في المعهد يطلع )) ... شوهذا الاسلوب ؟؟
الكلام موجه للجميع : الرجاء كتابه رايكم سواء كان معارض لنا او مؤيد المهم نبا رايكم ونحن (( بنتقبل )) كلامكم بصدر رحب عكس الادارة ..
وشكرا
المشكله انهم ما يوصولون صوتنا للإداره العليا, و اسلوب التثبيط ملينا منه. يوم بيي وقت تسجيل طلاب الثامن تجوفهم و دودين و بيسمعونك بس أدخل المعهد ولا بيسونلك سالفه.
( اللي ما يبا يتم في المعهد يطلع )!!!
بَس سؤال / كيف نطلع و نحن أساس المعهد؟
كلام الاخ عمر صحيح 100%
بالطبع هناك ايجابيات و لكن السلبيات كثرت في الاونة الاخيرة و الله اعلم بالسبب؟
اعتقد ان الدكتور عبداللطيف فاهم الموضوع خطا بشان "الهارد وورك"! لانه ماعتقد ان الطالب يستطيع الاعطاء مع هذا الضغط الكبير.
أن شاء الله ربي المساعد وميسر عليٌكمً,,بإذنُ ألرحمنٌ بيٌكونٌ فـٌٌـي آحدً يهتمً قولوآ آميٌيٌيٌيٌنً .. (-_-)
[glint]
[glow1=9900FF]
[rainbow]
[read]
[motr1]
[motr]
صح السانكم..
[/motr][/motr1][/read][/rainbow][/glow1][/glint]
السلام عليكم ورحمه الله وبركاته
اشكرك يا اخوي عمر علي الموضوع و الصراحه كلامك صحيح 100 ٪
عندي كم شي بغيت اقوله وارد علي البعض الي يقول مستقبل المعهد واضح و مظمون
موجودين خريجين المعهد وبنسب حلوه ومب محصلين وظايف ولا مكان يقبلهم للدراسه .... تقنيه راس الخيمه قالت اهلا وسهلا والباقي جوابهم (بنردلكم خبر )
الصراحه المعهد بشكل عام حلو ونظامه وايد حلو وشيوخنا مب مقصرين ابدا ..... بس مشكله معهد راس الخيمه بالاخص هي الاداره .... نائب المدير عنده كلمه يسكت فيها الطلاب (ان شاء الله بنسولكم الي تبونه ) ومن هناك مايصير شي .... اخصائي ما يسمع للطلاب ولا شي ... الاداره بشكل عام معاملتهم للطلبه والله ما تسوي شي امام الاداره فالمدرسه الحكوميه ...... السنه الي طافت قبل لا ايون الشيوخ ومن بينهم الشيخ محمد بن زايد كانت معاملت الاداره والمعلمين للطلاب زي الفل مثل ما يقولون ...... وعقب ما روحو الضيوف راح الاحترام والتقدير من الاداره للطلاب .... وعقب ما اتغير محد قدر يقول شي للاداره غير طالبين (بدون ذكر اسماء) هالطالبين الي ما خافو من الاداره ولانهم حسو بالظلم والكل كان حاس بالظلم ليومكم هذا .....واتغيرت معاملت الاداره للطالبين لانه استخدمو نوع من التهديد تقريبا ..... معهد راس الخيمه اذا استمر بهالطريقه انا اضمن انه الطلاب يمكن يطلعون ويمكن يشوهون سمعت المعهد
السموحه طولت عليكم
وارد اشكر اخوي عمر على موضوعه الرائع واتمنى اداره المعهد تقرأ الموضوع ويحسون شوي ^^
كان ودنا نطلع معهدنا بصورة مشرفة لكن هذا الواقع
بسم الله الرحمن الرحيم
السلام عليكم ورحمة الله وبركاته
اشكركم اخواني طلاب معاهد التكنولوجيا التطبيقية على مبادرتكم
وابداء رأيكم بما تعانونه من ضغوطات في الدراسه والمشاريع والواجبات
وايضا وجداول الامتحانات التي وضعت
انا كنت احد طلاب المعهد ، والمفروض اكون احد المتخرجين السنه الماضيه
انا أأيدكم وسأقف بجنبكم فهذه حقيقه مره وانا اشهد بها
بسبب تلك الضغوطات وعدم تقدير معانات الطالب او الاستجابه له
كنت انا احد ضحايا تلك المشكله ، اكملت ٣ سنوات دراسه بالمعهد
وفي السنه الأخير زادت الضغوطات اكثر تعبت نفسيا وجسديا ولا استجابه من احد
لم استطع تجاوز مادتين من التخصص { الهندسة } حيث احبطت واعلن عن رسوبي
وخييرت بين اعادة السنه مره اخرى في المعهد او ان انتقل على مدرسه حكومية
كيف سيكون شعور ذاك الطالب وهو كان علي ابواب التخرج { احباط شديد ، فقدان امل ، تحطم كل احلامه }
وطبعا اخترت الانتقال للدراسه في مدرسه حكومية ، ليت بالمجنون لأعيد سيناريو الضغوطات والاحباط
من سيسمع مهاناتي ، ومن سيعيد مجهودي وتعبي الذي ضاع
لا اريد احباطكم اخواني الطلبه في المعهد
لكن لايرضيني ان تعيشوا او تجربوا المعانات التي عانيتها
اتمنى من الاداره العليا للمعهد اعادة دراسه هذه المواضيع
وايجاد ابرز الحلول التي تكون في سبيل راحة ومصلحة الطالب
واذا لم تستجيبوا لهم اناشدك يابونا الغالي بو خالد
نحن ابناؤك ولا يرضيك مايحدث لنا
ابنك الذي ترك الدراسة بالمعهد بعد معاناه قاسية
خليفة المنصوري