عرض للطباعة
أنا أب و عندي عيال وما شالله عيالي يقرون و يكتبون و يتهجون الكلمات و المعلمات ما قصروا ويا عيالنا من دون تخصيص و نتوا لو فرشولكم الأرض ذهب و طلعوا عيالكم دكاترة و مهندسين بعد ما بتشكرون هذا رايي فيكم و السموحة ....
و أتمنى من الناس ما تقيس على عيالها سيري و اطلبي من المعلمة تحضرين حصة عندها و شوفي عيال غيرج بس قولي ما شالله يعني العلة مو في المعلمة ........................
انتوا مكانكم تتكلمون عن 300 درهم المعلمة تدفع آلاف حق عيالكم من وسائل تعليمية و ملفات و مذكرات و أقلام و ألوان و هدايا اتقول ما عليه هذين عيالي حتى لو سافرت و طلعت لازم تذكرهم حتى أكثر من عيالها و عيالكم يكسرون و يخربون داخل الصف واتقول ما عليه عيالي و لازم نتحمل عيالنا بس لا اتقولون ان المعلمه لازم اتوفر كل هذا من جيبها و كل هذا و ما عايبنكم و عيالنا ما يقرون و ما يكتبون لازم نسأل أنفسنا ليش عيالنا ما يكتبون هل يلسنا معاهم ، المعلمة داخل الصف كم بتكتب 29 ياهل و الخبرة نص ساعة اتخيلوا انفسكم مكانها و هني لازم الأم تتابع ولدها شو خذ و درس المعلمات يطرشون ويا عيالكم أوراق شو ياخذون كل وحدة تعبتوا أنفسكم وقريتوا شو بياخذون أنا واثقة ان بعضكم ما قراها أصلا و لي قراها بعد شوي فرها و الأقلية منكم خلاها وتابع عياله و الله يخلي هذين الأقلية و يكثر من أمثالهم ، و كلنا نعرف أن الأطفال بينهم فروق فردية و حد يستوعب بسرعة و حد يباله وقت طويييييييل عشان يستوعب .
عفوا بغيت أوضح للأخ يالي يقول مابنشكر وهذا رايه فينا! ليش أنت على أي أساس تحكم ع الكلّ !اقتباس:
المشاركة الأصلية كتبت بواسطة المستشار القانوني
واتشوف أسلوبك راقي في الرد بهاي الطريقه وانا وحده محتجه ..مع أنه عيالي مايدرسون عندكم ووالله العظيم ماشاالله عليهم من الأوائل ومعظم عيال هاالوقت شطار .. مايلفظ من قول الا لديه رقيب عتيد...
أختي أن لما اتكلمت هذا الكلام بناء على ما نسمعه من مجتمعنا من الأصدقاء و الجيران و ميالس الرياييل كلهم يقولون الروضة شو الروضة ما يتعلمون شي فيها و المعلمات ياخذون معاش بالفاضي هذا راي عدد كبير من الناس ليش ننكر هذا الشي الكلام نسمعه و لو كان بشكل غير يومي بس نسمعه واييييد و لا شو رايج يا أم الولد ، وحده من أهلي ادرس في الروضة و حياتها في البيت يا اتقصص و يا تلون و لا اتحضر ، أختي اتخبرني أن معلمة الروضة اتحضر سبع خبرات و كل خبرة غير عن الثانية مو مثل معلمات الفصل مثلا فهي تعطي الحرف و العدد و غيره و أنا ما رديت هذا الرد إلا لأن الناس زودوها بزيادة سواء في المنتدى أو بغيره و الأم في الأخير ما درسوا عيالنا مو حرام المعلمة تتعب و تجتهد واتحاول اتييب كل شي يديد وآخر شي يتكلمون عن المعلمات بهذي الصورة .اقتباس:
المشاركة الأصلية كتبت بواسطة ام الولد
اقتباس:
المشاركة الأصلية كتبت بواسطة المستشار القانوني
يا سعادة المشتشار محد ياب طاري مستوى الروضة اذا كانت ممتازة أو لا الكل يشهد لها بالجودة !!!
يا أخوي السؤال ليش بهذه المرحلة يدرسونهم هذه اللغة مب اللغة العربية أولى منها!!!!! ولا خلاص صارت عدنا الامور المادية أهم واعظم من أن نعلم اولادنا اصلهم ودينهم أول وبعدين نهتم بالمادة !!!!!
ثانيا بما ان الدولة كفلة مجانية التعليم ليش بناءا على اجتهادات شخصية من المدرسة الفلانية او غيرها ندفع لها ونحن ما ندري هل هذه الشي مفيد للمرحلة هذه ولا لا!
أشكر الأخ المستشار القانوني ع رده وانا كنت قاصده التوضيح وكلامي بناء على اني جربت التدريس في الروضه بدل مدرسه شهرين وشفت العجب ..في مدرسات ماشاالله عليهم فعلا شعله وخايفين الله بشغلهم ويدرسون بضمير ويخافون ع الصغاريه شرات عيالهم وفي مدرسات العكس الله يهدينا وياهم ان شاالله أبد مول المسؤوليه انعدمت عندهم والمشكله أنهم جدام الأمهات جدا حنونات ومن وراهم لامبالاه .. والله على ماأقول شهيد . مب بس في الروضه حتى مدارس البنات أو الأولاد نفس الشئ .. :sm150::sm11:
تم غلق الموضوع