عاجل/رادار غليلة يشتعل ناراً في ظروف غامضة ( صور حصرية )

حاسب عن السرعة تحاسب على راتبك
بالنسبة لأخوانا الي يتشكون من الرادارات

والي تسبب في حرق الرادار راح يحاسب
والجهات المختصة راح تكشف ملابسات الحادث ان شاء الله

حطو الموضوع عشان تتناقشو فيه مب عشان اتسبون فيه انتو بشهر الكريم ومب زين منكم اتحاسبون الواحد

ومب كل صبع اياديكم تشبه الثانيه فلا تجمعون منطقه بشخص واحد

الله يكون بالع ــــــــــون

ماعرف شو مستفيدين من هالسرعه هااااي

الله يهديهم

هذا التصرف هو الحل الوحيد لايصال عدم رغبتنتا بها الرادارات

لان المسؤلين صارو ما يسمعون الا بهالاسلوب وانا اتكلم صراحة وبدون مجامله واقول للاعضاء خلكم من المثالية الزايدة لين متى بنتم ساكتين وصوتنا ما يوصل


واللي يعارض كلامي بقوله كلمتين بس: ((اذا همهم من ورا هالشي مصلحتنا وسلامتنا ليش ما صلحو شوارع راس الخيمة اللي هي سبب الحوادث وليش ما سوو حل حق الشاحنات اللي كانت سبب في اخر حادث اللي توفى فيه الريال الله يرحمه بس شغلو مخكم شوي وبتعرفون الجواب))

والسموحة اذا اخطأت

اقتباس:

---

المشاركة الأصلية كتبت بواسطة no name

حسبي الله ونعم الوكيل..
أكيد الي حرقه ساكن هناك لان دوم يخطف هناك وبالسرعة الي هو يباها..
تسلم ع الخبر..

---

لو سمحت أخوي لا تتهم أحد لان ما حد يدري منو اللي تسبب بهالشي
و نحن بشهر كريم ( ان بعد الظن اثم )

اقتباس:

---

المشاركة الأصلية كتبت بواسطة "ولد الإمارات"

هذا التصرف هو الحل الوحيد لايصال عدم رغبتنتا بها الرادارات

لان المسؤلين صارو ما يسمعون الا بهالاسلوب وانا اتكلم صراحة وبدون مجامله واقول للاعضاء خلكم من المثالية الزايدة لين متى بنتم ساكتين وصوتنا ما يوصل


واللي يعارض كلامي بقوله كلمتين بس: ((اذا همهم من ورا هالشي مصلحتنا وسلامتنا ليش ما صلحو شوارع راس الخيمة اللي هي سبب الحوادث وليش ما سوو حل حق الشاحنات اللي كانت سبب في اخر حادث اللي توفى فيه الريال الله يرحمه بس شغلو مخكم شوي وبتعرفون الجواب))

والسموحة اذا اخطأت

---

صصح كلـآآآمك . . :ebdaa:

وي عفانا الله


ثااانكس على الصور

والله يعطيك العافية

و الله يهديهم هذيل إلي حرقوووه

الصراحه هذا إلي سوا هشي مايمثل إلى نفسة
لأن هاي ممتلكات عامة
وراح ياخذ عقابة لأن جهات الأمن أكيد راح يمسكونة

لا تعليق >>>>>>>>>>>>

أولاً أنا ضد انه حرق الرادار ،،، ولكن اللي تكلموا وقالوا هذا يمثل نفسه

وأنا برئ منه ، واللي قال والله العظيم أنا ما أعرفه ،، عيل يوم يزخكم

الرادار ليش ماتدفعون المخالفة لأنها فلوس الدولة وتدخلون مكتب

مكتب ،، ضابط ضابط ،، وتسالون ربعكم ،، الله يخليك ماتعرف حد يلغي

عني ولو مخالفة ،،الحين تقول أملاك عامة ووقت الدفع تحولونها إلى خاصة

واللي عليه 30 و60 ألف ومب قادر يدفع ،، وبالتالي مايقدر يجدد سيارته

والحل طبعاً مب بحرق الرادار ولا بمخالفة 600 و800 درهم لأنه تخطى

السرعة المقررة بشوية ،،في رأيي الحل : أن الشوارع هي اللي تتحرك

والسيارة تكون ثابته وتختار الشارع المقصود نفس التيارات البحرية ،،

أو يسوون كيابل معلقة نفس ترام مال أوروبا ،، وكل سيارة ماتجاوز

السرعة ونفتك من غلاء البترول ومن مخالفات الرادارات ،،، ودمتم سالمين،