إخلاء سكن طالبات مقام 1 بجامعة الإمارات إثر ماس كهربائي (صورة خاصة)

هيه نسيت اخبركم تراه المكان اللي تسكنا فيه والله مغبر وسخ وحتى مكينه عشان نخم الارض ماشي والحمامات حدث ولا حرج بس عشان تكونون بالصوره .,,

معاناه فتاه جامعيه <<< نك نيمي اليديد هع .,,

^^ الحمد لله على سلآمتكم يميع ..

خوآتي اللي محتآي شي أو أي خدمة يتوصل ويآي .. وإن شآء الله اللي بنقدر عليه بنسويه و مآ بنقصـــر ..

" سوآعـــد يداً بيد .. ~ " فالخدمـــة دآئمـــاً...

السكنآت جديـــمة ..

و هم في صدد إنشآء سكنآت يديدة .. و أل مجمع سكني عندنآ تقريباً تم الإنتهآء منه و إن شآء الله بيفتحونه ع الكورس اليآي .. و بينقلون البنآت له ..

المجمع خلص .. بس اللي حوليه من مبآني اكلية مآخلص .. فعسب جي ب رآضيين يفتحونه ..

إ شآء الله مبآني مقآمنآ .. تتحمل للكورس القآدم .
و إذآ مآشآلكم المكآن تشيلكم قلوبنآ و عيونآ يآ خوآتي ..

و الحمد لله إن الأمور عدت على خير .. و وصلت لعند هالحد .. ~

و أمآ عن نشر الخبر .. فلزم ينشر .. عشآن الكل يعرف اللي يصير .. و عشآن اللي مآقدر يطمن على عيآه يطمن و لو شوي .. و عشآن الأمر يوصل للمسؤلـــين .. و لبقية المجتمع ..

نحن أسرة وآحدة .. و اللي يصير لأي فرد من مجتمعنآ ... يضر اليميع ..

و لصورة المحطوطة .. صح فيهآ بنآت .. بس كل اللي فالمنتدى عندهم خوآت و يرآعون حرمة المجتمع و حرمة أهل الدآر .. و يوم حطوآ الصورة .. تأكدوآ من عدم وضوح الملآمح .. و مهمآ انتشرت محد بيقدر يعرف منوآ هالبنآت ..

ربي يستر علينآ و عليكم ..

و الحمد لله على كل حـــآل .. ~

أختي رمآني زمــآني .. شكلج تسكنتي في مبنى 3 أو 4 صح .._^

الجزء المقفول من المبنآيين .._^

ربي عينكم و يبآرك فيكم و يحفظكم .._^

[align=center]كل الكلام اللي قالته أختي دمعة طفل صح

وأسيرة الأحزان انتي فالجامعه !! شكلج مغمضه ولا يمكن اتسكنتي بسرعه وارتحتي ~

البنات للساعه 2 بعدهم ما محصلين غرف!! واايد بنات رقدوا فالمسيد وفي منهم رقدوا بغرف المدامات وفي منهم رقدوا فالقاعات الدراسية. . واللي حصلو غرفة ما عندهم سرير رقدو عالأرض.. صدق حالتهم يرثى لها. . وبنظري الموضوع جدا كبير.. ولا اتمون تقولون لا تكبرون الموضوع لأنه هو بالاساس كبير. . يعني لو حد من اهلكم ما حصلت غرفة!! اكييييييييد بتقولون الموضوع كبير وبتسووون يوله.. خلو عمركم فمكانهم.. شو بتسووووون ! !

الله يكون فعونهم ان شاء الله. .
[/align]

::

بسم الله الرحمن الرحيم

السلام عليكم ورحمة الله وبركاتـه

طبعاً الكـل عارف باللي صار في مقام 1
في جامعـة الامارات العربيـة المتحـدة ..

واللي أثر علينا نحن بالاخص بنات مقام 1 ..

أولاً ..

طلعـونا من غرفنـا وقالولنا ما بنرجع خلاص !!
وعدد الطالبـات الف وشي طالبـه ..
بالله نحن ف ساعـة كـيف بنجمـع اغراض شهرين !!

ومن غير جي خوفونا وقالوا بيحترق وبينفجر و و و و !!

وشي بنـات خلوا اغراضهم غصباً عنهم اللي ف مباني أ وب
وودوهم مقـام 4 فمباني مسكـرهـ من سنتيـن وامعفـنـه وامغبرهـ
والدنيا بيضا من كـثر غبرتها !! وأصلاً مسكـره لانها آيلـه للسقوووووط

أنتـوا كـيف ترضـون لبناتكـم هالمذلـه !! محد يتكـلم ومحد يرمسهم
ومش عارفين أصلاً شو الوضـع .. وشو بيصير عقب ..

من صار الشي كل همهم يطلعون البنات ويسكـنونهم ؛ بغض النظر عن المكـان الثاني

يعني مقـام 4 صحرا مش مقـام بنـات في دولة الامارات العربية المتحدة !!
آآآآآآآآآآآآآيل للسقووووووووووووووووووط !! مب قادر يتحمل ..

وهذا غير مذلـة الغرف ؛ ماشي سراير ..
وطرد طالبات مقام 4 لطالبات مقام 1 !!
بدون احترام الاسباب اللي خلتنا انييهم ومن غير السب !!

نحن عن تجربتنا ؛ حملنا الشنط ف الشاحنـة !! ولقيناها امفرفرهـ ع الرمل ف 4 !!
وشي اغراض ضايعـه واغراض مشلولـه ..

وبعدها سكـنا في الغرف وهذا بروحـه سالفـه استغرق 4 ساعات !!
لي الساعـه 12 منتصف الليل ..
وانطردنـا بعدها .. واضطرينا نرقد 8 بنات فغرفـة فدواشك مال 20 سنـة ..
اتكـسرت ظهورنـا منها ..

وللحين امبهدلين مش عارفيـن شو انسوي !!
بليــــززززز احد يتكـلم ويسوي شي ..!

وينهم الاهالي محد يتكـلم ..
باجر بنرجع .. وما انعرف عن اغراضنا وين ناخذها !
كيف نرجع ب4 او 5 شنط .. ><

طالبـوا بفتـح السكنـات اليديـدة لنـا
والله حـرااام ..

::

مانبا نتم عندكم نباهم يودونا مقام 2 ما اتخيل اتم لين نهايه الكورس بموووت صحراء قاحله .,,

وين كنا وين صرنا .,,

الحمدلله على سلامتهم ...

وسلامة___ .

ياالله أخوات صار خير (لعله خير)
ما لنا غير الصبر
سألت مسؤولة السكنات مس ليلى العيسائي أمس
عن التنقلات قالت خلاص كل وحده اتتم مكان ما اسكنت
بس ما اعتقد ان السكنات اليديده بتنفتح الكورس الياي
لإن كورتني مرة قالت في اجتماع انهم بيفتحونها صيف 2010
والله أعلم

بسج من هالكلام .....
انا من بنات الجامعة ومن مقام 1 ....
عاد انتي وايد بالغتي ف كلامج...........
واحلمي يفتحوووووووووووووووووووووووووووووووون لج السكنات اليديدة .....
بالتوفيق....

اول شي الله يعينكم على بلواكم

وها امتحان من رب العالمين

وبعدين اقول عليكم بالصبر

ولازم الاهالي يدخلون لحل هالموضوع

وشكرا اختي

قهرررررررررررررررررررررررررررررررررررررررررررررررر
هاي الجامعه ماترحم