شركات البنزين الإماراتية تقترح: الزيادة أو الدعم أو الإغلاق

دام إن المشكلة في إنهم يشترون البترول من الخارج،، ليش مايشترونه من المصافي المحلية التابعة لأدنوك؟ وإذا المصافي ماتكفي يزيدونها،، لأنه قهر بصراحة نشتي البترول من برع ونحن دولة مصدرة،، وبهالطريقة بتنحل المشكلة،، لا دعم حكومي ولاغيره،، البترول منا وإلينا وتنزل أسعاره بدون أزمات،،

المشكلة ان زيادة اسعار البترول ستزيد من اسعار سلع اخرى مما يترتب عنة زيادة فى الآعباء

السلاام عليكم

ابصراحه لازم مانسكت عنهم صدق مصخووها

كل سنة طلعولنا حجه قبيحه

خلاص بندوا شركاتكم وخلوا شركة إدنوك هي آتكون الشركه الوحيده فالدوله

يعني والله حرام دولتنا عندها بترول ودولة منتجه وجيه أسعارنا


لازم الشعر يكون أقل سعر فالعالم


تدرون فالسعوديه البترول عندهم رخيص


يعني النيشان يعبونه فل تقريبا 70 درهم

أما عندنا أقل 200 درهم

يعني شوفوا الفرق كيف


لازم الشيخ خليفه يدخل بأسرع وقت ويوقفهم


بس المشكلة ان هالشركات الثلاثه تابعه لحكومة دبي

وأمارة دبي مافيها بترول

وهالشركات تشتري النفط من دول الثانيه


ماعرف ليش ماتشتري من إمارة بوظبي


وبعد ان الحكومة ماتدعم البترول


والحل الوحيد ان لازم كل فرد سواء مواطن ولا مقيم


يقاطعون هالشركات الثلاثه ويتجهون لادنوك



ولازم ان هالشركات اتحط عين الاعتبار

لو زادوا السعر الشععب مابيسكت


لأن مانبا اي مشكلة تحدث فالدولة



والسموحه منكم

نبقى على شركه وحده ولا الزياده. أدنوك. والبركه بدولتنا

صح نسيت أقولكم

اسموحلي على بعض الكلمات يمكن هب مفهومه

لني اكتب عن طريق بلاك بيري



وبعد أبا أعرف هاذيلة اللي مصوتين على زيادة سعر البترول

من صدقهم ولا يتمصخرون

لازم هاليهال عاديمي الفائده مايدخلون ولا يشاركون لهالمواضيع المهمه


صدق انهم تافهين.


والسموحه منكم

أخوكم الصغير مايد

السلام عليكم ورحمة الله وبركاته

تعليقي للموضوع

ما اظن امارة دبي ينقصها 300 مليون لانشاء مصفاه للبترول

في ظل المليارات المنفقه عالمشاريع العمرانيه

شكر خاص لشركة ادنوك الوطنية

اذا يبغون يزيدون الاسعار
خلهم يزولون
من صجهم هذيل
بروحها الاسعار شابه ناار
و يبغون يزيدون بعد
وين يبون هذيل


خلهم يزولون
مابنموت لو ماعبينا بترول منهم
في شركات غيرهم موجوده

خل يستريحون ويفتحون المجال لأدنوك شيختهم

أدنوك مرتبه ومنظمه أكثر ومتطوره وتوفر كل الخدمات الممكنه

ولكن هل بيوصل صوتنا

لا نوافق