رئيس الدولة يصدر قرارا بزيادة رواتب الموظفين في الحكومة الاتحادية

شكرا لطويل العمر بوسلطان على جميع المكرمات

وجعله الله فى ميزان حسناتك...لانك فرحةالصغير قبل الكبير

ماساربعيد هذا ولدزايد(هذا الشبل من ذاك الاسد)

هذا خليفه الخير والكرم

اقتباس:

---

المشاركة الأصلية كتبت بواسطة الكابتن

ما اقدر افتي... ولكن اللي فهمته من القرار ان جميع موظفي الحكومة الاتحادية بيحصلون زيادة 100٪ من الراتب الاساسي والدكتور والمدرس بيحصلون 40٪ زيادة في العلاوة الفنية فوق الـ100٪ زيادة الاساسي

الله اعلم

---

بس اللي أنا فهمته
مش 100% من الراتب الأساسي
اللي فهمته 35% من الراتب الأساسي للدرجات
من الخاصة إلى الدرجة السادسة
ومن الدرجة السابعة لين تحت 45%


بس اللي ما فهمته علاوة طيبعة العمل
تكون تكون
هل من الراتب الأساسي أو الكادر؟؟

يا خبر اليوم بفلوس باجر ببلاش

شكرًا

الله أطول بعمر شيوخنا ما قصروا

مبروك بعيدالاتحاد والزيادات

الله يطول بعمر الشيخ خليفة بن زايد
ويرحم ابوي زايد بن سلطان

واحب ازف التهاني والتبريكات لشعب الامارات
وابارك بالزيادة
اتصدقون البحرين محتفلين معنا
الصراحة
افتخر واعتز بكوني اماراتي
اللهم لك الحمد والشكر

يزاه الله الف خير

الله يعطيه طولت العمر ويحفظه ويعافيه

ما شاء الله
جزاه الله كل خير

نبارك لجميع من سيستفيد من هذه المكرمة
وعقبال البقية

الله يطول بعمر شيوخنا ويحفظهم لنا

تشكرون على الخبر الجميل

ماقصر شيخنا خليفه

الله يعطيه الصحة والعافية

ومشكور عالخبر

اقتباس:

---

المشاركة الأصلية كتبت بواسطة الكابتن

بعد الفرحة الغامرة بهذا الخبر السخي من القائد والاب الحنون على شعبه

طــلــب خــــاااص وحــــاااررر الى التجار

أرجوكم ثم أرجوكم ... لاترفعوا اسعار المواد الاستهلاكية والأساسية ... ترى اللي جاءته الزيادة مجموعة بسيطة من سكان الدولة والباجين بعدهم ماحصلوا هالزيادة وهم موظفوا القطاع الخاص والحكومات المحلية وبعض الجهات الشبه حكومية

الله يخليكم

---

الحين اللي يقول يالكابتن بيسمعونك ،،،
والله ليسوون لك اكبر طاف
الرواتب تزيد منه والتجار ياخذونها عنكم منه
ليش فرحانين فيها ما ادري ؟!!

اقتباس:

---

المشاركة الأصلية كتبت بواسطة حرم علي

الحين اللي يقول يالكابتن بيسمعونك ،،،
والله ليسوون لك اكبر طاف
الرواتب تزيد منه والتجار ياخذونها عنكم منه
ليش فرحانين فيها ما ادري ؟!!

---

صدقه

طاف بالحيل يوم يزيدون الرواتب

ما قاهرني الا سالفة البترول... يزيدونها على اي حسبه؟؟؟

حسبي الله ونعم الوكــــــــــــــيل

ع المحلي وســــــــــاعته والفقر اللي برأس الخيمــــــــــــــــه .. يخــــرب بيت هالحـــــاله ..

والله يحفظ الشيخ خليفـــــــه من كل شر

ويـــــــآبخت شعب أبوظبي فيكـ يــآخليفه يكفــــــــي انهم يشوفون ويهكـ السمح ربي يحفظك ويخليك