((( ولد خالتي / بنت خالتي / ولد عمتي / بنت عمتي .. )))

السلام عليكم ورحمه الله وبركاته
أخواني / أخواتي
في سؤال محيرني ؟
احنا نقدم العــرف ولاّ الدين الإسلامي ؟!
لاحظت ناس كثير ..
تتكلم مع ولد خالها ولد عمها عاااااااادي !!
تجلس معه عاااااااادي!!
رقم جواله عندها وتدق عليه وترسل له عاااااادي !!

أنا ابغىآ اسأل
ولد خالك ، ولد خالتك ، ولد عمك ، ولد عمتك محاااااااارم؟!!!
يعني مو هم بعد يحرمون عليك ؟!!

يعني السوالف معاهم عاااادي ؟!!
والضحك المزح ..
والخلوة ..

يعني ولد خالك عادي ؟!!
ونفس الشي من الولد .. اللي مطيّح مع بنات عمته ،
وبنات خالته ..
يعني هم خواااااتك ؟
ما يحرمون عليك ؟!

شي غريييييييييييب ..
أبي أفهم ..
من وين احنا أخذنا هالحكم ..
إن هالأشياء عااااااادي ؟!

أتمنى الأعضاء يشاركون الرأي ..
هل يجوز هذا الشيء ..؟
ولا احنا تجاوزنا اللي يجوز ..
ورحنا للي ما يجوز ..
لدرجة البنت تركب مع ولد خالتها مثلا بدون محرم يوديها مشاويرها ..
والحجة : مثل أخوي ؟!! وهي مثل أختي؟!!
يا ليت أحد يفهمني لييييييييييييييييييييش ؟!!!!

^^

غايه المنى.

كل الشكر لج في البدايه على موضوعج ..


طال عمرج الحلال باين والحرام باين.

السالفه ان كان الموضوع قبل فيها مستحاه بين عيال العم او الخال او..ولكن بالتدريج شوي شوي الاهل قالو عادي بنت خالك وبنت عمك وجي..

السالفه مب انه مايجوز وانما اكثر من جي ، السالفه فيها تحريم قاطع بدون نقاش.. لكن بتتكلمين ويا منو عشان تمنعين هالشي من الولد اللي عايبنه ، او الام اللي تقول ماعليه يمكن ياخذها بعدين..!!


اعتقد اني تكلمت شوي جامد.. بنخلي ربعنا يكملون.

لاعدمتى.

أؤيد راعي الجيتي

و أضيف ع كلامه ..

بعض العائلات تمنع الشيء هذا , بس المراهقين يسوا الا يبغوه من تحت لتحت

في البداية , يأخذ المراهف ايميل بنت خالته و بعدين رقم جوالها و بعدين

يسيروا يتغامزوا في اللقاءات العائلية خفية , و الأهل في سبات عميق ..

و بعض العائلات عندهم عااادي التعارف و تبادل الرسائل و ارقام

الجولات و المحادثات بين ابناء و بنات العم و الخال ..

قبل ما نقول عيب نقول حراااام ..

آه , الظاهرة هذه منتشرة بكثيرة في مجتمعاتنا

و البعض يرى أنه من التخلف عدم الكشف و التحدث مع ابناء و بنات الأقارب

و يجبيون : ولد عمي زي أخوي

يا عجبا ..

نرجوا من الله الهداية

اشكرك اختي ع الطرح

أنا ويا كلام الإخوان
فعلا هذا الشي حرام و إلي بيقول شي ثاني يجيب دليل على تحليله
ولد العم و ولد الخال هذا محرم من الدرجة الأولى على البنت و من باب الحفاظ على الأعراض لازم يتنبه الأهالي لهاي الغلطة اللي يصعب تصحيحها فيما بعد

أنا أويد أنه حراام

ولكن في الزيارات العائلة أو يتكلم معها ما فيها شئ دامهاا ساتره وكل شئ عادي

شو يعني إذا كلمهاا أهم شئ الستر وما تتجاوز الحدود وأنا سالت مرة مدرس في التربيه

قالي عادي بس البنت لازم تكون مستعوره لبسه شيلها ومدخله شعرها أم سالفه اميل

او ياخذ رقمها احسه ما فيها شئ يعني مثل ما هي ترمس راعي البقاله بالفون ترمس ولد خالتها شراته

وبالاميل اللهم مجرد كتابه يعني ما اعتقد إن يعني حراام يعني نقطعه وما نرمسه مووول

اقتباس:

---

المشاركة الأصلية كتبت بواسطة درب المعاني

أنا أويد أنه حراام

ولكن في الزيارات العائلة أو يتكلم معها ما فيها شئ دامهاا ساتره وكل شئ عادي

شو يعني إذا كلمهاا أهم شئ الستر وما تتجاوز الحدود وأنا سالت مرة مدرس في التربيه

قالي عادي بس البنت لازم تكون مستوره لابسه شيلها ومدخله شعرها أم سالفه اميل

او ياخذ رقمها احسه ما فيها شئ يعني مثل ما هي ترمس راعي البقاله بالفون ترمس ولد خالتها شراته

وبالاميل اللهم مجرد كتابه يعني ما اعتقد إن يعني حراام يعني نقطعه وما نرمسه مووول

---

احترم وجهة نظرك

مشكوور

الله يهدي الجميع وهذا ان دل فيدل على تربية الشخص نفسه فالتربيه تلعب دور اساسي بهالموضوع

هو طبعا حرام ...اقصد الخلوه ..ولكن مثلا لو ييتي وفكرتي
البنت تروح مع الدريول تقز الشوارع قز وتشتغل وتسولف مع الشباب..يت الحين على ولد العمه ولا ولد الخاله..هي صح هم مب محارمها بس بعد تراها عاقه الميانه جدام الكل فليش ما بتعقها امبين اهلها بعد...

المهم اختي الوحده تحترم عمرها وتحافظ على عمرها لو تنحط امبين 100 ريال..ياما في بنات ما ييلسون مع عيال عمتهم او خالتهم بس يسوون اشيا اخس.



انا عن نفسي ما اشوف عيال عمومتي ابدا واتوقع لو شافوني برع ما بيعرفوني بس عيال خالتي اشوفهم في الاسبوع مره او المناسبات وماا ايلس وياهم بروحي واحترمهم ويحترموني

اقتباس:

---

المشاركة الأصلية كتبت بواسطة راعي الجيتي

غايه المنى.

كل الشكر لج في البدايه على موضوعج ..


طال عمرج الحلال باين والحرام باين.

السالفه ان كان الموضوع قبل فيها مستحاه بين عيال العم او الخال او..ولكن بالتدريج شوي شوي الاهل قالو عادي بنت خالك وبنت عمك وجي..

السالفه مب انه مايجوز وانما اكثر من جي ، السالفه فيها تحريم قاطع بدون نقاش.. لكن بتتكلمين ويا منو عشان تمنعين هالشي من الولد اللي عايبنه ، او الام اللي تقول ماعليه يمكن ياخذها بعدين..!!


اعتقد اني تكلمت شوي جامد.. بنخلي ربعنا يكملون.

لاعدمتى.

---

راعي الجيتي

سلمت خيـوووهـ ع وجهــة نظــركـ

أسعدني مرورك ..

نورت=)

اقتباس:

---

المشاركة الأصلية كتبت بواسطة المتميزة

أؤيد راعي الجيتي

و أضيف ع كلامه ..

بعض العائلات تمنع الشيء هذا , بس المراهقين يسوا الا يبغوه من تحت لتحت

في البداية , يأخذ المراهف ايميل بنت خالته و بعدين رقم جوالها و بعدين

يسيروا يتغامزوا في اللقاءات العائلية خفية , و الأهل في سبات عميق ..

و بعض العائلات عندهم عااادي التعارف و تبادل الرسائل و ارقام

الجولات و المحادثات بين ابناء و بنات العم و الخال ..

قبل ما نقول عيب نقول حراااام ..

آه , الظاهرة هذه منتشرة بكثيرة في مجتمعاتنا

و البعض يرى أنه من التخلف عدم الكشف و التحدث مع ابناء و بنات الأقارب

و يجبيون : ولد عمي زي أخوي

يا عجبا ..

نرجوا من الله الهداية

اشكرك اختي ع الطرح

---

المتميزة

تسلميــن خيـتـوووه ع وجهــة نظرج ..

أسعدني مرورج ..

نورتي=)