يا جماعة الخير تعالوا ابيكم شوي

السلام عليكم ورحمة الله وبركاته

شحالكم ؟؟ ربكم إلا بخير. ؟؟

انا بصراحه يوم سمعت المقطع لي نزله اخويه قايد الغزلان ==> http://www.alrams.net/forum/showthread.php?t=1334

وايد تأثرت

فخطرت في بالي فكره و إن شاء الله تكون فكره ناجحه


يعني شرايكم لو احنا كـ شباب و بنات منتدى الرمس نسوي صندوق تبرعات خاص فينا و واحد منا يتكفل بهالشي

يعني مافيها شي لو كل واحد منا يتبرع بجزء من مصروفه اليومي

مب شرط نحدد كم .. بس كل واحد يتبرع بإلي يقدر عليه

ويعني كل يوم بتبرع في جزء و يخليه فمكان و آخر كل شهر يعطيه للمسؤول عن هالصندوق

و ما اعتقد ان هالسالفه فيها مستحى لو كان المبلغ قليل

( رب درهم سبق ألف درهم )

انتظر آرائكم يا اخواني و اخواتي

اخوكم راشد المهيري

^_^

اشكرك اخوي راشد على اهتمامك لها الموضوع

وانا اول واحد ماعندي مانع ..
الراي رايكم

حلوه الفكره وان شاء الله بنشارك وياكم ..
والله يجزيك كل خير،،،
بس ليش آخر كل شهر ؟! جي ما ينفع ..
ياريت لو يكون بأي يوم اللي الشخص يقدر يوصل فيه المبلغ//
ولو بعد ما نختار الشخص الأمين واللي بيتحمل هالمسؤوليه يتحط في مكان نقدر كلنا نوصل له
كأن يتحط في سوبر ماركت المدينه مثلا ؟!
والشخص اللي بيجمعه يختار يوم يشيل فيه هالمبلغ شهريا ..اشرااايكم ..؟!

والله الفكره حلوه واييد

و الله يجزاكم خيير

بس لازم يكون مرتب و منظم

علشان جي لازم ندرس الموضوع

ان شاء الله بتواصل مع بوناصر و هو ادرى بالرمس و بيتواصل معاكم

الله يوفجكم


بن خلف

الفكرة قيد الدراسة و التفكير ..

أشكرك على هذي البادرة منك اخوي

و ان شاء الله خير

العتيبي

انا اقترح

اتكون صناديق وعليها استكر
حملة الرمس نت للأعمال الخيريه
انه نتبرع للفقارى والمحتاجين

ونحطهاا في
جمعية الرمس
>>اعتقد سوبر ماركت المدينه ماينفع

ونحطها في بعض المساجد
مثل مسجد الوزاره
ومسجد خليفه
ومسيد الشيخ سلطان >>اللي انسميه المسيد الوردي

ولكل صندوق يكون له مسؤول عنه شخص ,,
وان شاء الله عيال الرمس مابيقصرون

كلهم يحبون الخير ..
ونتريا تطبيق هاي الفكــره ..
اشكرك مره ثانيه اخوي راشد على اقتراحك للموضوع
فميزان حسناتك ان شاء الله ,,

اقتباس:

---

المشاركة الأصلية كتبت بواسطة قايد الغزلان

اشكرك اخوي راشد على اهتمامك لها الموضوع

وانا اول واحد ماعندي مانع ..
الراي رايكم

---

فديت خشمك و الله ما تقصر
تسلم
و يزاك الله خير

اقتباس:

---

المشاركة الأصلية كتبت بواسطة رمسيه دوت كوم

حلوه الفكره وان شاء الله بنشارك وياكم ..
والله يجزيك كل خير،،،
بس ليش آخر كل شهر ؟! جي ما ينفع ..
ياريت لو يكون بأي يوم اللي الشخص يقدر يوصل فيه المبلغ//
ولو بعد ما نختار الشخص الأمين واللي بيتحمل هالمسؤوليه يتحط في مكان نقدر كلنا نوصل له
كأن يتحط في سوبر ماركت المدينه مثلا ؟!
والشخص اللي بيجمعه يختار يوم يشيل فيه هالمبلغ شهريا ..اشرااايكم ..؟!

---

إن شاء الله الإداره بتختار الشخص الأمين
..
و الرد على السؤال .. في رد قايد الغزلان ..
تسلمين اختي

اقتباس:

---

المشاركة الأصلية كتبت بواسطة بن خلف

والله الفكره حلوه واييد

و الله يجزاكم خيير

بس لازم يكون مرتب و منظم

علشان جي لازم ندرس الموضوع

ان شاء الله بتواصل مع بوناصر و هو ادرى بالرمس و بيتواصل معاكم

الله يوفجكم


بن خلف

---

و يزاك إن شاء الله
صح كلامك يا اخوي
الموضوع لازم يندرس و يترتب
و مثل ما اقترح علينا اخونا قايد الغزلان .. اعتقد انه بيكون ترتيب وايد اوكيه
نتريا رد اخونا بو ناصر^^

اقتباس:

---

المشاركة الأصلية كتبت بواسطة العتيبي

الفكرة قيد الدراسة و التفكير ..

أشكرك على هذي البادرة منك اخوي

و ان شاء الله خير

العتيبي

---

تسلم يالعتيبي ^^
نتريا تفاعل باقي الإداراه ^^