رد: والله ريلي يباني جيه؟!
موضوع يستحق النقاش
ولي رجعة إليه بإذن الله
رد: والله ريلي يباني جيه؟!
السلام وعليكم ورحمة الله وبركاته
مشكرين ع هذا الموضوع الرائع
الصرحه انه هذ الشي يعور القلب لا من الحرمه ولا من الريال بعد
بس بعد انا اقول انهم واااايد بعيدين عن الدين
بحكم الاغاني والتلفزيون والخرابيط الزايده يعني الواحد منهم هاي الأيام صدقوني يبا حد يوجهه لأنهم ضايعين المساكين ما في حد ينصحهم
يعني لو الواحد منهم يهديهم أشرطه وكتب دينيه يعني على وعسا تنفعهم
وبعدين يحليله الريال دوووووم مظلوم
الحريم يوم يقولون جيه لأي حد بس علشان يسكتونه وما يرمس ولا الريل ما يدري اصلا مرات طبعا:sm79:
رد: والله ريلي يباني جيه؟!
وعليكم السلام والرحمه
والله موضوع جدااا راائع ويستحق النقاش
بالنسبه للريل اللي يقول لمرته جي هذا واحد ضعيف الايمان اللي يخلي مرته سلعه كل حد يشوفها ، في حريم قبل العرس ملتزمين وفي منهم عادي وبعدها لا ومب علشان الريل يقولها لا تتحجبي ولا تتكميجي لا بل من نفس الحرمه هي تبا جي لانها خلاص على ذمة ريال وتتصرف على كيف كيفها وما تتغطى يعني تكشف ويها ولا تسوي حركات والريل ساكت وبعد اقول هذا ريال ضعيف الشخصيه يطيع مرته في كل شيء
واما اذا هي تخاف ربها زين تقدر عن طريقتها تقنع ريلها بان هالشيء حرام واذا هي مثله شو بنقول غير ربي يهديهم ان شاء الله
واما اذا ياني واحد وقالي جي اقوله حياك الله الباب حذالك واطلع لانك انت موب ريال وما تخاف من ربك ولا على عرضة مرتك لانها الكل يشوفها ويمكن يتحرشون فيها وهو عادي
بحر الذكرى
رد: والله ريلي يباني جيه؟!
مشكوره اختي على هذا الموضوع
طبعاً لا اولا ً الزوج الذي يطلب من زوجتها ويرغمها
على التبرج فليعلم واليعلم امثاله انه سيحاسب امام الله تعالى
على عكس الزوج الذي يطلب من زوجته الاحتشام سيؤجر
وهذا الشخص اللي يبا مصلحة زوجته
رد: والله ريلي يباني جيه؟!
البنات صحيح ناقصات عقل لكن بعض الرجال بنقصهم الشخصية والزوجة مو مثل السيارة كل حد يشوفها الزوجة مثل الذهب غالي ونادر
رد: والله ريلي يباني جيه؟!
شو رايكم بالريل اللي يفرض على زوجته التبرج وغيره؟!
سوري ع الكلمه بس هم مب رياييل الريال مايرضى حد يشوف حرمته وهي متعدله ...
واذا واحد تقدم لج وقال لج والله انا اباج تطلعين بميكب وشعرج طالع وكاشخه يمكن اصادف احد من ربعي ويشوفج بتسمعين كلامه وبترضين باللي يباه ولا؟!
الله يحفظه اللي خلقه خلق مليوووووون غيره مابغضب ربي عشانه واهلي ماعودوني اظهر جدام الغرب جي ....
يسلموووووووووو ع الموضوع
رد: والله ريلي يباني جيه؟!
شو رايكم بالريل اللي يفرض على زوجته التبرج وغيره؟!
تتبرج له اوكى مب مشكله بس للناس برع لا ما أأيد ابدا هالشي يعني اوكى بتتبرج بس تتغشى هالشي مافيه شي يعني ,,وبعدين الريال حرمته عرضه لازم يحافظ على عرضه ويغار عليها
واذا واحد تزوج اختك وتصرف نفس هالتصرف شو بتكون رده فعلك؟!
هالسوال لي ولا للرجل؟ بالنسبه لي انا مايخصني مابتدخل فيهم كل واحد وكيفه عندي ريل وخلاص
واذا واحد تقدم لج وقال لج والله انا اباج تطلعين بميكب وشعرج طالع وكاشخه يمكن اصادف احد من رب
عي ويشوفج بتسمعين كلامه وبترضين باللي يباه ولا؟!
لو جي بقوله قرب بيت امك احسنلك ,انا عرضك وشرفك تباني اتسوي جي ؟بدال ماتقول اتنقبي تشغي ماباج تتبرجين إلي لي انا ,ومابينا نصيب جذه واغضب رب العالمين عشانك واللي خلقك خلق مليون غيرك مالت ههههه
رد: والله ريلي يباني جيه؟!
[align=center]
السلام عليكم ورحمة الله وبركاته
اولا مشكوره اختي على الموضوع الي يتاهل المناقشه الجاده
بالنسبه بالريال الي يطلب من حرمته انها تتبرج وتظهر جدام العالم بكامل زينتها اعتربه انسان ناقص عقل وناقص دين
واذا واحد تزوج اختك وتصرف نفس هالتصرف شو بتكون رده فعلك؟!
ردت فعلي بتكون مثل ما بيسوي كل انسان عاقل
باخذ البنت وبيلسها فالبيت وبقوووله سير دور لك بنت تمشي على مزاجك الي ما يناسب عاداتنا وتقاليدنا الاسلاميه
تقبلي مرووري
اخوج
الامبراطور الرمساوي
[/align]
رد: والله ريلي يباني جيه؟!
اولا يسلموا ع الموضوع فعلا هالشي وايد نشوفه
صراحه الريال اللي يطلب من حرمته هالشي مب ريال اصلا
وين غيرته وين النخوه استغفر الله والله مااتخيل في رياييل جذه
لو ريلي طلب مني هالطلب احس مستحيل اعيش وياه
مايلزمنيش راجل بالمواصفات ده...
والسموحه ع الاطاله
