عرض للطباعة
أهلا أهلا وحياكم الله،،
ومبروك عليكم شهر رمضان..
أكيد تتريون مسلسل عن شخصيات الرمس.نت ومواضيعه الشيقة..
حياكم تفضلو يوميا في رمضان حلقة عن نجوم الرمس.نت..
عاد منو بيكون في أول أسبوع: بو فيصل، The Special One، إمرأة لا تنسى، Rakboy783، سفير جلفار، حلقة عن أبقار الرمس، ومشرفة القسم رذاذ عبدالله..
ما أطول عليكم..
وأحرق عليكم مواضيع الحلقات.
تابعونا يوميا على مجلس الكتابات الشخصية..
أخوكم
الكاتب: بو مشاري
حليلكم يا أبقار الرمس..!
الحلقة الأولــى
بقلم: بو مشاري
وأنا كنت ساير جمعية راس الخيمة التعاونية إلي بالرمس، صادفتني هالمناظر..!!! :sm107:
http://im8.gulfup.com/2011-08-01/131218490271.jpg
قلت يا حافظ..!! الشباب عليهم همة من الصبح، وهم يمعون البقر في مكان واحد، وبعد ما يزخونهم، يعلقونهم من ريولهم الأربع، إلي كانوا يتدورون فيها بشوارع الرمس، ويروانهم الرمس من فوق،،!!:aa_kashra:
سرت أسأل العمال إلي متيمعين ويزخون البقر،،
بو مشاري: كيف هالك أرباب..!؟؟
العامل: زين بابا..
بو مشاري: شو سوي..!!؟
العامل وهو يضحك: هذا نفر كلو جود بقر..!
وأنا أقول بنفسي: يعني أنت ما جودت وياهم..!!؟؟
سألته: زين وين ودي.؟
العامل: ما في معلوم بابا..!!
قلت بسير أقضي مشترياتي بالجمعية وبرد أشوف آخرة هالجمعة بالشارع من الصبح..
وأنا أشتري صوب الجبن، شفت جبنة البقرات الثلات، تذكرت البقر وهو معلق، يا حليله،،،ناس تدلل بقرها..وناس فاره بقرها بالشوارع..!!
حاسبت ورديت نفس المكان..
وألا كم من بقرة ممسوكة ومجمعة في زريبة مؤقتة..
والناس قاعدة تتصور وتاخذ صورة جماعية..
http://im8.gulfup.com/2011-08-01/1312184902242.jpg
لو كنت وياهم كنتوا شفتوا صورتي: بو مشاري ويه بقركم..!
وخلصت حلقتنا لليوم..!
أتريا ردودكم..
لا تنسون..!!
بو مشاري نور داري..!!:alramsarabic:
بو مشاري أحلى طاري..!!
الله يكون في عون أبقار الرمس.
في انتظار الحلقة الثانية،
كـن بخير،
كنت في البدايه مب مصدقه قصه الابقار بالرمس ... لاني ناااااادرا مااسير هناك ... مره رحت اجددت الهويه في نادي الرمس ... وشفت الابقار في كل مكان ... استغربت ... لازم تدورن حل خاصه لاهالي الرمس ....
والمهم تسلم ع القصه ... عجبني صوره الجماعيه هههه... ونتريا قصه يديده ... وانا من المتابعين ...
[align=center]سيناريو كوميدي بمتياز ومزج رائع لمشهد تشتهر به الرمس
يعيبها فقط انها قصيره
يعطيك العافيه *[/align]
ههههههههههههههههه < ليش شي معلقينهمـ . .
تسسلم بو مشاري ع الحلقه الكوميديه . , .
ههههههه حلقة أبقآر الرمس عجيبهــ
نتريااااا الحلقات الاخرى
الله يكون فعونهم الصراحه مشهد حساس
فنتظار الحلقه الثانيه ,,
شكراً بو مشاري ...
بو مشاري الله يعطيك الصحه والعافيه
قصة حلوه تحكي واقع نعيشه
نتريا يديدك
تحياتي
ويلي ويلاه ع الردود..
ما حبيت أطول في السيناريو علشان ما يكون ممل.
تريوني باجر..