معكرونه بالنقانق من ايدي روعه ^^
السلام عليكم ورحمه الله وبركاته
بما انه اليوم الجمعه وماسرت بيت الاهل قلت خل اخبص لى حيا الله أكله ماشفت غير النقانق بويهى فقلت بسويها بالمكرونه..
راح تحتاجون الى كيس مكرونه وسلقوها مع مكعب ماجى وملح طشونه .
نقانق سلقتها بماي لمده ربع ساعه
حبه بصل مفروم
حبه طماطم مفرومه
حبه فلفل اخضر بارد امقطع
حبه جزر مقطعه اصغار
وثوم مفروم
وبقدونس وكزبره اشوى
معجون طماطم
البهارات هى ( ملح - ملعقه فلفل حار - ملعقه فلفل اسود - ملعقه بهارات مشكله - زعتر اشوى )
اول شي انحمس البصل مع الثوم لين يصير لونه ذهبى , بعدين نظيف الطماط والفلفل البارد والجزر ونحركه اشوى وبعدين انظيف النقانق الى قطعناه حلقات ونسكر عليه بالغطاه لين تذبل الخظره عدنا.
وبعدين نبذأ نظيف معجون الطماطم والبهارات والبقدونس والكزبره ونحركه عدل مع كوب ونصف ماى ونسكر عليه مره ثانيه بالغطاه..
ولمن انحس بانه خلاص استوا انحط المكرونه الى سبق وسلقناها ونحركهم عدل مع صلصله النقانق وخلاص بالهناء على قلوبكم..
رد: معكرونه بالنقانق من ايدي روعه ^^
انا صح ما اكل النقانق بس شكلها يجنن
ربي يعطيج الصحه
رد: معكرونه بالنقانق من ايدي روعه ^^
جربيها اماراتيه صدقينى طعمها حلو
رد: معكرونه بالنقانق من ايدي روعه ^^
ياخي تعيبني هالمعكرونة خاصة لو كان نقانق اجمعهم حق قطواااتي خخخخخخخخخخخخخخخخخخخخخخخخ
تسلم ايدج ع هالزيييييييين مافيج حيييلة صراااحة
انا مره جربت اسوي معكرونة شو الريحه شاله البيت من كثر ماحسها تشهي
بس للاسف طعمها ماكان مثل ريحتها :(
الله كريم خخخخخخ
رد: معكرونه بالنقانق من ايدي روعه ^^
هههههههههه وحليلج ياعشوقه
رد: معكرونه بالنقانق من ايدي روعه ^^
تسلم يمناج حبيبتي نبض انسان
ع الطبخه الحلوه ,,,
رد: معكرونه بالنقانق من ايدي روعه ^^
رد: معكرونه بالنقانق من ايدي روعه ^^
أنا دوم أطلب سندويتش نقانق من كافتيريا ,,
معكرونة بالنقانق شئ جديد ولكن أكيد هالطبخة لذيذة
مادام من نبض إنسان هي إللي طابخة ..!!
رد: معكرونه بالنقانق من ايدي روعه ^^
ههههه تسلم الحالم والله على الرد الطيب
رد: معكرونه بالنقانق من ايدي روعه ^^
