صور خاصة بجامعة الاتحاد قسم الطالبات ^___^

بسم الله الرحمن الرحيم

طبعاً الكل عارف انه انتقلنا للمبنى اليديد و وايدين حابين يشوفون شكل جامعتنا بحلتها الجديدة
صح انها ماكانت بالمستوى الي نطمح له بس الحمدلله قدرنا انقول انه نحن ندرس فجامعه محترمة بدون ما نستحي ^__^
خلونا نبدى من اول شي
طبعاً ما صورت البوابة من الجهة البراعية
وهاي الصورة من داخل الجامعه
78.../2gse7bs3w.jpg
اهنا الرسبشن
78.../u2ow5j0q6.jpg
خلونا نمشي بالدور من بداية لكلاسات المجابلة الرسبشن ..هذا كلاسي الي ادرس فيه الظهر
78.../qqlrl6xxc.jpg

الي فوق كيمرا مراقبة

78.../0xpt9tfqp.jpg
هذا ممر كلاسنا العود,,بالاساس كان مسرح بس خلوه كلاس
78.../07v200pqr.jpg
وهذا لكلاس الي توا ارمس عنه
78.../c6it8wbhn.jpg

واحينه الكانتين
78.../gdmor7x1q.jpg
هذا الموجود 3ككاوات بعد ما كانوا نوع واحد وهالمرة الثلاجة مترووسة الحمدلله (اشوا طلعنا ابياض الويه اليوم >_< )
78.../hb7zfhtgi.jpg
شوفوا الحجرة الي عاليمين..هاي البقعه مستأجرتنها طالبه من عدنا وسوتها مكتبه ويابت فلبينية اتبيع فيها ^__^وماشاء الله ادخل من وراها لأنه ماشي مكتبه عدنا انروم نطبع فيها
78.../vnxmn4f0a.jpg
وهاي من داخل
78.../rnfv2gr3b.jpg
وها الكانتين من صوب الدارلنج
78.../1i2qe5c6x.jpg
وها المنظر من صوب الكانتين للحدايق الغناء الي عدنا ^____^
78.../gj70bn12i.jpg
هااا وين وصلنا؟؟؟ يزاهم الله خير الجمعية الطلابية فالجامعه على هالاستكرات الطيبة ^___^
78.../xu0swe2qr.jpg
وانا فاتحة باب الحمام وانتوا ابكرامة جان اتفاجأ فيها وقتلها جيييييز ^____^اعرفكم بربيعتي فالجامعه اسمها سونيترا يحليلها من اتشوفني لازم تسلم وتظحك >_<
78.../vj76zjrg5.jpg
وهاي توابع المكان..طبعاً ماشي صابون ,,كانوا امحطين صابون عادي والبنات يجزون يستخدمونه وساعات يحطون فيري >_< جان اقوم اشتريلهم صابون سائل وماشاء الله ماوحاله اسبوع وخلص >_< عااد ابرايهم الي اييبلهم احينه
78.../7redgzvx6.jpg
الباب الي عاليمين خربان مادري ليش فكل حمامات الجامعه لازم انلاقي واحد فيهم خربان وامسكر>_<
78.../d7b6ci6e2.jpg
احينه خلصنا من جهة يسار الجامعه ومتجهين للطابق الثاني
78.../lpv8si1tt.jpg
لحظة لحظة هاي البقعة من احب الاماكن لي فالجامعه ,,يوم اتعايز اسير المسيد اصلي اهنا تحت الدري
78.../s0g9ezczk.jpg
هاي اللوكرات نسيت اصورها(طبعاً شالينها من المبنى الجديم >_< )
78.../hhu95wcd2.jpg
صعدنا الدري
78.../f0avwqv9c.jpg
وهاي المكتبة اتي على ايدنا اليسار,,ما رمت اصورها من داخل لأنه شي وايد بنات
78.../vuttu5wnj.jpg
وها الممر ونحن طالعين من صوب المكتبة نبا المسيد ولا باجي لكلاسات
78.../7wqz07q67.jpg
دخلت كلاسي
78.../8hxzorwbh.jpg

78.../tx4e425im.jpg

احينه قربنا من نص المبنى ,,هههههه ذكرت موقف اربيعتي وهي اتقولي مريووم مب ناقص الا3شياطين ونرجمهم من اهنا ,,أقوولها استغفر الله >_<
78.../h3fr49rcn.jpg
وهاي صورة من قريب وامبين الرسبشن تحت
78.../fszi86yta.jpg

اهنا الصورة اتبين المصلى الفوقي على جهة اليسار
78.../hwpzosu60.jpg
وهاي الصور من فوق
78.../phnsxgbh3.jpg
78.../7uqz94brb.jpg
78.../9kubnhs5o.jpg

وهذا المصلى بس ما رمت اصورة كامل بسبب البنات بس ماشاء الله وايد شرح
78.../3abhrox0j.jpg
78.../yl88ckx1s.jpg
اهنا خلصنا من المسيد وسايرين جهة اليمين صوب الدكاترة وقسم الارشاد وغيره
78.../el8mbtuzn.jpg

قربنا من قسم الدكاترة والغرفة الي عاليمين غرفة الارشاد
78.../v8f90dxqs.jpg
هاي غرفة الارشاد ,,قبل ما ندخل ممر الدكاترة وشي غرفة ثانية بس ما صورتها مادري مال شو بالضبط >_<
78.../d31w5s8in.jpg
احم احم >_<
78.../9mvpgi7pw.jpg
هذا ممر الدكاترة
78.../yokhfs7q2.jpg
هذا مكتب احسن دكتور عندي بالجامعه بس ما وحاني اصوره عدل كنت خايفة حد ايي >_<

78.../d2i39z4dl.jpg
طلعنا من قسم الدكاترة وكملنا سيدة عنفس الممر وحصلنا القسم الاعلامي وشؤون الطالبات
78.../ksvqqmkqw.jpg
وهالقسم من دااخل
78.../0jrzj0u7a.jpg
نزلت الدري..هالجهة كلها لابات خاصة ابمال الهندسة ومادري شو بعد..بس من فتحت الجامعه ما قط دخلت اللاب الا اليوم وانا اصور >_<
78.../q3w15an0q.jpg
هذا واحد فيهم
78.../5bbdk8so4.jpg
وهذا الثاني وشي غيرهم بعد بس ما صورتهم
78.../ejcdobdr9.jpg
وانا امكملة جان اشوف حجرة العاملات ..وشفت الصدمة!!!
78.../ewkqvvad6.jpg
78.../0l3g21l0w.jpg
الحجرة بكبرها كيبلات كهربا والله غمضوني
78.../rom1cp6f6.jpg
مادري ليش هالحفرة بعد؟؟!!!!جان سدووها بسيراميك احسها خطر
78.../d9svhoiik.jpg
لفتني عطر العااملة اهنااك كان ماااركة ^____^ وابوويي عليها
78.../7z5bqy1e0.jpg
وجان انزخ!!!!!!!جكتني وانا طالعه من حجرتهم و لا اغير الموضوع واقوولها جييييييز ^_____^
78.../q8b135ibw.jpg
وعدنا من حيث أتينا ^_____^
78.../zfv5oga0z.jpg
اتمنى الرحلة عاااد عيبتكم وان كانت عالسريع وما شملت كل شي ^___^
والله يعطيني العافية لأني صدق صدق تعبت فالتحميل >_<

يعطيج العافيه اختي ع التصوير

يحيج والله ام محمد من راك

بس انا ما اعرف بالصور لازم ايي بروحي واجوف الوضع هناك

ولا اقولج بكون مشرف على المعلمات

الاما خبرتيني ابلبس شو عطاج من افكار للتصوير انتي تصلين خخخخخخخ

شكرا اختي على الموضوع الحلو

اول مرة اجوف الجامعة والفضل لله ثم لج طبعا

تسلم اناملج على الموضوع

وشكرا

جامعة الإتحاد هااا في راااك ولا وين ؟؟؟

ما شاء الله كبداية حلووه وإ ن شاء الله بعد مرور أيام بنزهر

يعطيج الله الصحة والعافية ..~

يعطيج العافية ع الطرح تسلمين

حلوة جامعة الاتحاد اتشجع على الدراسة

هي الجامعه مختلطة شباب وبنات ولا بس بنات؟؟؟؟
الصراحة كنت اتوقع هي الجامعة بعد المبنى اليديد لحلى بوايد عن اللي شفته

ها الجامعة مرة مريت صوبها بالليل .. والشارع اللي يوصل لها .. ما فيه انارة ومظلم !!

بس شكلها من داخل حلو

شكراً ع الموضوع الفنتك

اقتباس:

---

المشاركة الأصلية كتبت بواسطة rak boy 783

يعطيج العافيه اختي ع التصوير

---

ويعافيك ان شاء الله ^___^

اقتباس:

---

المشاركة الأصلية كتبت بواسطة just_me

يحيج والله ام محمد من راك

بس انا ما اعرف بالصور لازم ايي بروحي واجوف الوضع هناك

ولا اقولج بكون مشرف على المعلمات

الاما خبرتيني ابلبس شو عطاج من افكار للتصوير انتي تصلين خخخخخخخ

شكرا اختي على الموضوع الحلو

اول مرة اجوف الجامعة والفضل لله ثم لج طبعا

تسلم اناملج على الموضوع

وشكرا

---

الله يحييك ^____^

حياك عدنا وان شاء الله اتكون احد طلابها ^____^

فكرة تصوير الجامعه يت من مخي لأني كنت ناوية اخلي الجامعه وبوله عليها فقلت ليش ما اصورها من احينه واسيفها وبالمرة اراوي الي يبا يشوف الجامعه,,وبعدين ليش ما اصلي؟؟@_@ كافرة شو؟؟؟!!!

وشاكرة لك مرورك ^____^