البنت التي لاتجيد الطبخ ..!

السلام عليكم ورحمة الله وبركاته

http://www.5foq.com/vb/uploaded/1451_01195315131.gif

http://www.5foq.com/vb/uploaded/1451_11195315131.gif

http://www.5foq.com/vb/uploaded/1451_21195315131.gif

http://www.5foq.com/vb/uploaded/1451_01195315111.gif

http://www.5foq.com/vb/uploaded/1451_11195315111.gif

شوفوا البنات اللي لسى يتعلموا الطباخه كيف يسووا بالأكل

مصائئئئئب

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

هل راح تقبل شريكة حياتك بهذا الشكل!!!!



هناك أسباب لهذي المشكلة وأهما:

1- وجود الخادمة
2- الأنشغال بالدراسة

ولكن ،،،
1- هل تقبل تتزوج بنت ماتعرف تطبخ؟
2- هل تقبل على اساس انها تتعلم بعد الزواج او في فترة الخطوبه؟


وأنتي
3- هل تتزوجين دون أن تعرفي شيئا في المطبخ؟؟وما موقفك اذا رفضتي لهذا السبب؟

__________________

وعليكم السلام ورحمة الله وبركاته

معقووولة الحين هذا طبخ بنات لايكون غلطان لأن هذا شكلة طبخ شباب ههههه

بس الصراحة لازم الوحدة تتعلم تطبخ وما تتكل مول لشغالات وأكلهم

وهذا دور الأم تحبب الطبخ لبناتها وفي صادفتني وحدة كنت أرمس وياها

وطبعا" حرمة كبيرة قلت لها ليش ماتعلمين بناتج الطبخ لأن بينفعونج بعدين ونفس الوقت

يعتمدون ع نفسهم قالت لي لأ ما بعلمهم خليدرسون أحسن, وهذا شيء وايد غلط

لأن البنت لو ما تعلمت تطبخ وقالت لاحقين ع الطبخ ما أضني بتتقن الطبخ عقب

وبس خلصت هذا اللي عندي وسمحووولي

طال عمرك .. انا معااك بالموضووع .

لكن الطبخ موهبه وليس فرض على البنت اساسا .. نحن تعودنا ان البنت او الحريم يطبخن .. لكن لا في الشرع ولا في الدين قال ان الحرمه عليها الطبخ .

شوف الاعراف بين النااس ان الطبخ على الحريم ، لكن اللي الناس ماتعرفه ان هذا مش فرض على البنت .. وانما صار ان البنت نحن تعودنا انها تطبخ ..

حتى في الدين ماتلنزم البنت او الحرمه في الطبخ وانما علي الاثنين المشاركه..


الحين نص طبااخين العالم هم رياييل ..


والسمووحه طال عمرك .

أولا أشكر راعي الجيتي وأبتسامه ع المرور

وثانيا انا بصراحه ما أقبل أني أتزوج بنت ما تعرف تطبخ ... أصلا بنات ها الزمان ما يدشون المطبخ الا قله قليله عيبتنهم الراحه

والسبب يعود للام انه مخليه البنت على راحتها ....

والله صدقتك يابوسلطان بنات هالزمن يدورون الراحه ..... اذا اتزوجتها بتقول لك هات لك خدامه تطبخ لك !!!! .... شو هالحاله ؟؟ وين حريم قبل ؟؟؟ ........... والا بعضهم يبون بعد مربيه حق الضغاريه ههههههه والله لو شو مايستوي ما اهد عيالي حق مربيه ........ شو بتقول غير لاحول ولاقوة الا بالله ........ الله المستعان

الطبخ في اوروبا من العوامل الغير رئيسيه ولاني عشت في امريكا تقريبا 4 سنوات ، وسكنت عند عده عوائل ..

ماشفت ان بنت او حرمه تجيد الطبخ حتى 50% وانما شفت ان الرياييل يطبخون مع الحريم ..

الطبخ يكون عندهم في اوقات مثل الصبح فقط ، واما الاوقات الثانيه فياكلون خفيف مثل فواكهه او سلطاات او حتى عصاير .


لكن انا معااك لو تقصد ان االزوج مسؤول خارج البيت .والزوجه كسؤوله دااخل البيت كونها موجوده اكثر الاوقااات ..


فالنقطه الرئيسيه على كل بنت خلنا نقول انها تحافظ على بيتهااا وماترضى ان تأكل عيالها او زوجها اكل (_بايت) او اكل خربااان ..

لان (الام) او (الزوجه) عليها دور 70% في التربيه والنشأ والتاديب ..

معظم الحريم عدنا مايقبلن ان عيالهن يباتون او ياكلون اكل تعباان ، فتشوف ان الحرمه تهتم فالدرجه الاولى من ناحيه الاكل لان هذا شي مهم ..


صدقني اذا الحرمه تحط في راسها الطبخ يوووو يووو بتفقرك ، الصبح طبخ .الظهر طبخ ..المغرب تجهز حق العشااا ..


وعقب ايوون الريااييل ومايعجبهم العجب ويوقولن ان الحريم ريحتهم طبخ وماتفضى حق الرياااال ..


ابووي خل كل شي على (سجيته)احسن وعشاان تعيش حيااتك وانت مرتاااح ..

الواحد مايموت من قله الاكل ..بالعكس عدنا الخير زايد اللهم لك الحمد .


السمووحه طال عمرك في رايي .

الموضوع يحمس ع المشاركة .. بس احس المشاركات للشباب اكثر ملائمة ..

لذا سأكتفي بالقراءة ..

(( راعي الجيتي )) عجبني ردك و اقناعك بوجهة نظرك .. اسلوبك جميل في المناقشة

و أنا اؤيدك فيما قلت ..

مرحبا ,,,انا بنت واقول شو فيها اذا ماعرف اطبخ!!!! مافيها شي عادي ,,واذا عرفت انه في واحد تقدملي وبعدين غير رايه عشان ماعرف اطبخ ,,بستانس عشان ماتورطت معاه ,,,,

بسم الله الرحمن الرحيم

السلام عليكم ورحمة الله وبركاته




عندما يتربى الشخص على مبادىء معينه ومعادات وقيم تعلم عليها منذ الصغر

صعب تغييرها في الكبر.

وخاصة من جهة نظر الرجال

فالرجل .. ينظر الى ما تربى عليه في العادة .. فهو راى امه هي من تطبخ لأبيه ..


وهي المسؤولة عن الطعام في البيت

وتجدينه يشتاق ويمدح دائما في اكل امه وطباخها امام الزوجة ..


لهذا هو يتمنى ان يرى زوجته كذلك تفعل كما تفعل امه ويكون طهيها مثل امه ..



والطبخ اولا واخيرا يعتبر فن .. وسهل للغاية ..


ورغم أنني انا شخصيا لا احب الطبخ .. ولكنني اجيد طبخ كل شيء بنفسي..


من اطباق الرز بشتى انواعه الخليجي والعربي والآسيوي ..


والأكلات الشامية .. والمشاوي.. وكل ما يطرا علي اتعلمه .. وخاصة في السويت والحلويات ..


وكذلك الخبز بانواعه


ولكن مع هذا فأنها ليست من هواياتي المفضله !!!



ولكنني تعلمتها فقط من اجل زوجي لانه يحب الطعام كثيرا ..هههه الله يحفظه ويعطيه العافيه



ومع هذا اتفق مع اخي الكريم / راعي الجيتي ..



أن ليس اجبارا على المراة تعلم الطبخ .. وليس شرعا وقانونا عليها الطبخ ..



وحلو مشاركة الزوج بالطبخ مع زوجته


جربوها لاني جربتها وطلعت الطبخة فوووله هههههه



حفظكم الرحمن

بصراحه انا مع الشباب انه بنات اليوم مايعرفون يطبخو خير شر
والسبب :- عصر الراحه والتكنولوجيا الي ماخذه عقلهم اكثر من الطبخ واهتمامات البيت

مع احترامي للجميع

انا وحده ما ادل المطبخ خير شر !! :)

والمرأه في هالوقت صعب تجابل البيت والمطبخ واهي موظفه ترجع البيت متاخر
وين عندها وقت ادش المطبخ لا ووراها عيال وريل ..صج تكسر الخاطر


يعني شنو تسوي تقطع روحها ولا شنو ..



قواك الله !!
.
.
.

بسم الله الرحمن الرحيم

بالنسبة لمزمنا هذا .. صعب الفتاة تتعلم الطبخ في ظل دراستها لمدة 12 سنة و بعدها تدرس الدراسه الجامعيه 4 او 5 سنوات و ما يكون هناك متسع من الوقت لتعلم الطبخ

يعني هي بعد ما تدرس و تذاكر تدور على ساعه راحة فاكيد ما بتخصصها لتعلم الطبخ .. هذا حال بناتنا ها الايام

و بعدها لما بتشتغل .. بتقول شغل و ريل و عيال و غيره

فبالنهاية الرجل المفروض يرضخ لهذي الامور و يتعود على اكل المطاعم و الطباخه اللي في البيت

و كان الله في عون الزوج اذا زوجته قالت له (( انا ما اروم اطبخ .. بس اروم اسوق سيارة و اروح الدوام و اقبض راتب و اروح السوق و اتعلم الفوتوشوب و اروح الاعراس و و و و و و ))

العتيبي

اقتباس:

---

المشاركة الأصلية كتبت بواسطة ماريا الصباح

انا وحده ما ادل المطبخ خير شر !! :)

والمرأه في هالوقت صعب تجابل البيت والمطبخ واهي موظفه ترجع البيت متاخر
وين عندها وقت ادش المطبخ لا ووراها عيال وريل ..صج تكسر الخاطر


يعني شنو تسوي تقطع روحها ولا شنو ..



قواك الله !!
.
.
.

---

على العكس اختي الكريمة .. اعرف كثير من الموظفات .. وماشاء الله عليهم طبخهم لا يعلى عليه ..

مجرد انج تحبيين فكرة الطبخ راح اتشوفينها سهله ولذيذة وسريعة اذا بغيتي واخترتي وجبه خفيفة


: )

[align=center]

اقتباس:

---

المشاركة الأصلية كتبت بواسطة العتيبي

بسم الله الرحمن الرحيم

بالنسبة لمزمنا هذا .. صعب الفتاة تتعلم الطبخ في ظل دراستها لمدة 12 سنة و بعدها تدرس الدراسه الجامعيه 4 او 5 سنوات و ما يكون هناك متسع من الوقت لتعلم الطبخ

يعني هي بعد ما تدرس و تذاكر تدور على ساعه راحة فاكيد ما بتخصصها لتعلم الطبخ .. هذا حال بناتنا ها الايام

و بعدها لما بتشتغل .. بتقول شغل و ريل و عيال و غيره

فبالنهاية الرجل المفروض يرضخ لهذي الامور و يتعود على اكل المطاعم و الطباخه اللي في البيت

و كان الله في عون الزوج اذا زوجته قالت له (( انا ما اروم اطبخ .. بس اروم اسوق سيارة و اروح الدوام و اقبض راتب و اروح السوق و اتعلم الفوتوشوب و اروح الاعراس و و و و و و ))

العتيبي

---

:sm100: : )


بس الرجاجيل متى بغوا شي من الحرمه يسوونه .. وكذلك الحرمة اذا بغت تطبخ بتطبخ فعن العيارة

تتحجج بالدوام ولا بالسياره والدارسة:sm102:


[/align]

الظااهر ان نحن خااصه تعتبر العاده عباده خلااص ..

انا احيي كل من شاارك بالموضوع صرااحه وابدى رايه ..

لكن من اين تأكل الكتف هذا مقصدناا بالموضووع ..

نحن مثل ماذكرنا ان الموضوع عباره عن فن وليس (غصب)صدقوني جمااعه شوفو من الموااضيع اكثر من النظر الى (الركبه) اقصد بعيد ..


الحق ماينزعل منه ،و القران والسنه حق .. والمرأه كائن من تكون تعتبر اخت الرجل .. لا وبالعكس ان بعض الاخواات احسن من الرجال ..

موضوعي ماتنظر الموااضيع من ناحيه الطبخ والحرق والمطبخ ولوازمه وانما ابعد من ذلك ،

اذا المرأه في نظري مثل ما حدد البعض ان (اجباري) اعتقد حتى الرياال يكون عليه اجباري ، الصرااحه رااحه وشي مايزعل ..خلونا نشوف الموضووع باكبر من جي .

.

في وحده الصرااحه ردت في هالموضوع وقالت ان اذا الريال تقدم لي وعرف اني ماطبخ ومابغاني يكون احسن .. انا اقول ماهكذا تساق الابل طال عمرج ..

لان المقصد من الزواج الاستقرار وليس اني بتزوج وحده يسمونها (مطبخ)عذرا ماتوقع بمثل هالعقليه نحن بنفكر .

الطبخ فن قبل كل شي الواحد يتعلمه يفيد نفسه في البدايه ، والحرمه اذا ماتعرف تطبخ مافيها شي عاادي وهذه مش نهاايه الكووون.

عادي شباااب لاتوقفون عند هالنقطه وتكونون سلبيين ..


للحرمه ماعلى الريااال .. اذا مابتزوج اونه وحده ماتعرف تطبخ بيوقف الاكل اكيد لا .


وهذا رايي والسمووحه شباااب .


راعي الجيتي

اقتباس:

---

المشاركة الأصلية كتبت بواسطة إمـرأه لا تُنسـى

[align=center]





:sm100: : )


بس الرجاجيل متى بغوا شي من الحرمه يسوونه .. وكذلك الحرمة اذا بغت تطبخ بتطبخ فعن العيارة

تتحجج بالدوام ولا بالسياره والدارسة:sm102:


[/align]

---

100 %

100%

اقتباس:

---

المشاركة الأصلية كتبت بواسطة المتميزة

الموضوع يحمس ع المشاركة .. بس احس المشاركات للشباب اكثر ملائمة ..

لذا سأكتفي بالقراءة ..

(( راعي الجيتي )) عجبني ردك و اقناعك بوجهة نظرك .. اسلوبك جميل في المناقشة

و أنا اؤيدك فيما قلت ..

---

احم احم تبغين توهقيني ..

كل الشكر طال عمرج والردود يجب ان تكون حضاريه .

وشكرا لج على مشاركتج

اقتباس:

---

المشاركة الأصلية كتبت بواسطة إمـرأه لا تُنسـى

بسم الله الرحمن الرحيم

السلام عليكم ورحمة الله وبركاته




عندما يتربى الشخص على مبادىء معينه ومعادات وقيم تعلم عليها منذ الصغر

صعب تغييرها في الكبر.

وخاصة من جهة نظر الرجال

فالرجل .. ينظر الى ما تربى عليه في العادة .. فهو راى امه هي من تطبخ لأبيه ..


وهي المسؤولة عن الطعام في البيت

وتجدينه يشتاق ويمدح دائما في اكل امه وطباخها امام الزوجة ..


لهذا هو يتمنى ان يرى زوجته كذلك تفعل كما تفعل امه ويكون طهيها مثل امه ..



والطبخ اولا واخيرا يعتبر فن .. وسهل للغاية ..


ورغم أنني انا شخصيا لا احب الطبخ .. ولكنني اجيد طبخ كل شيء بنفسي..


من اطباق الرز بشتى انواعه الخليجي والعربي والآسيوي ..


والأكلات الشامية .. والمشاوي.. وكل ما يطرا علي اتعلمه .. وخاصة في السويت والحلويات ..


وكذلك الخبز بانواعه


ولكن مع هذا فأنها ليست من هواياتي المفضله !!!



ولكنني تعلمتها فقط من اجل زوجي لانه يحب الطعام كثيرا ..هههه الله يحفظه ويعطيه العافيه



ومع هذا اتفق مع اخي الكريم / راعي الجيتي ..



أن ليس اجبارا على المراة تعلم الطبخ .. وليس شرعا وقانونا عليها الطبخ ..



وحلو مشاركة الزوج بالطبخ مع زوجته


جربوها لاني جربتها وطلعت الطبخة فوووله هههههه



حفظكم الرحمن

---

نعم طال عمرج هذا هو الكلام المفروض الكل يقوله واولهم البناات لانه مش حكر ان البنت يجب انها تعرفه.


يسلمو عالرد .

اقتباس:

---

المشاركة الأصلية كتبت بواسطة إمـرأه لا تُنسـى

على العكس اختي الكريمة .. اعرف كثير من الموظفات .. وماشاء الله عليهم طبخهم لا يعلى عليه ..

مجرد انج تحبيين فكرة الطبخ راح اتشوفينها سهله ولذيذة وسريعة اذا بغيتي واخترتي وجبه خفيفة

: )

---

على حسب المود انا اقول بعد ..

بالنسبـه لـي أحب الطبـخ ..
بـس مو دآيمـآ أطبـخ ..
المهـم إنـي أعرف أسـوي اللـي أبيـه .. [ الحمـد للـه ]
عسـب متـى مـآ أحتجت >> أدخل المطبـخ وأسـوي

اقتباس:

---

المشاركة الأصلية كتبت بواسطة العتيبي

بالنسبة لمزمنا هذا .. صعب الفتاة تتعلم الطبخ في ظل دراستها لمدة 12 سنة و بعدها تدرس الدراسه الجامعيه 4 او 5 سنوات و ما يكون هناك متسع من الوقت لتعلم الطبخ

يعني هي بعد ما تدرس و تذاكر تدور على ساعه راحة فاكيد ما بتخصصها لتعلم الطبخ ..

---

الدرآسـة مـو طوووول السنـة .!!
ويـن سـآر الصيـف .؟!
بالصيـف نحـن فـآضيـآت >> خـل يتعلمـون كـم أكلـه ..

واللـي يدآومـن :: إذآ كـآنـوآ يتأخـرون ومـآيلحقـون يسون الغـدآء >> وطبعآ العشـى بعـد بتكـون تعبـآنه وتجـآبـل اليهـآل
عدهـآ بالإجـآزهـ وقـت /// تدخل المطبخ تسوي لريلها طبخـة مـن إيدهـآ
حلـآت الريـل يـوم يمـدح حرمتـه ^.^ هـع


المصيبـة يـوم تييـك بنـت حتـى كـوب الحليـب مـآتعرف تسـويـه
عنبـوهـ مـب لهالدرجـة عـآد


المفـروض من كـل أم تعلـم بنـآتهـآ ..




|||||||||||||||||||||||||||||||||||||
|||||||||||||||||||||||||||||||||||||



لـو كنـت مـآعرف أطبـخ وتزوجـت وكـآن ريلـي يبينـي أطبـخ
فـي شـي إسمـه أسأل أمي وخواتي ، كتب ، نت ، تلفزيـون
يعني وآيـد طرق أقدر أتعلـم من خلـآلهـآ الطبـخ
بـس فـي بنـآت هـم من نفسهـم مـآيبـون يطبخـون [ حتى لو تجهز ألهم كل شي وتقولهم قلبوهـ ع النـآر بيقـولـولك مـآنعرف ]


.. يعنـي بالنهـآيـة هالموضوع يرجـع للشخـص نفسـة ..




أمممممم وبـس ^^





~ْ|[ تسلـم أخـوي ع الطـرح الفنتـك ]|ْ~

السلام عليكم ورحمه الله وبركاته

موضوع جميل وقيم وهادف شكرآ لك اخي على طرح مثل تلك المواضيع

اخي الكريم

بالطبع من الجميل ان تكون المراه تجيد الطبخ لتقدم الطعام لزوجها واولادها

ولكن لا يشترط ان يكون ذلك شرط من شروط اختيار شريكه الحياه

قال رسول الله صلى الله "تنكح المرأة لأربع لدينها لمالها و جمالها و حسبها و
فأظفر بذات الدين تربت يداك"

لو نظرنا اليها من الناحيه الدينيه فلم يحدد الاسلام ذلك الشرط ولكن

اوصى بدات الدين فانها مغنم كبير للرجل

بالنسبه الى شخصي لا اشترط او لم اضع في مخيلتي ان اتزوج من امرأه تجيد الطبخ

لانه بالنسبه لمجتمعنا اصبح التطور الغريب يجعل للمرأه مبرر او حجج ان لا تتمكن ما اجاده الطبخ

فهناك فرق كبير بين المرأه التي لا تجيد الطبخ والمراه التي لا تستطيع ان تطبخ لعده ظروف منها العمل

بنظري انه من الجميل ان تكون المرأه وربه المنزل تجيد ذلك الفن وفكم هو جميل طعام البيت

اطال الله بأعمار امهاتنا

فقد كان احساسنا جميلآ ان ناكل طعام من ايدي امهاتنا

حيث لو سألت احدهم ما اطيب طعام اكلته فكثير منهم سيقول طعام والدتي

صحيح ان الدنيا تغيرت والروتين الحياتي اصبح مختلفآ

ولكن اعتقد ان من واجبات المرأه ان تكون ملمه بالطبخ لا يشترط ان تعد الطعام يوميآ

واكرر يجب ان تكون مله بالطبخ

هذا ما راق لى

سري للغاية

لا طبخ ولا شغال البيت اعرف

خلاص أنا مخطط كل شئ قبل ما اتزوج بشهر بتعلم الطباااخ وكل أشغال البيت لأنه عقب الزوااج بنتعود صح >> خوش فكره صح

هههههههههههههههههههههههه

المهم أنا معاارضة للبنت إلي ما تعرف تطبخ لأنه الريال يبا الحرمة تعرف هالسوالف
بس بنفس الوقت الريال لازم يعرف إن هالزمن البنت غير طول أيامها على دراسة وبعد
معروفه عند بنات الإمارات ما يشتغلون كل شغلهم على شغالة >> بطاليات شراتي خخخخ
تسلمين على الموضوع ..~

المفرووووووض أن الزوووج أيب طبااااخ بعد البنت ماااعندهااااا وقت تسوووي أكل بصرااااحة على هاااا العصر إلي كله أشغااااال في أشغااال ودرااااسة بعد رااااح أتسوووي حق زوجة يعني أكل خفاااايف اناااا بنت أعرف أطبخ بس موووو واااااااااايد مثل الهريس وخبيييس وأكلات شعبية ماااأعرف أسوووي لكن بنجرب

اقتباس:

---

المشاركة الأصلية كتبت بواسطة العتيبي

بسم الله الرحمن الرحيم

بالنسبة لمزمنا هذا .. صعب الفتاة تتعلم الطبخ في ظل دراستها لمدة 12 سنة و بعدها تدرس الدراسه الجامعيه 4 او 5 سنوات و ما يكون هناك متسع من الوقت لتعلم الطبخ

يعني هي بعد ما تدرس و تذاكر تدور على ساعه راحة فاكيد ما بتخصصها لتعلم الطبخ .. هذا حال بناتنا ها الايام

و بعدها لما بتشتغل .. بتقول شغل و ريل و عيال و غيره

فبالنهاية الرجل المفروض يرضخ لهذي الامور و يتعود على اكل المطاعم و الطباخه اللي في البيت

و كان الله في عون الزوج اذا زوجته قالت له (( انا ما اروم اطبخ .. بس اروم اسوق سيارة و اروح الدوام و اقبض راتب و اروح السوق و اتعلم الفوتوشوب و اروح الاعراس و و و و و و ))

العتيبي

---

هل العتيبي ...
الطباخه أكيد بتتعلم من صاحبة البيت ... وبعدين في كتب طبخ ... والأسهل النت كل شيء متوفر فيه
المقادير وبالصوره بعد ...
ومافيها شيء لو كل الريال مره أو مرتين في الأسبوع من المطعم تغيير .. عن أكل البيت ..:aa_Popcorn:


لك مني كل الشكر أنت وصاحب الموضع ..
تقبلو مروري ...
دمتو بود ...
بنوته كيوت ...

السلام عليكم ورحمة الله وبركاته
الحمدالله انا اعرف اطبخ يعني بيض مقلاي ومعكروونه ومجبوس وكرك هع بس هاذا الي اعرفه
بس صح الريال يبا الحرمه الي تعرف تطبخ مب والله كله شغاله طباخ شغاله طبااخ
تـــــــــــــــــــــــسلم اخووي ع الموضوع

انا عن نفسي اشوف ماشي مشكله لو البنت ما تعرف تطبخ يعني البنت اغلبية الأوقات مشغوله بدراستها

و يوم تحصل اجازه تحب تغير الجو يعني شي مو طبيعي انها تدرس و تتعلم طبخ هو لكل شي له عمر و انا عن رايي البنت يوم

يخطبونها اهني لازم خلاص تأهل نفسها انها تطبخ وعن رايي اذا واحد عرس مثلا و عرف انه مرته ما تعرف تطبخ ماله داعي يعني

يعصب او شي المفروض يفهم انها كيف كانت عايشه فبيت اهلها بغض النظر عن ألي متعودين على الراحه بس يعني لكل شي

له عمر و ما فيها شي لو تعلمت عقب الزواج بتغلط مره مرتين بس عقب بتتعلم يعني انا عن نفسي الحين صح اني ما اعرف

اطبخ مثل الوالده لأني مشغوله فحياتي العلميه يعني ألي يتحسب الصيف لازم نتعلم اقول لا هب شرط كل بنت

فالصيف يالسه فالبيت في بنات يروحون مراكز للتعليم و انشطه صفيه يعني تستفيد وقتها وانا من هذيلا يعني انا بنظري البنت

تتعلم الطبخ يوم خلاص يخطبونها اهني لازم تعرف مسؤليتها و السموحه

تقبل مروري .. اختكم الطنيجيه ..

[align=center]
أشكرك راعي الجيتي أولا على اختيارك لموضوع النقاش

وثانيا على التصوير الرااائع ,,

أختي امرأة لا تنسى عجبني رأيك بارك الله فيك

بالنسبة لي تعلم الفتاة للطبخ شي مهم وواجب على كل بنت

حتى الشباب لانهم ممكن يتغربون لأسباب عدة للدراسة وغيرها ,,

هناك مثل يقول : (أقرب طريق الى قلب الرجل معدته )

والبنت تتعلم الطبخ من أمها والأم الي معتمده على الخادمه شي طبيعي

انه بنتها ماتعرف تطبخ ,,

أنا لو كنت شاب وبغيت اخطب بنت ماتعرف تطبخ بطلب منها باسلوب محبب

انها تتعلم أساسيات الطبخ أثناء فترة الملجة ,,

[/align]

اقتباس:

---

المشاركة الأصلية كتبت بواسطة راعي الجيتي

طال عمرك .. انا معااك بالموضووع .

لكن الطبخ موهبه وليس فرض على البنت اساسا .. نحن تعودنا ان البنت او الحريم يطبخن .. لكن لا في الشرع ولا في الدين قال ان الحرمه عليها الطبخ .

شوف الاعراف بين النااس ان الطبخ على الحريم ، لكن اللي الناس ماتعرفه ان هذا مش فرض على البنت .. وانما صار ان البنت نحن تعودنا انها تطبخ ..

حتى في الدين ماتلنزم البنت او الحرمه في الطبخ وانما علي الاثنين المشاركه..


الحين نص طبااخين العالم هم رياييل ..


والسمووحه طال عمرك .

---

أنا معاك ويسلم ثمك عالكلام الزين ياراعي الجيتي:sm122:

مااااااااااااااااااااااااااعرف اطبخ :(
ومابي اتعلم

هل تتزوجين دون أن تعرفي شيئا في المطبخ؟؟وما موقفك اذا رفضتي لهذا السبب؟

تزوجت انا ماعرف اسوي بيض

بس الحين حمدالله تعلمت في بدايه كل شيء يخترب
بس ريال العاقل هو يصبر

لانه اكيد واحد يفشل مره ومرتين بعدين تتقن

بس بعد الزواج كل شيء يتغير لانه البنت يكون ليها دافع تتعلم

عشان تكسب زوجها:sm133:


اذا انرفضت عشان اني ماعرف اطبخ.؟؟

برايه الله يحفظه

الصراحه ماعنده سالفه يرفض بنيه عشان ماتطبخ



بالتوفيق للجميع

اساسا بنات اليوم او بنات الجيل هذا 95% فاشلات في الطبخ

بنات اليوم ما شاء الله عليهن فالحات وشاطرات في المكياج والاعراس والكشخه والتعليم

صح !! بناات هالزمن ما يحبون يدشون المطبخ ( خقاااااقين )
الله يصلحهم

حبيت أشاركم فوجهة نظري حول الموضوع بس فالبدايه اسمحولي اشكر أخوي ( راعي الجيتي ) ع فكره الراقي و الله لو يكون فراس الخيمة عشر بس منك ما كان حال شبابنا جيه ..
البنت و الطبخ ( معركة مصيريه ) منذ الأزل .. اللي ما تعرف تطبخ ما تصلح زوجه .. ليش هذا التفكير يا شباب .؟؟!!!
أنا اشوف ان اللي يفكر كذا راح يحرم نفسه من فوائد جمه تتمتع بها البنت اللي ما سمحت لها ظروفها انها تتعلم الطبخ مثل فكرها الراقي و وعيها و حرصها أو حتى اسلوبها فالتعامل و حل المشكلات الناجم عن تجربه منبثقه من الاحتكاك و الانخلاط فالمجتمع ... طبعا هذا الشي ما يعمم على جميع البنات اللي ما يعرفن يطبخن لان اصابع ايديك ما هي سوى .
و فنفس الوقت بعد في بنات يتعلمن الطبخ و هذا الشي ما اثر على مسيرتهم الدراسيه

هل تتزوجين دون أن تعرفي شيئا في المطبخ؟؟هممم بتعلم ليه طبخه من منيه ومناك وبسوي له هآع

وما موقفك اذا رفضتي لهذا السبب؟ همم والله ماعرف شقول هآع

يسلمع الموضوع النايس

كل شي فالحياة ممارسة والعمر جدامها طويل مع شريك حياتها

وحتى من عقب الملجة تتعلم فترة وعقبها بتبرع فالطبخ ^_____^

الانسان ما ينولد عالم بارك الله فيك

وكل شي بالممارسة بيسهل اتقانه

البركه بكتب الطبخ هالايام بكل لغة

أقرأ وأطبق والبنات الحين مو مال طبخ الا ما ندر

هههههه ذكرتوني ببداياتي في الطبخ كان يا اكل محروق او نئي والاهل ما يقصرون يشجعوني لين صار الطبخ عندي هواية

وصرت اعرف اطبخ كل شي تقريبا واحب اتعلم الاكلات اليديدة لكن اللي مخوفني يخطبني واحد يقارن بين طبخي وطبخ امه وهذا الشي ما يرضيني لو كانوا الشباب يهتمون في البنت اللي تعرف تطبخ ويبونها المفروض بعد ما ييلسون يقارنون بين طبخها وطبخ الوالدة بكل دقيقة لان هالشي يحبطها

ثانيا الافضل البنت تتعلم الطبخ وما تخليه للشغالات مع ان شغالتنا تعرف تطبخ وايد بس ما اخليها صراحة تطبخ لاني امممم يمكن لاني اشك بنظافتها مع انها وايد نظيفة بس مثل ما تقولون عاد نحن حريم ونوسوس ^^ وحتى اخواني ما يرضون ياكلون من ايد الشغالة

واللي يقول ان الحرمة تهتم بالطبخ وتودر التربية او تنسى العيال وتيي لزوجها ريحتها طبخ اقوله غلطان لان بامكانها توفق بين الاثنين لو رتبت وقتها مب شرط كل الاوقات تطبخ ممكن تطبخ الظهر والعشا والريوق شي خفيف الا لو كان الزوج يباها سوووبر وومن

مشكور اخوي على موضوعك الفنتك اسميني تحمست وانا ارد

وعليكم السلام ورحمة الله وبركاته

مع الزمن الانسان بتعلم الطبخ.........و الصبر مفتاح الفرج

انا مع ام محمد من راك ...لما اتزوج ان شاء الله ... بدش المطبخ >>>>>اكيد غصب عنك مب على كيفك ههههه

انا اطبخ بس مب ذااك الزود

اطمع للمزيد خاصه مأكوولات المالحه هههـ

و مشكورين