احتمالية تأجيل العام الدراسي لمدة شهر

في بداية العام الدراسي المقرر ، سيبدأ شهر الصوم معه، وهو مما لا شك فيه ، سيؤثر على سير الدراسة لدى الطلاب ، لذا فإن أغلبية أولياء الأمور يفضلون تأجيل العام الدراسي إلى ما بعد رمضان، وهو ما تفكر الوزارة حاليا فيه.

الخبر قد نشر على الجلف نيوز: http://www.gulfnews.com/nation/Education/10232671.html

انا مع التأجيل والله

يعني ناس ظاهرين من اجاازه عقب دوام عالطول وفي رمضان احس تعب وايد لهم

والله ياريت بيسوون فينا خير

ثــآنكس أخــوي ع الخبــر اللي يبشــر ع أول الصبــح

اتمنــى تنفيذ القـــرار ..
والله حرام عليهـم الصراحــه الواحد ما يقدر..صيام ومذاكره مره وحده ..!!

اسمحولي على الكلاام اللي بقووله

انا اعاارض هالفكرة تماما

شو فيكم يا عيال هالزماان

في رمضان شهر العمل والعبادة و انتو تبون بس ترقدون

نحن صادفنا رمضان ايام الامتحاانات و ما قلنا شي

بالعكس درسنا و نجحنا و انتو بس تحبوا التاجيل

الواحد ما يفكر و الله كيف بنذاكر و لا كيف بنصوم و نحن دوام

ولا كيف و كيف و كيف و كيف

مثل ما يقوولوون اللي يبا الصلاة ما بتفوته

خل عنكم هالكلاام و ادعوا بس ان ربنا يبلغنا رمضان

فالاصل فرمضان الانسان يتنج اكثر من غيره من الشهور

و السمووحة هذا راايي انا بوحمد

مع التحية

انا اوافق ع الفكرة لأن اول ما بتبدأ المدارس بكون واااايد علينا المذاكرة ..~
وعقب بيبدأ الإمتحانات ونحن في رمضان ما نقدر نذاكر وااااايد ..~إن شاء الله تنفذ القرار قولوا آمين ..}~

أنا موافقة بشدة :sm142::sm142::sm142:

الصراحه أنا أتمنى إنه يأجلون الدوام .. عسب إن الإجازه بنظري وااااااااااااااااااااااااااااااااااااااااايد قصيره .. و لو حتى نص رمضان
وفي شي ثاني بعد .. الصراحه حلييلهم بعد بنات الجامعه يحتايون بعد شويه إجازه خاصه اللي كان عدهم صيفي
والسموحه :sm122:

تسلم اخوي على الخبر

بس مدري الناس ليش تبى رمضان اول بعدين المدراس

مع انه اول شهر ما بكون عندهم اي شي في الدراسه

والسموحه منكم

تحياتي

صحـ كلامكـ بو حمد يمكن نتعب اشوي بس بعدين بنتعود ع الصيام .. فهاذا كله اجر و ثواب ..

والناس يالله يالله ادور الحسنات ..

والسموحهـ ع الاطــالهـ ..

جان زين والله بيريحونا ^_^

وانشا الله يتطبق

ويسلمو على الخبر

أنا أعارض هالشي

دوام رمضان أحلى دوام خفيف وسريع وحلو

وللعلم لو ماشي دوام في رمضان ترا الدراسة راح تخلص شهر 7 بعز الصيف

والله جان زين يارب يطبقون هذا الشيء إن شاءالله والله صراح وايد يتعب المذاكر و نحن صيام

يعييني صراااحه هالقرااااار واايد بيكوووون حلوو لان صراحه في رمضاان واايد ينزل مستواناااا لان الوااحد يكوون تعباان وعاااد اول يوم دراسه رمضااااان والوااحد بيفكر بالفطوور ولا باول درس الله يستر بس ان شـــــــــــاء الله يطبق هالقرااااار ... مشكوور اخوووي ع الخبر تقبل مروووري

لاااااااااااااااااااااا.....
أناا اعارض هالشي..
مع احترامي لكمـ ..

ان شاء الله يأجلوون الدوامات والله تعب

يسلموووا ع الخبر الغاااوي ^___^

انا منـ راييـ لا يأجلونـ لانهـ اذا أجلووا بطولـ المدارسـ شهر لصيفـ 2009 وصراحهـ الحر ما يرحمـ..

السلام عليكم ورحمة الله وبركاته

بما اني في السلك التدريس والادارة بالمدرسة مع احترامي لكم انا ضد تاجيل الدوام الدراسي2008-2009 بعد رمضان لان اول اسبوعين او ثلاثة من الدراسة بيكون فيه توزيع الكتب وبعض بيكون كتب ناقصة للطلبة وبيكون فيه انتقال طلاب من مدارس الى مدارس وبتكون ربكة وبكون نقص ابضا بالمدرسين ربكة الجداول المدرسين وانتقال المدرسين من مدرسة الى مدرسة يعني بالعربي الفصيح ما في دراسة جادة وبعد اسبوعين بيجي العيد واجازة العيد وبعض الطلبة بيتاخرون علشان العيد يوم او يومين. يعني صعبة.


بس احتمال بيكون الدراسة للسنة القادمة بعد رمضان 2009-2010

والسموووووووووووووووحة:uae:

انا طالب وياريت لو نبدا 30\8

نبى نخلص بسرعه

لان ااذا بدينا بعد رمضاان بنخلص فعز الحر ونحن اخر سنه ورانا مليون الف شغله


وبعدين رمضاان حلو واول شهر ندرس فيه مابنمتحن

عكس كل سنه نمتحن فرمضاان


يعني ياريت مايجلووونه ياريت

انا مع الفكره
الاطفال لي اول مره يصومون عيال 6 و7 سنوات وين يقدرون يتحملون الحر ودراسة مناهج معقده مثل مناهج هذي الايام
إلي الاهل يحصلون صعوبه في تدريس اولادهم يرجعون من المدرسة ونقرضين ينامون او مايكملون صيامهم ومالهم نفس للمذاكرة يعني شهر ضايع ما في مايده من الدراسة فيه خلينا شوي نفضى للعباده بس ما نركض حق المكتبات من جهه والمراجعه للاطفال من جهه اخرى شهر رمضان شهر كريم تكثر فيه الزيارات بين الاهل والجيران وجوه غير مب جو مذاكره ابدااااااااااا

صحيح اني طالب بس المفروض الطلاب الي قبلي فكرو بالموضوع السنه الي طافة بدينا بموعد المدرسه واتخربطة الدراسه فوق تحت تدرون كيف ، فيه بعد المواد تأجلت للفصل الثاني والفصل الثاني بروحه صعب و بعد المأجل من الفصل االاول بيزين من صعوبة الفصل الثاني شو على بالكم الحين بنبدأ متأخرين يعني بتنعفس الدراسه فوق تحت ، هي روحها معتفيه بعد تنعفس زياده لا بوي اتمنا أن الجهات المختصة يفكرون بالموضوع عدل .

ياليت يطبقون القرار ...

وتقبلو مروري وشكرا .

يا ريت
آ مين تنفد القرار