عرض للطباعة
السلام عليكم و رحمة الله و بركاته
ممن تقبل النصيحة ؟
هل تقبلها من أي أحد ؟
أم أن هذا الــ ( الأحد ) يجب أن تتوفر فيه شروط لكي تقبل نصيحته ؟
أعني بشروط
مثلا إذا نُصِحت بسبب سوء أخلاقك مع الخدم ,, يجب أن يكون الناصح حسن المعاملة معهم !!
كما قال المولى (( أتأمرون الناس بالبر و تنسون أنفسكم ))
{{ البقرة }}
مثال آخر
أن يكون الناصح أكبر منك سنا أو علما أو مكانة .. أي لا تتقبل النصيحة من الصغير ؟
باختصار
ممن تقبل النصيحة ؟
بالنسبه لي انا اقبل النصيحه من امي وابوي إخواني ربي يحفظهم ...
بس يوم بتيني وحده تنصحي وهي اصلا من قد النصح ... أرفض ها الشي
وحتى إذا كان صغير وهو اوكي واخلاقه وتصرفاته والكل يشهد له بها الشي
ليش لا... يعني ليش ما اقبل نصيحته بالعكس راح اقبلها بصدر رحب وواسع ...
وتسلمين حبوبه ع المشاركه المميزه ..ربي يعطيج العافيه ....
وعليكم السلام ورحمة الله وبركاته
بالنسبة لي أنا شخصيا أقبل النصيحة من والدي ولييييييييييييتني سمعت نصيحته من أول يوم نزل فيه راتبي لكن للأسف طارت الطيور بأرزاقها
وكان درس وأتعلمت منه والحين نصيحة أبوي الله يحفظه في المقام الأول والاخير بالنسبة لي
وشكرا أختي ع الموضوع الشيق والرائع
وعليكم السلام ورحمة الله وبركاته
والله أقبل النصيحه من اي شخص
بس تكون بالسر يعني مندون فضايح
وكما قال الامام الشافعي
تعمَّدني بنصحك في انفرادي
وجنبني النصيحة في الجماعة
فإن النصح بين الناس نـوع
من التوبيخ لا ارضى استماعه
وإن خالفتني وعصيت قولي
فلا تجزع إذا لم تعط طاعـة
كل الشكر لصاحبه الموضوع وداائماا اسم على مسمى ..
المهم بالنسبة لي بخصو صالنصيحه ..اتقبلها ولكن بشروط ..
مايكون اللي يسدي لي نصيحه يكون جاهل او مايعرف شي ..
مايكون اللي يسديني النصيحه واحد فاسق والكل يعرف عنه بالطريق العوج .
مايكون اللي ينصحني وهو مايتقبل النصيحه ..
يعني يجب توافر بعض الامكانيات والاحترام لمن يقوم باسداء النصيحه من البدايه .. اذا واحد مش محترم او واحد غبي عفوا يعني بيعطيني نصيحه ترا ينصح نفسه احسن له .
بالنسبه لي اللي ينصحني مش مهم انه يكون كبير .. بعض الاوقاات الصغاريه يكونون نصيحين جدا في امور لان الصغار فيهم بعض العفوية ..
الحين الصراحه لما تتكلم مع اي حد يقولك (نصيحه) فماتعرف من كثرهم يصح او مايصح ..!!
لكن مب معناته لو كان غبي او واحد جاهل مايفتهم ينصحني ومابدير بالي ..بالعكس باخذ بالنصيحه ولكن احترس قبل ..لان بعض الاوقات تفيد من الجاهل .
وسلامتج طال عمرج .
أنـآ أتقبل النصيحهـ من أي شخص مهما كان جنسه أو سنه بشرط ايكون واعي باللي ايقولهـ ..
اقتباس:
المشاركة الأصلية كتبت بواسطة مناااايا
اقتباس:
المشاركة الأصلية كتبت بواسطة مناااايا
أهلا بك و مرحبا
ردك مقنع , فأنت لا تقبلين النصيحة ممن لا تنطبق عليه , فكما قال
الله في كتابه :
(( أتأمرون الناس بالبر وتنسون أنفسكم )) سورة البقرة .
أشكرك على مرورك العطر
اقتباس:
المشاركة الأصلية كتبت بواسطة مايد راك
كل دقة بتعليمه <<< كما يقال
و من الجميل أن يصحح المرء أخطاؤه
أشكرك على مرورك ,
ربي يحفظك
اقتباس:
المشاركة الأصلية كتبت بواسطة علي غالب
اقتباس:
المشاركة الأصلية كتبت بواسطة علي غالب
أنرت الموضوع باستشهادك من أبيات الشافعي
و كما تفضلت و قلت
يجب أن تكون النصيحة في السر و ليس في العلن
أشكرك ع مرورك
اقتباس:
المشاركة الأصلية كتبت بواسطة راعي الجيتي
اقتباس:
المشاركة الأصلية كتبت بواسطة راعي الجيتي
صدقت في ما أخبرت ..
قد يخرج من فم الصغير كلمة تصلح أمر الكبير ..
شروطك في تقبل النصيحة معقولة و مقبولة ..
لك مني كل التقدير ..
و أشكرك على ردك المميز ..
اقتباس:
المشاركة الأصلية كتبت بواسطة talk & talk
أعجبني تواضعك في قبول النصيحة بدون شروط , و من أي أحد ..
سعدتُ لمرورك
اناا اقبل النصيحة من اي حد
انا عن نفسي اقبل نصيحت واحد عاقل و فاهم يعني في ناس ينصحوني وهم كبار بس ساعات احس نصيتهم غلط لأنه تفكيره
جديم و هب منطقي يعني في نصايح معينه ما تمشي فهالزمن فليش اخذ من نصيحته انا افضل اني اخذ نصيحة امي و اخوي
الكبير و ألي بعمري و بس شخص غريب ما اقبل منه نصيحه ألا فظروف معينه
تسلمين خيتوه على الطرح
تقبلي مروري .. اختكم الطنيجيه ..
اقتباس:
المشاركة الأصلية كتبت بواسطة ياقوتة راك
مشكورة ع
مرورك و وجهة نظرك
اقتباس:
المشاركة الأصلية كتبت بواسطة الطنيجيه
أنرت موضوعي بطلتك البهية !!
لك مني خالص الشكر
النصيحة تحتاج الى وقت مناسب واسلوب
وانا من ناحييتي اقبل النصيحة من وايدين اذا حسيت فعلا هذا الشخص يبا مصلحتي
اقبل النصيحة نحديدا من الوالد والوالده وصديقتي ..
افضــل النصيحه بيني و بينه و ما يهمني صغر السن او كبرة
بس الي يهمني انه يكون فاهم و عارف و سوي
و نصايح امي و ابوي .... اقدرها و احترمها و انفذها بسرعة
اقتباس:
المشاركة الأصلية كتبت بواسطة شباصة منقصة
شاكرة لك مرورك العطر
دمت في حفظ الرحمن
انا عن نفسي اذا اذا كان موضوع عادي احب اسمعه من والدتي او والدي من بعض اللي هم اكبر مني وفاهمين حياه اكثر او مروا بتجارب....
اذا موضوع خاص فيني مااحب اسمع نصيحه حد .... خاصه النصائح اللي يكون فيه ضد .... مثلا اذا تعرفت على بنت واعرف اخلاقها واعرف كل شي عنها،، ووحده تطلع لي وتقولي بعدي عنها هذي ماتنفع واخلاقها مب حلو و..و ...و ....((يعني نصائح فاضيه)) ... ليش اصدق وانا اعرفها واعرف اخلاقها ... القصد من ذلك تخريب العلاقات اوغيره اوالحسد او يمكن مرت بتجربه فاشله وتظن ان كل الناس بنفس المستوى .. .. ) وبصراحه هذه المواضيع اخذ نصيحه بنفسي واتعلم التجارب بنفسي....
وتسلمين اختي على الموضوع....
شاكرة لكم مرورك و أراءكم
دمتم في حفظ الرحمن
ما اقبلها من اي حد
اتلاقيني اتم ساكته واسمع
بس اتقبلها من الشخص الي يقدرني ويعطيني النصيحة بليا فضيحة واييني بالاسلوب الي احبه
انا ادري عندي اخطاء وايد فحياتي
بس ماحب اسلوب التوبيخ والصراخ بحيث احس اني ياهل
اوكي لوموني بس لا تجرحوني لأني من النوع الي وااااااااااااااااااايد اعاند فالشخص الي يحاول يغيرني غصب بالتالي اعاند فنفسي
وعليكم السلام ورحمة الله وبركاته..
أقبل النصيحه من الفاهم العاقل
أقبل النصيحه من الصغير والكبير
أقبل النصيحه من الناس المقربه
والنصيحه مب فضيحه ومب جدام الكل
اذا ماأقتنعت منها ما أحرج صاحبها
لأن كثر الله خيره اجتهد في النصح
ويسلمووووو .. ع الموضوووووووووع :sm133:
أقبل النصيحه من أي أحد بس جدام الناس بتستوي فضيحه مب نصيحه لهذا أهم شي أختيار الوقت المناسب لنصيحه
المتميزة حطت موضوعها واشتلت ..حتى ما شفنا رايها^____^
أقبل النصيحة من الأهل والمقربين والأصدقاء وسبحان الله كنت في مكان عام والا شي وبدر مني شي خاطيء وتفضل أحدهم ونصحني ما فيها شي بعد سبحان الله الإنسان ما يخلو من الأخطاء "وذكر" ، ومب شرط يكون الناصح أصغر أو أكبر أنا عندي صديق أصغر عني ويوم يبادر بالنصيحة أتقبل ليش لاء وأحياناً أحس انه صادق فيها ليش لاااااء والواحد بعد يوم ينصح مايبالغ يتم ينتقد ويسوي عشان الطرف الآخر يقتنع بالنصيحة ، الإنسان نفسه خطاااء النصيحة زينة ما فيها شي وثق تمام الثقة ان الإنسان اللي جدامك وينصحك ما يبا منك أي شي غير مصلحتك أعرف انه يحبك ويقدرك و مهتم فيك أنا بالعكس يكبرون بعيني يبون لي الخير ينصحوني للأحسن أجازيهم بشي ما زين بالعكس أو أزااااعج عليهم أو شي لاااااااا النصيحة بكل الحالات زينة ..
انا احب اكثر شي النصيحه من اميه وهيه اهم نصيحه واذا نصحتنيه خلاص اسمع نصيحتها لنها ادرا فينا وتبا مصلحتنا اكثر من غيرنا وجربت كم مره ما اسمع النصيحه ماتوفقت الصراحه
واحب النصيحه من الي اكبر عنيه
ومشكوره اختي ع الموضوع الله يحفظج
اتقبل النصيحه من كل حولي ولا اكثرت لصاحبها .. ولكن بشرط ان يكون شخص بموضع ثقه أي لا يفعل ذلك رئآء الناس كونه انسان صالح ..
حصر رسول الله صلى الله عليه وسلم كل الدين فيها فقال: "الدين النصيحة" ثلاثاً، لأنها بها قوامه و صلاحه؛ وعندما قيل له: لمن يا رسول الله؟ قال: "لله، ولكتابه، ولرسوله، ولأئمة المسلمين، وعامتهم."
فما أجمل ان تكون النصيحه لوجه الله خالصه دون رياء .. وما اجملها ان تكون من والديّ اللذين لم يكتفوا بيوم وإلى اسمعااني من أجمل النصائح .. واخي الغالي حين التمس خوفه بنصيحته.. وجدتي الغاليه بنبراتها الرطبه ..
أنا اعلم ان البعض يأخذ النصيحه بحسب فهمه ان الموجود امامه كثير ما يتفلسف ويردد نفس الكلام ولكن بمستوى مختلف .. ولكن لو فكر قليلاً لرأى هذا من حرصه عليه لأن مجتمعنا دائماً يتطور إلى الأسوأ إذا غابت النصيحه ربما فقد الشخص طريقه .. !
فالنصيحة يآ أخواني تشمل خصال الإسلام والإيمان والإحسان، ولذلك سمي الدين النصيحة..
شكرا لك اختي الكريمه ع الطرح الجميل ..
بالنسبه لي اقبل النصيحه من الكل دامها بتكووون لي كلمه طيبه
ولكن ماقبل النصيحه اتكوون علن جدام الكل وتسبب لي الاحراج =(
وشكرا ع الموووضووع الطيب نترقب الزووود منج شيختي
اقتباس:
المشاركة الأصلية كتبت بواسطة ام محمد من راك
ما تحبي الإحراج !
و تحبي العنااد !
الله يكون في عونك
هههه
بس الحلو انك تسمعي النصيحة و تكتميها
اقتباس:
المشاركة الأصلية كتبت بواسطة ام الولد
ما شاء الله عليك
تقبلي من الصغير و الكبير
بس أكيد لازم يكون للناصح اسوب محترم
و حلو منك
إنك ما تحرجي الناصح
شاكرة لم مرورك