ابي رايكم وابي حل واتمني حد يساعدنا

السلام عليك ورحمه الله وبركات

اشحالكم وشخباركم عساكم بخير

حبيت انزل لكم موضوع تعطوني رايكم فيه واتمنى اتشوفون لنا حل لها شي لان خلاص بصراحه طفح الكيل

شو رايكم مستشفي صقر طواري ومستشفي زهراوي لطواري ؟؟؟

يعني تخيلو ياهل عمره 3 سنوات مودينه مستشفي صقر علشان يتعالج ( خشمه وحلجه يصب دم) خفنا عليه

على طوووووووووول رحنا مستشفي صقر لطواري تخيلو ماشي دكتور يعالج الولد ماشي دكتور بقسم طوراي تخيلو

يعني دكتور ما بيه لين ما يموت الشخص عندهم نحن طلعناا من عنده وما عالجنا الولد


اما مستشفى زهراوي

من طلعنا من مستشفي صصقر رحنا زهراوي للطواري تخيلو ما عندهم طبيب حق اطفال عندهم طبيب عام

يوم قلنالهم اوكي نادو على اقل فحوصات عسب نطمائن ع الياهل اونه ما يعرف يعرف يعالج يهال شو ها العياده يخرب مخهم

والله بهدلونا

اخرتها تزكرنا في شي اسمه مستشفى راك :sm167: حمدالله عالجنا عقب كل ها لويه والحمدالله على كل ها لويه ما

صار شي لولدنا


الحين انتو قولو لى شو رايكم يعني لا اطباء شرات الناس ولا في علاج حق يهال


ما اعرف شو اخرة كل ها ما ادري ليش مسمين طواري:sm86:

الله المستعان

الله يعين طواري مستشفيات رأس الخيمة

أختي ما شي اهتمام من قبل الوزارة

الحمدلله ع سلامة الولد

صدقك والله

ربي يسلمك اخوي

تسلم ع الرد

أنا برايي والي شفته فراك أن مستشفى صقر فية نسبة دكاترة كبيرة بس ليش ما في تنسيق صح عشان يغطون الأقسام كلها ويكونون متواجدين على طول ؟؟؟ العناية الصحية عندهم مب شي والمرافق والغرف عاف عليها الدهر ؟؟ الشي الإيجابي أن فيه مجموعة من الدكاترة الزينين و الي بدت المستشفيات الخاصة باستقطابهم

الحل بالنسبة لمستشفى صقر تدخل من وزارة الصحة والتشديد على الموظفين وعمل نظام جديد وتغيير الغرف .

أما بالنسبة لمستشفى الزهراوي ..
عندهم دكاترة ممتازين وعلى راسهم الدكتور علاء ..بس للأسف عناية المستشفى أيضا سيئة جدا ومن كثر الضغط عليهم بسبب الهنود وبطايق التأمين قاموا ما يطولون بالتشخيص يفحصك بس 5 دقايق واطلع بسبب الزحمة ؟عاد المرافق والغرف استغفر الله انقرضت هاي الكرافي الي عندهم ؟؟؟


الحل
الزهراوي يحتاج لبناء جديد قبل كل شي وزيادة عدد الموظفين وزيادة عدد الدكاترة .


مستشفى راك الخاص

بصراحة عناية طبية 5 نجوم او عقولت اخوانا المصريين قاعد ففندق مب مستشفى . يعني الشكل والعناية عال العال لكن تعال للدكاترة ؟في جزء ممتاز وفي جزء تعبان جدا ؟ واذا بتراجهم بمرض او فحوصات تتريى شهور لين يردون عليك لان الضمانات تاخذ وفت معاهم .

الحل : لازم يزيدون عدد الدكاترة . يحطون خصومات خاصة للمواطنين الي ما عندهم ضمانات .


أما بالنسبة لأقسام الطوارىء كلهم ( صقر ،سيف ، الزهراوي ) تعبانين جدا جدا


الله المستعان ان شاء الله الفرج قريب مع مستشفى خليفة في راك


والسموحة طولت عليكم

عافانالله خدمات راس الخيمه مووووووووول انزين اذا الطوارئ حاله خطره و ما قدرو اذا حاله عاديه عيل مول مالهم خص

الـلـه يــعــيــن...

الحمدالله ع سلامت الياهل

ونسال الله العظيم ان يديم له الصحه والعافيه

بخصوص المستشفى الله المستعان

ولاتعليق

[align=center]
انا اقول الله المستعان بس والله يعينج ويعين جميع مرضى المسلمين
[/align]

صادقة اختي نحن بعد مرينا واااااااااايد بها المواقف وااااااايد وخاصةمستشفى صقر وسيف .

الله يكون في عونا.

الله يعينا يارب ويرحمنا

الحمدلله والصلاة والسلام على رسول الله وعلى آله وصحبه أجمعين

سطر واحد بس بقوله وانتو افهمو المغزى

( لو كان هني مستشفيات زينه عيل ليش والدنا الشيخ صقر طول الله بعمره ودوه مستشفى الشيخ خليفه )

بالنسبه لمستشفى صقر حدث ولا حرج واحد من يرانا عنده ولده كان ينزف من حلجه دم وعاد ودوه الطواريء حق مستشفى صقر

تدرون شو قالو حقه اونه فيه التهاب بالحلق

طبعا الام ما كانت مصدقه وحاولت المستحيل عشان يكشفون حق ولدها يعني معقوله التهاب بالحلق يطلع منه هالكثر من الدم :sm11:

حتى ان الدكتورة طنشت الموضوع وقالت لها هاذي مب اول حاله اتييني وبصوت عالي بعد رافعه خشمها :sm86: // الله المستعان

المهم تمت الام تتوسل لين ياك دكتور ثاني وفحص الطفل واكتشف ان في مسمار داخل حلجه .

يعني لو الام سمعت كلام الدكتورة جان الولد بيروح فيها :aa_Sanson:

**** بالنسبه لمستشفى سيف غباش جم واحد ذبحوه وبعدين يتعذرو اونه جسمه ما تحمل الجرعه

لاحول ولاقوة الا بالله

شو نقول الله المستعان وحسبي الله ونعم الوكيل

الحمدالله على السلالالالالالالالالالالالامه

لا تعلي ي ي ي ي ي ي ي ي يق
وتستاهلون سلامة الولد

ي[align=center]
عني ماشي حل لا شي

ما في حد يقدر يتكلم او يقول

لين متى بنتم جي انحن لين متى بنرمس بس

ياريت في حد يقدر يكلم

الله كريم
[/align]

غريبه؟؟؟؟؟؟؟
مع انه من سنين كل ما انروح الطواري ما انحصل غير دكتور سوداني واحد وما يعطي غير الادول هع

الله يعينا على ما ابتلانا

لاحول ولا قوه الا بالله


الحمد لله على سلامته وما يشوف شر

الله يكون في عوننا على مستشفياتنا

يا ما الناس اشتكوا وصارخوا ووووو لكن

لا حياه لمن تنادي

الحمدالله ع سلامة ولدكم
انزين ليش ما تشتكون في وزارة الصحه... ؟؟ ولاا حتى الديوان ,, يعني لو حد لا سمح الله حالته ما تتحمل شو بيسون؟؟؟

الله المســـتعان يا اخـــتي


و الحمدلله ع سلامتــــــــه


و الله يـــــبعد عــنه الشـــر