المسابقة الكبرى- رحلتي الى الاراضي الطاهره (الجزء1)

السلام عليكم ورحمة الله وبركاته

اول شي احب اشكر اخونا الدبلوماسي على هذي المسابقه ,,يالله نشد الرحال


بسم الله الرحمن الرحيم

كانت الرحله عن طريق الحمله _حمله بن عليوه والتكلفه بسيطه جدا 1300درهم للشخص يشمل السكن والوجبات والرحلات )و في يوم الاربعاء كانت الانطلاقه الموافق 30/7/2008 وبالتحديد الساعه الثانيه ظهرا وكنا في الحاافله تقريبا 54 شخصا مع الدريول ,وصلنا إلى المدينه المنوره في اليوم التالي الخميس الموافق31/7/2008في الساعه الثالثة ظهرا واقمنا في فندق مناازل المهااجرين والفندق قريب جدا من الحرم المدني ,والفندق من اجمل الفنادق بصراحه نظامهم كان على شكل غرف يعني عالطول غرفه ,وهذه الصور للفندق والغرفه (تدرون ماشفت اللافته اللي مكتوب عليها الفندق إلى اخر شي ونحن ظااهرين رايحين المدينه L بس الحمدالله حصلت البطاقه مكتوب عليها
61...c50aa9365a.jpg

61...ff5ed69d0c.jpg

61...583a183ef8.jpg

61...011b679875.jpg

هذا الرسبشن (ماشاءالله وايد واسع وحلو)
61...6d62dad80b.jpg

61...4310c5e523.jpg

61...a80f692078.jpg

61...72683a17e0.jpg

هذا الدور مخبل فينا كل ماننزل من الدري لازم نقراه (نقراه دور المزاايين ههه)

61...66a52fe689.jpg
_______________

خلصنا من الفندق واللحين دور المسجد النبوي الشريف

وهذا المسجد النبوي (في يوم من الايام وانا ادخل المسجد كانت ايرانيه صوبي دقت ع صدرها بالقو وتتكلم بالايراني وانا اخترعت والله وخفت قلت اكيد هذي شيعيه بصراحه دفااشه الدنيا فيهم ) ..

61...69195fdf57.jpg

61...9007f16cfc.jpg

61...a8b1cd33c3.jpg

61...c4a873bde5.jpg

هذي صور ليليه للحرم المدني
61...6eda8fda90.jpg


61...8fd66ee138.jpg

ومن جهه اليمين البقيع (مقبره زوجات الرسول وبناته واهله والمسلمين ) (وهذه معلومه بسيطه عنه ان أول من دفن فيه من المسلمين هو أسعد بن زرارة الأنصاري وكان من الأنصار )61...c624750032.jpg

61...e1e47ad38f.jpg

والجهه اليسرى الروضه حيث قبر اشرف الخلق محمد صلى الله وعليه وسلم واصحابه ابو بكر الصديق وعمر بن الخطاب رضى الله عنهم وهذه صوره للقبه الخضراء ..طبعا من داخل ماقدرت اصور لان ممنوع بس الحمدالله صليت هناك في الروضه ولا بالقوه من كثر الزحمه ودفاااشه الايرانياااات (احس ايران فااضيه يوم رحنا العمره لان كل ايرانيه هناااك )
61...a9ddbe9091.jpg

وهذا سوق الحرم,(كل شي تقريبا يبيع وبالرخص بعد ) زين حق الهداايا,وهذه الاسواق اللي بجانب الحرم اغراضهم زينه وحلوه بعد
61...81065b05bf.jpg

61...448d7043b5.jpg

61...789b3e2b54.jpg



وفي تاريخ 3/8/2008 في الساعه 8 صباحا ذهبنا إلى مسجد قباء ولقد قمنا بالصلاه فيه ركعتين (وفضل الصلاه فيه.( روى الطبراني بسنده إلى سهل بن حنيف رضي الله عنه أن النبي صلى الله تعالى عليه وسلم قال: " من تطهر في بيته ثم أتى مسجد قباء فصلى فيه صلاة كان له أجر عمرة ")

61...10a4d1d4b1.jpg

61...b51c10bf4c.jpg

61...473ad51eb3.jpg

,ثم انطلقنا إلى جبل احد وصعدنا عليه وهذه الصور تعبر..في وايد بسطاات هناك والناس تشتري هناك .. ,ويوجد حديث عن رسولنا الكريم (أحد جبل يحبنا ونحبه فإذا جئتموه فكلوا من شجره ولو من عضاهه) طبعا هناك اللحين ماشي شير ولا شي بس قالو لنا كلو اي شي انا طبعا شاله وياي دااانيت هههه ولقمت بنات خالي وياي
61...63ca20f12c.jpg

61...1f1762485c.jpg
وفي الجهه المقابله للجبل مقبره اسمها مقبره الشهداء التي دفن فيها قتلى المسلمين يوم أحد .
61...f97ac8d458.jpg

61...9cbb4d3a57.jpg



اتريوني بالجزء الثاني

روعه الصووووووووووووووووووووور مشكووووووره اختي

تسلمين ع الصور الناااايس
شوقتينّاا :rolleyes:

الحمدالله ع السلامة ياخوي
عمره مقبوله ان شاءالله

يسلموو ع الصور
في انتظار الجزء الثاني ..بالتوفيق

مشكووورين عالمرور الطيب

شاده حيلها البنت ^^ وانا نسيت المسابقه ^^
يالله بالتوفيق ان شاء الله ..
التصوير عجيب .. واتمنى لج الفوز ,,

>>عمره مقبوله

تسلمين روعه الصور

بس الخط وايد صغير مواضح عدل

صح نسيت
ههه

عمره مقبوله انشالله

تحياتي

اقتباس:

---

المشاركة الأصلية كتبت بواسطة قايد الغزلان

شاده حيلها البنت ^^ وانا نسيت المسابقه ^^
يالله بالتوفيق ان شاء الله ..
التصوير عجيب .. واتمنى لج الفوز ,,

>>عمره مقبوله

---

إلا ماشاده حيلي خخ

احسن انسى هب زين خخخخ

ان شاءالله

الله يتقبل منا

تشكرات اخي الكريم

اقتباس:

---

المشاركة الأصلية كتبت بواسطة ~{لّيشّ آنآا}~

تسلمين روعه الصور

بس الخط وايد صغير مواضح عدل

صح نسيت
ههه

عمره مقبوله انشالله

تحياتي

---

الله يسلمك ياخوي

امم احسن لاه جي يبيبن بعد خخخخ

الله يتقبل ان شاءالله

تسلم

مشكورة أختي ع الصورة و عمرة مقبوله
هيه عرفتج اشحالج

اقتباس:

---

المشاركة الأصلية كتبت بواسطة &خطيرة&

مشكورة أختي ع الصورة و عمرة مقبوله
هيه عرفتج اشحالج

---

العفو اختي

ان شاءالله

بس امنو؟ خخ