عرض للطباعة
السلام عليكم ورمه الله وبركاته
شخباااااركم انشاااله كلكم بخير...؟
اول شي موضوعي عن الشباب الي يسووقوون سياااراات من دون رخصة ..((سوق))
واعمارهم مابين ((16و15)) أنتوو شرايكم في هالشي طبعا الموضووع مسمووح فيه انكم تقووولون راايكم بصرااحه..
هل يسمح للشباب في قيااادة السيااره الي اعمااارهم مابين 16 و 15 وليش؟؟
سؤالي للشباب والبنات
اتمنى انه الموضوووع يعجبكم...
طبعا هو ممنوع بس هاي العادة منتشرة بشكل كبير
المشكلة إنه الواحد يوم يجوف حد بعمرة أو أصغر عنه بيزن على راس أهله خلوني أسوق وخلوني أسوق ولا بيقعد يهدد وبيحرم عمره من الأكل ومابيسير المدرسة
الله المستعان بس على جيلنا الحالي
وتسلمين عالموضوع
والله صراااااااح هي شيء منتشر مثل ما قال أخوي حتى وصل للبنات وحدة من ربيعاتي
الله يستر عليها وصل لها عاد التسوق السيارة و عمرها 17 سنوات التيي دوم بيتنا دوم
لأنيها ربعتي من خاطر ع أساس نأخذ جوله بالرمس بس أكيد أهلي ما يطيعون لأنه ما عندها ليسن
مشكورة أختي ع الموضوع
طبعا القياده بدون رخصه مخالفه مروريه يعاقب عليها القانون
وبعدين الدلع الزائد من قبل الاب او الام يخليهم يلبوا اي شي يطلبه المراهق حتى لو كان على حساب ارواح الاخرين هم الي يعطوه السياره وهم الي يشترون له السياره
وفي اباء بس يعلم ولده يسوق عند البيت على باله انه بس بيسوق للدكان او داخل الفريج وهذا اكبر غلط لانه ما يعرف الولد يوم يظهر بالسياره وين بيسير وشو بيسوي ونسمع كل يوم بالحوادث المروريه سواء داهس او منقلب او فاقد السيطره وداعم عمود اناره وشو النتيجه اما وفاه او حاله بليغه وبعدين اهل الشخص المتسبب يدورون حد يحطون عليه اللوم وهم السبب الاول والاخير
انا رأي الشخصي انه عمر 16 او 15 يكون فيه الشخص غير واعي بالمخاطر الي يمكن يواجهها اثناء القياده وافضل سن 18 الى 20 وذلك بعد نجاحه بجميع الاختبارات المروريه وافضل او اقترح انهم لو يجبروا الشخص الذي يريد استخراج رخصة قياده بدراسة القوانين المروريه والاشارات المروريه دراسه كامله وشامله ويجتاز جميع الاختبارات بنجاح.
موضوع خطر وانا مب مع الموضوع
تسلمون ع المرور الطيب
تسلمين حبوبه على الموضوع
انا ضد الموضوع
بس احب انوه المخاطر مو بس اللي ماعندهم لياسن حتى الي عندهم لياسن صار الوحد يخاف من سرعته وتهوره
وتحياتي
صح إن مخالف ، بس أحياناً الأهل يعلمون الولد لوقت الضرورة ، يعني لو يصير شي وماعندهم أحد ، كل الأولاد بالدوامات ( في بوظبي مثلاً ) ونص الليل ، شو رح يسوون ؟؟؟ ، ييلسون للصبح ويتريون التكاسي ...
يعني أحياناً الواحد يمر بضروف صعبة ، وما يحصل أحد ، فيطر الولد اللي ما عندهـ رخصة قيادة إنه يسووق ...
تقبلوا مروري
جان زين تحت 16 وله انا من زمااان اسوق
وهذا الشيء اكييد ممنوع
تسلمين أختي ع الموضوع...
و أضم صوتي لأخوي الشاكي83...
شو رايكم في وحده عمره 16 سنه وعندها ليسن و تسوق !!! البنت من راس الخيمه و بالتحديد من شمل
والله انا اللي سمعته بعمر 18 والحين قانون يديد 20 اول مره اسمع 16 بس جاااااااان الواسطه لاعبه دوور لا وبنت بعد
تسلمين اختي
طبعا هو ممنوع بس هاي العادة منتشرة بشكل كبير في دول الخليج
وهاذا الظاهرا خطيره مره وانا اتمنا ان يكون العمر السائق لا يقل عن 20 سنه
وشكرا ع هاذا الموضوع
طبعا هو ممنوع بس هاي العادة منتشرة بشكل كبير في الخليج
انا اتمنا ان يكون رخصت السياره لي سن مافوق 20
وشكرا ع الموضوع الحلوه وخطير
تسلم اخوي فارس البحرين ع المرور الطيب
صحيــح مخآلفــة و يعآقــب عليهـآ القـآنون . . !
بس آنـآ اخويـه عمره 13 سنــه و يسـوق . .
لأنـه مـآ عندنـآ حد يقضــي أغرآض البيــت ، الوآلد متوفــي و الدريوليــه مسآفــرة و عمآمــي و خوآلينــي يوم فآضيين مـآ يقصـروون و الله بس أغلب الأوقآت مشغولين !
بس طبعاً مـآ يظهر من البيــت إلآ ويـآه الوآلده ، عسـب تتطمـن ^^
و شكـراً . !
تسلمون ع المرور الطيب
انا من رايي ان الموضوع خطير
والمشكله انا كم مره جفت الشرطه عادي عندها
بس فيه ناس محتاجه الولد يسوق عشان الحاجه
وعن اللي قالو يبون الرخصه من 20 وفوق انا اعارضهم الراي
ترا الواحد بيروح الدوام او الجامعه او اي مكان عقب الثانويه وجي بتصير كارثه
يعني اذا جي على الاقل بكل بيت دريولين او ثلاث
والسموحه
تسلم عبود بس الاهم كيف الشخص يعرف يسوق وبهالعمر الولد بس المراهقه وما اعتقد بيفكر غير انه كيف يشخط
ما ايصير يا إخواني ها الكلام
هي صح ما يصير هالكلام
الصارحة موضوع طيب
بس انا اقول عادي الولد يسوق حتى ولو هو صغير
انا كنت اسوق وانا عندي 7 او 8 سنين ؟؟
مافي اي مشاكل من العزبة للبيت
بس ان الحرمة تسوق حتى ولو عمرها 20 او 30 او 40 هذا الممنوع
.. اكيييد هالشي ممنوع ..
.. و انا اضم صوتي لصوت اخوي الشاكي 83 ..
.. و يسلموو ع الطرح ..