سؤال لكل شاب مقبل ع الزواج

[align=center]
السلام عليكم و رحمة الله وبركاته
شحالكم شباب إن شاء الله بخير
هذي أول مشاركة لي ف المنتدى
و حاب أطرح هالموضوع للنقاش
و الموضوع هو إذا أنت سرت تخطب بنت
سمعت عنها أنها بنت حلال و ما عليها
كلام و تخاف ربها و تقدمت لها و البنت وافقت
بس بشرط إذا أنت وافقت عليه ما عندها مانع
و الشرط هو أن البنت تعاني من مرض مزمن
ما له علاج بس تاخذ أدويه عشان تقلل من هالمرض
و لازم تسير المستشفى كل شهر للمراجعة و هالمرض
عادي أنه يفقدها بصراها و الحين شو رايك بتوافق ع البنت
و بتاخذها و لا بتبطل و دور لك بنت حلال ثانية ؟؟
[/align]

[align=center]
ليش ما شي ردود أبا أشوف ردودكم و لا الموضوع ما يستاهل
[/align]

ببطل ’’’’

يزاهم الله خير اهلها ....
خبروك بكل شي وانت عالبر وانت وضميرك عاد ...

وعليكم السلام ورحمة الله وبركاته

صحيح اني مو شاب بس لان الشباب ما ردوا عليك انا قررت ارد عليك :)

طال عمرك اهنيه ايه دور الحب والانسانيه والعاطفه البشريه...

فاذا كان انسان عارف الدنيا صح وطالب الاخره فاكيد راح يستمر وما راح يبطل..لانه بيعرف انه هالشي اختبار من الله ومافي شي كامل في الدنيا...

ومن اللي اشوفه هالزمن انه الشباب يحبون المظاهر اكثر للاسف الشديد...

ولو وجهت السؤال هذا للبنات بتلقى رد ايجابي بنسبة 90% بحكم عاطفتهم الزايده..

اقتباس:

---

المشاركة الأصلية كتبت بواسطة مرعد

ببطل ’’’’

---

أوك أخوي أنت قلت بتبطل الحين قول ليش
شو الأسباب وشلون حسبتها و أنا أحترم رايك
لأن لكل واحد وجهة نظر و الموضوع للنقاش
و أتريا منك الجواب

بإنتظــار تفــاعــل شباب المنتدى ^^

يزاهم الله خير اهلها ...
قالولك كل شي وانت عالبر وانت وضميرك ...
وافقت يزاك الله الف خير اذا ما وافقت شي راجع لك ....
وهاي مداخلتي والسموحة ...*

ليش ابطل الزواج
المرض ابتلاء من الله

لو اني ريال

بستخير ربي فيها واذا ارتحت لهالأمر

ترى خيره من رب العالمين

انته ماتدري يمكن البنت الصاحية اطلع اعيوونك مع مرور الايام بعكس هالانسانة يمكن ربك بلاها فهالشي

وعاطنها شي مب موجود عند غيرها من الصاحيات

وهالشي بديهي ومعروف

ربك يعطي شي وياخذ شي

السلام علييكم يا أخوي
ممم صح اني بنت ولكن حبيت اتدخل بالموضوع اذا ممكن
بصرااحه انا اقول انك توافق عليها بتقول لي ليش
أولا : قلت البنت تخاف ربها
ثانيا : البنت ما علييها كلام والكل مدح فيها
لكن مرظها اللي مأثر علييها لكن احسن شي سوا اهلها انهم خبروك وهذا شي طيب انهم ما خبوا عنكم
ثانيا يا خوي ما تدري يمكن هذي البنت هي بتسعدك ما في انسان ما عنده عيوب والمرض ابتلاء من رب العالمين
وانشالله مع الايام يروح عنها المرض لكن اذا كان مرظها خطر عليك وعلى العيال بالمستقبل هني بيكون شوي عائق لك
لكن اتمنى ما يسبب لك خطر ويكون أحسن انك تصلي استخارة وتشوف اذا ارتحت توكل على الله اذا مارتحت البنت مو من نصيبك


والسمووووحه تكلمت وااايد بس اتمنى اني قلت شي يفييدك
وتقبل مروري ملاك بأخلاقي ..

انا أؤيد راي أختي أم محمد من راك وأختي ملاك بإخلاقــي..

بصراحه بختار بنت حلال غيرها لأن ممكن المرض معدي ويؤثر على الأبناء في المستقبل

السؤال هو :

هل ممكن من أن المرض ينتقل للأبناء ..؟؟

و هل لديك قدرة التحمل و الصبر .. ؟؟

شوف نفسك و قارن هل صفات هذي الفتاة تعوضك عن الاشياء الاخرى ..؟؟

بعدها أحكم و لا تنسى تستخير ربك

و ان شاء الله تتوفق

لكن بالنسبه لي ما أعتقد لان المرض ممكن يؤثر على اللعيال لكن في حالة ان ها المرض ما بيأثر في العيال فمب مشكلة لانه مب شرط تفقد البصر هو احتمال .. و اذا بناخذ على الاحتمالات ..

فأحتمال نحن نموت قبل لا هي تفقد بصرها ..

و السموحه

العتيبي

أنا من ناحيتي بدور وحدة ثانية سليمة وبنفس المواصفات والزواج قسمة ونصييب

السلام عليكم ورحمة الله وبركاته

موضوع جيد وصريح
انامن راي اذا الريال مقتنع ومافي شي يحسسه منها
وهو عارف انه من رب العالمين
ليش يعارض يتوكل على الله
وانا من ناحيتي اعتقد مافي شي وبقبل به
لانه هذا ابتلاء من الله سبحانه مش من نفسها
والمرض يمكن يصيب اي وحده او واحد منزوجين
يعني بالاعتقاد راح ينفصلون بسبب المرض
ما اعتقد الصراحه ...

اقتباس:

---

المشاركة الأصلية كتبت بواسطة وينه حنانك

وعليكم السلام ورحمة الله وبركاته

صحيح اني مو شاب بس لان الشباب ما ردوا عليك انا قررت ارد عليك :)

طال عمرك اهنيه ايه دور الحب والانسانيه والعاطفه البشريه...

فاذا كان انسان عارف الدنيا صح وطالب الاخره فاكيد راح يستمر وما راح يبطل..لانه بيعرف انه هالشي اختبار من الله ومافي شي كامل في الدنيا...

ومن اللي اشوفه هالزمن انه الشباب يحبون المظاهر اكثر للاسف الشديد...

ولو وجهت السؤال هذا للبنات بتلقى رد ايجابي بنسبة 90% بحكم عاطفتهم الزايده..

---

كلامج صح أختي و البنات معروفين بأنهم يندفعون للعواطف أكثر و أشكرج ع الراي بس عندي نقطة هالمشكلة مب لي و حبيت أطرحها أشوف راي الشباب و أنا من رايي أن البنت ما يخصها و زين منها أنها أشرطت عليه حتى ما يقول الريال شي بعدين و هذا الموضوع يمكن يصير حق أي واحد فأنا حبيت أشوف ردودهم و أناقشهم

ماعرف والله
صعبه جدا
خصوصا اخاف يكون شئ من هالمرض للعيال ف المستقبل


ماخاب من استخار