جلابيه .. ولا كندوووره .. تعالوا نتنااقش

• بسم الله الرحمن الرحيم
• موضووع من فتره يطرى ع بالي ف حبيت اخذ رايكم فيه ..
• الاحظ انه بعض الشباب من ربعي ولا معاارفيه ولا يراننا اذا كان ساير يصلي عاادي عنده يسير بالجلابيه وبعضهم
• يكون راقد فيها .. ويالس فيها الخ
• وبعضهم الله يهداهم .. حتى في صلاة الجمعه بعض الشباب بالجلابيات (كنادير البيت) وهو ساير يجابل ربه
• اما اذا انعزم على عرس ولا عزيمه ولا منااسبه يلبس احلى واغلى ماعنده وشوه الساعات الماركاات وشوه
• النعول اخر موديل والسفره المااركه الخ ..
• ف يطرى ع بالي سؤال : وين أولى للواحد انه يتكشخ يوم بيسير بيت الله .. (المسايد بيوت الرحمن)؟؟؟؟
• ولا في عزيمة بيت فلان ولا عرس ولد فلان؟؟؟ :sm105:
• حبيت اخذ رايكم في هالموضووع وبناقشكم في رايي من خلاله ..
• والسؤال هل انت مع هالنوعيه او ضد

[align=center]
يزاك الله خير على الموضوع ..


الله جميل يحب الجمال
ف الواحد لازم يكون كاشخ في كل مكان لا مبهدل

قال تعالى : " خذوا زينتكم عند كل مسجد "

الله أمرنا بالتزين عند الذهاب لبيت الله .. ف من المفروض الواحد يدش بيت الله بالكندوره مايدش بعد لعب الكره والعرق على جسمه ..

وأنا أسير أصلي بالجلابيه بس أحاول أني أسير بالكندوره قد ماأقدر

... ^^ ...
[/align]

موضوعك في غاية الأهمية
هذه العادة نعاني منها في كل مكان
سواء في الكويت أو بالامارات
واحنا في النهاية في الخليج
اي ... بمعنى دولة واحدة
فبدأت العادات تتشابه مع مرور الزمن سواء كانت سيئة أو حسنة
فلبس ( الدشداشة ) أو الكندورة في لغتكم اقتصرت على المناسابات والمقابلات فقط
أما لبيوت الرحمن فلا .... فهناك من يحضر الصلاة عندنا في الكويت ( بالشورت ) أو فانيلة حفر أو بطلون لوست وايضا بالجلابيات للأسف ... وهذه الفئة ولله الحمد فئة قليلة جدا .. نسأل الله أن يهديهم أجمعين ..
وانا واحد وعن نفسي أعارض هذا اللبس وبشدة ....
وجزاك الله خير على طرح هذا الموضوع
ودمت بحفظ الرحمن

صدقت يا اخوي وهل الشيء وايد منتشر ان سارو الدوام الكشخة والبخور والعطور تنشم من بعد ميل ووقت الصلاة بعضهم ياي من لعب الكرة وحالته حاله ولا بجلابية نوم دخل وصلى

مشكور اخوي ع الموضوع

الشخص اللي يلبس الجلابية ويسير يجابل ربه

يقدر يلبس الجلابيه ويسير يجابل مديره فالدوام ..؟! < تتوقعون يسويها .!

لو الشخص فكر صح وتفكر بمن سيقابل جان اعطاه حقه

الله يصلح الحال

دمتم بخير

قال تعالى : " خذوا زينتكم عند كل مسجد

يعنـــــــي هــذا يكفـــي

عيــل شو خانهـ الكناديـر الغاويه و الدهن عود و العطور يوم انت بأطهر مكان بتســتعملهم !!!!!

حتى في السناتر نازله موضه
جلابيه وحمدانيه
والله ما تركب
وبعدين اذا لبست الجلابيه في المول ولا المسيد
عيل وانت في البيت شو تلبس هع
حتى الواحد شكله مب حلو جدام الناس اخ لاه

اقتباس:

---

المشاركة الأصلية كتبت بواسطة رآقـي

مشكور اخوي ع الموضوع

الشخص اللي يلبس الجلابية ويسير يجابل ربه

يقدر يلبس الجلابيه ويسير يجابل مديره فالدوام ..؟! < تتوقعون يسويها .!

لو الشخص فكر صح وتفكر بمن سيقابل جان اعطاه حقه

الله يصلح الحال

دمتم بخير

---

نفس الكلام

ههههههههههههه جماعه انا واحد منهم ... بس والله احاول قد مااقدر اني البس الكندوره وانا رايح المسيد ... الله يهدينا

الواحد لازم يكون عنده برستيييج شو يلبس ووين يلبس ولكل مقام مقال

اقتباس:

---

المشاركة الأصلية كتبت بواسطة rak-storm

ههههههههههههه جماعه انا واحد منهم ... بس والله احاول قد مااقدر اني البس الكندوره وانا رايح المسيد ... الله يهدينا

---

ههههههههههههههههههههه
تعجبني صراحتك
الله يهدينا ويهديك آمين

اقتباس:

---

المشاركة الأصلية كتبت بواسطة z_ed

[align=center]
يزاك الله خير على الموضوع ..


الله جميل يحب الجمال
ف الواحد لازم يكون كاشخ في كل مكان لا مبهدل

قال تعالى : " خذوا زينتكم عند كل مسجد "

الله أمرنا بالتزين عند الذهاب لبيت الله .. ف من المفروض الواحد يدش بيت الله بالكندوره مايدش بعد لعب الكره والعرق على جسمه ..

وأنا أسير أصلي بالجلابيه بس أحاول أني أسير بالكندوره قد ماأقدر

... ^^ ...
[/align]

---

يخوي حلوو انك انك تحاول ع الاقل اسمها حاولت واتمنى انك تثبت على الكندوره
ترى مثل ماقلت خذوا زينتكم عند كل مسجد اشكر مشاركتك وصراحتك

اقتباس:

---

المشاركة الأصلية كتبت بواسطة كويتي

موضوعك في غاية الأهمية

هذه العادة نعاني منها في كل مكان
سواء في الكويت أو بالامارات
واحنا في النهاية في الخليج
اي ... بمعنى دولة واحدة
فبدأت العادات تتشابه مع مرور الزمن سواء كانت سيئة أو حسنة
فلبس ( الدشداشة ) أو الكندورة في لغتكم اقتصرت على المناسابات والمقابلات فقط
أما لبيوت الرحمن فلا .... فهناك من يحضر الصلاة عندنا في الكويت ( بالشورت ) أو فانيلة حفر أو بطلون لوست وايضا بالجلابيات للأسف ... وهذه الفئة ولله الحمد فئة قليلة جدا .. نسأل الله أن يهديهم أجمعين ..
وانا واحد وعن نفسي أعارض هذا اللبس وبشدة ....
وجزاك الله خير على طرح هذا الموضوع

ودمت بحفظ الرحمن

---

لفتوا انتباهي بعد فئه بالملابس الرياضيه قصدي شورتات الخ
ومثل ماقلت اخوي فئه قليله بس نأمل في انقطاع هذي العاده ونتمنى الانتباه اكثر ترى الموضوع
فنظري يمكن ونظر الاغلبيه شوي محتااي وعي اكثر .
يعطيك العاافيه

اقتباس:

---

المشاركة الأصلية كتبت بواسطة فاطمة النقي

صدقت يا اخوي وهل الشيء وايد منتشر ان سارو الدوام الكشخة والبخور والعطور تنشم من بعد ميل ووقت الصلاة بعضهم ياي من لعب الكرة وحالته حاله ولا بجلابية نوم دخل وصلى

---

صح كلامج وهذا اللي نشوفه فعلا من البعض شخص في دوامه ممكن يقابل مسؤولينه وعملاءه
طبعا صعب عليه فنظره انه ايقابلهم مب كاشخ بس تطاوعه نفسه يسير ايصلي بحي الله شي

الله يهديهم وشاكر لج ايضا

اقتباس:

---

المشاركة الأصلية كتبت بواسطة رآقـي

مشكور اخوي ع الموضوع

الشخص اللي يلبس الجلابية ويسير يجابل ربه

يقدر يلبس الجلابيه ويسير يجابل مديره فالدوام ..؟! < تتوقعون يسويها .!

لو الشخص فكر صح وتفكر بمن سيقابل جان اعطاه حقه

الله يصلح الحال

دمتم بخير

---

كلامك منطقي ولو الواحد حسبها بهالطريقه كلنا نضمن له التخلص من هذي العاده والتغيير 180 درجه

موفق ان شاء الله

اقتباس:

---

المشاركة الأصلية كتبت بواسطة شباصة منقصة

قال تعالى : " خذوا زينتكم عند كل مسجد

يعنـــــــي هــذا يكفـــي

عيــل شو خانهـ الكناديـر الغاويه و الدهن عود و العطور يوم انت بأطهر مكان بتســتعملهم !!!!!

---

خق المولات والدوامات والاعراس والطلعات الرسميه ، البعض مب الكل جي حاسبينها ترى

موفقه اختي

اقتباس:

---

المشاركة الأصلية كتبت بواسطة شمس الامارااات

حتى في السناتر نازله موضه
جلابيه وحمدانيه
والله ما تركب
وبعدين اذا لبست الجلابيه في المول ولا المسيد
عيل وانت في البيت شو تلبس هع
حتى الواحد شكله مب حلو جدام الناس اخ لاه

---

في كارفور يااكثرهم ، قووم الجلابيه وكاب ولا جلابيه وسفره .. الله المستعاان

وفالبيت خلووها مستوره معرووف شوه بيكون اللبس :sm115: لكن الواحد ماايحااسب الناس ع اللي يلبسونه فبيوتهملان البيت مملكه خااصه طبعا .. وشاكر لج ايضا

اقتباس:

---

المشاركة الأصلية كتبت بواسطة rak-storm

ههههههههههههه جماعه انا واحد منهم ... بس والله احاول قد مااقدر اني البس الكندوره وانا رايح المسيد ... الله يهدينا

---

الاعتراف بالحق فضيله حلووو نحصل نااس الصريحين فالموضوع ، والاعتراف بداية التغيير :sm122:

الشي ايي خطوه خطوه وحاول بتقدر ان شااء الله شاكر لك :i like it:.

اقتباس:

---

المشاركة الأصلية كتبت بواسطة جناين دبي

الواحد لازم يكون عنده برستيييج شو يلبس ووين يلبس ولكل مقام مقال

---

لكل مقام مقال فعلا عين العقل ..

شااكر لج

هيه صح صدقت ,, انا اشوف هب حلوه ساير المسيد ب لباس النوم لازم كندوره معطرة ونظيفه ,,
اما العرس وهو كاشخ مطلوبه الكشخه لكن التكلف الزايد لاا
وا1ا كنت قادر انك تكشخ حق الاعراس معناته اولى تزين حق الصلاه
ومشكور ع الموضوع المهم ,, انا بعد منت استغرب منهم يوم اشوفهم في صلاة الجمعه

امممممممممم قصدك اي جلابيه ؟؟ جلابيه الكساله صح ؟؟؟؟؟ انا اسميه جلابيه الكساله وانا بصراحه مااحب اشوف الريال يلبسه ويطلع مشاويره سواء في المسجد او المول او ... او ...، انا اللي اعرفه الجلابيه للبيت ...طيب شو مطلعنك برع؟؟؟رايح تبيت في الشارع ولا رايح ترقد ؟؟؟ الله يهديهم ...اسمحولي لدخولي موضوع للرجال

لا تعليق ::
لكل مقام مقااااال
فما بالكم اذا كان بيت الله