لماذا صارت النظارات الشمسية والموبايلات مصدر دلع في هذا الزمان ؟

بسم الله الرحمن الرحيم ..

والصلاة والسلام على أشرف الأنبياء والمرسلين سيدنا محمد وعلى آله وصحبه وسلم أجمعين ..

أما بعد :.

لماذا صارت النظارات الشمسية والموبايلات مصدر دلع في هذا الزمان ؟

كما علمنا في هذا الزمان أن كثيرا من الأشخاص يشترون نظارات شمسية للدلع ويعني بعضها غالي يوصل لــ 300 ,, 400 ,, حتى 500 درهم ..
ليش كل هذا الاسراف ,, بيينا يوم اندور لينا شي نترزق منه ما امحصلين صراحة صدق اتكلم انا عند جد ..
وفي بعض الاسر بشترون لعيالهم موبايلات من الصغر وهذا قد يفسد مجتمعنا يعني أنا ما امنع بس نصيحة ,, وأيضا في بعض الشباب هداهم الله يشترون أغلى الموبايلات الي يوصل الى 3000 ,, 4000 درهم ..

ابى اعرف ليش كل هذا الاسراف ..

الموبايلات للحاجة والنظارات الشمسية أيضا للحاجة وليس للدلع والجمال ويقوي الشخصية , لاااا ,, الجمال جمال الروح والقلب والاخلاق وليس جمال المظاهر , نعم حقيقة ..
الموبايلات تستخدم للحاجة والضرورة وأنا ارى البعض يستخدمها للدلع والتزين !!
والنظارات الشمسية أيضا .,, ليش ؟؟ ليش ؟؟؟؟ وألف ليش كل هذا الاسراف ؟؟؟؟؟

موضوع حر بينكم وارى اجابياتكم وسلبياتكم في هذه الظاهرة ..

وشكرا .

أنا الصراحة ما أحب أغير موبايلي كل وقت يعني

عندي موبايل عادي مب غالي فيه كل المواصفات لو أخترب بغيره واشتري بحدود1000درهم بس

وبخصوص النظارة ما أحب ألبس وايد نظارات شمسية وإذا باخذ نظارة باخذا بحدود200درهم بس
بس مب للدلع علشان أشعة الشمس وتكون نظارة أصلية علشان ما تخرب عيوني

مشكور ع الموضوع يعطيك العافية والسموحة منك

آنآ أتفق ويآكم آلصرآحة في نآس مبذرة و24 تبدل وتغير وماركة وماركة

آنآ صرت لآزم ألبس نظآرآت شمسة بعد العملية عن الشمس وآخذهن لي في حدود 100 درهم أو أقل

وموبآيل وآحد مآغيره في كل آلموآصفآت خلآص
موضوعك مهم آن شآء الله كل حد يحآسب نفسه من خلاله

عن نفسي مااهتم سواء كان غالي او رخيص اللي اهم شي ان الشي اللي اخذه يريحني


والحمد الله مب من اللي كل مانزل تيلفون اغير تيلفوني وبالنسبه للنظارات يعني اخذ وحده اوكي واتم وياي فتره


تسلم ع الموضوع المهم والحلو

هالزمن زمن تعالوو شوفوني

انا نظاره شمسيه ما اللبس والمبايل عندي من كمن سنه ومابغيره إلا لو اخترب او شي,المظاهر ماتهمني بصرااحه
ويسلمو عالموضوع

انا نفس الشي اهم شي مواصفات المبايل تعجبني ما يهمني يكون رخيص ولا .. وعندي تيلفون موديله قديم ولا افكر اغيره بس اليوم بدلت له بطاريه خخخ
وبالنسبه للنظاره الشمسيه ( او النظارات الغاليه بشكل عام )
انا عندي نظاره شمسيه وحده وياريت ألبسهاا مفصلنها بـ 800 وشي ( غاليه لانه عدساتها طبيه )
بيني وبينك النظارات الحين كلها غاليه اقل شي فوق الـ 300 وطبعا هاي تكون مال حيالله
والواحد لازم بيحافظ على عينه بيفصل نظاره زينه مب اي كلام ..


مشكور ع الموضوع

وأنا أصلا ما ألبس نظارات شمسية
والموبايل عندي من كم سنه كل شي فيه وما أفكر أغيره ليش الدلع بعد
عندي موبايل يتصل ويستقبل وكل شي أبغيه موجود فيه
الله يهدي المبذرين إن شاء الله تلاقيهم يشترون كل شهر موبايل أغلى عن الثاني
ونص الشهر مفلسين ماعندهم حق بترول حتى............ شو وازينكم

عن نفسي أنا ألبس النظارات يوم الطلع بر بالشمس و نفس الوقت الدلع
بالنسبه للموبايلات كنت دوم أغير موبايلات لإني دوم أملل منها بس الإحين عندي موبايل من سنه وما غيرتها لأني ما أروم استغني أنها لأنها فيها كل موصفات إلي كنت أبغي يكون فيها و في نفس الوقت أحب الدلع فيها بس بحدود

وانا من النوع ألي يحب يكشخ لكن بدون اسراف واغير موبايلي بين فتره والثانيه وبالنسبه للنظارات الشمسيه احب بعد اشتري شي زين يظل وياي فتره طويله
والحمد لله على كل حال

[frame="15 98"]
جميل الموضوع " يااااه "

وتعليقي عليه " لا تعليق "
[/frame]

شكرا على التفاعل ...

أنا الصراااحهـ أول فوون خذيته في شهر 7.. و أول أمس غيرتهـ مو لشي بس لان الي كاان عندي مافيه المواصفاات الي انا اريدها
ا.. يعني مافيه مموري//ما فيه وصلة و ما ادري شوو...

بس ما اسير اخذ لي فوون بــ 100000000000 جي وين يااسين ..خخ
انا الي شروا حقي بــ 1000...
و الحمدلله زين...

و بالنسبة للنظارات آخذ بس هب واايد.. لحد الحين بس 3 نظارات شمسية..
و آخذ بس بدون اسراااف...
و الحمدلله على كل حاال..

و أشركـ أخووي عالطرح..
ربي يعطيكـ العاافيهـ ...

شكرا يا عايشة زماني ع المرور ..

بس ملاحظة للكل : في بعضكم يقول أنا اشتريت نظارة شمسية طبية وطبعا النظاراة الشمسية الطبية أكييييييييييد غاليه ....
لكن أنا كان كلامي وقصدي للناس الي يشترونها للخقه والدلع يعني نظارة افريمها ذهبي اصلي ضعيف قال لك 300 ,, 400 الواحد يعني يستخدمها للحاجة والي مشترين نظارات شمسية طبيه وغاليه هاي للمصلحة لمصلحة العين مو لكلام اخر ..
اما للدلع فهذا يعد اسراف صراحة ..

ولكن كل واحد ويا وجهة نظره وأنا لا اخالفكم بل اتفق معاكم ..


وشكرا للتعاون ..

والسموحــة .