خبر هاااااااااااااااااااااام جداااااااااااااااااااا؟؟؟

السلام عليكم ورحمة الله وبركاته



اخوتي اخواتي اعضاء منتدى مجالس الرمس الحواريه .....


حبيت اخبركم خبر مهم جدا واتمنى اني اوصل المعلومه بالمستوى المطلوب واسمحولي اول شي اني ما عرفت وين انزل هذا الخبر فحطيته في هذا القسم .

نبدا بسم الله

ما اعتقد انه ما في حد سمع بالسرقات اللي استوت عن طريق ال ATM Machine او بالاصح عن طريق الصراف الالي والخبر هذا انطرح في المنتدى من فتره بس اعتقد كان في مجلس من مجالس انا ما عندي العضويه المطلوبه اني ارد على الموضوع وبعد انا ما كنت متاكده بالتفصيل شو الموضوع بالضبط ....

وكوني موظفه في احد بنوك الدوله احب اني اخبركم شو السالفه ؟ وادري انه وااايد متاخر وسامحوني ....

انا ما اقدر اعطيكم التفاصيل الدقيقه لانها اسرار بنك وانتوا تعرفون هالشي بس بامكاني اقل شي انصحكم واخبركم شو تسوووون ؟

اول شي وصلتنا وااايد شكاوى من عملاء من اغلب البنوك انه في شخص يسحب مبالغ من دون علم الشخص اللي هو حامل البطاقه او بالاصح من دون علمه مع ان البطاقه عنده والرقم السري محفوظ عنده فقط (بس وايد استوت وتستوي ) واستوت نفس المشكله برع البلاد .....

مثلا عشان اوضح اكثر

وصلتنا شكوى من وحده وهي تقرب لي ان هي في البيت والبطاقه عندها وهي ما بتعطيها حد حتى لو كان ريلها والرقم السري محفوظ بعد عندها وما قالته لاي حد بس وهي في البيت وصلها مسج ان في مبلغ انسحب من رصيدها وفعلا يوم جيكت صح مخصوم هالمبلغ من حسابها بس اما طلعت هي لاني في شخص ثاني ساحب المبلغ بس مثل ما قتلكم ما اقدر اقولكم كيف ؟؟؟

بس احب اني اقولكم وهو هذا الشي المهم والاهم في الموضوع وذلك تفاديا للمشاكل اللي بتي لانها هي السبب...

اي شخص يحمل بطاقة اي بنك المفروض والاصح انه يسحب عن طريق نفس الصراف الالي الذي يحمل اسم البنك اللي يتعامل وياه وهذا الطريقه الصحيحه والامنه الي الان ... وتاكدوا مليون مره يوم بتسحبون من الصراف الالي لا تخلون حد يشوف الرقم السري حتى لو تغطون بايديكم عشان محد يعرف لا تضحكون والله ترا ما تعرفون منو اللي يالس يطالع ؟؟؟

لا تقولون انه ما في صراف قريب وبنسحب من اي مكان لا ؟؟؟؟نصيحه بتندمون ترا مب كل مره تسلم الجره .

والله ان في ناس تنسحب منهم مبالغ كبيره والله غميضه .....

اتمنى اني وصلت لكم الخبر بالمستوى المطلوب والسموحه على القصور ........

تقبلوا منى اجمل تحيه

أختكم سلا الروح

أشكرج أختي على المعلومات القيمه

و إن شاء الله الكل يستفيد منها ..

بس سؤال : في حالة أكتشاف ان في أحد يسحب من الحساب.. شو هو الإجراء الصحيح اللي لازم نتبعه ؟

العتيبي

مشكوره اختي

بس على ما اظن ان فيه كاميرات في كبينه الصراف الالي...
واصلا دام انكم تعرفون الشخص اللي سرق البيزات ليش ما يزخونه؟؟؟؟؟؟؟؟

ويعني هو اقتراح بسيط....
ليش الرقم السري ما يتغير كل فتره؟؟؟ ليش يتم نفسه..؟؟؟
بس عشان ما تستوي سرقات اكثر عن جي

والسموحه

اقتباس:

---

المشاركة الأصلية كتبت بواسطة العتيبي

أشكرج أختي على المعلومات القيمه

و إن شاء الله الكل يستفيد منها ..

بس سؤال : في حالة أكتشاف ان في أحد يسحب من الحساب.. شو هو الإجراء الصحيح اللي لازم نتبعه ؟

العتيبي

---

السلام عليكم ورحمة الله وبركاته

يسعدني ويشرفني اخويه العتيبي لردك للموضوع ...
وبالنسبه لسؤالك اول خطوه ممكن تسويها في حال وجود اي مبلغ مخصوم من حسابك من دون علمك انك توقف البطاقه عن طريق اتصالك للبنك اللي تتعامل معاه وتقول لهم السبب وتتقدم بشكوى على المبلغ المخصوم منك ومثل ما قلت سابقا حاول انك ما تسحب الا من نفس الصراف الالي الذي يحمل اسم البنك اللي تتعامل وياه....

والسموحه على الاطاله واتمنى اني وصلت لك المعلومه اخويه العتيبي

مشكور لا هنت على المرور
أختك سلا الروح

اقتباس:

---

المشاركة الأصلية كتبت بواسطة ~{لّيشّ آنآا}~

مشكوره اختي

بس على ما اظن ان فيه كاميرات في كبينه الصراف الالي...
واصلا دام انكم تعرفون الشخص اللي سرق البيزات ليش ما يزخونه؟؟؟؟؟؟؟؟

ويعني هو اقتراح بسيط....
ليش الرقم السري ما يتغير كل فتره؟؟؟ ليش يتم نفسه..؟؟؟
بس عشان ما تستوي سرقات اكثر عن جي

والسموحه

---

السلام عليكم ورحمة الله وبركاته

العفو اختي

صح في كاميرات بس مثل ماقلت هذي اشياء ما نقدر نحن نتناقش فيها بالتفصيل والحين نحن نحاول نحل هالمشاكل ...
وبالنسبه للارقام السريه فعلى ما اظن تقريبا الكل وصله مسج على اساس يغير رقمه السري ....


وتسلمين على مرورج الطيب

السلام عليكم ورحمة الله وبركاته




ليش ما في تفاااااااااااااااااااااعل؟؟؟؟؟؟؟؟؟؟؟؟

السلام عليكم ورحمة الله وبركاته
يعني اذا مثلا البنك الي اتعامل معاه بنك ابوظبي التجاري و عقب صرفيت في بنك راس الخيمه يعني ها الخطأ
لكن انا مب كل مره اروح بوظبي اصرف في بنك راس الخيمه اقرب و شكرا
ولد راك

تسلمين أختي سلا الروح ع التنبيهـ
عاد أنسرقنا نحن >>> يحليلنا

اقتباس:

---

المشاركة الأصلية كتبت بواسطة ولد راك 2009

السلام عليكم ورحمة الله وبركاته
يعني اذا مثلا البنك الي اتعامل معاه بنك ابوظبي التجاري و عقب صرفيت في بنك راس الخيمه يعني ها الخطأ
لكن انا مب كل مره اروح بوظبي اصرف في بنك راس الخيمه اقرب و شكرا
ولد راك

---

السلام عليكم ورحمة الله وبركاته

اولا اشكرك اخويه على التفاعل

ثانيا بالنسبه لسؤالك انته حسابك في ابوظبي التجاري وعلى ما اعتقد الصرافات الاليه اللي تابعه لابوظبي التجاري موجوده حتى في راس الخيمه ليش ما تسحب منها وتفك عمرك من المشاكل اللي بتصير وعلى العموم انا ادري انه في ناس يقولون ما نروم نصك درب ونسحب من نفس الصراف لانه في اللي هو اقرب بس اقول كم اتجنبوا اللي بيصير . وحاول اخويه انك ما تسحب الا من نفس الصراف ...


والسموحه على الاطاله

اقتباس:

---

المشاركة الأصلية كتبت بواسطة إماراتية لين الموووت

تسلمين أختي سلا الروح ع التنبيهـ
عاد أنسرقنا نحن >>> يحليلنا

---

السلام عليكم ورحمة الله وبركاته


الله يسلمج اختي من كل شر


الله يعين اللي انسرقت مبالغهم بس ان شاء الله بترد لهم ؟؟؟

بس الواحد يتعلم عشان ينتبه مره ثانيه ...................


تسلمين على مرورج الطيب

ردولنا كم من ألف
والباقي >> إلى أجل غير مسمى