سؤالي لبعض من شبابنا الطايش

السلام عليكم ورحمة الله وبركاته,سؤااااااااالي مهم بالنسبه لي ولكثير من العقال الشباب والبنات طبعا
المهم ليش السرعه بطيش؟؟وليش الفل ليت بدون داع أكثر الشباب يسرعون لهدف السرعه وبس ..ومايعطون فرصه للآخرين بالتجاوز وآخر شي لفو يوتيرن انزين فرضا سيد اليمين مب فاضي وماشي فرصه عشان حضراتكم اتجاوزونا وتلصقون ورى مواترنا مثل سوبر كلو..شو الحل؟؟ننتحر عشانكم ؟ في أختراع أسمه أشاراة الخطر استعملوها اذا كانت عندكم فعلا حاله مستعجله ومهما تكون احنا والجميع بنحترمكم بس اسوون جي لغرض الأستعراض والسرعه فهذا يدل عدم اللامبالاه لأنفسكم وللآخرين ..الله يهدي الجميع ..واسمحوا لي ع الأطاله.

الله يهديهم ويهدينا

تسلمين اختي ع النصيحه

عليكم السلام و الرحمه : )

أنا اللي أستغرب منه إنه تستوي جدامهم الحوادث و يشوفونها بعيونهم و ما تعظون ،،

خاطري أعرف السبب بس ،،

يالله شو نقول ،،

الله المستعان و الله يهدي الجميع ان شاء الله : )

وعليكم السلام ورحمة الله وبركاته

إختي ام الولد

صدقتي والله غصه تصيبني منهم مايراعون الواحد إلي قدامهم

يعمونه بالليت العالي لا وآخرشي يجاوزك ويلف بأقرب لفه

في موقف صارلي كنت طالع من مستشفى صقر بالليل فشفت

واحد وحرمته يبون تكسي قلت أوصلهم خذتهم معاي وأنا راد للرمس


ياني لكزس مدقر وراي ويعطيني ليت والسيد اليمين خربان والمريض

إلي موصلنه معاي يتألم من القرقره عطيت إلي وراي أربع أشاير

عشان ينتظر الشارع الخربان الحين بيخلص لاكنه ما إنتظر

جاوزني يمين ويا قدامي وصملي بريك مسكين الريال المريض زين ما

طلع من الجامه

قلت بخاطري لوكنت روحي جان لقفت النيسان 3 واصمه اخليه يدحوس بالشارع

الحمدلله عدت على خير

جزاج الله خير إختي

والسموحه جان طولت

من وجهة نظري هذا طيش شباب مرحلة وبتعدي
نتمنى الهدايه والتوفيق من رب العالمين للجميع

شكرا لج أختي على الطرح

الله يهدي الجميع بس بعض المرات الصراحه انا عن نفسي


اذا كنت مضايجه وخلاص الضيج واصل حدهـ عندي اسرع وما اشوف اللي جدامي الله يهديني متهوره صح ههههه

اختيه ام الولد لج كل الشكر ع الموضوع

دمتــي بخير ,,,

اقتباس:

---

المشاركة الأصلية كتبت بواسطة minooo 87

عليكم السلام و الرحمه : )

أنا اللي أستغرب منه إنه تستوي جدامهم الحوادث و يشوفونها بعيونهم و ما تعظون ،،

خاطري أعرف السبب بس ،،

يالله شو نقول ،،

الله المستعان و الله يهدي الجميع ان شاء الله : )

---

ياليت لو يفهمون الله يهديهم ..شاكره لج مرورج الطيب..

اقتباس:

---

المشاركة الأصلية كتبت بواسطة علي غالب

وعليكم السلام ورحمة الله وبركاته

إختي ام الولد

صدقتي والله غصه تصيبني منهم مايراعون الواحد إلي قدامهم

يعمونه بالليت العالي لا وآخرشي يجاوزك ويلف بأقرب لفه

في موقف صارلي كنت طالع من مستشفى صقر بالليل فشفت

واحد وحرمته يبون تكسي قلت أوصلهم خذتهم معاي وأنا راد للرمس


ياني لكزس مدقر وراي ويعطيني ليت والسيد اليمين خربان والمريض

إلي موصلنه معاي يتألم من القرقره عطيت إلي وراي أربع أشاير

عشان ينتظر الشارع الخربان الحين بيخلص لاكنه ما إنتظر

جاوزني يمين ويا قدامي وصملي بريك مسكين الريال المريض زين ما

طلع من الجامه

قلت بخاطري لوكنت روحي جان لقفت النيسان 3 واصمه اخليه يدحوس بالشارع

الحمدلله عدت على خير

جزاج الله خير إختي

والسموحه جان طولت

---

أولا :تسلم أخوي على موقفك الطيب وفي ميزان حسناتك ان شاالله..
ثانيا:حمدلله ع سلامتكم ..بس الواحد شوووبيقول لأن في ناس الله يهدينا ويهديهم يشوفون هاالموضوع عادي ومرحله وبتعدي ..وين الوعي الأسري ؟؟ولين مايعقل هاالشخص يباله كم حاله جدامه عسب يتعظ؟!!أنا مقهوره لأن تشبعنا من هاي المواقف التافهه وشو الحل؟؟؟ شاكره لك مرورك أخي الكريم.

اقتباس:

---

المشاركة الأصلية كتبت بواسطة الاميره الحسناء

الله يهدي الجميع بس بعض المرات الصراحه انا عن نفسي


اذا كنت مضايجه وخلاص الضيج واصل حدهـ عندي اسرع وما اشوف اللي جدامي الله يهديني متهوره صح ههههه

اختيه ام الولد لج كل الشكر ع الموضوع

دمتــي بخير ,,,

---

الأميره الحسناء الله يهددددددددددديج ..بس مرورج حلو واستانست منه ..شاكره لج مرورج:heart:

السرعه مب زنه

الله يهديهم


الحين طلعوا البنات حتى يسرعون

تسلمين اختي ع طرحج للموضوع وللأسف هالشي منتشر عند أغلب الشباب والبنات ..!

الصراحه عندي أخ يصغرني سناً ولكن بتهوره لم أُشآهد ..
يفزع القلب بمجرد التفكير الركوب معه .. !!
دائما انصحه بأن لايسرع ولكن لا حياه لمن تنادي .. !
كثير من الحوادث التي أصابته وأبكته وكنسلت سيارته ولكن ؟؟!! النتيجه كما هي ..
يرفع الضغط لأبي والسكري لوالدتي .. !
في حاله خروجه للعمل لا يهدأ تفكير أبي ولا أمي حتى يصل إلى البيت سالماً ..

للأسف هؤلاء الشباب لا يقدّرون قيمه الأب والأم .. يظنون أنهم كبار وهم أدرى بما يفعلون ..
يقسون على مشاعر والديهم دون أن يشعروا بقيمه الألم ..

أسأل الله لهم الهداية والتوبة والاستقامة اللهم اصلح شباب وفتيات المسلمين واحفظهم واجعلهم فخر للإسلام يآ رحمن يا رحيم .. اللهم أقر عيون والديهم .. وأصلح أخي وأجعله اللهم من الهداة..اللهم لا تدع لنا ذنباً الا غفرته ولا مريضاً الا شفيته ولا ديناً الا قضيته ولا حاجةً من حوائج الدنيا لك فيها رضي ولنا فيها صلاح إلا يسّرتها. اللهم آمين.

90% من اللي يسرعون مراهقين

5% كبار من الجنسين

1% شواب

4% الجنسيات الاسيوية

هالاحصائية تكونت من خلال معايشة الشرائح

المذكورة سلفا على الطرقات

مرت علينا فترة تم التركيز من خلالها على اضرار السرعة
والحوادث المميتة من قبل الحملات الاعلامية التي ترعاها وزارة الداخلية ممثلة بادارات المرور والترخيص لكنها ما لبثت ان اختفت واللي نتمناه ان تستمر الحملات الاعلامية المماثلة

مع تمنياتي بالسلامة للجميع

واتمنى لكم قيادة امنة

مع كل الشكر والتقدير لصاحبة الموضوع

صدق تستوي جدامنا حوادث ومانتعظ الله يهدينا وشكرا على النصيحة

اقتباس:

---

المشاركة الأصلية كتبت بواسطة uae777

صدق تستوي جدامنا حوادث ومانتعظ الله يهدينا وشكرا على النصيحة

---

العفو أخوي الله يهدي الجميع ان شاالله وشكرا ع المرور......

انا نفس الاميره الحسناء بس اذا كنت متضايقه او معصبه مااحس بنفسي اني مسرعه .. بعد المخالفات اللي ظهرت لي بديت وايد اخفف هههه والحمدالله تعودت..
اما عن الشباب بصراحه سرعتهم مميته احس مرات بيطيرون ... الله يهدينا ويهديهم

اقتباس:

---

المشاركة الأصلية كتبت بواسطة السامعيه

انا نفس الاميره الحسناء بس اذا كنت متضايقه او معصبه مااحس بنفسي اني مسرعه .. بعد المخالفات اللي ظهرت لي بديت وايد اخفف هههه والحمدالله تعودت..
اما عن الشباب بصراحه سرعتهم مميته احس مرات بيطيرون ... الله يهدينا ويهديهم

---

مشكوره حبوبه على مرورج الحلو
............................................................ ..
على فكره كل مره لما اقرا ردودج او مواضيعج يلفتني رقم عضويتج روعه لو رقم موتر بيكون خطيييييييييير هههههههه:heart:

اقتباس:

---

المشاركة الأصلية كتبت بواسطة ام الولد

مشكوره حبوبه على مرورج الحلو
............................................................ ..
على فكره كل مره لما اقرا ردودج او مواضيعج يلفتني رقم عضويتج روعه لو رقم موتر بيكون خطيييييييييير هههههههه:heart:

---

والله الرقم للبيع لو خاطرج فيه تكرم عيونج بسويه عليه تخفيض ... وبعد كنت افكر اعرضه للمزاد العلني ...
هههههههههههههههههههه صدقت روحي والله ....
ثاني مره تسلمين ع الموضوع ...

الله يعطيج الصحه والعافيه (( ام الولد ))



على هالموضوع الغاوي ...~
وانا بصراحه ما عندي تعليق لهذا الموضوع ..~


بس لو تبغين الصراحه ارتآآح يوم اشوف الكيج تحت الــ 200

الله يهديناا و يهدي شبابناااا :)


تحي ـآآتي و احترآآمي لج .~.~.~

الله المستعان و الله يهدي الجميع ان شاء الله

حتى البنات قامن يقلدن الشباب ويتلصقن من ورا المواتر ... يعني قلنا الشباب بعد بنات ؟؟؟

ولعناد يستوي من الاثنين انا اختي تسوي غياض اللي يتلصق بموترها تخلي السرعه 50 وماعليها نقولها خوزي عن دربه

ترد بكل بروود عادي مابخوز هو لو دعمني هو الخسران .. يعني ال 2 صدق يقهروون

الله يهديـــهم بس

اقتباس:

---

المشاركة الأصلية كتبت بواسطة ●.♥مٌـ،ـحـ،ـروم♥.●

الله يعطيج الصحه والعافيه (( ام الولد ))



على هالموضوع الغاوي ...~
وانا بصراحه ما عندي تعليق لهذا الموضوع ..~


بس لو تبغين الصراحه ارتآآح يوم اشوف الكيج تحت الــ 200

الله يهديناا و يهدي شبابناااا :)


تحي ـآآتي و احترآآمي لج .~.~.~

---

السلام عليكم اولا شاكره لك مرورك اخوي واشكرك على صراحتك ومن رمستك خمنت عمرك عشرين او واحد وعشرين سنه يعني ماشاالله عليك توك تقبل على الحياه العمليه...اخوي طلب لك ولكل شاب يفكر مثلك قبل ماتطلع من البيت فكر اولا بوالدينك ..وامك الله يخليها لك...حرام تعذبون اهاليكم وهم يحاتونكم من تطلعون لين ما تردون ..الله يهديك ان شاالله..