اصابة شاب اصطدم بقارب بحري ومخلفات وجدار على طريق البحر والأهالي يشكون المخلفات (صور حصرية)

[align=center]

اصابة شاب اصطدم بقارب بحري ومخلفات وجدار على طريق البحر والأهالي يشكون المخلفات

61...298084b08a.jpg

61...a0d878f5a1.jpg

تعرض الشاب (هـ .ح) "16سنة" عصر اليوم لإصابات متوسطة في حادث مأساوي تجلت فيها عناية الله وأنقذت فيها الشاب ، وذلك بعدما فقد السيطرة على سيارته فاتجه ناحيه يخت عملاق بالقرب من محطة الإمارات للبترول ، فصدمه مع مجموعة من قطع الخردة المتناثرة في المنطقة ، ليصطدم في نهاية الحادث بجدار اسمنتي.

لن ندخل في تفاصيل الحادث ولكن رسالة نوجهها بضرورة الحرص على قيادة الشباب في المنطقة ، وبعيداً عن موضوع الحادث ومن جانب آخر حذر بعض أهالي منطقة الرمس من خطورة القوارب الملقاة على كتف الطريق والخطوره الكبيرة التي تسببها جراء وجودها في مثل هذه الأماكن , منوهين إلى أنها تربك بعض مرتادي الطريق نظرا لقربها الكبير من بعض المنعطفات التي غالبا ما تفقد مركبات المسرعة السيطرة عليها خاصة في الظروف الاستنثائية للمناخ كالأمطار ,

61...0adbee7754.jpg

وفي نفس السياق أكد الوالد عبد الله الأديب بأن مشكلة تواجد قوارب الصيد الغير مستخدمة بالقرب من الطريق العام موضوع رفع مشكلته إلى الجهات المختصة خاصة شرطة الرمس لأكثر من مرة وآخرها أنه قد بادر صباح اليوم بالاتصال إلى الجهات المختصة لنفض الغبار عن هذا الموضوع القديم المتجدد , وأكد الأديب أن مثل هذه المجسمات تشوه المنظر العام وتؤدي إلى العديد من الحوادث في الطرقات الداخلية لمدينة الرمس مطالبة الجهات المختصة برفعها من مواقعها فورا.
61...dbc2aec912.jpg

و على خلفية الحادث دعا السيد صالح عباس السائقين إلى الإلتزام بالسرعات المحدده لشوارع الداخلية لمدينة الرمس المكتضة بالسكان خاصة بعد تزايد عدد حوادث الدهس وغيرها داعيا إدارة المرور إلى تكثيف عمليات المتابعة حفاظا على أرواح الأبناء .

[/align]

61...d231314e91.jpg

61...7dcdcc2621.jpg

61...c0a8f0ee09.jpg

61...4271ea11d6.jpg

61...a78b702c92.jpg

61...ca2ae137d7.jpg

الحمدلله على سلامته ..
صدق الحادث قوي والله سلمه ..

اياكم والسرعه فالمنعطفات ..

بالنسبه للقارب هذا >>> لاتعليق

الصراحه انا لاحظت عدم الاهتمام بهذا الشي" اتمنى من البلديه المتابعه "

الحمدلله ع سلامته ..

الحمد الله على سلامته .. اتوقع القوارب خارج الطريق ... حتى ولو على طرف الطريق ما اتوقعها المسببه للحادث

الي يسوق صغير في العمر كما ذكرتوا اي لا يحمل رخصة قياده ... وربما الارض زلقه بسبة الامطار والاتربه

فتسببت في انزلاق السياره عن الطريق والخروج عن مسارها ... نتمنى من الجميع توخي الحذر بهذي الاجواء

صغير او كبير في العمر وسلامات ما تشوف شر

الحمد لله على سلامته

اولا الحمدلله على سلامته
السبب فى الحادث السرعه الزايده
(((((( 16 )))))))) سنه؟؟؟؟؟؟؟؟؟؟؟

لا حول ولا قوة الا بالله ..

الله يحفـظ اليميع انشالله ..

مشكور ع الخـبر .

حمدالله ع السلامته
اكيد الغلط منه كان يسرع والواحد لازم ينتبه
والله يعلم..

لا حول ولا قوة الا بالله

الله يحفظهم

والحمد الله على سلامتة

ويسلمو على الخبر

حمدالله على سلامته
الصرااحة بالنسبة للقوارب مرات اتكون ماخذه جزء من الشارع وما ايكون فيه مكان للسيارتين وقت التجاوز انها اتمر وأنا دايما تزعجني هالنقطة والحمد الله انفتح الموضوع علشان انعلق عليه

الله يقومه بالسلامه ياارب ..!!

مايجووف شر ان شاءالله ..!!

اي موضوع

الف الحمدلله على سلامته
الصراحه هذا المكان خطير ومثل ماذكر احد الاعضاء ان في هذا المكان ماشي مجال لمرور سيارتين مع بعض ياليت حد يتحرك ويشوف حل للمشكله
اخوكم فتى الرمس

[align=center]
كم يسرع هذا..!!

الله يقومة بالسلامه..!!
[/align]

الحمدالله على السلامة وما يشوف شر

اتمنى انهـ يكون عبره لغيره

ودمتم سالمين

الحمدلله على سلامته

لا حووول ولا قووة إلا بالله ..

الله يقوووووومك بالسلااامه و ما من شر إن شاء الله ..

الله يعيينا داام جييه الحال وين البلديه عن هذي المخلفات ؟؟!!..

و مثل ما نشووف الأهالي يشتكوون منهاا ما في داعي لألقاء اللوم ع حد ..

و إن شاء الله ما نشووف مثل هذي الحواادث
و الحمدلله الله ع سلامته .بالحديييد ولا فيه :'(

لا نقع اللوم على السائق فقط

وانما على اصحاب القوارب وغيرها

وايضا هناك بعض السيارات في بعض العزب

موجوده على الطريق وهذا ايضا غلط كبير

والسموحه

يعني لو دعم محطة البترول بنقول لازم يشلون المحطه؟ الصح صح والغلط غلط والريال مبين انه مسرع على منحنى خطير. حرام يعني لو حد كان يمشي في المكان ها جان جتله وياكثرهم الشواب اللي يمشون هني سايرين فوق البحر. حراام الظاهر انه لازم يحطون مطبه في كل 100 متر عشان يحلون مشكلة السرعه في الرمس.

الحمد لله ع سلامة الأخ....

اقتباس:

---

المشاركة الأصلية كتبت بواسطة الطرف الاغر

يعني لو دعم محطة البترول بنقول لازم يشلون المحطه؟ الصح صح والغلط غلط والريال مبين انه مسرع على منحنى خطير. حرام يعني لو حد كان يمشي في المكان ها جان جتله وياكثرهم الشواب اللي يمشون هني سايرين فوق البحر. حراام الظاهر انه لازم يحطون مطبه في كل 100 متر عشان يحلون مشكلة السرعه في الرمس.

---

اشفييك أخوويه محد قال شي ..


بس شووف المسافه بين المحطه واللوووث إلي جدااام و قدر المساافه ..

إذا كاان مسرع يعني أكييد أحد كاان يلاحقه وإلا واحد ياهل تووه يسووق السياره شنوو يبي يسرع ..

بس الغلط أنا أشووفه من المكاان نفسه يعني لين متى بيخلوون المزبله إهنييه ..

لازم يأمنوون للسايق سلاامته سواء كان صغير ولا كبير ..

وكل واحد له حريه التعبير ما لازم أنداافع عن أغلاط غيرناا ..

ما يشوف شر

شكله الحادث وايد قوي :(


الحمدالله ع السلامه

ماايشووف شر

اقتباس:

---

المشاركة الأصلية كتبت بواسطة الأميره الناعسه

اشفييك أخوويه محد قال شي ..


بس شووف المسافه بين المحطه واللوووث إلي جدااام و قدر المساافه ..

إذا كاان مسرع يعني أكييد أحد كاان يلاحقه وإلا واحد ياهل تووه يسووق السياره شنوو يبي يسرع ..

بس الغلط أنا أشووفه من المكاان نفسه يعني لين متى بيخلوون المزبله إهنييه ..

لازم يأمنوون للسايق سلاامته سواء كان صغير ولا كبير ..

وكل واحد له حريه التعبير ما لازم أنداافع عن أغلاط غيرناا ..

---

يالاخت من قال فيني شي الحين انا قاعد اتسأل لو الولد هذا دعم محطة البترول هل راح نلوم محطة البترول او راح نلوم الولد لانه مسرع لانه الجدار اللي دعمه موازي للمحطه (حتى لو كان الطراد مو موجود في النهاية راح يدعم يعني القارب مش سبب الحادث). اعتقد في ناس قاعده تحور الموضوع وتلقي بالايمه على الجماد اللي موجود جنب الشارع. لو دعم انسان يمشي جنب الشارع هل راح نقول هالشخص ماكان لازم يمشي بجنب الشارع...؟

في النهاية الاعتراف بالغلط وتصحيحه افضل من تبرير الغلط والقاء اللوم على حاجات ثانيه (لوث على قولتج)

السلام عليكم ورحمة الله و بركاته،،،

الحمدالله على سلامته و ان شاء الله ما يشوف شر...

أخواني لا داعي للجدال و النقاش في الموضوع أهم حاجة سلامة الشاب و قومته بالسلامه..

النقاش بهذه الطريقة لن يغير من الأمر شيء إلا إن كان للمتحدث حل جذري للمشكلة ...


دمتم بحفظ الله و رعايته،،،

الله يحفظ أعيالنا

عمره 16 سنه >>>> وين الرقابه والاهل ليش سمحو له وايد يهال في الرمس يسوقون سياااير وما اعرف ليش ساكتين عنهم

بعدين منو بيلاحقه يعني جيه شو مسوي

الصراحه الحادث وايد خطير ومثل ما ذكر البعض لو كان حد ماشي جان دعمه بس الحمدلله عدت على خير بس مو كل مره تسلم الجره
اتمنى من كل المراهقين والشباب ياخذون الحيطه ومافي داعي للسرعه داخل الرمس

الحمدلله ع سلامته والله يعافيه وهذا درس بالنسبه له وان شاء الله يتعلم

أختي قد الحب إنتي ما تعرفين شو اللي صار بالضبط و ما اعتقد كنت موجودة وقت الحادث

و أنا أأكد لج الحين إن فيه شخص كان يلاحقه و إن كنت تقولين وين الأهل و ين الرقابه ؟؟

اسألي أهله بالموضوع عن الرقابة و ان شاء الله بتحصلين من عندهم الإجابة؟؟

غير ها الكلام اللي جا من عندج اعتقااااااااد كبير مني ان أهله ما يرضون بها الكلام...

إن كان فيه كلام فيه خير و بيحل الموضوع أتمنى تفيدينا الكل فيه...


و أسأل الله العلي القدير بأن يعافيه و يظهر من المستشفى في أتم صحة و عافية...


دمتي بمودة...


أسيرة الشوق

اسيره الشوق ادري انا اني ما كنت موجوده وقت الحادث بس عرفت شو صار بالحادث

بعدين انا ماقلت شي غلط اللي بعمره اصلا المفروض اهله مايسمحون له بسواقه السياره لو هو ماخذ الرقابه الكامله من الاهل جان ماخذ السياره وصار اللي صار يعني الحين لو قعدنا نقول لو ولو وحطينا افتراضات شو الفايده دام صار الشي وخلص اصلا

من المسؤول الحين عن اللي صاار غير الاهل 16 سنه هذا قاصر

تشكرين اختي ع ردج

الله يعافيه ان شااء الله

[align=center]
تم غلق الموضوع و نكتفي بالقراءة

العتيبي
[/align]