ساااعدوني يابنات معهد التمرييييض.......

السلام عليكم ورحمة الله وبركاته

والصلاة والسلام على سيدنا محمد وعلى آله وصحبه اجمعين

مساااكم الله بالخير يميع .......:sm123:

بغيت مساعدتكم وياااريت لو تريحوون بالي من الاستفسارات اللي ذبحتني ...

سؤالي لبنات معهد التمريض وللي عندهم معلومات عن المعهد والدراسه فيه ؟؟:aa_mo9ab:؟

بغيت اسال عن الامتحان التمهيدي والمقابله اللي يسوونها في بداية التسجيل شو الاساله اللي تضمنها المقابله ؟؟؟؟وشوهي الامتحانات اللي يمتحنونها للي يسجلون ؟؟؟؟

وبعد بغيت اسال سمعت انه ينزلون للطلاب عندهم حوافز ماديه كل شهر بغيت اعرف اذا كان هالكلام صدق كم قيمت هالحوافز ويعطونها للطالبات في كل مراحل الدراسه ولا لمرحله معينه؟؟؟؟؟؟؟:sm105:

واخر سؤال عندي الدراسه في المعهد صعبه ولاسهله ؟؟؟؟؟

دخيلكم ردو علي ولاتبخلوووووووون علي بردودكم ومساعداتكم ....

بلييييييييييز بنات اللي تعرف ولا تدرس في المعهد او عندها حد يدرس هناك خلج كريمه شوي وسااعديني بليييييز

ويزاااكم الله الف خير

هلا والله .... ودي اساعدج بلي اعرفه اختي كانت تدرس في المعهد التمريض .... اهم شي لااااااازم ثم لازم تعرفين انجليزي لان الامتحانات كله بالانجليزي حتى في المقابلات وكله اسأله في القواعد اما بنسبه للحوافز للوافدين ماشي اما للمواطنين 700 درهم طول فتره الدراسه ... وجواب لسؤالج الاخير ...سهل او صعب ؟؟ على حسب شطارتج ...ان شاءالله ربي يوفقج على الاقل بتطلعين ممرضه وناديج نيرس *___-

مراحب نفس ما قالت الاخت السامعية بس بخصوص الامتحانات انا اذكر انه على فترتين يعني امتحان كتا بي وهو يتضمن أسئله عامه في قواعد اللغة الانجليزيه وما شابه والمقابله يركزون على الاسئله العامه مثلا يعني اذا شفتي طفل كثير البكاء على امه انت تقولين مو شرط يبكي على امه يعني يمكن يكون يتالم من شء معين وطلعي شطارتش عاد في الكلام اهم شيء لا تقولين انا ما اعرف ثانيا لازم تكونين مرحه ونشيطه ومبتسمه وتتقبلين كل شيء وعندش روح معنويه قويه ولا ترتبكين ولا تقولين انا ما اعرف شيء واذا السوال كان صعب لا تسكتي قولي يا ريت توضحون السوال اكثر

واحيانا يوقلون لش عرفي عن نفسش باللغه الانجليزيه ونصيحه ثم نصيحه التمريض وايد سهل ولا تخافين من اللغه ترى مع الاستمرار بتكونين اشطر منهم
ان شاء الله اكون افتش
والسموحه

[align=center]
يزااااكم الله الف خير والله يوفجكم ويسر اموركم ان شاالله ......

تسلمون على مساعدتكم وتوضيحكم للاشيا اللي كنت ابغي اعرفها ^-^

ويااريت بعد اللي عندها معلومات اكثر عن التمريض ماتبخل علينا لان اكيييد في واايد

شراتي خاطرهم يعرفون اكثر عن التمريض ....
[/align]

وينكن صبايا اختفيتو ؟؟؟؟

عندي سؤال بسيط وصغيرون ..

ابغي اعرف التوظيف من بعد الدراسه مضمون ولا مش مضمووون
وبالنسبه لرواتب الممرضات كم تكون؟؟؟؟

129مشاهده و4ردود بس:sm96:
:sm78:

امممم اسمحيلي ( همس السكون ) ودي افيدج بس ما اعرف شي عن التمريض غير انه كله انجلش و مش صعب لبنات العلمي لأنه أغلبه دارسينه فالأحياء و يمكن شوي بنات الأدبي يستصعبونه .. و للحوافز صح اللي قالته السامعيه 700 كل شهر ,, الدراسه السنه اتغيرت من 3 سنوات لين خمس سنوات(( الله يعين ))
وبالنسبه للتوظيف >>راك<< واااايد محتاجه ممرضات لأنه في نقص فالعيادات و المستشفيات و خاصه انهم في صدد انتهاء بناء المستشفى اليديد
وبسس
خاطري افيدج زيااااااااده بس ما عندي خلفيه كبيره عن التمريض


اسمحيلي ع القصووور:)

هلا ... رديت عليج على الخاص مدري اذا وصلت لك ؟؟؟؟

روح غلاي تسلمين على الافاده
والسامعيه يس يس حبيبتي وصلت رسالتج وماقصرتي

آللهـَم يآ مقلـب آلقلـوؤوؤب ثبـت "قلبيـۓ" علـى دينـك . . }--

ادري وايد اسال
بس ياريت اللي يعرف رقم المعهد يطرشلي اياه بس يكون متاكد منه بلييييز><
وربي يسلم كل اللي ردوا وعطوني معلومات عن المعهد في ميزان حسناتكن ان شاالله

سبحان الله وبحمده سبحان الله العظيم

تفضلي أختي ..

072225535

072225516

هذيلآ الأرقآم أنآ متآكدة منهمُ

أي أستفسآر أنآ حآظره ..

اقتباس:

---

المشاركة الأصلية كتبت بواسطة روح غلاي

امممم اسمحيلي ( همس السكون ) ودي افيدج بس ما اعرف شي عن التمريض غير انه كله انجلش و مش صعب لبنات العلمي لأنه أغلبه دارسينه فالأحياء و يمكن شوي بنات الأدبي يستصعبونه .. و للحوافز صح اللي قالته السامعيه 700 كل شهر ,, الدراسه السنه اتغيرت من 3 سنوات لين خمس سنوات(( الله يعين ))
وبالنسبه للتوظيف >>راك<< واااايد محتاجه ممرضات لأنه في نقص فالعيادات و المستشفيات و خاصه انهم في صدد انتهاء بناء المستشفى اليديد
وبسس
خاطري افيدج زيااااااااده بس ما عندي خلفيه كبيره عن التمريض


اسمحيلي ع القصووور:)

---

معقوله استوت الدراسه خمس سنوات ؟؟؟؟انا احيد الباكلوريس ياخذ خمس سنوات
الله يعيييييين

هيه إختي أستوت 5 سنوآت

أنـإآ وحده من طآلبآت التمريض المستجدات قدمت أورآقي وقبلوني هالكورس

وبدينـإآ درستنآ يوم الأحد الي طآف في كلية التقنيه

( للمعلوميه دراسه التمريض تطورت وأول سنه تكون فالتقنية )

أي شي غيرة أنـآإ حآضرة خيتوو ^^