قضايا رمساااوية...؟؟؟

بسم الله الرحمن الرحيم

السلام عليكم ورحمة الله وبركاته..

في البداية اود من الاعضاء ان اطرح اليكم وفي كل اسبوع قضية او مشكلة نتحاور لكي نتوصل الى حل للقضية او المشكلة المطروحة..راجيا منكم التفاعل جميعا لكي نرقى في فن التحاور والمناقشة الفعالة...فقضية هذا الاسبوع هي :

...المطبات الاصطناعية في شوارع الرمس...

نعم فاثناء تجولي في مدينتي الرمس ارى ان الشوارع بدلا ان تزينها الاشجار والزهووور اصبحت تزينها المطبات..هذه المطبات سواء كانت موجودة في الشوارع الرئيسية او الشوارع الفرعية ( بين البيوت ...او امام البيوت)..انا مع من يضع المطبات في المكان الصحيح سواء قبل المنعطفات او اما المدارس او غيرها فناك جهات مسؤولة عن التخطيط المدروس وليس العشوائي ، حيث اصبح كل واحد يبني مطبة امام بيته معللا ان لديه اطفال ( لماذا لا تحافظ على اطفالك في البيت) ... لا الاسوأ من ذلك ظهرت موضة او بالاحرى ظاهرة نصف مطبة...اي ان النصف من المطبة موجود والاخر محذوف اتمنى ملاحظة هذه النوعية من المطبات..
اخواني واخواتي انا ليس ضد وجود المطبات فانا مع وجودها ولكن بصورة معقولة فليس ان تمشي 50 متر وترى مطبة اخرى...اتمنى وجود دراسة لهذه الظاهرة او القضية او المشكلة...؟؟؟سمها ما شئت اخي القارئ فانا اتنظر الردود او الحلول لها...وشكرا
تحياتي...

وعليكم السلام ورحمة اللهـ وبركاتهـ"
واللهـ انها بادرة حلوة منــــــــــــــــكـ يا خوي
وجزاااااااااااكـ اللهـ خير
وصدق بصراحة انا من المؤيدين لكلامكـ وكل ما نطلع لازم نمشي بالطريج اللي ما فيه مطبات
والكل صار يتحاشى الطريج اللي فيه المطبات اختصارا للوقت................
لكن الحل بايديكم ايها الرجال..............
وتسلم ع الموضوع
ثاااااااااااااانكس

السلام عليكم ورحمة الله وبركاته

صدقت اخوي في كل اللي قلته

صارت عشوائيه وبطريقه غير معقوله

نحن مع المطبات في اماكنها الصحيحه

وعن نص المطبات تاذي خصوصا الناس اللي مش من الرمس نفسها لانهم ما يعرفون باماكن المطبات

بعض المطبات ما لها اشارة تنبيه انه في مطبات في الشارع

والله من كثر المطبات الناس تمشي برع الشارع من اتيي صوب المطبه

اتمنى الكل يتعاون وايحطون المطبات في مكانها الصحيح

هلا اخوي دبلوماسي الرمس ...
والله انك صادق في كل كلمه تقوله ...
لكن ما نعرف كيف نحد من هذي المشكله ومهما تكلمنا وقلنا ..ماراح يتغير اي شي ....

تسلم اخوي على طرحك مثل هذي المواضيع الرائعة والمفيده في نفس الوقت ...

وعليكـــــم الســــلام ورحمــــة الله وبركـــــاتــــه ,,

أولا مشـــكور يا ولد الدبلوماســــي عـــلى طرح بعض قضــايا الرمس واللي بصراحة نـــعاني منـــها .. وبالقضيـــة المطروحة اليوم عن المطبات..

أنا براي أن المطــبات في شــوارع الرمس صارت كثيــرة ومــالها داعــي والمطبات القديــمة صــارت مشوهة المنظر العام بعضـها نصها مش موجودة

وبعضـها مش مبينة ((اللون الأصفر الفسفوري)) وهذا يسبب الوقوف المفاجىء قبل المطبة وعندنا ناس شواب يسوقون سيارات ((الله يعطيهم

االعافية)) والأمـــر مـــتروك لإصـــحاب الشأن .

شكرا لكم على مروركم...

اما اختي فرح_مرح...هذه القضية ما يبليها رجل او امراة بل هي تمس كل اهل الرمس سواء من الرجال او النساء...ويمكن على ايدي النساء هذه القضية تحل...

تحياتي...

_ _ _ _ _ _ _ _ _ _ _ _ _ _ السلامـ،ـ عليكمـ،ــ




/
\
/
\


».على طاري هالموضوع الاسبوع اللي طاف وانا سايره درب البااصات
كان اللي مودني ربي يحفظه مسرع وشوووي والا يشوووف المطبه :eek:ويلزم بريك بالقوو ..
وانا طبعا رحت فيها مب من الزيااغ لا انا مب من النوع اللي يخاااف>>>>ياقوي انته :D
انا خفت على السيااره :rolleyes:


». المهم نرد للموضوع ^^


صدقكم المطبات قامت تزيد يوم عن يوم >>>تكاثر مب طبيعي ياجماعة الخير..
وكله صوب وهالمطبات اللي (نص كم بصووب)..اولا مالها داعي
وثانيا منظرها .. =»»SoOo Ugly


». نصيحه:

للاهالي اللي يحطون هالمطبات حفاظا لعيالهم من السيارات
تحملوا من عيالكم ..واعتقد في هالزمان ماشي صغاريه يلعبون في الشوارع
والمطبات تنحط في الامكان اللي تكون فيها السيارات متواجده بشكل كبير






[مشكور ياخوي على الطرح المميزمنكـ]




/
\
/
\



_ _ _ _ _ _ _ _ _ _ _ _ _ _فمانـ،ــ الله

تسلم اخوي الدبلوماسي لطرحك هذه القضية اللي صارت بالنسبه لاهالي الرمس ازمه مروريه ..

حذال كل بيت لازم تضرب بريك و تصعد فوق مطبه عجيبه و غريبه و تسمع اصوات طالعه من سيارتك من كثر الصعدات

و المصيبه تشوف شارع واحد فيه 4 او 5 مطبات و طول الشارع 100 متر فقط .. معقوله ..؟

يعني اللي بيركب اول مطبه و عقبها بيطير الف ..؟؟ ليش تنحط اكثر من مطبه في شارع واحد ..؟؟

أسأله كثيرة محتاجه لاجوبه بس مثل ما كنت اقول و ارد اقول

بعض الامور تحتاج الى عوامل خارجية او نقول قوة خارجيه علشان تتحكم في الموضوع .. بالمعنى نحتاج للبلدية او للجهة المعنيه تضع حد و تخالف الاشخاص اللي يضعون هذي المطبات و تشويه و تخريب منظر الشارع ..

و بصراحه بدون تدخل من الجهات الحكوميه ... و لا بنسوي اي شي

لان لو كلمت اي حد بيقول .. انا حر و لا بيزعل من رمستك او بيتحجج بعياله

و المصيبه ان الفكره موجوده و حلها موجود بس محد مستعد يتقيد بها ..

و غيرها الكثير من الاشياء اللي تخرب منظر الرمس

و الله المستعان

العتيبي

السلاام عليكم ورحمة الله و بركاته

تسلم يا خووي على طرحك هالموضووع

الصرااحة يعني هالمسالة يبالها حل

يعني في بعض الشوراع الداخلية جدام بيت كل واحد مسوي مطبة

و هذا من غير الحفر اللي موجودة فالشاارع

يعني يا تسدوا الحفر اللي موجودةة فالشارع و يسووا مطبات زينه

ولا خلوا الحفر لانها تؤدي دور المطبات تماما

يعني الصرااحة احس ان في بعض الشوارع ما يحتاج لها مطبات

بس تتفاجئ ان فيها مطبات لا و مطبات تقول رااكب على ناطحة سحااب مب على مطبة

بوجهة نظري اشووف ان لازم تنشال كل المطبات العشوائية الموجودة فالشوارع

و تقوم البلدية بعمل مطبات بشكل مدروس و مخطط له

مب شرات الوضع اللي نحن عليه الحين

امممم يمكن يكون خارج الموضووع هالشي اللي بقوله

سد الحفر اللي تعتبر مطبات بش بالجلب خخخخ

لانها تؤدي نفس دور المطبات خخخخ

و السموووحة على زلت اللسان


مع التحية

بو حمد

والله شف المطبات جيده لانها اتخف من السرعة الي الشباب ما ايصدق ايشوف شارع سيده بس لازم المطبات تنحط صح يعني تنصبغ اصفر و ابيض الحجم لازم ايكون الحجم المعتدمد مب جنك راكب فوق جبل او يكون لونها رصاصي ما اتعرف ان هناك مطبه و الحين المشكلة ان الناس تنزل من الشارع عشان ما تركب فوق المطبه والله تخلف يعني ليش ياخي خف السرعة و اركب المطبة

مشكووور اخوي ع الطرح

ونحن سايرين المدرسة فوق 4 مطبات ورا بعض معنها مو لازمة ومكانهم غلط

بس مال نقول غير لا حول ولا قوةالا بالله

مشكووووووووووور اخوي على الطرح الرائع
صدق واااااااايد مطبات وفي مرة الحمد الله ما دعمنا من سبة هاي المطبات
وانشاء الله نشوف حل حقها ((مشكلة المطبات))

أخوي نعم في هذا الزمان لا يوجد أطفال كثيرين يلعبون خارج البيت.
ولكن اللي مسوي مطبات عند بيته أعتقد ما ينلام لأنه مع احترامي الشديد لكل أبناء الرمس الحبيبه فيه بعض من الشباب المتهورين والطايشين يقودون السياره بطيش وإستهتار في الشوارع الداخليه وأمام البيوت.
وأعتقد ما فيه أي شخص يرضى بهذا الشي.......
والسموحه

http://www.alrams.info/up/upload/alrams_20583963.JPG