سلمكم الله هاكي اليوم طايح مطر بالليل ويوم اصبح الصبح توقف وطلعت الشمس والجو غيم يعني نص نص فطلعت اتمشى وكان في منظر دوم اجوفه بمنطقة غيلان وين قوم شعبية السعدي ( بني ساعد ) على خط شمل الرمس فكنت على الخط ودقت براسي امر صوبه لانه من زمان كان خاطري بهالشي وبصراحة مكان كان ممكن يستغل لغرض سياحي كحديقة او ما شابه بس يوم سرت هناك تفاجات بالكسارات والتريلات المهم دشيت بالقرقرة ومشيت ووصلت لهالمكان وقلت بصور لكم جم صورة
هاي صورة للهرم من بعيد
64...15fff1f01b.jpg
وهاي صورة مقربة للهرم
64...313e619527.jpg
هنيه تصارع اشعة الشمس مع الغيم
64...54e3527aad.jpg
64...62049c0850.jpg
64...a50b9de561.jpg
64...968db26de0.jpg
وهنيه جفت وادي واهل الكسارة مغزرينه اكثر فقلت الا ادخله عناد
64...3caf4d4637.jpg
ما سبق كله تصوير و انا بالسيارة اما عقبها نزلت منها وخليتها بروحها يحليلها وكان نزولي قريب من الوادي
64...c3acdebd43.jpg
منظر خلفي للهرم
64...92ae46a2da.jpg
وخلال تجوالي بالمكان حصلت لكم كهف وهذا الكهف ينشاف للي طالع من الرمس وساير صوب النخيل يبين من فوق شعبية بني ساعد ما وصلت عنده لانها كانت زيارة عالطاير لكن لنا عودة له ان شاء الله
64...b32c6b83dc.jpg
وهنيه صورة للوادي من الداخل
64...5c2293a79a.jpg
وكملت عقب حصلت كسارة قلت ما فيها شي يتصور المهم خلال حواطتي هناك شفت اعشاب واشجار جبلية حبيت اصورها واراويكم اياها
64...5e7b3b4994.jpg
64...0c0d9e6644.jpg
64...8c36fa0493.jpg
وعقبها خذيت لفة في المكان وحاوطت وكان الشارع موحل وكانك رايح مكان مجهول
64...f1ab504a63.jpg
وهناك حصلت لكم قلعة بس الشباب مشخبطين عليها ومخربين التراث
64...8afa1e3480.jpg
وهنيه صورة لبوابة القلة على ارتفاع امتار عن الارض
64...b98c5403fe.jpg
وكان عقبها شارع قار استلمته حصلت عمري مجابل صالة شمل للافراح ورديت عقبها الرمس
اتمنى اتعجبكم الرحلة البسيطة واتمنى اكون لفت النظر لهذا الهرم اللي ممكن من صغرنا ونحن نخطف عليه وما نلاحظه
وشكرا لمتابعتكم
ارحب الانتقاد البناء
خيماوي_2000
Just_me
