رمسه اهل الرمس(دعوه لنقاش)

بسم الله الرحمن الرحيم

السلام عليكم ورحمة الله وبركاته ...

رمسه اهل الرمس
حبيت اتكلم في هالموضوع (رمسه اهل الرمس)
او مثل مايقول البعض كلام اهل الرمس...
ياجماعه اهل الرمس صارت لهم رمسه وكلمات غريبه...

وليش المد في الكلام؟؟؟ المد اللي ماله لزمه
وبعض الكلمات الغريبه (ماحالك *ماده*وغيرها من الكلمات)..

وانا كل ماتعرف على واحد اقوله انا من الرمس توقعوا شو يقولي ؟؟يقولي ليش ماترمس نفس اهل الرمس ..اقوله كيف يعني؟؟ يقولي اهل الرمس يمدون في الرمسه...هههه والله العظيم اقفط...
يعني هاي الرمسه صارت مربوطه بالاهل الرمس
واللي مايرمس جي هوه مب من الرمس والله حاله..

ياجماعه شو السالفه يعني هاي رمستنا والله فشله اذا هاي رمستنا....

واسموحولي انا كتب هالموضوع من القهر والله

مشكور على موضوعك

بس انا اقول انه مب كل يرمس جي

انا اعرف ناس بعد فالرمس مايرمسون نفس الرمسه

لانه خلاص اول غير والحينه غير

وفي بعضهم يرمسون هاي الرمسه اليت الحينه

وفي بعضهم خلاص من داوم او راح بوظبي او اماكن ثانيه

تعود على الرمسه الثانيه

وانته قول لهم نفس الكلام

والسموحه ...

[align=center]
الآستعمآر ومآيفعـل ’’

مممم بس اعتقد الحين مافي حد يرمس رمسي الا يدودنا ويداتنا ,,

بس المد معروف عند هل الرمس ,,


=p
[/align]

اشك انا برمسة اهل الرمس بتنقرض محد بيرمسها عقب اليهال الحين قامو يتعلعلون بالرمسه ظبيانيين صارو ما ادري ليش يستحون يتكلمون رمسي والله كريم ..

والله رمستنا حلوه ع الاقل تميزنا..

اقتباس:

---

المشاركة الأصلية كتبت بواسطة بن مكسور

بسم الله الرحمن الرحيم

السلام عليكم ورحمة الله وبركاته ...

رمسه اهل الرمس
حبيت اتكلم في هالموضوع (رمسه اهل الرمس)
او مثل مايقول البعض كلام اهل الرمس...
ياجماعه اهل الرمس صارت لهم رمسه وكلمات غريبه...

وليش المد في الكلام؟؟؟ المد اللي ماله لزمه
وبعض الكلمات الغريبه (ماحالك *ماده*وغيرها من الكلمات)..

وانا كل ماتعرف على واحد اقوله انا من الرمس توقعوا شو يقولي ؟؟يقولي ليش ماترمس نفس اهل الرمس ..اقوله كيف يعني؟؟ يقولي اهل الرمس يمدون في الرمسه...هههه والله العظيم اقفط...
يعني هاي الرمسه صارت مربوطه بالاهل الرمس
واللي مايرمس جي هوه مب من الرمس والله حاله..

ياجماعه شو السالفه يعني هاي رمستنا والله فشله اذا هاي رمستنا....

وسموحولي انا كتب هالموضوع من القهر والله

---

السلام عليكم ورحمة الله وبركاااته ...

الحين انته كم عمرك ...؟ ياي تسال ليش المد بالكلام ..؟ من طلعت بهالدنيا ماقط سمعت هالرمسه الا يوم كبرت ..؟

غريب امرك

رمستنا مافيها شئ ونفتخر .. بدل ما تفتخر ببلادك اتيي وتقول اقفط ..؟ ومنو اصلا هاييلا الي يقولون عن رمستنا وشو يطلعون اصلا ..

انا اقولك ما يسون اهل الرمس ولا حتى رمستهم ...


القهر الي بنفسك خله لك ما يووز لنا ترا ...

وافتخر اني من الرمس وافتخر برمستنا والي مب عايبنه يشرب من ماي البحر ...


بلادي وان جارت عليه عزيزة

اقتباس:

---

المشاركة الأصلية كتبت بواسطة ملك بدون مملكه

السلام عليكم ورحمة الله وبركاااته ...

الحين انته كم عمرك ...؟ ياي تسال ليش المد بالكلام ..؟ من طلعت بهالدنيا ماقط سمعت هالرمسه الا يوم كبرت ..؟

غريب امرك

رمستنا مافيها شئ ونفتخر .. بدل ما تفتخر ببلادك اتيي وتقول اقفط ..؟ ومنو اصلا هاييلا الي يقولون عن رمستنا وشو يطلعون اصلا ..

انا اقولك ما يسون اهل الرمس ولا حتى رمستهم ...

القهر الي بنفسك خله لك ما يووز لنا ترا ...

وافتخر اني من الرمس وافتخر برمستنا والي مب عايبنه يشرب من ماي البحر ...

بلادي وان جارت عليه عزيزة

---

اووه اووه ما نرووم

هاذيلا الرمساويين ولا بلاش

:i like it:

لنتكلم بكل صراحة وواقعية .. نحن عرب ونفتخر بلغتنا العربية وإن كان لكل إمارة في دولتنا الحبيبة لهجة خاصة بها فللأسف في راس الخيمة تتعدد اللهجات فتجد لكل منطقة لهجة تختلف عن المنطقة المحاذية لها ..
وللاسف الشديد اننا لم نستطع حتى الآن ان نخرج من دائرة اللهجة الرمساوية في بعض الكلمات وخصوصا لفظ حرف العين كحرف الألف ( مثل كلمة عين = أين ) لفظ حرف الذال كحرف الدال ( الأذان = الادان ) وغيرها من الكلمات .. ناهيك عن مد الكلمات بطريقة غريبة ..
نعم نفتخر بلهجة اهالي الرمس ولكن هل حان الوقت لنتوقف قليلا ونتأمل الأخطاء التي نقع بها .. معظمنا متعلمين إن لم نكن مثقفين فلما نصر على الخطأ .. لما لا نتجه الاتجاه الصحيح في التحدث مع غيرنا من الناس.. ليس عيب ان نصصح اخطاءنا ونتحدث بلهجة يفهمها الجميع ولكن العيب هو الإصرار على الخطأ بدعوى انها لهجة الآباء والأجداد ..


اخي الكريم بن مكسور .. اشكرك جدا على هذا الموضوع الذي بالفعل يستحق النقاش ..

:alramsflash::alramsflash::alramsflash::alramsflash::alramsf lash::alramsflash::alramsflash::alramsflash::alramsflash::al ramsflash::alramsflash::alramsflash::alramsflash::alramsflas h::alramsflash::alramsflash:
:alramsflash::alramsflash::alramsflash::alramsflash::alramsf lash::alramsflash::alramsflash::alramsflash::alramsflash::al ramsflash::alramsflash::alramsflash::alramsflash::alramsflas h::alramsflash::alramsflash:
شو يعني نغير رمستنا عشانك....
كيفك ما تبغي تعيش فيها اطلع ......[warning]null[/warning]
نحنا ما منغير شي هذا من زمان مب من اليوم ....
"ولا ما يعترف فينا نحنا ما نعترف فيه ...."
لو سمحت لا تكتب هذا الموضوع مره ثانيه .....

برايك اخوي هذا رايك....

شو دخل العمر في الموضوع...

انا افتخر اني رمساوي بظل رمساوي وين ماسرت لكن من ناحيه الرمسه ماتعجبني ..وفي شباب واايد في الرمس ومن الرمس مايرمسون رمسي لكن هاي الرمسه مرتبطه بشكل عام باهل الرمس...

وشكرا اخواني ع المرور

اقتباس:

---

المشاركة الأصلية كتبت بواسطة @ وعـــد @

لنتكلم بكل صراحة وواقعية .. نحن عرب ونفتخر بلغتنا العربية وإن كان لكل إمارة في دولتنا الحبيبة لهجة خاصة بها فللأسف في راس الخيمة تتعدد اللهجات فتجد لكل منطقة لهجة تختلف عن المنطقة المحاذية لها ..
وللاسف الشديد اننا لم نستطع حتى الآن ان نخرج من دائرة اللهجة الرمساوية في بعض الكلمات وخصوصا لفظ حرف العين كحرف الألف ( مثل كلمة عين = أين ) لفظ حرف الذال كحرف الدال ( الأذان = الادان ) وغيرها من الكلمات .. ناهيك عن مد الكلمات بطريقة غريبة ..
نعم نفتخر بلهجة اهالي الرمس ولكن هل حان الوقت لنتوقف قليلا ونتأمل الأخطاء التي نقع بها .. معظمنا متعلمين إن لم نكن مثقفين فلما نصر على الخطأ .. لما لا نتجه الاتجاه الصحيح في التحدث مع غيرنا من الناس.. ليس عيب ان نصصح اخطاءنا ونتحدث بلهجة يفهمها الجميع ولكن العيب هو الإصرار على الخطأ بدعوى انها لهجة الآباء والأجداد ..


اخي الكريم بن مكسور .. اشكرك جدا على هذا الموضوع الذي بالفعل يستحق النقاش ..

---

صح لسانج اختي...

اقتباس:

---

المشاركة الأصلية كتبت بواسطة @ وعـــد @

لنتكلم بكل صراحة وواقعية .. نحن عرب ونفتخر بلغتنا العربية وإن كان لكل إمارة في دولتنا الحبيبة لهجة خاصة بها فللأسف في راس الخيمة تتعدد اللهجات فتجد لكل منطقة لهجة تختلف عن المنطقة المحاذية لها ..
وللاسف الشديد اننا لم نستطع حتى الآن ان نخرج من دائرة اللهجة الرمساوية في بعض الكلمات وخصوصا لفظ حرف العين كحرف الألف ( مثل كلمة عين = أين ) لفظ حرف الذال كحرف الدال ( الأذان = الادان ) وغيرها من الكلمات .. ناهيك عن مد الكلمات بطريقة غريبة ..
نعم نفتخر بلهجة اهالي الرمس ولكن هل حان الوقت لنتوقف قليلا ونتأمل الأخطاء التي نقع بها .. معظمنا متعلمين إن لم نكن مثقفين فلما نصر على الخطأ .. لما لا نتجه الاتجاه الصحيح في التحدث مع غيرنا من الناس.. ليس عيب ان نصصح اخطاءنا ونتحدث بلهجة يفهمها الجميع ولكن العيب هو الإصرار على الخطأ بدعوى انها لهجة الآباء والأجداد ..


اخي الكريم بن مكسور .. اشكرك جدا على هذا الموضوع الذي بالفعل يستحق النقاش ..

---

وانا ويا الأخت باللي تقوله

ومنوووو قالكم انه اهالينا ويدودنا يتكلمون جي لا والله انا اهلي من الرمس وما يرمسون جي
هذا اصلا رمسه دخيله علينا يعني هاذيلا عيم.....!!!! والسموحه من هالكلمه
هل الرمس ما كانوا يرمسون جي
يالله الله المستعان

اقتباس:

---

المشاركة الأصلية كتبت بواسطة بن مكسور

برايك اخوي هذا رايك....

شو دخل العمر في الموضوع...

انا افتخر اني رمساوي بظل رمساوي وين ماسرت لكن من ناحيه الرمسه ماتعجبني ..وفي شباب واايد في الرمس ومن الرمس مايرمسون رمسي لكن هاي الرمسه مرتبطه بشكل عام باهل الرمس...

وشكرا اخواني ع المرور

---

دخلت العمر بالموضوع ....

حسيت انك اليوم او امس او من شهر تفاجئة باللهجه ومن هالشئ تكلمت عنها

انته الحين تبي تغير من الرمسه مثلا ..؟

[align=center]
إذا رمسة أهل الرمس غريييبهـ والبعض يخجل من التحدث بها..
عيل الشحوح ما ينلاموون..!:sm105:
بس من وجهة نظري اللهجة (الرمساوية) عادية بس الي فيها المد وبعض المصطلحات..
لكن حلو أنكم تحافظوون عليها وتفتخرون فيهآ..والانسان لازم يحافظ على الي تربى علييه
وخصوصاً الرمسه الي البعض منا يشعر بالاستحياء عند التحدث بها مثل (بعض) الرمساوية..

والسمووحهـ...
[/align]

انا عن رايي ما فيها شي رمستناااا
كل منطقة لها رمسه

هذا اصلا رمسه دخيله علينا يعني هاذيلا عيم.....!!!! والسموحه من هالكلمه


صح لسانج اختي

هاي مب رمسه اهل الرمس الاصلين

اقتباس:

---

المشاركة الأصلية كتبت بواسطة ملك بدون مملكه

دخلت العمر بالموضوع ....

حسيت انك اليوم او امس او من شهر تفاجئة باللهجه ومن هالشئ تكلمت عنها

انته الحين تبي تغير من الرمسه مثلا ..؟

---

كيف اغير من الرمسه هاي مب رسمه اهل الرمس...

واختي غرور ميثانه ماقصرت ....

اقتباس:

---

المشاركة الأصلية كتبت بواسطة الملك

:alramsflash::alramsflash::alramsflash::alramsflash::alramsf lash::alramsflash::alramsflash::alramsflash::alramsflash::al ramsflash::alramsflash::alramsflash::alramsflash::alramsflas h::alramsflash::alramsflash:
:alramsflash::alramsflash::alramsflash::alramsflash::alramsf lash::alramsflash::alramsflash::alramsflash::alramsflash::al ramsflash::alramsflash::alramsflash::alramsflash::alramsflas h::alramsflash::alramsflash:
شو يعني نغير رمستنا عشانك....
كيفك ما تبغي تعيش فيها اطلع ......[warning]null[/warning]
نحنا ما منغير شي هذا من زمان مب من اليوم ....
"ولا ما يعترف فينا نحنا ما نعترف فيه ...."
لو سمحت لا تكتب هذا الموضوع مره ثانيه .....

---

ههههههههههههههههههه

لا اخويه لاتغير رمستك خلها لك لاكن مب كل اهل الرمس يرمسون جي يعني لاتربطون هاي الرمسه بكل اهالي الرمس..

كيف اطلع من بلادي والله هاااي بلادي تربيت فيها وبندفن تحت ترابها...واذا مب عاجبنك برايك...

وليش مااكتب الموضوع مره ثانيه تستحي من رمستك...

أخواني وأخواتي

دعوني أوضح أمثلة في الماضي والحاضر

فالقديم عرف عن قبائل العرب الأصلية اختلاف السنتهم في اللغة العربية بسبب احتكاكهم مع الامم الاخرى ، فكان هناك من يحول الكاف إلى شين كقولك "كيف" ينطقونها "شيف" وكلاهما صحيح لغويا ، وهناك قبائل أخرى تنطق الحروف بغير ما تعلمناها ، لهذا نزل القرآن على سبع أحرف ولكن لا اختلاف في المعنى

أما الحاضر، فبما أن الثقافات تنوعت والأمم أحتكت بنا أكثر فمن الطبيعي كل قبيلة ومنطقة تتغير أحرفها ، ولكن منها ما هو مبرر ، ومنها ما هو غير مبرر فنرى الآتي:

الشحوح ولهجتهم الجبلية ، شعم ولهجتهم الشعمية، الرمس ولهجتهم ، ورأس الخيمة ولهجتهم المتداخل بها لهجة أهل إيران والعربية والهندية ، وكذلك أهل دبي ، وأبوظبي واللهجة اليمنية واللبنانية ، والفجيرة ولها لهجة أخرى ، ... وهكذا

فلا مجال هناك للمقارنة بأفضلية اللهجات ، فكلهن ليسوا على مقياس صحيح، فاللغة الصحيحة هي العربية بأصالتها ، ولكن لاداعي لذكر إحدى الأخوات أنه خطأ وليس علينا الاستمرار بالخطأ ، فإذن علينا التكلم باللغة العربية الفصحى ...

كل له لهجته ، وليس عيبا أو خطأ بالتكلم بها ، فسلمان الفارسي يعلم الجميع بأصله الايراني أو الفارسي وهو مع هذا بالتأكيد له كبوات باللغة الأصلية ومع هذا تساهل النبي صلى الله عليه وسلم بالتكلم معهم حتى يفهموا له ويفهم عليهم ، ولم يكن ليفحش أو يسخر من لسانهم
ِ

موضوع حلو ويستهال النقاش..

حشى والله هاي مب رمستنا ....

انا رمساوي وكل اهلي رمساويه لكن حشى نحن مانرمس هالرمسه الي فيها تحويلات ودوارات..

واذا هاي رمستكم لاتجمعون كل اهالي الرمس...

وانا اللي اعرفه اللي يمدون الرمسه العيم...

واذا انتوا تفتخرون بها كيفكم شي راجع لكم...

لكن انا ارجع واكرر لاتجمعوا كل اهل الرمس بهاي الرمسه...

وشكرا اخوي ع الموضوع

اقتباس:

---

المشاركة الأصلية كتبت بواسطة الرمس داري

موضوع حلو ويستهال النقاش..

حشى والله هاي مب رمستنا ....

انا رمساوي وكل اهلي رمساويه لكن حشى نحن مانرمس هالرمسه الي فيها تحويلات ودوارات..

واذا هاي رمستكم لاتجمعون كل اهالي الرمس...

وانا اللي اعرفه اللي يمدون الرمسه العيم...

واذا انتوا تفتخرون بها كيفكم شي راجع لكم...

لكن انا ارجع واكرر لاتجمعوا كل اهل الرمس بهاي الرمسه...

وشكرا اخوي ع الموضوع

---

وانا وياك بكل حرف كتبته


امي وابوي واهلي كلهم من الرمس



بس حشى علينا مانرمس ونمد فالرمسه حتى امي وابوي وخالاتي وحتى يدي



مايرمس جي ورمسته مفهومه ومافيها مد ولا جزر


مرات اقعد ويا ناس من الرمس والله وربي الشاهد ماافهم شو يقولون



احسهم فعالم وانا فعالم واللي اعرفه ان هاي رمسه العيم ماادري فريج العيم >>ايام الرمس الجديمه


هم اللي يمدون فالرمسه زياده عن الزوم


ونحن رمساويين ومانتخلا عن اصلنا ونفتخر بهالشي ورمستنا نفس رمسه اهلنا

اسمحولي شباب اسمحولي صبايا .. انا ويا الحق الصراحه اللي يقول انه يده ولا يدته ما يرمسون رمسي سووووووووووووووري (.......) ... عن الدغاله الزايده ... لا تبينون اونكم عاد شيء ...

يمكن الحين تغير كل شيء وصار زمانا غير وما نرمس رمسي ... بس انا اتحدا اي حد يقول أهله يعني مال قبل مايرمسون رمسي ... والسموحه واتمنى انكم ترمسون بكل صراحه ..

يعني انا يوم قلت جي هب يعني انا اايد الواحد اللي يرمس رمسي .. والسموحه لا تعصبون وايد تراه وجهة نظر ...

صح لسانج اختي ..

واتريا التفاعل من الجميع....

كليتو الريال ما يسوى ليكم حراااام عليكم بليييز كل حد يحترم اراء الاخرين...
ويعطيك العافية اخوووي بن مكسور..
لووووووول

رمسه اهل الرمسه وايد حلووه بالنسبه للغير>>> عندنا في الجامعه بنات دبي والشارجه والكل مستانسين ويرمسونها ويبون يتعلمون شراتنا بس نحن عاد ما نرمس مول مو شي يعني نمد شوي مو وايد ونقول مه ويستانسون على كلمه مه بس مو دوم لازم نرمسها جدام الغير بس مثل ماقلتو اللي ماينطقون العين ويمودون من الخاطر هايل في فريج العيم بس نحن الحمدلله نرمس ونقول العين ومانمد وايد

انا اقول اذا نرمس رمسي من بين نفسنا مو نشهر بالرمسه

افتخر اني اماراتيه رمساويه

اقتباس:

---

المشاركة الأصلية كتبت بواسطة ذكيه بس أستهبل

اللي يقول انه يده ولا يدته ما يرمسون رمسي سووووووووووووووري (.......) ... عن الدغاله الزايده ... لا تبينون اونكم عاد شيء ...

... بس انا اتحدا اي حد يقول أهله يعني مال قبل مايرمسون رمسي ... والسموحه واتمنى انكم ترمسون بكل صراحه ..

لا تعصبون وايد تراه وجهة نظر ...

---

شو يعني عن الدغاله ؟؟

وبعدين انا شي ونــــــــص غصبنا عن الله مايرضى


ومااحيد اني مجبوره اجذب ومااقول الصدق وماعاش اللي يجبرني اجذب


وماجذبت يوم قلت يدي وامي وابوي لانهم مايمدون فالرمسه ورمستهم عاديه


وللعلم امي ماتعدت ال40 وابوي 45 او 46 مب كبرهم يعني مال اول


ويدي عاش اغلب حياته فالكويت ومااحيده من فريج العيم عسب يمد فالرمسه



ولو بغيتي طرشي لجنه تحري تسوي اختبار للاهلي وبنشوووووف من الجذاااااب اوكي

يقولون


الي يتكلم عن الاصل والفصل هذا ماعنده لا اصل ولا فصل ...

ابتعدو على هالشئ

نصيحه فقط

راح اعلق على سالفة العيم .. وك معلومه .. العيم لو تكلمو محد راح يفهم ولا كلمه

ومب معناته المد بالكلمه او تبديل الحروف صار الاصل غير كل حد يفهم ويعرف الكلام عدل

والي يقول انه ما يرمس جذه او انه متبري من الي يتكلمون رمسي

ما احيدكم من اصل العرب ومن قوم الهاشمي وقريش

الي عارضوا اللهجه الرمسيه لو كانوا يتكلمون لغه عربيه فصحى مثل ما تطرق الاخ تايم ريسر انا ماراح ارد لهم لكن اذا غير هالشئ ف لغتهم ايضا مب صحيحه

السلام عليكم ورحمة الله وبركاته السلام عليكم ورحمة الله وبركاته
موضوعك وايد ملفت ياخوي
أنا أقول من وجهة نظري عادي ما فيها شي
اصلا كل اماره ولها مليون لهجه خاصه بالمنطقه يعني مب كل الاماره لهم نفس اللهجه عندك أهل الرمس لهم لهجه أو رمسه وأهل الجولان لهم لهجه وأهل خت لهم رمسه يعني من منطقه ل منطقه تختلف الرمسه أو اللهجه وأنا أقولك إرفـــــــــــــــــــــــــــــــــــــــــــــــــــــع راسك فــــــــــــــــــــــــــــوف محد له شي عندك هذا تعليقي ولك مني أحلى وأطيب تحيه
مثلا الرمس

اقتباس:

---

المشاركة الأصلية كتبت بواسطة قد الحب

رمسه اهل الرمسه وايد حلووه بالنسبه للغير>>> عندنا في الجامعه بنات دبي والشارجه والكل مستانسين ويرمسونها ويبون يتعلمون شراتنا بس نحن عاد ما نرمس مول مو شي يعني نمد شوي مو وايد ونقول مه ويستانسون على كلمه مه بس مو دوم لازم نرمسها جدام الغير بس مثل ماقلتو اللي ماينطقون العين ويمودون من الخاطر هايل في فريج العيم بس نحن الحمدلله نرمس ونقول العين ومانمد وايد

انا اقول اذا نرمس رمسي من بين نفسنا مو نشهر بالرمسه

افتخر اني اماراتيه رمساويه

---

:i like it:

اقتباس:

---

المشاركة الأصلية كتبت بواسطة أم دحماني

شو يعني عن الدغاله ؟؟

وبعدين انا شي ونــــــــص غصبنا عن الله مايرضى


ومااحيد اني مجبوره اجذب ومااقول الصدق وماعاش اللي يجبرني اجذب


وماجذبت يوم قلت يدي وامي وابوي لانهم مايمدون فالرمسه ورمستهم عاديه


وللعلم امي ماتعدت ال40 وابوي 45 او 46 مب كبرهم يعني مال اول


ويدي عاش اغلب حياته فالكويت ومااحيده من فريج العيم عسب يمد فالرمسه



ولو بغيتي طرشي لجنه تحري تسوي اختبار للاهلي وبنشوووووف من الجذاااااب اوكي

---

ام دحماني هدي شو يخص الجذب الحين قالت اصولنا كانو يرمسون رمسي ومستحيل ماتطلع منج كلمه رمسيه اشك الصراحه وبعدين محد جذبج حشى لله ومحد جبرج للجذب

امج شو ما كان عمرها وابوج مستحيل حد منهم ما مد رمسه واللي اصله جيه بيرد جيه

نحن ربعنا من الرمس مول ما يرمسون رمسي بس مرات واحيانا بالغلط تطلع رمسه يعني جي ولا جي بتردين لاصلج

بس اهدي الله يهديج

[align=center]
انا مع اخوي ملك بدون مملكه واختي ذكيه بس استهبل
ليش تغالطون عمركم وشو فيها رمستنا وشو فريج العيم والرمس الجديمه وغيره من ها الكلام
الصراحه اهل الرمس الحين وفي المستقبل هذي رمستهم وما بتتغير واين ما كانوا سواء بوظبي دبي الشارجه بعد بيدخل في كلامه الرمسه الرمسيه اللي اعتزبها واين ما كنت
ومثل ما قال اخوي الملك رمسة العيم الحين محد بيفهم لهم يوم يتكلمون وما في كلامهم مد ومي ومه
وغيره من الكلام المتواجد في الرمس لين الحين وحتى اي لقاء يسونه مع اي شخص طفل حرمه من أهل الرمس بالتلفيزيون على طول من رمستهم ينعرفون انهم من الرمس



اخواني خواتي رمستنا ما تفشل حد وما فيها شيء وما في داعي لتغيرها
ولا تحطون اللوم وتقولون في زمنا ان يدودنا ويداتنا هم اللي يرمسونها
كل أهل الرمس من يرمسون يعرفونهم انهم من اهل الرمس حتى اللي طول حياتهم عايشين في بوظبي ودبي
يرمسون ها الرمسه


فديت الرمس ورمستها واهلها المترابطين يا رب
[/align]

السلام عليكم ورحمة الله وبركاته

الصرااحه صدقت يا خوويه أنا بعد يوم رحت التقنيه والجاامعه انقاالت لي نفس الرمسه ..

قد الحب أنا بالجامعه بعد بس ما اشووف حد قال يبي يتعلم رمستناا >> أشووف العكس الرمسااوياات يحيسن ألساانهن .. يمكن سمعتي من الأقليه ؟؟!!

و نحناا بالأحرى ما نرمس شراات هذي الرمسه ..

صح نفتخر بأرضناا لكن ما افتخر بالرمسه إذا بتقعدووون تتضاربوون عليهاا ..

و الله استحي لو مريت مكاان او سمعت ولد يجلب العين ألف شنوو ذي الرمسه والله حراام ..

لو حرمه بنقوول هاييلا حرييم وقعدااتهن وما عرف شنوو لكن ولد ..؟؟ أحسهاا غيير ..

الصرااحه بيتناا ما نرمس هالرمسه وبيت يدووه من صووب ابوويه لأ يمكن لأنها من معيريض وعايشه اهنيه ..
ولو سمعت حد يرمس جييه يعني حد يايناا زيااره والله إنهاا تضاارب >> اتقوولهم بتخربون عياالي .. حلوو العيشه وياا العياييز هع ..


بالنهاايه هذي حريه شخصيه إلي عيبته الرمسه بكيفه و عليه يتفاخر بهآا ..

و إلي ما عيبته بكييفه يذمهاا بس مش على حسااب غييره ..

والسموووحهـ ..

.. الله يهديكم بســ ليش الضرابهـ...
بس الصراااحهــ ... أنا افتخر برمستي و باصلي و بلغتي و بــ و بــ الخ..... أياً كاان

و ليش تفشل رمستنااا ؟؟!!!
ما أجووف فيهاا شي يفشل!!!!
و على فكرهــ ... أناا اعرف واايد من برع رااكــ ..
يعني مثلااً:: الفجيرة...دبي و بوظبي...... بالعكس تعيبهم رمستنااا ...
و ماااعلقوا على رمستي!!!!

بالنهاايهـ لكل مناا وجهة نظر..
و السمووحهــ ...

اختي الاميره والله ما اعرف انتو كيف ترمسون بس نحن ربعنا مستانسين علينا من بوظبي ودبي والشارجه حتى دوم يقولون نميزكم وحب نتعلم وبالعكس مستانسين بس بعد انا ما ايد ان نرمس دوم هالرمسه بس بين الاهل والربع

ملاحظة مهمة

الموضوع بدأت تظهر به علامات الغضب وشطحات لبعض الأعضاء وبالأخص من جانب الجنس الأنثوي، وسوف تحذف هكذا مشاركات مالم تلتزم بقوانين النقاش لهذا المجلس وأحترام الطرف الآخر ومشاعره ومناقشة الجميع من منظور عقلي موضوعي منطقي وليس على أساس سخرية وغضب

[align=center]
أم دحماني ... بلييييييييييييز انا رمست وكلامي محترم وما قصدتج انتي بالضبط .. أتمنى يكون أسلوبج أرقي شوي .. ع فكره أنا ما ابغي ارمس وايد أحس كلام خواتي ((قد الحب وحور ونور)) يكفي ويوفي .. راجعي قريه مره ثانيه ..
[/align]

اقتباس:

---

المشاركة الأصلية كتبت بواسطة أم دحماني

شو يعني عن الدغاله ؟؟

وبعدين انا شي ونــــــــص غصبنا عن الله مايرضى


ومااحيد اني مجبوره اجذب ومااقول الصدق وماعاش اللي يجبرني اجذب


وماجذبت يوم قلت يدي وامي وابوي لانهم مايمدون فالرمسه ورمستهم عاديه


وللعلم امي ماتعدت ال40 وابوي 45 او 46 مب كبرهم يعني مال اول


ويدي عاش اغلب حياته فالكويت ومااحيده من فريج العيم عسب يمد فالرمسه



ولو بغيتي طرشي لجنه تحري تسوي اختبار للاهلي وبنشوووووف من الجذاااااب اوكي

---

صدقتي اختي ام دحماني
بكل اللي قلتيه...
وكلن يرقد ع الينب اللي يريحه لا دغاله ولا رمسه زايدة..

[align=center]
بسم الله الرحمن الرحيم

بالنسبة لي .. أنا مرات أتعمد أني ارمس بالرمسيه بس حبا فيها و أحسها أسهل على اللسان

و مثل ما قالوا البعض ان فيه منهم من خارج الرمس يستانسون على رمستنا و يمكن يضحكون عليها مرات بس بعد يحاولون يقلدونا ..

و على فكره حتى اللي من برع الرمس عندهم كلمات غريبه و فيه قبايل يتميزون بعد بلهجتهم

و الحضر و البدو و العيم

كل له عاداته و تقاليده بالرمسه و هذي مب مشكله

المشكله لما تكون في مكان عام او أمام اشخاص و تكون بصفه رسميه تقعد ترمس بهذي الرمسه و محد فاهم عليك شو تقول

بس بينا و بين بعض عادي ناخذ راحتنا .. ما فيها شي

و على فكرة مب مسألة هل الرمسه دخيله علينا أو انهم من العيم و غيره ..

فيه ناس عرب و قبايل و ما يعرفون كلمتين عربيتين .. ليش بسبب احتكاكهم بالغرب

و نفس الشي اهنيه مب عيب اذا رمسنا رمسي و كلنا اخوان و الواحد لازم ما يعيب اذا كان يرمس رمسي و لا غيره

و كل له نفسه العربي عربي و العيمي عيمي لنفسه

و السموحه

ملاحظة : اتمنى عدم التطرق الى مثل هذي المواضيع التي تميز بين ابناء منطقه واحده و دوله واحده و سيتم اتخاذ اجراء صارم في حق العضو الذي يحاول تمييز نفسه عن الاخرين

العتيبي
[/align]

ليش الواحد يستحي من رمسته هذا اصله واللي ينكر اصله ماله اصل الصراحه انا كنت اعصب يوم حد يرمس بلهجتنا من خارج ا لرمس لاكن الحين صار عندي عادي بالعكس افتخر اني من الر مس

بسم الله الرحمن الرحيم

خلاصة الموضوع كله .. نحن من نخجل من كلامنا واعتبرناها فضيحه .. اذا اخذنا المواضيع بجديه

سيسخر الجميع منا خذوا الأمور ببساطه .. لا تخجل اضحك وجاري الجميع بالكلام .. لا تقل هذي رمسة

أهل الرمس نحن ما نرمس جيه .. صح يمكن ما ترمس جيه وكل شخص يعرف هالمفردات وتاريخها وسبب

تعلقها في لسان الرمساوي ... وشرات ما قال العتيبي لكل قبيله لهجتها الخاصه والرمس قبائل ليست قبيله

تحصل جميع انواع المفردات .. ملاحظه الكثير من اسرنا عملوا في الكويت ولو شاهدتوا المسلسلات او المسرحيات الكويتيه

بتلاحظوا تقارب الكلام والمفردات والمعاني .. حتى شي شغلات نحن نقولها وفي إماره ثانيه لما نستعملها

ما يعرفوا شو معناها لكن لو بحثوا بحصلوا هالكلمه تستعمل في الكويت وبين افرادها ...

نعيب زماننا والعيب فينا ... وما لزماننا عيب سوانا

هذي الكلمات ليست موجهه لكم لكن موجهه لكل شخص عاب علينا لانه لو بحث عن زمانه وقرأ هالعبارات

لن يجد حروف عربية

أخوكم

alrams