شكوى على بقالة في الرمس !! حد يقدر يتدخل و انا اتصل البلدية ؟؟!!!

السلام عليكم ورحمة الله وبركاته

أولًا اشكر الي خلوني استخدم النك نيم تبعهم لاني مو مسجل


اخواني خواتي

فيه بقاله في الرمس _و انا هالمره ( هالمره بس ما بقول اسمها ) قاهرتني

يا جماعه كل من يشتكي منها و مع ذلك دوم اقول لهم مو مشكله باتصل فيها

و الله من كثر ما تبط جبدي ما اتصل فيها الا لما مسكره الدكاكين الثانيه ( لأن هالبقاله تفتح حتى الظهر ) و الا اذا ما حصلت الي ابغيه من بقالتنا المعتمده ههه اتصل عليها


و الله ما عندي سالفه




تخيلوا



و الله ثم و الله

مرتين حلفت و اذا بغيتوا بزيدها ثالث مره بس أخاف تقولون عني جذاااب






دقيت عليه مره اذكره بالطلبيه

قالي جاي بالطريج



مرت يمكن ساعتين و رديت دقيت قالي يا الله الحين يااايه




و لثالث مره اتصل فيه قالي هيه نسيت الحين بييبها




و انا اساسا مو متأمل فيه خير

على فكره هالطلبيه للحين ما وصلت


تعرفون متى طالبنها


طالبنها يمكن من 4 او 5 شهور




و طاااااااااااااف




و اليوم اتصلت له ييب لي كابتشينو


قلت اشرب لي شي حااار بهالبرد



طالب الطلبيه بعد صلاة العصر





الحين الساعه 8:40 دقيقه المسا




ما ادري شو اسوي فيه



يمكن عرفتون البقاله


ما ادري تعرفون كفيلها بتكلمونه؟؟


و الا عطوني رقم قسم الشكاوي في بلدية رأس الخيمه أو المكان المسؤول عن هذي الاشكاال




استغفر الله العلي العظيم


دام ما يبغي يوصل الطلبيات ليش فاتح الدكان


رد بلالادك أحسن


و الله لو حتى يبغي قيمة التوصيل بعطيه بس لا يقص علي و يقولي بييبها و ما ايييبها




الحل يا جماااعه ؟؟



و بعدين يعني


؟!!!

اقتباس:

---

المشاركة الأصلية كتبت بواسطة المشعان

دقيت عليه مره اذكره بالطلبيه

قالي جاي بالطريج

مرت يمكن ساعتين و رديت دقيت قالي يا الله الحين يااايه

و لثالث مره اتصل فيه قالي هيه نسيت الحين بييبها


؟!!!

---

لست وحدك من تعاني بهذه المعاناة ... وليست فقط هذه البقالة بالرمس التي تتعامل بهذا الأسلوب مع الزبائن ... فعندنا أيضاً بقالة تشابه بقالتكم ... فذات مرة مضت، قمت بطلب شيء ما، وانتظرته مطولاً كما فعلت أنت، واتصلت به لأُذكره بما طلبته، وقالي لي أنه أرسل (الهندي)، فصبرت، ومن ثم عاودتُ الإتصال، مرة أخرى، ليؤكد بأنه أرسله وأنه بالطريق!، فانتظرت، واتصلت مرة ثالثة، وإذ أتفاجأ هذه المرة، يقول لـي ضاحكاً، نسيت والله انت شو يطلب مرة تاني!!!!!!

طيب كيف أنت تقول بأنك أرسلته، وأنه بالطريق وهو ليس كذلك؟؟؟ بل أنه نسي ما طلبته !!!

ألا يوجد شخص أو جهة تُحاسبهم، وتحاسب إهمالهم وكذبهم !!!!

أوجه ندائي، بل استغاثتنا، للدائرة الإقتصادية، والبلدية، لينظروا لهؤلاء الفئة من أصحاب البقالات مما لا يؤدونا واجبهم كما ينبغي أن يكون عليه ..

بصراحة، العمالة الآسيوية، بمعضمها، أصبحت كخدوشٍ تعكر صفونا، حتى بتنا نتأهب كل ما هو شنيع من جانبهم، من جرائم ولبس غير محتشم، وعدم نظافة بالأكل وألخ ألخ من المصائب، ولكن أُلقي اللوم كله، على رب الأسرة، ومن أُعطي لهم تصريح العمل، وأين هي الرقابة بعد العمل؟ وأين المتابعة؟ وأين خوف الله في الرعية؟ وإذا ما وقع عليهم هذه المصيبة أو تلك المشكلة، فكيف سيتصرفون؟ وكيف سيكون حالهم وقتها !!! سينهضون صارخين وقد انتفخ لديهم عرق الغيض وهم يشدون على أناملهم، ويتلفتون حولهم يُمنى ويُسرى لإيجاد منفذ أو وسيلة لإنزال أقصى عقوبة عليهم ( على من أساء إليهم!!! ) ..

أين المسئولين!!! الذين من المفترض بأن يكون كدرع واقٍ لنا لحمايتنا من هذه العناكب السامة التي باتت تبث لنا سمومها بين فينة والأخرى ..

تعبنا ونحن نناشدهم، ونطالبهم، حتى بتنا ندلي بصراخنا وبأصواتنا إلى الصحف والبرامج التلفزيونية والإذاعية، وقامت (فضايحنا) بجلاجل على مرأى ومسمع الجميع .. أفلا يرحموننا ويمدوننا بالراحة الحقيقية والأمن !!!

احترامــــــي،

[align=center]
انا وياك الصراحه في بقالات تتأخر .. بس اربع شهور ؟؟؟ قويه ...

والسموحه ..
[/align]

لحظة لحظة لحظة


كأني عرفت الدكان


عاد هم اثنينه في الرمس جي










نصيحه






لا تتشاور





خذها مني نصيحه



ما عليك غير تلفونك و دق البلدية

اساسا صدق بفرح


لانه حتى نحن متأذينه منهم


ما اعرف ليش فاتحين البقاله

مسكين حالك والله دق سلف وروح روحك ليش تترياه خل يولي بطران ها شكله عنده بيزات ومكتفي لوول

مسكين حالك

عرفت السوبر ماركت

هم أثنينه في الرمس

يا سوبر ماركت ال**ز

سوبر ماركت الم***

اقتباس:

---

المشاركة الأصلية كتبت بواسطة شرباك

مسكين حالك

عرفت السوبر ماركت

هم أثنينه في الرمس

يا سوبر ماركت ال**ز

سوبر ماركت الم***ة

---

هيه طال عمرك


القديمه


اقصد الجديده


بس ابغي اعرف

منو صاحب البقاله


بس خبروني منو


و لو حتى عن طريق الرسايل الخاصه

باتصل عليه

و اذا ما نفع

يمدحون البلديه


مبهدل بخلق الله
الله لا يبارك في فلوسه


عاد و القهر اذا شي بريال عنده ب3 ريال


حسبي الله على بليسه

[align=center]
السلام عليكم أخــويه

الحال واحـد فالبقالات و غيرهم من المحال تتصل لهم يوم يتأخروا ، يرد و يقول أنا في ودي ..!!

جي حالهم ما يتغير

لكن ما تقـدر تخبر عليهم البلدية .. لنه ما عليه إلزام أنه يوصل الطلبات ، على الرغم أنه التوصيل متعارف عليه في الأحياء السكنية .
فالبلدية ما بتدخل و تسوي شي .. لإنها هاي خدمة من المحل ، فأولا ما عليه إلزام ، و حتى لو عليه إلزام يقدر يتحجج و يقول أنه في داك الوقت كان وحده بالبقالة ، أو أنه سيكله خربان !! و يالله يود اعدار
ما بتخلص
و إدا كان على أنه قال لك أن بيي و مايا , ما تقدر تشتكي عليه بهالشي لنه الكدب ما عليه مخالفة و لا عقوبة ،
و إنما عليه إثم
و الصدق و الكدب تعتبر من الأخلاقيات
إلا في حالات الكدب فيها مخالفة مثل أنك تشتري على أنه من شي يطلع شي ثاني فهدا كدب فيه غش ,, فتقدر تشتكي عليه


و آخر شي السموحة ع الإطالة
وشكرا
[/align]

اقتباس:

---

المشاركة الأصلية كتبت بواسطة المشعان

السلام عليكم ورحمة الله وبركاته

أولًا اشكر الي خلوني استخدم النك نيم تبعهم لاني مو مسجل


اخواني خواتي

فيه بقاله في الرمس _و انا هالمره ( هالمره بس ما بقول اسمها ) قاهرتني

يا جماعه كل من يشتكي منها و مع ذلك دوم اقول لهم مو مشكله باتصل فيها

و الله من كثر ما تبط جبدي ما اتصل فيها الا لما مسكره الدكاكين الثانيه ( لأن هالبقاله تفتح حتى الظهر ) و الا اذا ما حصلت الي ابغيه من بقالتنا المعتمده ههه اتصل عليها


و الله ما عندي سالفه




تخيلوا



و الله ثم و الله

مرتين حلفت و اذا بغيتوا بزيدها ثالث مره بس أخاف تقولون عني جذاااب






دقيت عليه مره اذكره بالطلبيه

قالي جاي بالطريج



مرت يمكن ساعتين و رديت دقيت قالي يا الله الحين يااايه




و لثالث مره اتصل فيه قالي هيه نسيت الحين بييبها




و انا اساسا مو متأمل فيه خير

على فكره هالطلبيه للحين ما وصلت


تعرفون متى طالبنها


طالبنها يمكن من 4 او 5 شهور




و طاااااااااااااف




و اليوم اتصلت له ييب لي كابتشينو


قلت اشرب لي شي حااار بهالبرد



طالب الطلبيه بعد صلاة العصر





الحين الساعه 8:40 دقيقه المسا




ما ادري شو اسوي فيه



يمكن عرفتون البقاله


ما ادري تعرفون كفيلها بتكلمونه؟؟


و الا عطوني رقم قسم الشكاوي في بلدية رأس الخيمه أو المكان المسؤول عن هذي الاشكاال




استغفر الله العلي العظيم


دام ما يبغي يوصل الطلبيات ليش فاتح الدكان


رد بلالادك أحسن


و الله لو حتى يبغي قيمة التوصيل بعطيه بس لا يقص علي و يقولي بييبها و ما ايييبها




الحل يا جماااعه ؟؟



و بعدين يعني


؟!!!

---

الحل روح بروحك واشترى اللى تبغيه وعن الكسل وااااااااايد وهو كيفه اوصل الطلب الى البيت او لا وبعدين لا البلديه ولا اي احد يقدر يجبر صاحب البقاله بتوصيل الطلبات الى البيت

شو تبى منهم دور لك دكاااان ثاني وخلص سالفه أصلااااا في وايد من دكاكين من رمس ما يوصلون طلبيااات بالوقت يأجلوونه لأساابيع
يقوولون أحسن دكااااااااان بالرمس كلهاااا دكان الرحااب صوب مصلى عيد يوصل بسرع مول ما يتأخر حتى لو كان بيتك بيعيد عنه بيوصلك

هالبطران حد يطلب من عنده شي : (

يوم بيخسر ساعتها بيحس ..!!

ودره مثل غيرك سوى ^^

اقتباس:

---

المشاركة الأصلية كتبت بواسطة كاشف الحقيقه

الحل روح بروحك واشترى اللى تبغيه وعن الكسل وااااااااايد وهو كيفه اوصل الطلب الى البيت او لا وبعدين لا البلديه ولا اي احد يقدر يجبر صاحب البقاله بتوصيل الطلبات الى البيت

---

طوييل العمر

مو عني انا بس


انا اتصل له أحيانًا و انا في الدوام علشان بس يوصل شغلات لبيتنا


يعني شقااايل

ارجع من الدوام لراااك علشان بس اييب الطلبيه


و مشكوور على النصيحه هههه بس ما تنفع


و بعدين عن سالفة انه محد يجبره يوصل بس بقول شي

يوم ما يقدر و لا يبغي يوصل مو لازم

محد جبره

بس ما يوقف خلق الله على اساس انه بييب الطلبيه و آخرتها ما اييبها


يقول ما بيبها و خلالاص



صح و الا انا غلطان


و بعدين يوم انا بشتكي عليه مو على هالسالفه بس

تره حتى على اسعاره الي بصراحه ما اعرف اوصفها بشو



مشكوور يا اخوي

ما قصرت على النصيحة

لحظة لحظة لحظة


كأني عرفت الدكان


عاد هم اثنينه في الرمس جي










نصيحه






لا تتشاور





خذها مني نصيحه



ما عليك غير تلفونك و دق البلدية

اساسا صدق بفرح


لانه حتى نحن متأذينه منهم


ما اعرف ليش فاتحين البقاله

غريب أمرك..........

الجو بارد... وتبغي شي حار تشربه....

وما أظن بيتكم ورا هالبقاله...
إذا صح اللي ف بالي... معناته الشي الحار بيوصلك في الجو البارد بـــــــاااااارد

حرك عمرك... ودق الموتر سلف... وروح البقاله واطلب لك واحد شاي كرك حااار...

وصحتين وهنا........

واحد كرك أرجوك أرباب
الجو بارد جيب شي حار
من علتي أمسيت منصاب
والله وما فارقت هالدار
مارمت أغادر عتبة الباب
محبوس وفكري يا ملا حار
الناب يتصافق مع الناب
م البرد طول اليوم وأسحار

تعقيبا على موضوعك... مشكلة البقالات لا أحد منا ينكرها... والسموحه على اسلوبي الفظ في البدايه ولكن أحببت أن أدخل جو من الفكاهه على سالفة الشاي الحار (البارسل)

شوداااااااا يا خوييييه

خخخخخخخ

انا بعد استووت ويااي مثل هاااي الساالفة بس كاان مطعم اذكر احيدني متصله قبل لا يأذن العصر وياابه لي جريب المغرب جاان يطلع له ابووي وضااربه وطبعاا محد يقدر ع لساان بابا خخخ المووهم احين صاار من اوول ما نتصل يخلي الطلبياات الثاانية وييناا خخخ حليله خوفنااه

اقتباس:

---

المشاركة الأصلية كتبت بواسطة حروف ونقاط

غريب أمرك..........

الجو بارد... وتبغي شي حار تشربه....

وما أظن بيتكم ورا هالبقاله...
إذا صح اللي ف بالي... معناته الشي الحار بيوصلك في الجو البارد بـــــــاااااارد

حرك عمرك... ودق الموتر سلف... وروح البقاله واطلب لك واحد شاي كرك حااار...

وصحتين وهنا........

واحد كرك أرجوك أرباب
الجو بارد جيب شي حار
من علتي أمسيت منصاب
والله وما فارقت هالدار
مارمت أغادر عتبة الباب
محبوس وفكري يا ملا حار
الناب يتصافق مع الناب
م البرد طول اليوم وأسحار

تعقيبا على موضوعك... مشكلة البقالات لا أحد منا ينكرها... والسموحه على اسلوبي الفظ في البدايه ولكن أحببت أن أدخل جو من الفكاهه على سالفة الشاي الحار (البارسل)

---

و الله انا مو عارف منو الغريب امره

أنا و الا انت

هههه



اخوي سبق و قلت انه السبب اني ما اشتغل في راااك

و اطلب اغراض للأهل مو اكثر

بس اليوم قررت اجربه اذا بييب الغرض و الا لا و كنت هالمره في البلاد


و الشي الثاني

حد قال لك انه بقالات الرمس الله يهديك مستويه دانكن دونات و الا ستاربكس علشان تييب لي مشروب ساخن


انا قلت ابغي كابتشينو (اكيااس) و انا بسويه بروحي

ما ابغي منه شي

هو اكياس ما يابها ، شقايل عيل لو كنت طالب منه يسويلي الكابتشينو نفسه



===


عموما


احس حد من الاعضاء بيروح يشتري لي هالكابتشينو الي امشكل الدنيا علشان يفتك من حشرت هالموضوع


ههههه


و مشكور يا اخوي على الجو الحلو و القصيده الي كتبتها

اقتباس:

---

المشاركة الأصلية كتبت بواسطة المشعان

هيه طال عمرك


القديمه


اقصد الجديده


بس ابغي اعرف

منو صاحب البقاله


بس خبروني منو


و لو حتى عن طريق الرسايل الخاصه

باتصل عليه

و اذا ما نفع

يمدحون البلديه


مبهدل بخلق الله
الله لا يبارك في فلوسه


عاد و القهر اذا شي بريال عنده ب3 ريال


حسبي الله على بليسه

---

كلهم صاحبهم واحد

كلامك كلة صح كل منتج عندة يزيدة فية درهم أو درهمين\
مثل زيت زيتون ب 9
عنده 11
وغيرة
وغيره

ما عليك ألا
الخط الساخن لـــــــــــــــــــــ حماية المستهلك وهو 2271666



ب

صدقتوااا
وانا بعد اشوف ها الشيء

ويصير لي نفس المواقف

وانا اقول لازم حد يوقفهم عند حدهم

وانا من زمان خاطري حد يشتكي عليهم

نفس المشكله يا مشعان وانته صادق في كلامك

خخخ
ياريآآل

مب بس البقالات


وااايد
حتى المطعم
نترياه ساعتين و شي


ماشي غير ندق سلف و نروح انييب الطلب

بس والله فاتني
اني كنت تعبان

ولا والله ل اروح ادقه

خل يخبرون لي اربااب

ولا الله يخلي باجي البقالات و المطاعم
كلهم شرات بعض

شو بتسوي
لا تعطيهم ويه
و بلغ احسن لكـ
انا ويآآآآآآآآك

تسلم ع الموضوووع

السلام عليكم ورحمة وبركاته


حبيت ارد ع موضووووع


يوم اتقول سوبر ماركت ليش يتاخر عليك عسب هو انه المكان بيتكم بعيد وايد


مثل انحنا بيتنا بعيد ويبه لينا بسرعه ليش


اذا بغيت شي سير خذك من الجمعية وفك نفسك

السموحه

والله ياخوي ماعندك سالفة

تاخر علي ساعتين والله لادخل عليه المحل وامرغه مراغ الهرم

يتعلم مرة ثانية كيف يوصل الطلبيه بسرعه

ومشكور عالموضوع

لايكون شي بقاله وحده ولا ثنتين بس هههههههههه

انا قلت شي الحين
شكوى وشكوى ....!!!

اخر شي دكان فالرمس ...
قدر ضروفه
احيانا شي طلبيات قبلك
ويمكن ماعنده سيكل .. للظرووف أحكام ..
ولا ايييك راي ...!! غير البقاله تعاون مع بقالة ثانية ..

وان شاء اله ما يتأخر على النسكافيه مره ثانيه ..

اقتباس:

---

المشاركة الأصلية كتبت بواسطة قايد الغزلان

انا قلت شي الحين
شكوى وشكوى ....!!!

اخر شي دكان فالرمس ...
قدر ضروفه
احيانا شي طلبيات قبلك
ويمكن ماعنده سيكل .. للظرووف أحكام ..
ولا ايييك راي ...!! غير البقاله تعاون مع بقالة ثانية ..

وان شاء اله ما يتأخر على النسكافيه مره ثانيه ..

---

أخوي بارك الله فيك عنوان الموضوع مو شكوى شكوى
مكتوب في العنوان ان الشكوى على بقاله


شككتني على بالي اني محطي عنوان علشان اجذب الناس تقرا موضوعي و آخرتها طلع موضوع تافه مثل ما حسيت من كلامك


الموضوع مو عني أنا بس يا اخوي

حلو نفهم السالفه بارك الله فيك

الموضوع ان هذي البقاله دون غيرها وااايد عليها شكااااوي


و انا حبيت احط الموضوع في المنتدى علشان نتوصل لحل او يمكن حد يعرف صاحب البقالة و يوصل له الشكوى لانه يمكن صاحب الحلال ما يعرف هالشي عن العمال الي داخل الدكان



لا اكثر و لا اقل


و بعدين من غير ما تقول


خلاص حرمنا



و حتى الكابتشينو طلع من خاطري




مشكووووور يا اخوي على النصيحه القيمه !!!




ملاحظة : للدلاله انك مو فاهم السالفه / أو يمكن فيك رقااد :sm115: >> أنا قلت كابتشينو مو نسكااافيه ......... و السموحه يا اخوي

خخخخخخخخخخخخخخ
والله نفس الحااااال

المشكله أنه ما يقول مافي نفر أو في تأخير شوي ، والله يسويلنا أحلى طااااااااااف ، جنه يبي يختبر الصبر عدنا ، لا وآخر شي ما أيا

شو اسم البقاله عشان اهزبه

بس انت حسستني انه فاتحين
فرع للدايرة الاقتصاديه او البلدية فالمنتدى ..~

اقتباس:

---

ملاحظة : للدلاله انك مو فاهم السالفه / أو يمكن فيك رقااد :sm115: >> أنا قلت كابتشينو مو نسكااافيه ......... و السموحه يا اخوي

---

ما طاح الا انبطح :sm115:

اقتباس:

---

المشاركة الأصلية كتبت بواسطة قايد الغزلان

بس انت حسستني انه فاتحين
فرع للدايرة الاقتصاديه او البلدية فالمنتدى ..~



ما طاح الا انبطح :sm115:

---

و شو الفايده من المنتدى اذا ما بنقدر نوصل فيه صوتنا و نشكي فيه لبعض
و شو الفايده منه ( المنتدى ) اذا ما تناقشنا فيه بمشاكلنا

و شو الفايده ....
و شو الفايده ........


عموما

مشكور اخوي ما طاح إلا انبطح ( ذكرتني بعبد الناصر درويش:sm148: ) الله يذكرك بالخير


ملاحظة / فيه مشاكل لازم نحلها بروحنا (اذا قدرنا)

مو كل شي نروح ركض:sm245: للجهات العليا




يزاك الله خير

السلام عليكم أخواني .... :aa_kashra:


.. أنا بتكلم عن هذي البقاله . (( سوبر ماركت ال*** )) وهم مأجرين موقع قريب من مصلى العيد واللي ماسكين البقالة مجموعة من المستثمرين الهنود..


الصراحه راع البقاله وايد يتفلسف .. يعني نحن نطلب الطلبيه الظهر وييبها المغرب ولا العشاء !! والله حاله الصراحه ...


يعني لو مابتييبها ياخي قول ووفكنا ولا تخلنا واقفين ساعه وساعتين حشى طالبين غووزي ..



والصراحه اتمنى حد يتفاهم وياه ولا والله .. :sm148: بتخبل .. خخخخخ


وكلام أخوي المشعان صح 100%



والسموووحه .. :sm147:

افااااااااااااااااااااااااااااااا عليك
ماطلبت غير كابتشينو
بشتريلك عادي
هههههههههههه

مسكين حالك والله دق سلف وروح روحك ليش تترياه خل يولي بطران ها شكله عنده بيزات ومكتفي لوول

هييييييييييييه حتى صاحب البقاله بطر علينا وقام يتأخر على كيفه

فعلاً..

هذه البقالة أسعارها غير طبيعية ، وأنا مرة طلبت شي معتاد على شرائه بدرهمين ونصف ففوجئت بأن سعره تقريباً 4 دراهم أو 3,30 فرجعته له.

للأسف وأنا أقولها أن البقالة ايجارها مع 5 أبواب لا تزيد عن 20 ألف درهم سنوياً وفق ما قاله لي مالك البناية التي تقع بها البقالة ، وهو سعر لن ولن يجده في أي محلات أخرى بالرمس كلها مطلقاً حتى لو راح بيت خراب وأجره ، بس للأسف الطمع واستغلال حاجة الناس..

انا من وجهة نظري أن يتم مقاطعتهم نهائياً لأن مثل هؤلاء يجب التصرف معهم هكذا ولو أمكن لوزارة الاقتصاد فعلاً استخدام صلاحياتها في الموضوع فنحن اول من سنتصل لايقاف هذه المهزلة..

أعتقد عرفت البقآله . .

والله إذآ هو جد يبط الجبد . .

يآمآ صآرت لي ويآ هالبقآله طآف من الخآطر . .

خخ . .المشكله نحن المحتآجين . . الله يعينآ . .

ع قولتهم الحآجه بنت حرآم . .

اخووووى مشعان ليش ما تتصل وتشتكى ما دام السااااالفه صارت أكثر من مره


المفروض نفس هااااى البقالات ما تسكت عنهم


و ترى الاخوان فى قسم حمايعه المستهلك اذا ما تعاونت وياهم هم شو عرفهم

لا كن تفضل هذا الرقم وتصل الهم و شتكى و خل الباقى عليهم

2278000/07

و طلب الاستاذ راشد الحبسى او عبد الله الخاطرى


و الجمااااعه متعاونين بشكل كبير

وهذا رقم ثانى بعد 2283480/07



و السموووحه منكم




وهذين الرقمين لجميع المستهلكين و إى حد يشوووووف شى زايد سعره فى أى مكان ما عليه بس يتصل ويقووووولهم شو السلعه و كم سعر الزياده


و نطلب التعاون منكم

~... ماتقصر يا بو مريم ...~

يالله يا المشعان شد حيلك واارفع صوتك واشتكي ..

انا من رايي رووووح واهزبه وشو شو النتيجه

اقتباس:

---

المشاركة الأصلية كتبت بواسطة قايد الغزلان

~... ماتقصر يا بو مريم ...~

يالله يا المشعان شد حيلك واارفع صوتك واشتكي ..

---

أولا يا أخوي انا مو المشعان

أنا بس مستعير اسمهم لأني مو مسجل مثل ما وضحت في البدايه >>> بس الظاهر فعلا انت بعدك راااقد ههههه:sm286:



:aa_bedjump:








ثانيا // كأني حسيت انك تتحداني اني ما اقدر اشتكي ههههه:sm145:


بخبرك و بخبر غيرك ليش ما رحت له و غسلت شرااعه:aa_mo6reqa:


لانه أنا بطبعي مو حااار واايد ،،، و اكثر اثنين حاااريين في عايلتنا راحوا له و ماشي فايده


واحد فيهم شرشحه تشرشح في حياااته ما راح يشوف مثله ، مو لانه تأخر عليه

لالالا


لانه سكر بويه اهله يوم اتصلوا فيه


و ماشي فايده

يصطلب يومين و عقب يرد لحالته الأوليه


فاقتنعوا انهم ما يشترون منه و ريحون راسهم

لانه لوح ماشي فايده فيه




و الرياال الثاني غسل شراعه لانه دوم يبيع بأغلى عن الثانين

و يوم يقوله ليش انت تبيع أغلى ما يعطيه أي حجه يتم سااااااااكت و بس




ففعلا هو الظاهر ماشي فااايده


و أنا بعد خلاص


توبه



و الله يبلغني فيه يوم الاقيه مفلس و محد يشتري عنه




لاني ما احب الناس الي ما عنده أخلالالالاق




و يزاكم الله خير

انت ليش دايما تفهمني غلط .. الحين منو قال اني اتحداك .. بالعكس انا بعد اقولك اللي مثل هذا الشخص يستاهل اللي اييه .. لان مب بس انته مثل ماتقول انك تشتكي غيرك وغيرك نفس الحال ..
وان شاء الله الجهات المختصه تتابع الموضوع .. وشكرا لك مره ثانيه ..