كان يا ما كان في يوم من الايام اني انا قررت اخذ جولة بمنطقة ضاية اللي هي احد مناطق الرمس السياحية وكوني احد اعضاء هالمنتدى اكيد بحط لكم صور لها فاخليكم ويا الصور وما اطول عليكم
هاي الصورة وانا ياي لها من بعيد
وبديت لفتي داخلها ولفت انتباهي هالبيت
وكملت طريقي من هالشارع
وبنهاية الشارع وبعده صورت لكم جم صورة اتمنى انها اتعيبكم
وكملت بعدها طريجي الى قلعة ضاية عبر ازقة مزارع ضاية وبيوتها
وعقبها هالشارع ترا شوارع وايد وبصراحة متخربط بينهن اي منهن قبل
وهنيه وصلت لاستراحة ضاية الواقعة اسفل القلعة
ووقفت ونزلت واجوف لكم لوحة تتكلم عن قلعة ضاية وتاريخها واخليكم وياها
وعقبها بديت اطلع واطلع واطلع بالسلم اللي مسواي ويسهل عليك تطلعه بدال الحصى والطين ومدري شو شي منظم الصراحة
وكملت الطلعة ويوم جفت هالمنظر يتني حمة اقول بعطني بطلع وانا انافخ والحيل منهد
وهنيه اخيرا وصلت القلعة بعد طلعت روح والنفس مقطوع ويالله يالله ها شوي شوي ردت الروح
ودشيت داخل عاد وصورت لكم جم صورة للقلعة اتمنى اتعيبكم
ولكوني على مرتفع عالي قمت اصور لكم صور متفرقة لمنطقة ضاية
وهنيه منظر للاستراحة من سور القلعة وفديتها سيارتي صغيرونة وتغمض
وعقبها دشيت ولفت انتباهي هالمنظر
وصورت وايد صور اكتفي بصورة و احدة لمنظر لفتحة توديك لفوق القلعة
وعقبها يا اعزائي الكرام استلمت شارع القار ودشيت شعبية القيشي وظهرت من هناك وتوتة توتة خلصت الحدوتة
اتمنى اتعيبكم ومع السلامة
ارحب بالانتقاد البناء
