عرض للطباعة
اولا مرحبا وانا بصراحه عجبني المتتدي وايد واخباره ومواضيعه
في مشكله وابي رايكم فيها
مستشفي صقر في حاله الطوارئ لازم يدفعون 75 درهم
كيف وهم طوارئ يعني ولد ربيعتي مصريه كانت حرارته مرتفعه وصارت فيه علي طول المستشفي وماخذت فلوسها بسبب الحراره كانت وايد مرتفعه اونه قالوا لها لازم تدفع علشان تدخل للدكتور والله موحرام وايد زعلت عليها وردت البيت سوت كمادات ماي بارد لين الصبح وبعد راحت المركز الطبي
المفروض يعني طواري موبفلوس حرام ولا انتوا شو رايكم
هي والله حرام تفرقه عنصريه عدهم شو مايستوي ها الكلام
لاحول ولاقوة الا بالله
الله المستعان ..
المفروض الطوارى من دون فلوس ..بس ماعندي فكرة عن القوانين
مبلغ ال 75 لماذا يدفع..!؟
هل لمقابلة الدكتور أم البطاقة منتهية أم الوافدين يدفعون مبالغا للمستشفيات الحكومية..!
لم أستوعب سبب الدفع..!؟
الله يشفي طفلها إن شاء الله،،
شاكرة لك ملاحظتكـ،،
دمتم بصحة،،
لا تعليق
صح اللي اعرفهـ الوافدات يدفعووووون ..
الله يعينهــآآ ..
ويشفي الطفل ان شاء الله
..
بس للبطاقه
أما العلاج ما يخصه دفع ثانى
مرة أنا وديت الشغاله كانت تعبانه
طلع الملف قال أربعين وصرفا لدواء من غير
نحن وين عايشين ينهبونا بالداخل والطالع
فلوس البطاقة الصحية ليش على أى أساس ما بيسون الأقامة إلا المواطن مطلعه عيونه من الخساير يمرضون نعالجهم بالعيادات الخاصة البطاقة الصحية بس للنهب فى نهب
هو اللى يستوى فى البلادين من شويه غير من التعب والقهر
اسـآل الله العظيم رب العرش العظيم ان يشفيـهـ
و الله يكـون بعونهـم
لا تعليق
اولا يسلموا علي مشاركتكم الموضوع
ثانيا الدفع رسوم علشان وافدين تقريبا والدوا تاخذه من بره هذا الا اعرفه
مشكوره علي مروركم وردودكم
حـالا ت ارتفاع درجات الحرارة
تعالج في المــراكز الصحية
وإذا كانت الحالة طارئة
تحول بورقة تحويــل لطـواريء
صقر وفي هذه الحــالة لاتدفع 75درهم..
أمـا الحـالات الطارئة
مثل الجروح والكسور
تعالج دايركت بمجرد دخول المريض
قسم الطواري
يبادر الفريق التمريضي والطبي
بإدخال المريض لغرفة العلاج
والبدء بقيـام العلاج من
خياطة وغيره أو
تكملة الفحوصات
من اشعة و حتـى
ورقة الأشعة
يختم عـليها بالأحمر حالة طارئة
ولاتدفع قيمتها
هذا الكلام مب من نسج الخيال
أنـا كنــت متواجدة في قسم الطواري
فترة لا تقل عن شهرين
وشايفه وعارفة
واعرف الجماعة هناك فيهم
خير الصراحة.
و أســأل اللـه العظيم
رب العرش العظيم
أنـ يشفي المريضة
و نصيـحة في المرة القادمة
إذا واجهت نفس الموقف
خل تروح لأقرب مركز صحي
رح اتحصل تحويل و اذا حالتها تستدعي
دخول المستشفى اتحصل وبدون متاعب...
و الله ما أحب اسمع هالقصص
اتعرفون كيف الضنـا غالـي
اللـه يبعد عن عيالنا وعيالكم المرض يارب
لاتعليق
اللي اعرفه ما يدفعون ..بسر اذا خذوا عنها مبلغ من حقهم لان الوافدين ببلادهم نحن بعد ندفع ومبالغ مب هينه
الله يشفيها ..بس اذا كانت قوانيين المستشفى برسوم هذا اعتقد من حقهم ...لان نحن ببلاد الوافدين ما نحصل المعاملة اللي انعاملهم فيها كل شي عدهم ببيزات ..والحمد لله دولة الامارات ناعمة ع الكل
الله المستع ــآآآآن
عــآآد علـآآآجهــم هـــب من زيـــنه ...... إلــإ مقصبــه هوووو ......
يسلموا جميع المارين في الموضوع علي الردود
والايردون بطريقه معايره فارجو ان يحتفظوا بالرد لنفسهم
تحياتي لكم
الصراحة الدولة مب مقصرة في علاج جميع فئات المجتمع من مواطنين ووافدين وحتى الزائرين والسياح وهذه الرسوم معروفة من سنين طويلة والخدمات المتوفرة في جميع المستشفيات الحكومية تقدم لكل الحالات المرضية والطارئة سواء كان مواطن او وافد ولا يوجد فرق في نوعية وكيفية العلاج !!
قد تكون تلك المرأة استعجلت بالذهاب للمستشفى دون وجود البطاقة الصحية لولدها ونسيتها او نسيت تاخذ معاها فلوس من البيت وهالشي يحصل كثير بس انه قسم الطوارئ يرفض علاجها لانه ما عندها 75 درهم فهذا مب منطقي ولا توجد دولة في العالم ترفض علاج الحالات الطارئة لمثل هذه الاسباب !!
اذا كان هذا الموضوع صحيح فقد كان من الافضل على قسم الطوارئ علاج الطفل مع اخذ كافة بياناته الشخصية وتتعهد الام بدفع المبلغ البسيط ثاني او ثالث يوم لانه اي أم في مثل هذه الحالة وفلذة كبدها بين ايديها ومريض ما ارح تفتكر في أي شي غير كيف توصل للمستشفى في اقرب وقت !!
والحمدلله أنه الدولة وفرت بدائل لمثل هذه الامور مثل التأمين الصحي اللي يغني عن وجود مشاكل هذه الحالات الطارئة !!
التعليم والعلاج الطبي والامان حق مشروع بدون مقابل لكل انسان بغض النظر عن جنسه او لونه او دينه او مذهبه !!
واذا العلاج في الدول الاخرى بمقابل مادي فهذا برضا المريض اللي اختار أنه يتعالج في الدول الاجنبية مع العلم بأن اغلب الدول من المحيط الى الخليج تنتهج نفس الاسلوب مع مواطينها والمقيمين فيها بأن الجميع يدفع رسوم مقابل العلاج ...
والحمدلله على نعمة الامان والاستقرار اللي نحن عايشين فيه وما كان في داعي لطرح هذه المشكلة لانها بالاصل خطأ غير مقصود من الام وبيستوي مع غيرها وراح نسمع دائماً عن مثلها ...
الله المستعان
اسـآل الله العظيم رب العرش العظيم ان يشفيـهـ
و الله يكـون بعونهـم
الله يكووون فعونها ويشفي طفلها
بو فيصل ومالي مثيل يسلموا علي مروركم وردودكم
بو فيصل مع احترامي لردك هاذي مشكله وحلو ان نتشارك كلنا مع بعض
والله عيب ! هذا ونحن في دولة الحمدلله مب قاصرها شي، ولو صرفت الحكومه من ميزانيتها للوافدين اللي متغربين ومساعدينا في خدمة البلد؛ بعد والله مافيها شي وان شالله مأجورين عليه
لو علاج ثانوي بنقول. لكن طوارئ؟! عيب والله
وبعدين مستشفى صقر طاقم الطوارئ فيه مايكفي ولايستوعب كم المرضى والمراجعين!
الصراحه ماعرف شو اقول، غير الله يصلح احوال المسلمين في كل مكان
بلا مصالح شخصية الله يرحم والديكم. كلكم راع ومسؤول عن رعيته
ياريت اولياء الامور يتعضون من اللي صاير في الوطن العربي.. ماينفع الظالم شي اذا انثلبت الدنيا عليه ، او اذا لقى ربه
قوانين زفت صراحه
يعني تسوء حالة الولد عسبت 75 درهم
الله يكون ف عون الجميع
اللــه المستعان
الله سبحانه وتعالى ارحم واحن وأشفق على عباده من الجميع
اللي ما عنده أب في فوقه رب
دمتم بخيرر ان شاء الله
حرام عليهم يعني الولد مريض لازم يعالجونه
يعني الصراحه والله ما اعرف شو اقول
يسلموا وتحياتي واحترامي لردود ومرور((خالد _البارونه_علاء اليوسف_ملاك الرحمه))
والله ردودكم مليئه بالاحترام والذوق
مستشفى صقر
ومستشفى سيف - عبيدالله
بصراحة مجرد نفخ عضلات على المرضى
يبون بس يستعرضون على المرضى والمتواجدين
تخيلوا قبل فترة كان الاهل تعبانيين
وخذيتهم لمستشفى سيف
تخيلوا في الطواري بس دكتور واحد متواجد
وفوق 10 مرضى
ولين يي دورك حوالي 40 دقيقة
يعني شو هالفوضى اصلا !!
فوضى ولا احترام ولا تقدير للمريض
وفوق كل هذا لا احترام ولا تقدير الوافدين في المستشفى
يعاملون الوافدين كأنهم من كوكب اخر . ولا حول ولاقوة الا بالله
شكرا لج اختي على الطرح المؤلم
لاحول ولاقوة الابالله
الله يعينهم صراااحة كل مكان مصاريف ودفع
حبيبتي مواطن ولاغيره ماعندج بطاقه لازم تتدفعين مره وديت زوجي كان تعباان والله وبطاقته منتهيه والله رجعنا وماعالجوه وحنا على قولتهم مو اطنين واهل البلاد يف الوافدين
الله المستعان
الله المستعان
حسبي الله ونعم الوكيل...
الله يكون في عونهم
يا حبيب الشعب لا تتكلم عن العنصرية رجاء
أولا لو تكرمت حظرتك ورحت لأي دولة في العالم محد بيعالجك مجانا طبعا
وبعدين الدواء توفره كل دولة لمواطنيها مجانا , ولكن للوافدين تاخذ منهم مبالغ رمزية عن الاستشارة والأدوية
والله حلوه لو دولتنا تشتري الأدوية وتدفع للدكاتره بالملايين وبعدين اتعالج الوافدين مجانا الصراحة عجبتني كلمة العنصرية
والا صرنا حنا المواطنين والوافدين كلنا واحد ............
على العموم أنا أشوف من حق المستشفى انه ياخذ رسوم على الوافدين لكن في الحالة الطارئة جدا أتمنى انهم يعالجوا المريض بعدين يتكلمون عن لفلوس ....
والله يديم الخير على بلادنا وحكومتنا وحكامنا .....
1- المراكز لاتفتح فى الاوقات المتاخرهاقتباس:
المشاركة الأصلية كتبت بواسطة مراسلة أخبار الصحة
2- لمادا لا يفعلون الصمان الصحي للوافد اجباري بمبلغ رمزي
الله يشافي الياهل
من زين علاجهم
يقتلووووووووووون الناس غصب لازم تموت
يسلموا الجميع علي المرور ومشاركتهم الموضوع بكل احترام وذوق
تحياتي لكل اخواني واخواتي
لا حتى عندنا في الشارجه بس المواطنين يدفعون 20 والوافدين 70 بس في الحاله الطارئه أفري نو ماني