هل أنت من المؤيدين أم من المعارضين ؟؟

السلام عليكم ورحمة الله وبركاته
بسم الله الرحمن الرحيم

كيفكووووون ياحلوين :) وبلهجتنا شلونكم وشخباركم :)

بناقش معاكم موضوع الأغاني ..
طبعا .. كلنا يعرف ان الاغاني ماليه البلاد وكل يوم يطلع مطرب جديد وستايل جديد من الأغاني .. ووايد ناس من المتابعين الجيدين لهولاء المطربين ، ومافي اغنيه جديده نزلت إلا وكانوا اول الزباين لمحلات الاشرطه والسي دي ..

سؤالي .. هل إنت من المؤيدين لهذه الظاهره أم من المعارضين ؟ مع ذكر الأسباب ؟
وهل تسمع أغاني ؟
أتمنى الصراحه في الموضوع للإستفاده ...

ثاااااااااااااانكيو مسبقاً لكل المشاركين والقارئين الغير مشاركين :sm142:

الحمد لله والشكر الله فكنا من الاغاني

شكر أختي على الموضوع

يااااااااااااااالله ماحد رد ع الموضوع .. هالقد الموضوع حسااااااااااااااااااااس :sm105:
يمكن لأنو أنا شكرت القارئين الغير مشاركين ..:sm117:

معارض معارض معارض وبشدة

السلام عليكم ورحمة الله وبركاته


اشكرج اختي ع الموضوع المتميز


اكيد بكون من المعارضين لانه الاغاني تفسد النفوس وتغير في نفوسهم وتنشر الفساد وفيها سلبيه وايد لو اتكلم من اليوم لين باجر مابخلص واكيد اكثر الناس عارفين هالشي واناا اول واحد لااكن ماعرف شو فينا نعرف وبعد نسمع بس الله المستعان


وانشالله انودر الاغاني ومانسمع


والسموحه ولج جزيل الشكر

تسلمين اختي بس الصراحه ماله داعي من ينزل شريط ياخذه وحالته لله والحين النت مايقصر كل شي حصري وجديد

انا الصراحه اسمع اغاني بس ما اشتري اشرطه وحاله وكل يديد بموت عليه لا والله ما اهتم اكتفي با اغاني الماضي لوول

السموحه

ثاااااااااااانكس خيو حرية رأي تشريفك الموضوع .. و فعلاً الحمدلله إنك تركت الاغاني

ثانكيو ثانكيو ثانكيو خيو الزعابي 77 وبشده :)

وعليكم السلام ورحمة الله وبركاته

ثااااااااااااانكس خيو رمساوي وعالي راسي سو مــch ع صراحتك ، وان شالله بتقدر تترك الاغاني بالإراده القويه .. والتوفيق من عند الله .. ثاااااااانكيو

ثاااااااااااانكس قد الحب .. صحيح الحين النت ما يقصر وكل شي موجود صدقتي ..
ثااااااااانكيو حياتي ..

خير الامور الوسط

ثانكيو Zmoon ع تشريفك الموضوع .. لكن كيف خير الأمور الوسط ؟؟!

الحمدلله انا ما اسمع الاغاني مولية بس اسمع اناشيد

وطبعا انا من المعارضين وبقوة

ثاااااااااااانكس خيو الإمبراطوريه للأصفر ع تشريفك للموضوع والله يوفقك ..

الحمدلله مش من النوع الي يتعنا ويشتري سيديات وشرايط مطربين .

اكتفي بسماع الاذاعه والاستماع للمباريات والبرامج الرياضيه والاجتماعيه والدينيه .

ثااااااااااااانكس خيو سلطان زمانه ع المرور الطيب ..

السلآم عليكم . .

طبعاً ،، مـآ فيـه أي مسلم مـآ يدري انـه الـأغآنـي حرآم . . !

و أنـآ عن نفسـي ،،

الحمدللـه مـآ أسمع هآكي الزود . .

يعني هب مدمنة أغـآني . .

تركت الأغآني من يوم مـآ توفى الوآلد . .

و لكن للأسـف . . مع الـأيـآم اخوآني بدوآ يردون لهـآ ،،

و لو يعني سمعت فبيكون بالغلـط . .

يعني من عند اخويـه أو بالتلفزون . . !

او حد . .

و مرآت يوم أسمع بالغلط تعيبني فأتم اسمعهـآ فترة . .

و عقب أستغفر ربـي و أندم و أحذفهـآ من الكمبيوتر . . ! ><

اللـه يغفر لـي بس و يثبتنـي ،،

تسلميـن ع الطرح المميـز . . لـآ هآنـج الرب ~

الحمد لله ماأسمع اغاني
غبل صح كنت اسمع بس الحين لا
ربعي عاد اربع وعشرين ساعه ويا الاغاني وطبعا مااخليهم يسمعون ياويلهم

اوكي تسمع وبعدين شو الفايده
والمشكله الاكبر بعظهم يحبون المطربين وين بيودوكم هدولا
والله هذا العجيب

طولة عليكم

فإنا الصراحه من المعارضين جداً

وعليكم السلام ورحمة الله وبركاته

ثاااااااااانكس للشموخ عنوان ع مرورك الرائع ... حبيت فيكي صراحتك كثير :i like it:

السلام عليكم ورحمة الله وبركاته

ثااااااااااانكيو حوريه متدينه ع المداخله الرااااائعه حياتي ..

الاغاني لا تندرج تحت الموافقة والمعاضة بل حسب تعاليم الدين هل هي حلال ام حرام

ثااااااااااانكيو خيو أبو عبادي ،، نعم انت محق،، لكن هل ترى إننا كدول اسلاميه نطبق الاسلام والتعاليم الاسلاميه بحذافيرها ؟!
مانراه الآن أن معظم الناس لا يستطيعون ترك الاغاني مع العلم انها حراااام ،، لذلك كتبت هذا الموضوع ،، لكي يستطيع كل منا ان يبدي وجهة نظره دون تجريح ويستفيد من الموضوع ،،،، ثاااااانكيو ع وجهة نظرك خيو & دمت بود