رفع أسعار المشروبات الغازية في أبوظبي 25%

رفع أسعار المشروبات الغازية في أبوظبي 25%

في الوقت الذي يتم فيه خفض أسعار السلع بمختلف أنواعها رفعت شركات المياه الغازية سعر المشروبات الغازية بنسبة 25%، وقد بدأت أمس محلات البقالة والسوبرماركت في أبوظبي البيع بالسعر الجديد، حيث أصبحت العبوة بحجم 355 مل و330 مل بدرهم و25 فلساً بعد ان كانت تباع بدرهم واحد، وصارت العبوة الكبيرة حجم 2،25 ليتر بخمسة دراهم بعد ان كانت تباع بأربعة دراهم.

وذكر أصحاب البقالات ان صندوق المشروبات الغازية سعة 24 عبوة حجم 355 مل و330 مل كان سعره 22 درهماً، وأصبح الآن ب25 درهماً، وصندوق العبوات الكبيرة لسعة 6 عبوات حجم 2،25 ليتر أصبح ب25 درهماً بعد ان كان ب22 درهماً.

الخليج

من شوي سمعت يقولون إن البيبسي بريال ونص >> قلت ألهم خرييييط >> عيل طلع صج
والله حااااااله

هييييه يا الزمن

[align=center]
زين الحمدلله مااشرب المشروبات الغازيه :)
[/align]

يعني اول كان ينباااع الصندووق 22 درهم والحين 25 درهم يعني ثلاث دراهم زياده

يعني البقاله هي المستفيده لان اذا بيكون بكل غرشه نص زياده عيل الواحد ياخذ له كرتون افود واوفر

ههههههههه

خلها حقهم محد اصلا هالأيام يشرب مشروبات غازيه

تسلم يا خووييه على الخبر

واللهـ لو زادو السعر , , انا مقاطع للمشروبات الغازية. .
نفس ما قاطعت الجلكسي + الفلك عقب رفع الاسعار . .

ماجد !!

صدق بتقاطع المشروبات الغازية!!!!

خلاص خلك عالكوكاكولا في احتمال انه سعره يكون أرخص من البيبسي !!

اقتباس:

---

المشاركة الأصلية كتبت بواسطة الأغين

ماجد !!

صدق بتقاطع المشروبات الغازية!!!!

خلاص خلك عالكوكاكولا في احتمال انه سعره يكون أرخص من البيبسي !!

---

هههه . . انا عند كلمتي , ,

فكرة الكولا حلوة خخخ بس مااحبه

صار ... بدرهم و ربع ههه

اليوم راعي الدكان يقولي درهم و ربع ههه من وين اطلع له الربع يعني ..؟؟!!

الله كريم .. احسن لو يخلونه بدرهمين علشان صدق نقاطعه و نحول على شي ثاني لووول

العتيبي

خيييييييييييييييييييييييييييبة

اقتباس:

---

المشاركة الأصلية كتبت بواسطة العتيبي

صار ... بدرهم و ربع ههه

اليوم راعي الدكان يقولي درهم و ربع ههه من وين اطلع له الربع يعني ..؟؟!!

الله كريم .. احسن لو يخلونه بدرهمين علشان صدق نقاطعه و نحول على شي ثاني لووول

العتيبي

---

هاي المشكلة ,. ,

بعدين بينترس الجيب كله ربوعات خخخ

اقتباس:

---

المشاركة الأصلية كتبت بواسطة ماجد

هاي المشكلة ,. ,

بعدين بينترس الجيب كله ربوعات خخخ

---

عيبتني كلمة ربوعات ههه >> ربــوع

انا مقاطع البيبسى
بس مستحيل اقاطع كابريسن فروله ..×× البديل فريز رمـــان ..~ :brows:
وعقبال ما يرفعون سعر السجاير لـ الباكيت 20 >> عشان محد يدوخ

شكرا ع الخبر