تدشين الاذان الموحد لبعض مساجد الرمس (مقطع فيديو)

استكمالاً لمشروع الاذان الموحد
تدشين الاذان الموحد لبعض مساجد الرمس

بدأ مكتب الهيئة العامة للشؤون الاسلامية والاوقاف بامارة راس الخيمة مرحلة ضم مساجد منطقة الرمس ضمن مراحل الرابط الشامل للأذان الموحد لمساجد امارة راس الخيمة والبالغ عددها 825 مسجد.

الجدير بالذكر أن المكتب يقوم يومياً بتركيب 30 مسجد في مختلف مناطق الإمارة لحين الانتهاء من المشروع كاملاً خلال شهرين.

http://www.youtube.com/watch?v=divzbRaMxwY

اعتذر لعدم وضوح الفيديو

زين مشاءالله

بس مادري احس القبلي احسن
يمكن لان اذا ما سمعت الاذان الاول تسمع الثاني

تسلم قايد ع الخبر

حتى مسيدنا...!!:sm115:

والله المستعاان..

ماشاء الله
بس تبون الصراحة حلو الأذان الموحد تحس عمرك في الحرم
كل المسايد أتأذن بصوت واحد وبوقت واحد

اول مسجد اذن الاذان الموحد مسجد بن حارب الذي يقع بقرب مسجد الوزارة
وبدء الاذان من اوله في مسجد بن حارب
وفي منتصف الاذان تم الانتهاء من تركيب مسجل الاذان وتم تشجغيله

فكرة الاذان الموحد مطبقه في بوظبي من سنه
والفكره ابداً مب شيء
الصراحه يوم تسمعين الاذان من أكثر من مسيد
احسن بوايد
الحين صار الاذان في بوظبي مب مسموع لا والاقامه ممنوعه يعني ما فيه اقامه
الله المستعان
اتمنى بس ها الشيء ما يصير في الرمس بعد

حتى اناا مااييد هالفكره :(

الله المستعان

مشكوووور ياقايد الغزلان على الخبر
يعطيك العافيه

السلام عليكم ورحمة الله وبركاتة


كل الشكر لك اخوي قايد الغزلان لهتمامك بمواضيع نشهدها بحياتنا اليومية


كل فكرة بالعالم لها سلبياتها ولها ايجابياتها


ولا اريد ان اخوض ب ها كذا موضوع


كل التوفيق لهيئة الاوقاف والشؤون الاسلامية في الدولة


اللهم وفقهم لما فيه صلاح للأسلام والمسلمين


اللهم ارزقنا الجنة وما قرب اليها من قول وعمل


سري للغاية

الفكرة مب حلوه والصراحه فبوظبي هالشئ مطبق بس الاقامه ممنوعه اتمنى ان هالامور ما تستوي عدنا في الرمس ...

كل الشكر لك يأخ قايد الغزلان على هالمجهود ....

السلام عليكم ورحمة الله وبركاته ..


كل مشروع له إيجابيات وآخرى سلبيات هيه صح فكرة ما تعيب البعض ولكن في ناس تعيبهم الفكره , فلا ناخذ طرف ضد طرف , بس بصراحه مشروع جميل وخاصه في رمضان يعني مسيد يأذن قبل مسيد فتحدث مشاكل أما يوم يكون إذان موحد فما اتحاتي لأنهم كلهم مرة وحده لا يوجد اختلاف ..

هذا رايي .

فعلا الأذان الموحد يذكرني بالحرم

تسلم يا قايد على الموضوع

هو شي حلووو
انه يكون موحد

بس احسه غيير

يعني شرات ماقالت اختي (ليش انا )
لو ماسمعت الاول

بتسمع الثاني


تسلم يالغالي ع الخبر

[align=center]
تسلم اخويه الصغير قايد على الموضوع الجيد انا شخصيا ماعندي علم بس بفضلك عرفت انه بعض مساجد الرمس صار فيها اذان موحد

شكرا قايد مره اخرى

وصلني سؤالك عني وانا موجود بس مشغول حبيتين :)
[/align]

فكرة الاذان الموحد مطبقه في بوظبي من سنه
والفكره ابداً مب شيء
الصراحه يوم تسمعين الاذان من أكثر من مسيد
احسن بوايد
الحين صار الاذان في بوظبي مب مسموع لا والاقامه ممنوعه يعني ما فيه اقامه
الله المستعان
اتمنى بس ها الشيء ما يصير في الرمس بعد

اولا اشكركم جميعا ع المرور ...

ولكن عندي ملاحظه بالنسبه لميكروفونات الاذان الموحد

قبل الاذان بفتره قصيره نسمع بعض الاصوات
ثانيا الاذان يوصلنا متقطع
يعني نص الاذان مانسمعه والصوت مب واضح

اتمنى من مكتب الهيئة العامة للشؤون الاسلامية والاوقاف بامارة راس الخيمة ان يجدو حل لها المشكله

خصوصا انه الاذان مانسمعه كامل احيانا وخاصة في صلاة المغرب والفجر لاحظت اكثر من مره
يعني ماعرف ان كان السبب من الرسيفر الرئيسي او الخلل من ميكروفونات المساجد المستقبله للاذان



واتمنى ندائي يوصل
وشكرااا

عاد كله ولا الأذان

قالوا موحد .. قلنا ما عليه

بس ما نسمع الأذان هذا هو مالا نرضاه

الفكرة بالمرة حلوو والصوت ماشاء الله عالي >> يقوم الواحد من رقاده
بس مشكلة هوو تكرر الصوت ما ينسمع عدل يعني لو يعدلون ميكروفونات
والسموحة

يه ركبووهآ عندنآ بس مثل مآ قآل قآيد تقطع .. ونااآ اتغصص منهآ الشي ..

مآ حبيت الفكره بالأسآس حلآته يوم الوآحد يآذن ويقيم .. حليله يدي كآن يآذن بالمسيد ..

الحينه مسجلآت الله يرحم أيآم قبل الوآحد ينش من الفجر عسبت يآذن ..


تسلم خيو ع التغطيه وإن شآء الله يسمعوون الندآء ويعدلون هالعطل الصرآحه مسوي لنآ أزمه ..

><!!